Wednesday, 27 July 2016

एमाले विभाजनतीर ! माधव नेपालद्धारा एमाले पार्टी फुटाउने तयारी

काठमाडौं  । नेकपा एमालेका नेता माधवकुमार नेपालले गत आइतबार पार्टीका महासचिव ईश्वर पोखरेललाई टेलिफोन गरी एमाले फुटाइदिने धम्की दिएको समाचार प्राप्त भएको छ । युवाहरुलाई उद्यमी व्यवसायी बन्न सहयोग पुर्याउने उद्देश्यले सरकारद्वारा गठित युवा परिषद्को करिब साठी जिल्लामा प्रधानमन्त्री खड्ग ओलीका समर्थकको चयन भएपछि माधव नेपाल क्रूद्ध भएका छन् ।

 आफ्नो गृहजिल्ला रौतहटको जिल्ला परिषद् प्रमुखमा आफ्नो सबैभन्दा विरोधी भनेर चिनिएको व्यक्तिलाई नियुक्त गरिएपछि नेता नेपालले क्रोध थाम्न सकेनन् र महासचिव पोखरेललाई टेलिफोन गरे । रौतहटको युवा परिषद् प्रमुख बनाउँदा आफूसँग छलफल नगरेको र सामान्य सोधनीसम्म नराखेको भन्दै नेता नेपालले महासचिव पोखरेलसँग आफ्नो असन्तोष जाहेर गरेका थिए । क्रोधित नेपालले पोखरेललाई ‘के मलाई पार्टी विभाजन गर्न बाध्य तुल्याउन खोजेको हो’ भनी प्रश्न गर्दा पोखरेलले ‘आजै, तुरुन्त पार्टी फुटाउनुभए हुन्छ, सक्नुहुन्छ’ भनी जवाफ फर्काएको बुझिएको छ । 

माधव नेपाल आफ्नो आकारभन्दा बढी चर्किएर प्रस्तुत भएपछि पोखरेलले त्यसरी जवाफ फर्काउनुपरेको बताइन्छ । घटना र विचार साप्ताहिकमा न्युज छ ।
Read more ...

Tuesday, 26 July 2016

जवानीका यी ५ गल्ती, जसले तपाईंलाई जीवनभर गरीब बनाइदिनसक्छ

काठमाण्डौ । भनिन्छ कि जवानीमा प्राय कुनै न कुनै भूल भइदिन्छ । धेरैजसो मानिस युवा अवस्थामा गल्तीहरु गर्छन् । यस्ता गल्तीहरु त्यही समयमा त निकै साना लाग्छन् र प्राय ती गल्तीहरुलाई नजरअन्दाज समेत गरिन्छ । तर उमेर बितेसँगै महसुस हुन्छ कि जवानीका ती साना साना गल्तीहरु हाम्रो जेबका लागि कति धेरै भारि परिदिन्छ भन्ने कुरा । यस्ता गल्तीहरुले उमेर बित्दै गएपछि हामी निकै हेरानीमा पनि पर्ने गर्छौ, तर त्यसबेला सबै कुरा आफ्नो नियन्त्रण बाहिर गइसकेको हुन्छ । हामी यस्ता ५ वटा गल्तीहरुको बिषयमा बताउन गइरहेका छौ, जसले तपाईंको उमेर बित्दै गएपछि आफ्नै लागि गलपासो भइदिन्छ । यसको अर्थ, यदि तपाई जवानीमा यी गल्तीबाट बच्नुभयो भने उमेर ढल्किएपछि पछुताउनुपर्ने छैन । 

गल्ती नम्बर १
क्रेडिट कार्डको भुक्तानीमा लापरबाह
प्रमिस अधिकारीको उमेर २५ वर्षको थियो । उनको बैंकले उनको क्रेडिट कार्ड बनाएको थियो । सुरुवातका दिनहरुमा त उनले क्रेडिट कार्डबाट खरिदारीसँगै समयमै भुक्तानी समेत गरे । एक महिना उनले क्रेडिट कार्डको किस्ता बुझाएनन् । त्यसपछि जब एक महिनापछि बिल आयो, तब उनको होस उड्यो । कारण ब्याज र जरीवाना दुवै जोडिएर बिल आएको थियो । त्यसपछि उनले ब्याज र जरीवाना नतिर्ने अड्डी लिए र कयौ महिनासम्म यसैगरी बिताइदिए । केही वर्षसम्म त उनलाई थप पैसाको आवश्यकता परेन र यत्तिकै टार्न सफल पनि भए । तर उमेर बित्दै गएपछि उनलाई होम लोन आवश्यक पर्यो, तर क्रेडिट स्कोरमा उनी ब्ल्याकलिस्टेड थिए, उनले घर कर्जा पाउन सकेनन् । यति मात्र होइन, अन्य कुनै पनि बैंकले उनको नाममा क्रेडिट कार्ड बनाउन मानेनन् । नेपालमा क्रेडिट कार्ड प्रयोगको चलन बढिरहेको बेला उनी चाहि ठण्डाराम बन्नुपर्यो । 

गल्ती नम्बर २
बिमाको किस्ता समयमै नतिर्ने बानी
कतिपय मानिस बिमाको किस्ता समेत समयमै तिर्दैनन् । जसकारण कारण पछि यो निकै महंगो पर्न जान्छ । पछिल्लो केही वर्षमा बिमाको किस्ता समयमा नबुझाउनेहरुको संख्या बढ्दै गएको छ । अझ टर्म इन्स्योरेन्समा यो समस्या बढी देखिएको छ । यो यस्तो जीवन बिमा हो, जसको किस्ता कम हुन्छ, तर रिटर्न निकै पछि मात्र मिल्छ । जति उमेर ढल्कदै गयो, त्यति नै बिमाको किस्ता बढी बुझाउनुपर्ने हुन्छ । अझ उमेर ढल्किएसँगै बिमाको किस्ता बढी दिनुपर्ने हुन्छ र केही वर्ष ढिलो गरे साबिकको भन्दा दुई गुणासम्म बढी भुक्तानी गर्नुपर्ने हुन्छ । यो गल्तीका कारण तपाईंको उमेर ढल्किएपछि आर्थिक भार बढी थेग्नुपर्ने हुन्छ । 

