Monday, 2 May 2016

जहाँ स्वास्थ्यकर्मीले आफैं रगत दिएर बिरामीलाई बचाउँछन्...

 अत्याधीक रक्तश्रावका कारण ज्यानकै जोखिममा परेकी २२ बर्षिया बसन्ती बिष्ट आइतबार दिउसो बाजुरा जिल्ला अस्पताल आइपुग्दा अस्पतालमा रगत थिएन ।

जिल्ला सदरमुकामा मार्तडीबाट २ दिन टाढा पर्ने जगन्नाथ गाविसको मल्लो हुनी गाउँबाट आइपुगेकी बसन्तीको ज्यानमा चाहिनेभन्दा निकै कम मात्र रगत थियो । घरपरिवारले उनलाई सुरुमा उपचारका लागि कोल्टी लगेका थिए । तर, त्यहाँ उपचार संभव भएन ।

अर्को एक दिन कोल्टी विमानस्थलमा जहाजको बाटो हेर्दैमा बित्यो । जहाज नआएपछि एक दिन टाढाको मार्तडी जिल्ला अस्पताल ल्याइपुर्‍याइयो । मार्तडी पुग्दा उनको अवस्था जोमिखयुक्त थियो । उनी बेहोश थिइन् ।


जिल्ला अस्पतालमा बसन्ती बिष्ट

मानव शरीरमा हेमोग्लोविनको मात्रा न्यूनतम ६ प्वाइन्ट हुनुपर्छ । तर आठ महिनाकी गर्भवती बसन्तीको शरीरमा भने २ प्वाइन्ट ५ मात्र थियो । बसन्तीको उपचारमा संलग्न डा. राजन न्यौपाने उनको रिपोर्ट हेरर निक्कै आत्तिए । उनले विरामीका आफन्तलाई तुरुन्तै रगत खोज्न भने । बाजुरामा रक्तसंचार केन्द्र छैन । यसैले संचित रगत पाइदैन । रगत चाहिएमा रक्तदाता नै खोज्नु पर्छ ।

बसन्तीलाई अस्पताल पुर्‍याउने उनका देवर रामबहादुर रक्तदाता खोज्न निस्किए । तर, उनले कतै भेटेनन् । अत्याधीक रक्तश्रावका कारण बसन्तीको गर्भमा रहेको बच्चाको मृत्यु भइसकेको डा. राजनले चाल पाइसकेका थिए । त्यसैले उनको ध्यान आमा बचाउनेमै केन्द्रित थियो ।

गाउँबाट आएका विपन्न परिवारका रामबहादुरले रगतको जोहो गर्न नसकेको डा. राजनले देखिरहेका थिए । यता आफ्नै निगरानीमा रहेकी विरामीको जीवन पलपल मृत्यु नजिक धकेलिँदै थियो । केही उपाय नलागेपछि डाक्टर आफैं रगत दिन तयार भए । उनले सुरुमा रगत दिए र जिल्ला अस्पतालका अन्य स्वास्थ्यकर्मीहरुलाई पनि रक्तदान गरी विरामी बचाउन प्रोत्साहन गरे ।


आफै रक्तदान गर्दै डा. राजन न्यौपाने

त्यसपछि जिल्ला अस्पतालकै स्वास्थ्यकर्मीहरु टेकबहादुर खड्का, गौमती कटुवालले रगत दिए । त्यत्तिले विरामीलाई आवश्यक रगत नपुग्ने भयो । त्यसपछि डा. न्यौपानेले मार्तडीस्थित सेनाको देबीबक्स गुल्मका क्याप्टेन जीवन पौडेलसँग सहयोग मागे । सह–सेनानी पौडेलले पाँचजना जवानहरुलाई रक्तदानका लागि तुरुन्तै जिल्ला अस्पतालमा लिएर आए ।

सैनिक जवानहरु गणेशसिंह ठगुन्ना, डबल तामाङ, बुद्धीबहादुर उप्रेती, रामकृष्ण नेपाली र रुपेश आलेमगरले गरेको रक्तदान बसन्तीको शरीरमा स्थानान्तरण गरिएपछि बल्ल बसन्तीको होश खुल्यो । हेमोग्लोविनको मात्रा फाइभ प्वाइन्ट फाइभ पुग्यो ।

जोखिम घटेपछि बसन्तीको शल्यक्रिया गरी गर्भमै मृत भएको शिशु डा. न्यौपानेले निकाले ।

डा. राजन आफैं जिल्ला अस्पतालका प्रमुख होइनन् । उनी आकस्मिक प्रसूति केन्द्रमा कार्यरत करारका डाक्टर हुन् । तर, गर्भवतीलाई बचाउन उनको मिहिनेत देखेर जिल्ला अस्पतालमा कार्यरत स्वास्थ्यकर्मीहरु समेत उत्साहित थिए । ‘धेरैको सहयोगले आमाको ज्यान बचाउन सकियो, यही ठूलो कुरा भयो,’ डा. राजनले भने ।   

सोमबार बिहान बसन्तीका देवर डाक्टर र सेनाका जवानहरुबाट पाएको सहयोगप्रति निक्कै अनुग्रहित थिए । दाजु खुट्टा मर्केर अस्पताल आउन नसकेको बताउँदै उनले आफ्नो जिम्मेवारीमा उपचार गर्न ल्याइएकी भाउजुले पुर्नर्जीवन पाएको उनी निकै खुशी थिए ।
............................