गल्ती नम्बर ३
एजुकेसन लोनमा डिफल्टर 
युवा अवस्थामा तपाईं आफ्नो शिक्षाका लागि ऋण लिनुहुन्छ, तर त्यसको इएमआई समयमा बुझाउन पाउनुहुन्न । कारण शिक्षाको क्रममा तपाईंको ठेगाना एउटा हुनसक्छ, जागिरपछि चाहि त्यो ठेगाना अर्को हुनसक्छ । यो समस्याबाट बैंक तपाईंसँग कम्युनिकेसनमा रहन पाउदैन, यसले तपाई लापरबाह बन्नुहुन्छ र इएमआई समयमै बुझाउनबाट जोगिन खोज्नुहुन्छ । तर जब केही समयपछि तपाईंलाई घरकर्जा, गाडी कर्जा वा व्यक्तिगत कर्जाको आवश्यकता पर्छ, तब मात्र तपाईंलाई थाहा हुन्छ कि शिक्षा कर्जामा तपाईं डिफल्टर भएका कारण त्यसले तपाईको प्रतिष्ठा खराब भइसकेको हुन्छ । यही भूलका कारण उमेर बितेपछि तपाईंले आफ्नो आवश्यकता पूरा गर्न पाउनुहुन्न । 

गल्ती नम्बर ४
बचत नगर्ने बानी
शिक्षा पूरा भएपछि जब तपाईंले जागिर पाउनुहुन्छ, तब तलब आउन थालेपछि तपाईंको खर्च बढ्छ । तपाईं फजुल खर्च पनि गर्न थाल्नुहुन्छ र बचततर्फ कुनै ध्यान नै दिनुहुन्न । तर पछि जब तपाईंको विवाह हुन्छ, बालबच्चा हुन्छन्, तब तपाईंको खर्च अझ बढ्नेछ । त्यसबेला तपाईंका लागि बचत गर्नु निकै मुश्किल पर्छ । यो समस्याले तपाईंलाई निकै पिरोल्न सक्छ । बच्चाको पढाई र अन्य आवश्यकता पूरा गर्नका लागि विवाहपछि तपाईलाई पैसाको निकै ठूलो आवश्यकता पर्छ । तर समयमै बचत नगर्ने गल्तीका कारण तपाईंका सामु ऋण लिनुको अर्को कुनै विकल्प बाँकी  रहनेछैन । 

गल्ती नम्बर ५
उमेर बितेपछि घरको खरीदारी
यदि तपाई घर बनाउन वा खरीद गर्न चाहनुहुन्छ भने सकेसम्म युवा अवस्थामै यो काम गर्नुहोस् । युवा अवस्थामा सानै मात्र किन नहोस्, घर लिनुभयो भने उमेर धेरै भएपछि  त्यो सानो घर बेचेर त्यसको पैसा डाउन पेमेन्टको रुपमा प्रयोग गरी ठूलो घर लिनका लागि कर्जा लिनसक्नुहुन्छ । जति कम उमेर भयो, त्यसबेला होम लोन लिनु फाइदा हुन्छ । जस्तो तपाईंको उमेर ३० वर्ष छ भने तपाईले किस्तामा होम लोन तिर्ने अवधि ३० वर्षसम्म पाउन सक्नुहुन्छ । तर ४० वर्षको उमेरमा होम लोन लिनुभयो भने २० वर्ष मात्र किस्ता तिर्ने समय पाउनुहुन्छ । समय जति धेरै पाउनुभयो, तपाईंले बुझाउनुपर्ने इएमआईसमेत कम हुन जान्छ । थोरै रकम किस्ताबापत बुझाउनुपर्दा तपाईले लिएको ऋण तिरेको पत्तै हुँदैन । त्यसकारण पछि मात्रै घर बनाउछु भन्ने भूल नगर्नुहोस् । जति उमेर बढी भयो तपाईंको इएमआई बढी दिन्छ । दैनिक जीवनका अन्य आवश्यकता पूरा गर्नुपर्ने बाध्यता समेत परेकोले ठूलो राशिको इएमआई तपाईंका लागि घाडो बनिदिन सक्छ । 

Read more ...

भारतले यसरी छानिदिदै छ मन्त्रीहरु, प्रधानमन्त्री देखि मन्त्री सम्मको टुङ्गो दक्षिणबाटै


काठमाण्डौ । केपी ओली नेतृत्वको सरकारलाई हटाएर नयाँ सरकार बनाउन लागेका मध्ये तीन जनाको नाम मन्त्रीका रुपमा प्याकेजमै सहमति भएको थाहा भएको छ । स्रोतका अनुसार पुष्पकमल दाहाललाई प्रधानमन्त्री बनाउने सहमतिसँगै ती तीनजनालाई मन्त्री बनाउने सहमति भएको छ ।

स्रोतकाअनुसार पुष्पकमल दाहाल प्रधानमन्त्री निर्वाचित हुनासाथ पहिलो चरणमा माओवादीबाट एक र नेपाली कांग्रेसबाट दुइले सपथ लिनेछन् । यसपटक कांग्रेसबाट विमलेन्द्र निधिले नेतृत्व गर्नेछन् । कांग्रेसभित्र खुला रुपमा भारतको पक्षपोषण गर्ने निधिले गृह मन्त्रालय पाउनेछन् ।

माओवादीका तर्फबाट एमालेसँगको समिकरण भत्काएर कांग्रेससँगको समिकरण बनाउन निर्णायक भूमिका निर्वाह गरेका कृष्णबहादुर महरालाई अर्थमन्त्री बनाउने सहमति पनि सोही प्याकेजमा भएको छ ।

भारतले रुचि राख्ने गरेको अर्को मन्त्रालय परराष्ट्रमा पनि आफूनिकट व्यक्तिलाई ल्याउन तय भइसकेको स्रोतले बतायो । कांग्रेसभित्र सत्ता समीकरणका विपक्षमा रहेका रामचन्द्र पौडेललाई पनि अप्ठेरोमा पार्ने गरी उनीनिकट रहेका डा। शेखर कोइरालालाई परराष्ट्रमन्त्री बनाएपछि दोहोरो फाइदा हुने विश्लेषण दक्षिणको छ बुधबारमा खबर छ ।
कोइराला परिवारको उत्तराधिकारीको रुपमा महामन्त्री सशाांङ्क काइरालालाई अघि सारिए पनि विश्लेषण र सम्पर्कमा शेखर अगाडी छन । लामो समय देखी दक्षिण निकट रहेका कृष्ण प्रसाद सिटौला संगै उनी शान्ति प्रकृयामा सम्लग्नछन् ।

श्रोतले भन्यो महत्वपूर्ण मन्त्रालयमा मन्त्री तय भएको छ । बाँकी तयहीका नेता बसेर टुङ्ग्याउँछन । 

Read more ...