बसन्तीलाई अस्पताल पुर्‍याउनु केही घण्टाअघि बडीमालिका–९ कि शारदा विकलाई अस्पताल ल्याइएको थियो । सुत्केरी शारदाको अवस्थामा पनि जोखिम युक्त थियो । उनका पति सूर्य विकले पनि रक्तदाता पाएका थिएनन् ।


रक्तदान गर्दै मार्तडीस्थित देवीबक्स गुल्मका सैनिक जवान रामकृष्ण नेपाली

कतै खोज्दा पनि रक्तदाता नपाएपछि अस्पतालकै स्वास्थ्यकर्मी दुर्गा बजगाईले रगत दिएकी थिइन् । बजगाईसँगै युनिसेफको गोष्ठी चलाउन जिल्ला स्वास्थ्य कार्यालयमा आएका बिक्की प्रसाई र मिना थापाले पनि रक्तदान गरेर शारदाको ज्यान जोगाएका थिए ।

रक्तसञ्चार केन्द्र नभएका कारण बाजुरामा रगतको अभाव सँधै रहने गरेको छ । रक्तदाता तयार भएपछि सिधै विरामीमा रगत दिने पद्धति आकस्मिक रक्तसञ्चार सेवा मात्रै जिल्ला अस्पतालमा संचालनमा छ । यसका लागि तत्काल रक्तदाता चाहिन्छ ।

तर, यहाँका स्थानीयमा रक्तदान गर्दा शरीर कमजोर हुन्छ भन्ने भ्रम भएकाले रक्तदान गर्न तयार हुँदैनन् । रक्तसञ्चार केन्द्र नभएकाले तत्काल रगत आवश्यक भएका विरामीहरुलाई जोगाउन अधिकांश बेला सेना प्रहरीले रक्तदान गर्दै आएका छन् । ‘अस्पतालकै स्वाथ्यकर्मी र यहाँस्थित देवीबक्स गुल्मका सैनिक जवानहरु तयार नभएको भए बसन्ती र शारदालाई बचाउन सम्भव थिएन,’ नेपाल रेडक्रस बाजुराका मन्त्री रमबहादुर शाहीले भने । 
Read more ...

उत्तर कोरियामा एक हप्तासम्म विवाह र अन्तिम संस्कार गर्न रोक

उत्तर कोरियामा यस्ता तानाशाह छन्, जसको सम्मानमा जनता आफ्ना हातका छाला नउक्किएसम्म ताली बजाउँछन्। बाहिरी दुनियामा उत्तर कोरियाली नेता किम जोंग उनलाई राक्षसको संज्ञा दिइन्छ, तर देशभित्र उनलाई भगवान समान सम्मान दिइन्छ। उनै नेता किम जोंग उनको यही हप्ता राज्याभिषेक हुँदैछ, तर त्यसको प्रत्यक्ष असर भने जनतामाथि पर्ने निश्चित छ।

अन्तर्राष्ट्रिय संचारमाध्यमका अनुसार राष्ट्रिय पर्वका रुपमा मनाइने राज्याभिषेक समारोहलाई लिएर कडा निर्देशन जारी गरिएको छ। जसअनुसार एकहप्तासम्म उत्तर कोरियामा कुनै औपचारिक सभा, समारोह गर्न रोक लगाइएको छ। एकहप्तासम्म उत्तर कोरियामा विवाह गर्न र अन्तिम संस्कार गर्नसमेत रोक लगाएको छ।

चारवर्षदेखि किम जोंग उन उत्तर कोरियाका सर्वोच्च नेताका रुपमा काम गरिरहेका छन्। अब उनलाई सत्तारुढ पार्टीको औपचारिक रुपमा जिम्मेवारी दिने तयारी भइरहेको छ। संचारमाध्यमका अनुसार नेता किमले सत्तामा आफ्नो पडक बलियो बनाउने योजनामा छन्। किम जोंग उनको नीति आफ्ना पिताले लिएजस्तै अपनाएका छन्। उनले 'मिलिट्री पोलिसी' लाई प्राथमिकता दिएका छन्। १२ जनवरीमा उनले आफ्नो भाषणमा परमाणु हतियारलाई आर्थिक विकास जसरी नै अगाडि बढाउनुपर्ने बताएका थिए।

किम जोंग उन नजन्मिकन उत्तर कोरियाले अहिलेको जस्तो समारोहकको आयोजना गरेको थियो। १९८० मा उनका बुवाको राज्याभिषेक यसैगरी मनाइएको थियो। २०११ मा बुवाको मृत्युपछि कतिपयले उत्तर कोरियाको कमजोर हुने विश्लेषण गरेका थिए। तर किमले सत्ता सम्हालेपछि उनले विरोधीको मुख बन्द गराउँदै सत्तामा आफ्नो पडक बलियो बनाउँदै लगेका छन्।
Read more ...

हुने भो खडेरीको अन्त्य,मंगलबारदेखि लगातार दुई दिन पानी पर्ने

लामो समयको खडेरीले आहात भएका नेपालीहरुले मंगलबारदेखि केही राहात पाउने भएका छन्
। मंगलबार साँझदेखि काठमाडौं उपत्यकासहित मुलुकका पहाडी भेगमा हल्का वर्षा हुने जल तथा मौसम पूर्वानुमान महाशाखाले जनाएको छ। महाशाखाका अनुसार बंगालको खाडीबाट जल वाष्पसहितको हावा आइरहेको र पश्चिमी वायु पनि सक्रिय हुने भएकाले मंगलबार दिउँसो बादल लाग्ने र साँझदेखि पानी पर्ने महाशाखाले जनाएको हो।
महाशाखाका अनुसार मंगलबार र बुधबार मेघ गर्जनसहित पानी पर्ने र बिहिबारदेखि मौसम सफा रहने छ । लामो समय खडेरी परेका कारण कृषकहरुले खेलापाती गर्न पनि पाएका छैनन् भने गर्मीका कारण विरामीहरुको चाप बढेको छ ।
Read more ...

Sunday, 1 May 2016

 बौद्ध सम्मेलनमा कुन मुख लिएर नेपाल आउलान् मोदी ?


भारतीय प्रधानमन्त्री नरेन्द्र मोदीले आगामी जेठ पहिलो साता नेपाल भ्रमण गर्न सक्ने संकेत पाएपछि सरकारले पहल थालेको छ । प्रधानमन्त्री केपी ओलीले भारतीय राजदूत रञ्जित रे र केही उच्च अधिकारीलाई आमन्त्रित गरी राजधानीस्थति द्वारिकाज होटलमा आइतबार साँझ रात्रिभोज आयोजना गरेर भ्रमणको विषयमा छलफल गरेको स्रोतले बतायो । भारतीय पत्रिका टेलिग्राफले कोलकत्ता डेटलाईनमा भारतीय जनता पार्टीको स्रोत उद्धृत गर्दै भारतीय प्रधानमन्त्री मोदी र विहारका मुख्यमन्त्री नीतिश कुमार बुद्ध जयन्तीमा सहभागी हुन आगामी मे २१ का दिन नेपाल आउन लागेको समाचार लेखेको थीयो। विहारका मुख्यमन्त्री नीतिशकुमार र मोदी नेपाल आउने चर्चा चलेसँगै यतिबेला नेपालमा त्यसको चौतर्फी बिरोध सुरु भइसकेको छ ।

नेपाली संचार माध्यममा आएका समाचारका मुनितिर मोदी विरोधी नारा लाग्न थालिसकेका छन् । फेसबुक र ट्वीटरमा मोदीविरुद्ध नेपालीहरु एक हुन थालिसकेका छन् । के यी सबका बीच मोदी साच्ची नेपाल आउलान् त ? मोदी नेपाल भ्रमणमा आएका बेला नेकपा-माओवादी सडक आन्दोलनमा उत्रने भएको छ । माओवादीले आज एक प्रेस विज्ञप्ति जारी गर्दे मोदी नेपाल भ्रमणमा रहेका बेला प्रर्दशनमा उत्रने जनाएको हो ।

माओवादीले आगामी साउन  १९ गते  अपरान्ह ४ बजे “शान्ति वाटिका” मा र त्यसको भोलिपल्ट अपरान्ह ४ बजे  नै सोही स्थानमा विरोध कार्यक्रम गर्ने जनाएको छ । मोदी आगामी साउन १८ गते नेपाल आउने संभावना छ ।

भारत सरकारका प्रधानमन्त्री मोदीको प्रस्तावित नेपाल भ्रमणकोनिमित्त भारतीय विदेशमन्त्री सुष्मा स्वराजको तयारी भ्रमणको सन्दर्भमा“गणतान्त्रिक भारत सरकार र नेपाल सरकारबीच उर्जा क्षेत्रमा सहयोगका लागि भएको सम्झौता”  शिर्षकमा भारत सरकारबाट पठाइएको प्रस्तावमा उल्लेखित नेपालको जल विद्युत आयोजनामा १०० प्रतिशत भारतीय लगानी वा भारतीय निकायहरुसँग संयुक्तरुपमा सम्पन्न गर्ने प्रस्तावलाई नेपाल सरकारले गोप्य राखी भित्रभित्रै संझौता गर्ने तयारी गरिरहेको अनुमान माओवादीको छ ।

 नेपालको जलश्रोतका साथै राष्ट्रिय स्वाधिनता माथिकोसमेत हस्तक्षेप भएको भन्दै माओवादीले विरोधका कार्यक्रम गर्न लागेको हो ।  नेपालमा लामो समय देखि विरोध हुँदै आएको माथिल्लो कर्णाली जलविद्युत आयोजना लगायतको डि पी ए सम्झौतामा पनि हस्ताक्षर गर्ने भित्री योजना रहेको  भन्दै माओवादी शंसकित छ ।
Read more ...

बेलायतमा नेपाली छात्रा बनिन् उत्कृष्ट

बेलायतमा अध्ययनरत नेपाली छात्रा सृजना गौतमले एसोसिएसन अफ चार्टर्ड सर्टिफाइड अकाउन्टेन्ट्स (एसीसीए) परीक्षामा विश्वमै दोश्रो स्थान हासिल गरेकी छन् ।

गत  जुनमा भएको एसीसीए प्रोफेशनल लेभलको  परीक्षामा सहभागी विश्वभरका २१ हजार ३ सय ७ जना बिद्यार्थीहरु मध्ये सृजना दोस्रो भएकी हुन् । उत्कृष्ट नतिजा हासिल गरेपछि उनले पदक र नगद पुरस्कारसमेत पाइसकेकी छन् ।

चितवन, भरतपुर उपमहानगरपालिका ६ लंकुकी स्थाई बासिन्दा सृजनाले ५ प्रोफेसनल लेभलको  पेपरमा ३७८ अंक प्राप्त गरेर दोश्रो सर्बोत्कृष्ट स्थान प्राप्त गरेकी हुन्  ।
Read more ...