कोशी ब्यारेजमा नयाँ खुलासाः भारतले भन्यो-माओवादीबाट खतरा छ

काठमाडौं । कोशी ब्यारेजको सुरक्षामा मुस्लिम आतंकवादीहरुका साथै नेपालका माओवादी नेताहरुबाटै खतरा रहेको भारतीय गोप्य सूचना फेला परेको छ ।
बिहार राज्यको सुपौल जिल्लाले वीरपुरको कोसी जलविद्युत परियोजनालाई लेखेको गोप्य पत्रमा नेपालका माओवादीबाट कोसी बराज असुरक्षित रहेको उल्लेख गरिएको छ ।
उक्त भारतीय सर्कुलरमा मुस्लिम आतंकवादीसँगै नेपालका माओवादीलाई समेत एकै ठाउँमा मुछिएको छ । ‘गोपनीय शाखा’बाट प्रेसित पत्रमा नेपाल पुलिसको क्रियाकलापको समेत निगरानी गर्न भनिएको छ ।
सुपौल जिल्लाले वीरपुरलाई लेखेको गोप्य पत्रमा मुस्लिम आतंकवादी संगठन र नेपालका माओवादीको समेत नाम लिँदै भनिएको छ- ‘यस्तो सूचना प्राप्त भएको छ कि इस्लामिक संगठन लस्कर ए तोएवा, जैश ए मोहम्मद, तथा पाक मूलको मुजाहिद्दीनद्वारा महत्वपूर्ण प्रतिष्ठानलाई लक्षित गरने योजना बनाएका छन् । छिमेकी देश नेपालमा राजनीतिक अस्थिरता एवं नेपाली माओवादी नेताहरुद्वारा भारतविरोधी गतिविधिलाई मध्यनजर प्रमुख प्रतिष्ठानको सुरक्षालाई हेरेर प्रशासनिक सतर्कतामूलक एवं सुरक्षात्मक कारवाही आवश्यक छ ।’
भारतीय गोप्य सर्कुलरको दोस्रो बुँदामा नेपालको प्रहरीको कामकारवाहीलाई समेत निगरानी गर्न भन्दै यस्तो लेखिएको छ -‘कोशी बराजको सुरक्षामा प्रतिनियुक्त नेपाल पुलिसको कार्यकलापमा सम्बन्धमा पनि समय-समयमा निरीक्षण गरी प्रतिवेदन उपलब्ध गराउनू ।’
माछा मार्न नदिनू, गाडीमा चेकिङ गर्नु
सुनसरी र सप्तरी जिल्ला प्रशासनले यतिबेला कोशीको पुलमा सवारी साधनमाथि गरिरहेको चेकिङ भारतको निर्देशन अनुसार गरिएको खुलासा भएको छ । गोप्य सर्कुलरको चौथो बुँदामा भनिएको छ- बराज क्षेत्रमा फिसिङको प्राथमिकताको आधारमाथि प्रतिबन्धित गर्ने एवं बराजको माथिबाट गुज्रने बहानहरुको पूर्ण जाँचका लागि मुख्य जिल्ला अधिकारी, सप्तरी एवं पुलिस अधीक्षक सप्तरीलाई अनुरोध गरिएको छ ।’
भारतको यस्तो पत्र हेर्दा उसले कोशी ब्यारेजमा सुरक्षाको समस्या देखाएर त्यहाँ माछा मार्ने काममाथि रोक लगाउने र नेपालका माओवादीलाई मुस्लिम आतंकवादीसँग जोडेर हेर्न खोजेको स्पष्ट भएको छ ।
नेपालका प्रजिअलाई ठाडो निर्देशन
कोशी ब्यारेज सुरक्षाको समस्या भए भारतीय दूताबास मार्फत पराराष्ट्र मनत्रालयलाई जानकारी गराइनुपर्नेमा बिहारको स्थानीय प्रशासनले सप्तरी र सुनसरी जिल्ला प्रशासनलाई ठाडो निर्देशन दिएको छ ।
वीरपुरले सप्तरी जिल्ला प्रशासनलाई सर्कलर गर्दै कोशीमा माछा मार्ने कार्यमा प्रतिबन्ध लगाउन र सवारी साधनमाथि चेकजाँच गर्न भनेको छ । भारतीय निर्देशनमा भनिएको छ- ‘यसका लागि थानालाई निर्देशित गर्नू ता कि सुरक्षा व्यवस्थामा चूक नहोस् ।’
भारतले सुनसरी र सप्तरी जिल्ला प्रशानलाई लेखेको पत्रमा नेपालका माओवादीको ‘थ्रेट’ उल्लेख गरिएको छैन । सुपौलले वीरपुरलाई लेखेको पत्रमा उल्लेखित माओवादी नेताहरुको प्रशंगलाई झिकेर तीनवटा मुस्लिम आतंकवादीको मात्रै नाम उल्लेख गरिएको छ ।
नेपाल सरकारको चासो
भारतले नेपालका माओवादीलाई समेत आतंकवादी संगठनकै सूचीमा राखेर कोशी ब्यारेजमा सुरक्षाको खतरा औंल्याएपछि यसबारे सिंहदबारमा हल्लीखल्ली मच्चिएको छ ।
भारतबाट आएको सर्कुलर जिल्ला प्रशासन कार्यालयले गृहमन्त्री भीम रावलसमक्ष पठाइसकेको र यसबारे प्रधानमन्त्री कारर्यालयले समेत गम्भीर चासो राखेको स्रोतले बतायो ।
Read more ...

बलिउड होस् या नेपालमा, चलेनन् नायिका नाङ्गीएका चलचित्र

यो बर्ष नेपाली चलचित्रको बजार खासै सुखद बनिरहेको छैन । हुनत, बर्षको पहिलो ३ महिनालाई नै हेरेर यो अड्कल काटिहाल्न नमिल्ला । तर, ३ महिनाको अन्तरमा हेर्ने हो भने अधिकांश चलचित्र असफल भएका छन् ।
अझ, रोचक कुरा के छ भने नायिकाको शरीर देखाएर निर्माण भएका नेपाली चलचित्र पूर्ण रुपमा असफल भए । बलिउडमा पनि एडल्ट कमेडी चलचित्रको बजार यो बर्ष ध्वस्त देखिएको छ ।
अर्चना पनेरुलाई चलचित्रमा लिएर गोजीमा पैसा भरौला भनेर सोचेका निर्माता रित्तो हातमा परेका छन् । चलचित्रमा एकाएक अर्चनालाई राखेर केही दृश्य सुटिङ गरिएको चलचित्र ‘छेस्को’ होस् या राजु गिरीको ‘जिस्म’, दुबै चलचित्र चलेनन् ।
राजुको ‘जिस्म’ले पूर्ण असफलता व्यहोरेपछि अर्चना अहिले चलचित्र क्षेत्रबाट नै हराएकी छिन् । उनको स्क्यान्डल र विवादस्पद बयानले पनि हावा खायो । हुनत, नायिका नङ्ग्याएर चलचित्र चल्छ भन्ने सोच केही निर्मातामा नआएको होइन । तर, दर्शकले यस्ता चलचित्रलाई पूर्ण रुपमा बहिष्कार गरिदिएपछि अहिले चलचित्र मेकिङ फेरिएको छ ।
बलिउडमा एडल्ट कमेडी चलचित्र चलेनन् । केही दिन अगाडि रिलिज भएको चलचित्र ‘ग्रेट ग्रान्ड मस्ती’ पूर्ण असफल हुनुको एउटा कारण यही नै हो । यो चलचित्रमा नायिका उर्वशीले आफ्नो जवानी नदेखाएकी होइनन् ।
चलचित्रका संवादमा दोहोरो अर्थ लाग्ने शब्द प्रयोग नगरिएको होइन । तर, चलचित्र चलेन । अर्की, हट नायिका सन्नी लियोनीका चलचित्र पनि हावा खाए । सन्नीका मस्तीज्यादे, वन नाइट स्ट्याण्ड’ जस्ता चलचित्र असफल भए । ‘क्या कूल हे हम, जस्तो एडल्ट कमेडीले पनि कुनै जादु छरेन । बलिउडमा नाङ्गीएरै चर्चामा रहेकी सन्नी लियोनीको अस्तित्व पनि खतरामा परेको छ ।
यो बर्ष बलिउडमा एक्सन, स्टारडम, राष्ट्रियता र गीतसंगीत हिट भएका चलचित्र चलिरहेका छन् । एडल्ट कमेडी चलचित्र असफल भएको देखिएको छ । नेपाल र बलिउडमा अब कथावस्तु र मेकिङ राम्रा भएका चलचित्र चल्न थालेका छन् । नेपालमा ‘कालो पोथी’ चल्नु, बलिउडमा ‘एयरलिफ्ट, निरजा’ जस्ता चलचित्र यसैको उदाहरण हो ।
Read more ...

नेपालमा भारतको यस्तो दादागिरी, गुठीको जग्गामा समेत भारतीयलेनै अवैध कब्जा जमाएको रहस्य सार्वजनिक

जनकपुरधाम । गुठी संस्थान अधिनस्त जग्गाहरु अवैध रुपमा बेचबिखन भइरहेको आरोप लागि रहेको बेला गुठीको जग्गामा एक भारतीय नागरिकले अवैध कब्जा जमाएको रहस्य सार्वजनिक भएको छ । गुठी संस्थान अधिनस्त स्थानीय गिरनारी कुट्टीको जग्गामा एकजना भारतीय नागरिकले वर्षौदेखि कब्जा जमाएर बसेको रहस्य सार्वजनिक भएको हो ।

जनकपुर उपमहानगरपालिका वाडा नम्बर ६ स्थित गिरनारी कुट्टीके जग्गा भारतीय नागरिक पशुपति चैतन्य ब्रम्हचारीले अवैध रुपमा कब्जा जमाएको जनाइएको छ । पशुपतिसँग भारत र नेपाल दुबै मुलुकको नागरिकता रहेको आरोप लगाइएको छ । उनले दोहरो नागरिकता लिएर गुठीको जग्गा अवैध रुपमा कब्जा गरेको भन्दै उनी विरुद्ध जिल्ला प्रशासन कार्यालय धनुषामा उजुरी समेत परेको छ ।

ब्रम्हचारी विरुद्ध दर्ता गराइएको उजुरीमा उनी भारत बिहार राज्य मुजफ्फरपुरको वासिन्दा रहेको दावी गरिएको छ । स्थायीवासी भारतको बिहारको रहेका उनी जनकपुर– ६ बाट समेत नागरिकता लिएर यहाँ बस्दै आएको उजुरीमा दावी गरिएको छ । दोहरो नागरिकता लिएका उनले गुठीको जग्गामा अवैध रुपले कब्जा गरेको उजुरीकर्ता स्थानीय राकेश विक्रम साहको भनाई छ ।



साथै पशुपतिका छोरा चंदन चैतन्य ब्रम्हचारीले समेत जिल्ला प्रशासन कार्यालय धनुषाबाट नागरिकता लिएको उजुरीमा उल्लेख छ । २०६६ कार्तिक ९ गते जिल्ला प्रशासन कार्यालय धनुषाबाट चन्दनले प्राप्त गरेको नागरिकता नम्बर १७११०२१८०३ रहेको जनाइएको छ । नेपाली नागरिकता समेत प्राप्त गरेका चन्दनले भारतको मुजफ्फरपुरबाट समेत सवारी अनुमति पत्र बनाएको उजुरीकर्ताको दावी छ ।