चीनले शुरु गर्यो तिब्बतमा अहिलेसम्म कै ठुलो परियोजना, भारत खतरामा- मच्चियो हाहाकार

काठमाडौं, १९ वैशाख । चीनले तिब्बतमा आफ्नो सबैभन्दा ठूलो जलविद्युत परियोजनाको निर्माण सुरु गरेको छ ।

यसको लागत तीन अर्ब डलर भन्दा बढी हुनेछ र यहाँबाट उत्पादित विजुलीलाई देशको पूर्वी क्षेत्रमा आपूर्ति गरिनेछ जो आर्थिक उन्नत क्षेत्र हो ।


चीनको सरकारी मिडियालाई उद्धृत गर्दै भारतीय पत्रिका नवभारत टाइम्सले लेखेको छ- तिब्बत र सिचुआन प्रान्तको बाटंग काउन्टी र तिब्बतको मंगकाम काउन्टीको बीचमा निर्माण भइरहेको जलविद्युत परियोजनाको क्षमता १.२ गीगावाट रहेको छ । र सन् २०२१ मा पुरा भइसकेपछि यो जलविद्यतु परियोजनाले वार्षिक ५४०० गीगावाट विजुली उत्पादन गर्न सक्नेछ ।
यसको डिजाइन क्षमता ब्रह्मपुत्र नदीस्थित झांगमू जलविद्युत संयन्त्रभन्दा दोब्बर ठूलो छ । जो तिब्बकै सबैभन्दा ठूलो जलविद्युत परियोजना हो । झांगमू जलविद्युत संयन्त्रलाई गत वर्षको अक्टुवरमा पुरा गरिएको थियो ।
भारतलाई खतरा
चीनले निर्माण कार्य सुरु गरेको यो जलविद्युत परियोजना बनिसकेपछि भारततिर बग्ने सबै पानी चीनमै विद्युतका रुपमा खपत हुनेछ । यसबाट भारतमा खडेरी पर्ने खतरा बढेको छ । यो भारतका लागि ठूलो चुनौति भएको र दिल्ली चिन्तित रहेको कुरा भारतीय सञ्चारमाध्यमले उल्लेख गरेका छन् । चीनले बनाउन लागेको अहिलेसम्मकै ठूलो ड्याम (जलाशय)को समाचारलाई भारतीय मिडियाले प्राथमिकताका साथ छापेका छन् ।



दैनिक नेपाल बाट साभार
Read more ...

बागमती नदीका दुवै किनारमा हरियाली पार्क

 फोहोर र दुर्गन्ध, बागमती नदीको पहिचान बन्दै आएको छ । यो पहिचान मेटेर बागमतीलाई फेरि पहिलेकै अवस्थामा ल्याउन अभियान चल्दै आएको छ । हरेक हप्ताको शनिबार बागमती सरसफाई गर्ने अभियान चलिरहेको बेला अर्को काम पनि हुँदैछ । त्यो हो, नदीको दुवै किनारमा हरियाली पार्क बनाउने । नदीको दुवै किनारमा भौतिक पूर्वाधार निर्माण कार्य गरी बाँकी रहेको क्षेत्रमा सरकारी तथा गैरसरकारी संघ÷संस्था, निजी क्षेत्रसँग सहकार्य गरेर उद्यान बनाउन अभियान थालिएको अधिकार सम्पन्न बाग्मती सभ्यता एकीकृत विकास समितिले जनाएको छ । 
अभियान थालेसँगै उद्यान बनाउनेको आकर्षण बढेको छ । अभियानमा प्रहरी, विद्यालय, दुरसंचार, बैंक, युवा क्लब, महिला, आमा समूहलगायतका सार्वजनिक तथा निजी संघ संस्थाहरुले उद्यान बनाउन ईच्छा देखाएका छन् । 
समितिका उद्यान ईन्चार्ज राम दयालप्रसाद यादवले उद्यान बनाउने अभियानमा अहिलेसम्म ४५ सरकारी तथा गैरसरकारी संघ/संस्था, निजी क्षेत्रले ईच्छा देखाएको बताउनुभयो । उहाँका अनुसार २५ वटासँग सम्झौता भईसकेको छ भने २० वटाले काम थालेका छन् । आठ ठाउँमा त यस्तो पार्क बनिसकेको छ ।
समितिले तिलगंगादेखि शंखमुल पुलसम्म झण्डै २ सय रोपनी क्षेत्रमा उद्यान निर्माणको योजना बनाएको छ । हालसम्म १ सय ५० रोपनी भन्दा बढी क्षेत्रफल उद्यानका लागि माग भई सम्झौता भईसकेको छ । उद्यान निर्माण गर्न झण्डै ६ करोड रुपैयाँ लाग्ने अनुमान छ ।
बन्न लागिएको उद्यानमा योगा गर्न मिल्ने समितिले जनाएको छ । यस्तै पारिवारिक वातावरण मैत्री, जेष्ठ नागरिक मैत्री, बालबालिका मैत्री, अपाङ्गमैत्री लगायतका उद्यान बन्नेछन् । अभियानबाट नेपाल सरकारको स्वामित्वमा र निर्देशन अनुरुप संघ/संस्थाहरुले आफ्नै लगानीमा निर्माण, संरक्षण र सम्वद्र्धन गर्ने काम गरिरहेका छन् । उद्यान निर्माणपछि भने जस्ले बनाएको हो उसैले केही निश्चित समयका लागि सरकारको निर्देशनमा हेरचाह गर्नुपर्ने लगायतका सम्झौता अनुसारका सर्तहरु लागु हुनेछन् ।
नदी किनारमा बसोवास गर्ने र अन्यका लागि पनि स्वस्थ्य मनोरञ्जनको स्थल विकास गर्न र स्वास्थ्य लाभ गर्ने सुन्दर स्थान बनोस् भन्ने उद्देश्यले उद्यान बनाउन लागिएको हो ।
उद्यानमार्फत नदीमा पानीको शुद्धता र बृद्धिमासमेत सहयोग पुग्ने कार्य गर्न र भू–क्षय नियन्त्रणमा पनि सहयोग पुर्याई वातावरण स्वच्छ रहने विश्वास लिएको छ ।
समितिले नदीको दुवै किनारमा खाली भएको क्षेत्रहरुमा उद्यान निर्माण र बृक्षारोपण कार्यमा सहभागी हुन आह्वान पनि गरेको छ । 
समितिको कार्यालय हाताभित्र बालबालिकालाई बागमतीको बारेका चेतना दिनका लागि बाल उद्यान पनि बनिसकेको छ भने त्यहाँ प्रत्येक शनिबार बालबालिकाका लागि खुला गरिएको छ ।
बाल उद्यान भित्र रहेर बालबालिकाले आफुले बागमतीका बारेमा जान्न चाहेको जानकारी सजिलै लिन सकिने उद्यान ईन्चार्ज यादवले बताउनुभयो ।
Read more ...