भारतबाट लिएको सवारी अनुमति पत्रको सवारी दर्ता किताबमा उनले आफ्नो ठेगाना भारतको मुजफ्फरपुर उल्लेख गरेको जनाइएको छ । नेपाली नागरिकता सम्बन्धी ऐन विपरित उनीहरुले दुई देशको नागरिकता प्राप्त गरी अवैध रुपमा गुठीको जमीन कब्जा गरेको उजुरीमा भनिएको छ ।

दोहरो नागरिकता बोकेका उनीहरुले धार्मिक महत्व बोकेको स्थानीय गिरनारी कुट्टीको जग्गा अवैध तरिकाले कब्जा गरेको स्थानीयहरुको भनाई छ । गुठीको जमीनमा अवैध रुपमा कब्जा गरेको भन्दै गत दुई वर्ष पूर्व वृहत्तर जनकपुर क्षेत्र विकास परिषदले निर्माण गरिएका संरचनाहरु भत्काए पनि अहिले उनीहरुल ठोलो महल निर्माण गरेको स्थानीयहरुको आरोप छ ।

वृहत्तरले उक्त कुट्टीको छेउमा रहेको पोखरीको डिलमा निर्माण गरिएका अतिक्रमित संरचना भत्काएको थियो । वृहत्तरले अतिक्रमित जग्गा खाली गराए पनि आफ्नो पहुँच र शक्तिको बलमा उनीहरुले पुनः भौतिक संरचना निर्माण गरेको स्थानीयहरुको आरोप छ ।

Read more ...

Monday, 25 July 2016

१८ बर्ष पुरानो हरीण हत्याको केशबाट सलमानले पाए राहत ,दुबै निर्णय सलमानको पक्षमा

कालो हरीण हत्याको केशबाट सलमानले सोमबार ठुलै राहतको महशुस गर्न पाएका छन ।भारतको राजस्थानको हाइकोर्टले सलमान खानलाई १८ बर्ष पुरानो केश बाट छुटकारा दिएको छ ।

हाइकोर्टले हरीण शिकार केशको सम्बन्धमा दुइ अलग अलग स्थानको हरीणको केशको निर्णय सुनाएको थियो दुबै निर्णय सलमानको पक्षमा भएका छन ।स्थानिय अदालतले पाँच बर्षको सजायको निर्णय गरेपछि उक्त निर्णय बिरुद्ध सलमानले हाइकोर्टमा मुद्धा दर्ता गराएका थिए ।

हाइकोर्टमा मे को अन्तीम साता सम्ममा बहसको प्रकृया सकीएको भएपनि न्यायाधिसले निर्णय सुनाएका थिएनन।स्थानिय अदालतले करीब पाँच बर्षको सजाय सुनाए पछि बलिउड स्टार सलमान तनाबमा रहेका थिए ।
Read more ...

झापामा बाढीले वित्तण्डा मच्चायो , नेताहरु कुर्सीको खेलमा जनता भने पानीको भेलमा

झापा । अविरल वर्षापछि आएको बाढीका कारण झापामा दुई जनाको मृत्यु, एक बेपत्ता र ९०० घरपरिवार विस्थापित भएका छन् । नेपाल रेडक्रस सोसाइटी झापाका अनुसार गोलधाप–८ निवासी ६४ वर्षीय कालीबहादुर लिम्बू र गौरादह–५ निवासी ३६ वर्षीय टेकेन्द्र खड्काको मृत्यु भएको छ भने कुमरखोद–४ स्थायी बसोबास गर्दै आएका भारत घर भएका १८ वर्षीय कालु भनिने बाबुलाल मर्डीलाई माई खोलाले बगाएर बेपत्ता बनाएको छ । 

झापामा आज भने केही मात्रामा वर्षा रोकिएको छ । मैनाचुलीमा रहेको कनकाई जलमापन केन्द्रका अनुसार पछिल्लो २४ घन्टामा ९७.४० मिलिमिटर वर्षा मापन भएको छ । वर्षापछि आएको बाढीले विस्थापित हुनेहरुको विवरण सङ्कलन गर्ने काम भइरहेको नेपाल रेडक्रस सोसाइटी झापाका सभापति लोकराज ढकालले जानकारी दिनुभयो । 

बाढीबाट हजारौँ मानिस प्रभावित भएको जनाइएको छ । विस्थापित भएकालाई राहत वितरण कार्य भइरहेको झापाका प्रमुख जिल्ला अधिकारी मदन भुजेलले बताउनुभएको छ । 

झापाका मेची, निन्दा, विरिङ, कनकाई, रतुवालगायतका नदीमा पानीको सतह बढेपछि धेरै घरपरिवार विस्थापित भएका हुन् । बाढीका कारण के कति आर्थिक क्षति भयो सोको विवरण आउन नसकेको प्रमुख जिल्ला अधिकारी भुजेलले बताउनुभयो । यहाँ सबैभन्दा बढी ९७.४० मिलिमिटर वर्षा भएको कनकाई वर्षा मापन केन्द्रबाट जानकारी प्राप्त भएको छ ।



Read more ...

धोति लगाएरै बाबा रामदेवले फुटबल खेले पछि

नयाँदिल्ली । योग गुरु बाबा रामदेवले फुटबल खेल्ने रहर पुरा गरेका छन् । उनले च्यारिटी फुटबल म्याचका लागि दिल्लीमा रहेको ज्वाहरलाल नेरु स्टेडिएममा फुटबल खेलेका छन् ।

घोति लगाएर नै फुटबल खेल्न बाबा रामदेव मैदानमा उत्रिएका थिए । उक्त खेलमा सांसद तथा बलिउड स्टारहरुको सहभागिता रहेको थियो ।

मोदी सरकारले ल्याएको ‘स्वच्छ भारत मिसन’ र ‘बेटी बचाओ’ अभियानका लागि उनी यस क्याम्पिनमा सहभागि भएका थिए । योग गुरु बाबा रामदेवका सञ्चार अधिकृत सान्तनु गुप्ताले भनेका छन्, ‘बाबा रामदेव एक स्वस्थ्य व्यक्तित्व तथा फुटबलले स्वस्थ रहन मदत गर्ने हुँदा यसको प्रोमोट गर्नका लागि रामदेव तयार हुनु भएको हो । राम्रो कामका लागि प्रचार गर्न उहाँ ब्राण्ड एम्वेसडर हुन राजी हुनु भएको हो ।’

उक्त च्यारिटी म्याचमा अभिशेक बच्चन, रनवीर कपुर, अर्जुन कपुर, डिनो मोरियो, सिद्धार्थ मलोहत्रा जस्ता बलिउड स्टारहरु अल स्टा फुटबल क्लबबाट फुटबल खेलेका थिए ।

त्यस्तै सांसदहरुमा बाबुल सुप्रियो, पुर्व फुटबल कप्तान प्रसुन बेनर्जी समेत टिममा सहभागी रहेका थिए । बिजेपीका एम्पी मनोज तिवारी, प्रवेश बर्मा, कमलेश पाशवन, सतिश गौतम, भोला सिंह, दुस्यन्त चौटला तथा तेलुगु देशम पार्टीका राम मोहन नाइडुको सहभागिता रहेको थियो ।

रामदेवले पैसा भने दान गरेनन् । तर, उनको पतञ्जली योग पीठले खेलाडीहरुलाई खानेपानी तथा स्न्याक्सको व्यवस्था गरेको थियो ।

Read more ...

विदेशबाट १ अर्ब ८० करोडको मदिरा आयात, बेलायतदेखि क्युवासम्मका मदिरा खान्छन् नेपाली

काठमाडौं । गत वर्ष पौंने दुर्इ अर्ब रुपैयाँ बराबरको विदेशी मदिरा नेपाल भित्रिएको छ ।  भन्सार विभागका अनुसार गत वर्ष १ अर्ब ८० करोड ७३ लाख रुपैया बराबरको विदेशी मदिरा नेपाल भित्रिएको छ । स्वदेशमै राम्रा र गुणस्तरीय मदिरा उत्पादन भएपनि विदेशी मदिराको पारखी नघटेको विभागको तथ्यांकले देखाउँछ ।विदेशबाट १ करोड २३ लाख लिटर बराबरको विदेशी मदिरा मुलुक भित्रिएको छ ।

विभागका अनुसार मदिरा बनाउन आवश्यक पर्ने कच्चा पदार्थ मात्रै ३९ करोड २७ लाख रुपैयाँ बराबरको मुलुकमा भित्रिएको छ ।  कच्चा पदार्थ र मदिरा गरेर विदेशबाट २ अर्ब २० करोड रुपैयाँ बराबर मुलुक भित्रिएको विभागले जनाएको छ । स्वदेशमा रहेका मदिरा उद्योगले मदिरा बनाउन आवश्यक पर्ने कच्चा पदार्थ भारत र तेस्रो मुलुकबाट भित्र्याउने गर्छन् । विभागका अनुसार एक्स्ट्रा नेचुरल अल्कोहल, वाइन, ह्विस्की, माल्ट वियर, गुलियो रक्सी,जिनरभोड्का र रम विदेशबाट आयात हुन्छ ।

विभागका अनुसार एक्स्ट्रा नेचुरल अल्कोहल ७७ करोड ९५ लाख , वाइन २५ करोड ५२ लाख , ह्विस्की ६७ करोड, माल्ट वियर २ करोड २० लाख, गुलियो रक्सी ३ करोड ७६ लाख, जीनरभोड्का ३ करोड ५६ लाख, रम १८ लाख १५ हजार रुपैयाँ र अन्य ५८ लाख ४० हजार रुपैयाँ बराबरको मुलुक भित्रिएको विभागले जनाएको छ । सबैभन्दा बढी मदिरा बेलायतबाट आयात हुने गरेको विभागले जनाएको छ ।

नेपालमा आउने मदिरा भारत, बेलायत, फ्रान्स, अष्ट्रेलिया, स्पेन, इटाली,सिंगापुर, नेदरल्याण्ड, चीन, मेक्सिको, क्युवा, आयरल्याण्ड, अमेरिका, बेल्जियम र स्विडेनबाट आयात हुन्छ ।    
Read more ...

Sunday, 24 July 2016

बिबाह गरेको १० दिनमै सुत्केरी, बेहुलीको बिचल्ली

भारत । भारतको मध्यप्रदेश राज्य स्थित रायसेन जिल्लाको एउटा अनौठो घटना भएको छ । बिहाह गरेको १० दिनमै बेहुली सुत्केरी भएको धटनाले स्थानीय चकित परेका छन् ।

घर परिवारले सोधपुछ गरेपछि खुल्न आएको तथ्य त अझ चकित छ । नबबिबाहित ति महिलाले आफु पटक पटक बलत्कारको शिकार भएको स्विकार गरेकी छिन् । गाउँकै काशिरामले आफुलाई पटक पटक बलत्कार गर्ने गरेको उनको भनाई छ । बदनाम गर्ने डर देखाएर पटक पटक त्यस्तो गर्ने गरेको भन्दै उनले बिबाह अघि नै पति सुँग समेत सम्बन्ध राखिसकेको बताएकी छिन् ।

उनीहरुको कबिर एक वर्ष अद्धि बिबाहको छिनोफानो भएको थियो । बिबाहको टुगो लागिसकेपछि पटक पटक पति आफुलाई  भेट्न आउने बेलामा शारिरिक सम्बनध राख्ने गरेको बताइान् ।

प्रहरीले ती महिलाबाट जन्मिएको बच्चा कस्को हो भन्ने पत्ता लगाउनका लागि डिएनए परिक्षणको तयारी थालेको छ भने काशिरामलाई बलात्कारको मुद्धा दर्ता गराएको छ ।
Read more ...

आतंकवादीद्धारा कोशी व्यारेज ध्वस्त पार्ने धम्की, के हो बास्तविकता ?