Saturday, 30 April 2016

प्रधानमन्त्री केपी ओलीले आफू हुँदा सम्म कोही नेपालीलाई भोकै मर्न नदिने

 प्रधानमन्त्री केपी शर्मा ओलीले आफू प्रधानमन्त्री रहुन्जेल कोही पनि नेपाली भोकै नमर्ने बताएका छन् ।

धरान नगरको सातौँ नगर अधिवेशन उद्घाटन गर्दै ओलीले कोही नेपालीले त्यस्तो समस्या भोग्नुपरेको भए तत्काल सरकारलाई सूचना दिन आग्रह गरे ।

भूकम्पमा नेपालका विभिन्न जिल्लामा आठ लाख घर तथा नौ हजार सरकारी कार्यालय तथा विद्यालय र ऐतिहासिक धरोहर लगायतको भौतिक संरचना ध्वस्त भएको स्मरण गराउँदै उनले गरिब अशक्त र विपन्न समुदायका लागि सामूहिक घर बनाउने योजना रहेको र ती चाँडै निर्माण गरी आगामी असारभित्र त्यस्ता परिवारलाई ओतमुनि ल्याइसकिने जानकारी दिए ।

एमाले अध्यक्ष समेत रहेका प्रधानमन्त्री ओलीले एमालेले पनि भूकम्प प्रभावितका घर बनाउन विशेष तालिमप्राप्त स्वयम्सेवक परिचालन गर्ने जानकारी दिए । मधेसकेन्द्रित दलमध्ये तमलोपाका अध्यक्ष महन्थ ठाकुरसँग पनि भूकम्प प्रभावित क्षेत्रमा तराईका युवालाई स्वयम्सेवकका रुपमा खटाउन अनुरोध गरिएको जानकारी दिए ।

सरकारले यस वर्ष ल्याउने बजेटमा गरिबी निवारणका लागि आउने कार्यक्रमको खाका देखेर विपक्षीहरु अहिले नै तिलमिलाइसकेको उनको भनाइ थियो ,

प्रधानमन्त्री ओलीले  कोसी राजमार्गको जोगबनी–किमाथाङ्का जोड्ने सडक दुई लेनको हुने र त्यो दुई वर्षभित्र निर्माण गरिसक्ने सरकारको योजना रहेको जानकारी दिँदै धरानको पूर्वपट्टि सेउती खोलाका किनारबाट ‘बाइपास’ भएर त्यो सडक जाने पनि बताए । उनले धरान–चतरा–उदयपुर भएर हेटौँडा जोड्ने सडक पनि निर्माण हुने तथा हेटौँडा–काठमाडौँ जोड्ने सडकसँगै मेचीदेखि पश्चिम कञ्चनपुरसम्मको रेलमार्ग बनाइने बताए ।

प्रधानमन्त्री ओलीले धरानको बहुजातीय सङ्ग्रहालय निर्माण गर्न सरकार प्रतिबद्ध रहेको बताए । साथै जमिन कमी रहेकाले त्यसको व्यवस्थापन गरेर धरानवासीले चाहेअनुरुपको बनाउन सरकार तयार रहेको प्रतिबद्धता व्यक्त गरेका छन् ।

संविधानमा केही छैन भनेर चित्त नबुझाउने सबैलाई सरकारका तर्फबाट सहमति र छलफलबाट समस्याको समाधान निकाल्न आह्वान भइसकेको बताउँदै प्रधानमन्त्री ओलीले शनिबार त्यही विषयमा छलफल हुने भएकाले सबै असन्तुष्ट दललाई बैठकमा भाग लिन आह्वान गरे ।

उद्घाटन समारोहमा धरान जन्मिएर राष्ट्रिय तथा अन्तर्राष्ट्रिय ख्याति कमाउन सफल खेलाडी राजेशकाजी शाक्य, कवि लक्ष्मी राई, सङ्गीतकार सुरेश गन्धर्व, साहित्यकार पूर्णबहादुर गुरुङ, रङ्गमञ्चकर्मी प्रेम सुब्बा, टेकबहादुर राई र राधा गुरुङलाई सम्मान गरिएको थियो ।

Read more ...

Friday, 29 April 2016

सल्यानमा एकै घरका ४ जनाको हत्या हुनुको रहश्य खूल्यो…...

सल्यानको छायाँक्षेत्र गाविस वडा नम्बर ९ रानागाउँकी सविता खाँणको घरमा ४ जनाको हत्या गरेको आरोपमा प्रहरीले स्थानीय २० वर्षे युवक संजय भारतीलाई पक्राउ गरेको छ । दुई दिनको अनुसन्धानपछी सल्यान प्रहरीले आज पत्रकार सम्मेलन गर्दै हत्यारा सार्वजनिक गरेको हो । उनी रानागाउँकै २० बर्षीय युवक हुन् । छायाँक्षेत्र गाविस रानागाउँकी सीता खाँड, उनकी दुई छोरी र बहिनी गरि चार जनाको मंगलबार राति हत्या भएको थियो । हत्या भएकी सिता खाँणको श्रीमान भारतमा काम गर्छन्।

  किन गरे भारतीले एकैपटक चार जनाको हत्या ?
गत मंगलबार राति कसले एकै घरको चार जनाको हत्या गर्यो भन्ने निकै अचम्मको बिषय थियो । प्रहरीले कुकुरको सहयोगमा भारतीलाई पक्राउ गरेपछी सबै रहश्य बाहिरिएको छ । हत्यारासँगको प्रारम्भीक बयानमा यौन प्यास मेट्न नपाएको झोकमा मारेको भन्ने स्पष्ट बयान छ । भारतीले प्रहरीलाई दिएको बयानअनुसार उनले मंगलबार दिउँसो दाउरा चिर्ने काम सकाएपछि मादक पदार्थ सेवन गर्न गएका थिए । राति करिब ८ बजेतिर घर पुगेका उनी ओड्ने र ओछ्यान बोकेर सुत्न भन्दै बारीतिर लागे । मदिराले लठि्ठएका उनी यौन प्यास मेट्न गाउँ छिरे । त्यही क्रममा चार जनाको हत्या गरेको पाइएको छ । यौन प्यासको खोजीमा हिँडेका भारतीले सुरुमा केहि तल पर्ने एउटा घरको करिब ६० वर्षीया महिलासँग जर्बजस्ती यौन सम्बध राख्ने प्रयास गरेका थिए । तर प्रतिवाद भएपछी गाईगोठमा रहेको किलाले सिधा आक्रमण गरेर ति बृद्धलाई घाइते बनाईदिए । आफ्नो यौन चाहना ति बृद्धाले मेट्न नसकेपछी उनि भौतारिएर अर्को घरमा गए, जहाँ सीता खाँडसहित ४ जना महिला तथा बालबालिका मात्र थिए । अब उनको तारोमा ति महिलाहरु परे तब मदिराले मात्तिएका भारतीले सीता खाँडसँग यौन दुर्ब्यबहार गरे । तर त्यहाँ पनि उनीलाई आफ्नो चाहना मेट्न दिने नभेटेपछि भारतीले भैसी बाध्ने किलाले सितालाई आक्रमण गरे । उनको हत्या भयो । सीताको हत्यापछि फेरी भारती उनकी बहिनी गीता गिरीतिर यौन प्यास मेट्नकै लागि जाइलागे । जबरजस्ती यौन सम्बन्ध राख्ने उनको प्रयास तेश्रो पटकपनि सफल नभएपछी उनले गीतालाई पनि आफ्नो सिकार बनाए । तीन जनाको आक्रमणका क्रममा दुई जनाको सिकार गरिसकेका हत्यारा भारतीले रिशको झोकमा साढे दुई वर्षषा छोरी पवित्रा र ११ महिनाकी सविता खाँडको पनि हत्या गरे । साना-साना बच्चाको किन हत्या गरेको भन्ने बयान अनुसार दुई जनाको हत्यापछी उनलाई आफुले हत्या गरेको कुरा कसैले देखेको छ कि छैन भन्ने याद आयो । तब भारतीले दूई बर्षिया बालिका पवित्राले आफूलाई चिन्न सक्ने ठानेर उनलाई आक्रमण गर्दा उनीसंगै ११ महिनाकी सविताको समेत सिकार गरे । त्यसपछी उनलाई रक्सि र यौनको मातले छोड्यो, अनि आफ्नो घरमा गए । रातारात कपडा धोएर सुकाए ।

‘भुन्टी’ नाम गरेको कुकुरले समात्यो हत्यारा
सल्यानको यो घटना अहिले सबैको चासोको बिषय बन्नु स्वभाविक छ । एकै घरमा कसरी चार जनाको हत्या भयो अचम्मको बिषय थियो । प्रहरीले तत्काल अनुसन्धान थालेकोले हत्यारा उम्किन पाउने अवस्था भएन । स्थानिया बासिन्दाले मंगलबार रातको घटना भोलीपल्ट बिहान ८ बजेपछी मात्र थाहा पाए । त्यसपछि घटनास्थलमा १० बजे प्रहरी पुग्यो । एकान्त घर, घरमा बाँकी कोहि नभएको कारण घटनाको अपराधी पत्ता लगाउन प्रहरीलाई निकै गाह्रो भएको थियो । बिभिन्न कारण प्रहरीले भारतीलाई शंका गर्‍यो । तर पक्राउ गर्न प्रयाप्त प्रमाण पुगेन । भारतीले आफ्नो कपडा रातारात धोएर सुकाएका थिए । प्रहरीले उनको चप्पलमा रगत देख्यो । त्यो रगत पनि अपराधी समात्ने प्रमाण थिएन । तर प्रहरी उसलाई निगरानी भने गरिररहेको थियो । अब घटनाको निर्क्यौल गर्न थप अनुसन्धान गर्नुपर्ने भएपछी मध्य पश्चिम क्षेत्रीय प्रहरी कुकुर शाखा कोहलपुरबाट ‘भुन्टी’ नामको कुकुर ल्याईयो । भुन्टीकै सहयोगले अपराधि भागेको बाटो-ट्रयाक भयो । त्यसपछि ‘भुन्टी’ले सयौं मान्छेको भीडमा रहेका भारतीको हात टोक्दै प्रहरीलाई समात्न निर्देशन दियो |
Read more ...

बुद्धजयन्ती मनाउन भारतका प्रम नरेन्द्र मोदी नेपाल आउने!