काठमाडौं । ५० वर्ष पुरानो कोशी व्यारेज माथि अहिले खतराको बादल मडारि रहेको छ । बर्खाको मौसम भएको कारणले कोशी व्यारेजको जल स्तर निकै उच्च रहेको छ ।

त्यस बाहेक पनि कोशी ब्यारेज अन्तराष्ट्रिय आतंकवादीहरुको निशानामा रहेको सनसनी खेज समाचार बाहिर आएको छ । आतंकवादी संगठनले भारत नेपालको सिमामा रहेको कोशी ब्यारेजलाई ध्वस्त पार्ने धम्की  दिएको खबर छ ।

सुनसरी जिल्लाको जिल्ला प्रशासक मोहन चापाँगाईको अनुसार कोशी व्यारेजलाई ध्वस्त पार्ने धम्की आएदेखि सुरक्षा प्रशासन निकै सजग छ ।

सुनसरी जिल्ला प्रशासनको साथ साथ नेपाल आर्म फोर्सको एक विशेष टोली कोशी व्यारेजको सुरक्षामा खटाई सकेको उनको भनाई छ । उनले भने, कोशी ब्यारेजबाट आउने जाने सवारी साधन माथि कडा निगरानी र चेकजाँच पनि भई रहेको छ ।

आतंकवादीद्धारा प्राप्त भएको धमकी पछि अहिले कोशी व्यारेज क्षेत्रको सुरक्षा बढाएका छन् । नेपालको पूर्वी नेपाललाई जोड्न एक मात्र स्थलमार्गमा सुनसरी र सप्तरी जिल्लाको बीचमा रहेको सप्तकोशी नदि माथि निर्मित कोशी ब्यारेजलाई आतंकवादी संगठनले ध्वस्त पार्ने धम्की दिएको समाचार भारतको चर्चित टेलिभिजन आज तकको अनलाइन संस्करणमा लेखिएको छ ।

केहि दिन अगाडि पनि भारतका अर्का चर्चित अनलाइन जागरणले पनि नेपालमा आतंकवादीको अड्डा बन्दै गएको समाचार छापेका थिए ।
कोशी व्यारेजलाई ध्वस्त पार्ने आतंकवादीद्धारा धमकी प्राप्त भएपछि भारत र नेपालका अधिकारीहरुको निद्रा खल्बलिएको छ ।

कोशी ब्यारेजको सुरक्षामा नेपालको सुरक्षाकर्मी बाहेक अहिले नेपाली सेनाको सक्रियता बढाएको छ । कोशी ब्यारेज बाट आवत जावत गर्ने सबै सवारी साधनमा कडा निगरानी र चेकजाँच हुन थालेको छ ।

सुरक्षाकर्मी निकै सजग भएको कारणले निकै सक्रियता पूर्वक कुनै पनि किसिमको अप्रिय घटना नहुन दिन सर्तकता अपनाएका छन ताकी कुनै पनि अप्रिय घटना नघटोस ।

सुरक्षा संवेदनशिलताका कारण भारत र नेपालका कुनै पनि अधिकारीले कहाँ बाट कुन संगठनको आतंकवादीले धमकी दिएको हो नाम लिन चाही रहेका छैन ।

सिडियो चापाँगाईका अनुसार कोशी व्यारेज काफि गम्भीर विषय हो र यसको सुरक्षाको लागि प्रशासनलाई निकै सजग र सर्तक हुनु निर्देशन समेत दिएको बताए । 

Read more ...

मलेसीयामा नेपाली माथि धरपकड , नेपालीसहित ११८ आप्रवासी पक्राउ

मलेसिया । मलेसियाले गैरकानुनी आप्रवासीको खोजी गर्दै शनिबार गरेको धरपकडमा एकसय १८ जना आप्रवासीहरु पक्राउ परेका छन् । पक्राउ परेकाहरुमध्ये दुईजना महिला छन् । उनीहरु गैरकानुनी अवस्थामा रहेको र कतिपयले प्रवेशाज्ञा (भिसा) को दुरुपयोग गरेको जनाइएको स्थानीय संचारमाध्यमले उल्लेख गरेका छन् ।

नेपालीसहित विदेशी कामदारका लागि भेटघाट र किनमेल गर्ने थलोको रुपमा परिचित रहँदै आएको राजधानी क्वालालम्पुरस्थित ‘कोताराय बजार’ क्षेत्रमा गरिएको उक्त धरपकडमा कति नेपाली पक्राउ परे भन्ने जानकारी पाउन सकीएको छैन । यद्यपी पक्राउ पर्नेमा बंगलादेशी र नेपाली बहुसंख्यक रहेको हुनसक्ने प्रत्यक्षदर्शी नेपालीको अनुमान छ । अघिल्ला साता विभिन्न स्थानमा भएको त्यस्तै धरपकडमा १९ नेपाली पक्राउ परेका थिए ।


गत फेब्रुवरी १५ देखि जुन ३० देखि गैरकानुनी कामदारलाई काम गर्नका लागि दर्ता हुने अवसर दिएको मलेसियाले उक्त कार्यक्रम सकिएलगत्तै गैरकानुनी कामदारविरुद्ध धरपकड अभियान संचालन गर्दै आएको छ ।

करिब २० लाख बैध विदेशी कामदार कार्यरत रहेको मलेसियामा झण्डै त्यति नै संख्यामा गैरकानुनी आप्रवासी कार्यरत रहेको अनुमान गरिंदै आएको छ । पटक–पटक अवसर दिंदासमेत उक्त अवसरको वेवास्ता गर्दै अझैपनि धेरै गैरकानुनी आप्रवासीहरु मुलुकमा रहेको हुनसक्ने भन्दै मलेसियाले त्यस्ता आप्रवासीविरुद्धको खोजी गर्दै आएको छ ।

प्रहरी र सम्बन्धित विभिन्न निकायका अधिकारीहरुको टोलीले शनिबार कोतारायका जलान सिलाङ, सेन्ट्रल मार्केट, कोताराय कम्प्लेक्स, मेडान पासार, माइडिन सुपरमार्केट लगायत स्थानमा दिउँसो २ बजेदेखि बेलुकी ८ बजेसम्म गरेको उक्त धरपकडका कारण यी क्षेत्रमा रहेका नेपालीसहितका व्यवसायी प्रभावित बने । कोताराय क्षेत्रमा नेपालीका लगानीमा झण्डै तीन दर्जनजति पसल, रेष्टुरेण्ट, रेमिट लगायत व्यवसाय छन् । धरपकडका कारण शनिबार दिनभर ती क्षेत्र सुनसान रह्यो ।

‘व्यवसाय राम्रो हुने भनेको सार्वजनिक विदाका दिन शनिबार र आइतबार नै हुन् । झन् यिनै दिन धरपकड भइदिएपछि व्यवसाय त चौपट भइहाल्यो नि,’ कोतारायमा लामो समयदेखि रेष्टुरेण्ट व्यवसाय गर्दै आएका एकजना नेपाली व्यवसायीले भने, ‘पक्राउ परिने डरले ग्राहकहरु आउँदैनन्, जसको कारण हाम्रा व्यवसायमा प्रत्यक्ष प्रभाव परेको छ ।’ सार्वजनिक विदाको दिन भएकाले छुट्टी मनाउन कोतारायमा आउने गैरकानुनी आप्रवासीहरुलाई लक्षित गर्दै उक्त धरपकड गरिएको थियो ।


Read more ...

आज नेपाल बन्द,देशैभरका शैक्षिक सस्था र कलकारखाना पुरै ठप्प विप्लवका कार्यकर्ताले बानेश्वर र सामाखुसीमा ट्याक्सी जलाए

काठमाडौं । विप्लव नेतृत्वको नेकपा माओवादीले नयाँ बानेश्वर र सामाखुसीमा ट्याक्सीमाथि आगजनी गरेका छन् । बानेश्वर मिनभवन उकालो नजिक बा १ ज ५१६२ नम्बरको ट्याक्सीमा आगजनी गरिएको हो  भने सामाखुसीमा बा १ ज२८६ नम्बरको ट्याक्सीमा आगजनी गरिएको हो ।

ट्याक्सी चढेका व्यक्तिले मिनभवन उकालो नजिक पुगेपछि पेट्रल छर्किएर आगोलगाइ भागेको प्रहरीले जनाएको छ । आगोले ट्याक्सी पूर्णरुपमा क्षतिग्रस्त भएको छ । घटनाका विषयमा थप अनुसन्धान भइरहेको प्रहरीले जनाएको छ ।

विप्लब माओवादीले आयोजना गरेको बन्दको प्रभाव राजधानीमा न्यून देखिएको छ । भाडाका सवारीसाधन कम चलेका भएपनि निजी सवारीसाधान भने निर्वाध चलिरहेको प्रहरीले जनाएको छ । चोक चोकमा प्रहरी उपस्थिति बाक्लो बनाइएको छ  ।

यसैबीच, चितवनबाट काठमाडौं तर्फ औषधी ल्याउँदै गरेको एक मिनी ट्रकमा बन्दकर्ताले आगजनी गरेका छन् । चितवनमा वन्दका बाबजुत पूर्व पश्चिम राजमार्गमा प्रहरीले स्कटिङ्ग गरेर सवारी साधन सञ्चालनमा ल्याएको गरेको छ ।

विप्लव माओवादीले गरेको नेपाल बन्दमा बन्दमा चितवन प्रहरीले गन्तब्यमा हिडेका सवारी साधनलाई सुरक्षा दिएर पठाएको जिल्ला प्रहरी कार्यालय चितवनले जनाएको छ  ।

सुकुम्बासी माथि राज्यले दमन गरेको भन्दै विप्लव माओवादीले गरेको नेपाल बन्दमा देशैभरको जनजीवन प्रभावित भईरहेको अवस्थामा जनजिवन सामान्य बनाउन प्रहरी स्कटिङ्ग गरेर सावारी साधन सुरुचारु गरेको जिल्ला प्रहरी कार्यालय चितवनका प्रमुख एवं प्रहरी उपरिक्षक वसन्त कुवंरले जानकारी दिए । राजमार्गमा सवारी चलाउन प्रहरी उपरिक्षक आफै स्कटिङ्गमा हिडेका छन् ।

प्रहरी आपटारी, पुल्चोक, केन्द्रिय बस पार्क, गोन्द्रङ्ग लगायतका ठाउँमा सावारी जम्मा गरेर प्रहरी परिचालन गरि राजमार्ग  स्कटिङ्ग गरेर यातायात सुचारु गरेको उनले बताए ।

प्रहरी जिल्लाको मुख्य राजमार्गमा बिशेष  निगरानी राखी  याताायात सुचारु गरेको छ ।

बन्दका कारण देशैभरका शैक्षिक सस्था र कलकारखाना पनि पुरै ढप्प भएका छन् । यस्तै राजमार्गमा सवारी सुचारु गर्न कुनै समस्या नभएकाले ढुक्क भएर सवारी साधन सञ्चालन सकिने उनले बताए ।
Read more ...

नौ महिनामा ढल्यो ओली सरकार, प्रचण्डलाई प्रधानमन्त्री बन्ने बाटो खुल्यो , राजनीतिमा अव के होला ?


काठमाडौं । प्रधानमन्त्री केपी शर्मा ओलीले पदबाट राजीनामा दिएको घोषणा गरेका छन् ।

व्यवस्थापिका संसद बैठकमा आफूविरुद्ध पेश भएको अविश्वास प्रस्तावको जवाफ दिएपछि ओलीले आइतबार पदबाट राजीनामा दिएको घोषणा हुन् । राष्ट्रपतिसमक्ष राजीनामा पेश गरिसकेको प्रधानमन्त्री ओलीले सदनलाई जानकारी दिएका छन् ।

एमाले अध्यक्ष समेत रहेका ओली गत असोज २४ गते नेपालको ३८ औं प्रधानमन्त्रीमा निर्वाचित भएका थिए ।

नयाँ सरकार गठनका लागि कुनै अवरोध नहोस् भनेर बाधा अड्काउ फुकाउका लागि सिफारिस गरेको उनले संसदलाई जानकारी दिए । उनले भने ‘यसले नयाँ प्रधानमन्त्री चयनका लागि बाटो खुला गरेको छ ।’
Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us