भारतका प्रधानमन्त्री नरेन्द्र मोदी नेपाल आउने भएका छन् ।

भारतीय पत्रिका टेलिग्राफले कोलकत्ता डेटलाईनमा भारतीय जनता पार्टीको स्रोत उद्धृत गर्दै भारतीय प्रधानमन्त्री मोदी र विहारका मुख्यमन्त्री नीतिश कुमार बुद्ध जयन्तीमा सहभागी हुन आगामी मे २१ का दिन नेपाल आउन लागेको समाचार लेखेको छ । विहारका मुख्यमन्त्री नीतिशकुमार र मोदी नेपाल आउने चर्चा चलेसँगै यतिबेला नेपालमा त्यसको चौतर्फी बिरोध सुरु भइसकेको छ ।

नेपाली संचार माध्यममा आएका समाचारका मुनितिर मोदी विरोधी नारा लाग्न थालिसकेका छन् । फेसबुक र ट्वीटरमा मोदीविरुद्ध नेपालीहरु एक हुन थालिसकेका छन् । के यी सबका बीच मोदी साच्ची नेपाल आउलान् त ? मोदी नेपाल भ्रमणमा आएका बेला नेकपा-माओवादी सडक आन्दोलनमा उत्रने भएको छ । माओवादीले आज एक प्रेस विज्ञप्ति जारी गर्दे मोदी नेपाल भ्रमणमा रहेका बेला प्रर्दशनमा उत्रने जनाएको हो ।

माओवादीले आगामी साउन  १९ गते  अपरान्ह ४ बजे “शान्ति वाटिका” मा र त्यसको भोलिपल्ट अपरान्ह ४ बजे  नै सोही स्थानमा विरोध कार्यक्रम गर्ने जनाएको छ । मोदी आगामी साउन १८ गते नेपाल आउने संभावना छ ।

भारत सरकारका प्रधानमन्त्री मोदीको प्रस्तावित नेपाल भ्रमणकोनिमित्त भारतीय विदेशमन्त्री सुष्मा स्वराजको तयारी भ्रमणको सन्दर्भमा“गणतान्त्रिक भारत सरकार र नेपाल सरकारबीच उर्जा क्षेत्रमा सहयोगका लागि भएको सम्झौता”  शिर्षकमा भारत सरकारबाट पठाइएको प्रस्तावमा उल्लेखित नेपालको जल विद्युत आयोजनामा १०० प्रतिशत भारतीय लगानी वा भारतीय निकायहरुसँग संयुक्तरुपमा सम्पन्न गर्ने प्रस्तावलाई नेपाल सरकारले गोप्य राखी भित्रभित्रै संझौता गर्ने तयारी गरिरहेको अनुमान माओवादीको छ ।

 नेपालको जलश्रोतका साथै राष्ट्रिय स्वाधिनता माथिकोसमेत हस्तक्षेप भएको भन्दै माओवादीले विरोधका कार्यक्रम गर्न लागेको हो ।  नेपालमा लामो समय देखि विरोध हुँदै आएको माथिल्लो कर्णाली जलविद्युत आयोजना लगायतको डि पी ए सम्झौतामा पनि हस्ताक्षर गर्ने भित्री योजना रहेको  भन्दै माओवादी शंसकित छ ।
Read more ...

Thursday, 28 April 2016

फेसबुकका मालिक काठमाडौं आइ पो सकेछन् !

काठमाडौँ, १६ बैशाख, सामाजिक संजाल फेसबुकका संस्थापक मार्क जुकरबर्गले आफू काठमाडौँ आइसकेको बताएका छन्। उनले काठमाडौँलाई निकै राम्रो सहर ‘ग्रेट सिटी’ भन्दै प्रशंसा गरेका छन्।



नेपाल आएर जुकरबर्गले पहाडी इलाकामा साइकल चलाएकोसमेत उल्लेख गरेका छन् । गत अप्रिल २४ तारिखमा उनले हाफ म्याराथन दौडेको फोटो राख्दै भर्खरै जर्मनीको बर्लिन, स्पेनको बार्सिलोना, चीनको बेइजिङ र भारतको नयाँदिल्लीको भ्रमण गरेको स्टायटस लेखेका थिए।

 उनको यही स्टायटसमा एक जना नेपालीले म तपाईँसँग काठमाडौँमा दौड्न पर्खिरहेको छु भनेर कमेन्ट गरे। त्यसको जवाफमा जुकरमार्कले आफू काठमाडौँ आइसकेको जवाफ दिएका हुन्।

तर उनलाई ​त्यसपछि धेरैले काठमाडौँ कहिले आएको भनेर सोधे पनि जवाफ भने दिएका छैनन्।
Read more ...

पूर्वराजा ज्ञानेन्द्र पूनः (राजा) बन्ने अभियानका साथ नयाँ दिल्लीमा

काठमाडौं, १६ बैशाख । नेपाली काँग्रेसका सभापति शेरबहादुर देउवा १० दिने नयाँ दिल्ली बसाई सकेर स्वदेश फर्केलगत्तै पूर्वराजा ज्ञानेन्द्र शाह आज अकस्मात् नयाँ दिल्ली पुगेका छन् । पूर्वराजाको यो दिल्ली दौडलाई नेपाली राजनीतिमा निकै चासोका साथ लिईएको छ ।

नेपालको संविधानलाई लिएर भारतले असन्तुष्टी पोखिरहेको वेला, संविधानलाई नै लिएर मधेशवादी दलले आन्दोलन गरिरहेको र सरकारले संसद अधिवेशन बोलाएको साथै जेठ १५ गते भव्य रुपमा गणतन्त्र दिवस मनाउने सरकारको तयारी भैरहेको वेला पूर्वराजा दिल्ली दौडाहमा निस्कनुले उनको राजनीतिक महत्वाकांक्षा हुन सक्ने अड्कलबाजी गरिएको छ ।

स्रोतका अनुसार दिल्लीमा रहँदा शाहले भारतीय प्रधानमन्त्री नरेन्द्र मोदी, गृहमन्त्री राजनाथ सिंह, विदेशमन्त्री सुष्मा स्वराज, भाजपाका हिन्दुवादी नेताहरु, आर.एस.एसका प्रभावशाली नेताहरु, कँग्रेस आईकी अध्यक्ष सोनिया गान्धीलगायत नेपाल मामिलाका जानकार र अन्य पार्टीका प्रभावशाली नेताहरुसँग समेत भेटवार्ता गर्ने तालिका बनाएका छन् ।

दिल्लीमा पूर्वराजाले नेपाल–भारत सम्बन्ध सुदृढ बनाउनेवारे छलफल गर्नेदेखि लिएर यसपटक आँफै पूनः एकपटक राजा बन्न भारतीय सद्भाव बुझ्नेसम्मको सेक्रेट पकेट प्लान भारतीय नेताहरुसँग राख्ने बुझिएको छ ।
Read more ...

पाकिस्तानले ए-१६ फाइटर भारतविरुद्ध प्रयोग गर्ने ?

शीर्ष अमेरिकी सांसदहरुले पाकिस्तानलाई आठ एफ-१६ लडाकू जेट विमान बेच्ने ओबामा प्रशासनको फैसलाबारे चिन्ता जनाउँदै ती विमान पाकिस्तानले भारतविरुद्ध प्रयोग गर्न सक्ने बताएका छन् ।

उनीहरुले पाकिस्तानले यी विमानको प्रयोग आतंकवादविरुद्धको लडाईमा नभइ भारतविरुद्ध प्रयोग गर्न सक्ने दाबी उनीहरुले गरेका हुन् ।

सांसदहरुले यस सम्बन्धमा ओबामा प्रशासनलाई आफ्नो निर्णयबारे समीक्षा गर्न पनि अनुरोध गरेका छन् ।

सांसद म्याट स्याल्मनले बुधवार कांग्रेसमा सुनवाईका क्रममा भने, 'म सँगै  कांग्रेसका कयौं सदस्यहरुले यस फैसला र बिक्रीको समयमाथि गम्भीर सवाल उठाएका छौं ।'

उनले यसका अलावा भारत र पाकिस्तानबीच तनाव अहिले झनै बढेर गएको बताए ।'हुन त पाकिस्तानले यी फाइटरको प्रयोग आतंकवादीविरुद्ध प्रयोग गर्ने जनाएको छ । केही मानिसले एफ-१६ विमानको प्रयोग आतंकवादीसँगै भारत या अन्य क्षेत्रीय शक्तिकाविरुद्ध प्रयोग गर्ने खतरा बढेको छ ।'

हाउस अफ फरेन अफेयर्स समितिका एसिया र प्रशान्त मामलको उप समितिका तर्फबाट अफगानिस्तान र पाकिस्तानको मुद्दा आयोजित कांग्रेसमा सुनवाईका क्रममा स्याल्मनसँगै अन्य सांसदले सहमति जनाएका थिए ।

जबकि अफगानिस्तान र पाकिस्तानका विशेष अमेरिकी प्रतिनिधि रिचर्ड ओल्सनले ओबामा प्रशासनको प्रतिनिधित्व गर्दै सरकारी निर्णयको प्रतिरक्षा गरेका थिए ।
Read more ...

Wednesday, 27 April 2016

डाक्टरपछि इन्जिनियर पनि नक्कली

रहरीले इन्जिनियरको नक्कली प्रमाणपत्र बनाउने एउटा गिरोहलाई काठमाडौंबाट पक्राउ गरेको छ ।

 इन्जिनियरको नक्कली  प्रमाणपत्रबनाई नेपाल इन्जिनियरिङ परिषदमा दर्ता गराएर काम गरिरेको सूचनाका आधारमा महानगरीय अपराध महाशाखाले पाँचजनालाई पक्राउ गरेको हो ।
 प्रहरीले ललितपुर-१८ गाबहाल स्थित कम्प्यूटर डिजाईनर कार्यालयमा छापा मारी कम्प्यूटर लगायतका उपकरणहरु तथा छापसहित  नक्कली इन्जिनियरिङको प्रमाण पत्र पनि बरामद गरेको हो ।

प्रहरीबाट पक्राउ गरिएकामा ललितपुर–१८ गणबहालका कम्प्यूटर डिजाइनर अंकित खड्का, ललितपुर–१४ नख्खीपोटका ४४ वर्षीय सुबित खड्का, सिलगढी–१३ डोटीका २८ वर्षीय हितेश सिंह, खोटाङको बाक्सिला–६ का २६ वर्षीय पुजनकुमार खत्री र बुढानिलकण्ठ–३ काठमाडौंका २३ वर्षीय सनत श्रेष्ठ रहेका छन् ।

उनीहरुलाई नेपाल इन्जिनियरिङ परिषद्मा दर्ता गर्न चाहिने कागजातहरु  बरामद गरेको हो । अपराध महाशाखाले उनीहरुलाई उपत्यकाका बिभिन्न स्थानबाट पक्राउ गरी थप कारवाहीको लागिी महानगरीय प्रहरी परिसर ललितपुर पठाएको छ ।

Read more ...

भ्रष्टाचारमात्र गरेर जनताका काम नगरेको भन्दै गौतमलाई युवाहरुले दले कालो मोसो

विप्लव नेतृत्वको माओवादीको  विद्यार्थी संगठन अखिल क्रान्तिकारीले काठमाडौंका जिल्ला शिक्षा अधिकारी शंकर गौतमलाई मोसो दलेका छन् ।

गौतमलाई कार्यकक्षमा नै पुगेर मोसो दलिएको हो । आर्थिक  अनियमितता गरेको, नीजि विद्यालय सञ्चालकले विद्यार्थीसंग मनपरि शुल्क लिइरहेपनि नियन्त्रण गर्न नसकेको लगायतका आरोप लगाउँंदै गौतमलाई कालोमोसो दलिएको हो ।

गौतमले भने आफूले कुनैपनि अनियमितता नगरेको, नियमित कर्तव्य निर्वाह गरिरहेको बताए ।
Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us