Sunday, 28 August 2016

घाइते र मृतकका आफ्न्तलाई बुझाउन भन्दै मधेशी मोर्चाले सरकारसँग थप २ करोड माग्यो

काठमाडौं । सरकारले तराई मधेस आन्दोलनका घाइतेलाई उपचार खर्च र मृतकका परिवारलाई क्षतिपूर्तिवापत थप २ करोडभन्दा बढी उपलव्ध गराउनुपर्ने देखिएको छ ।

यो भारतमा उपचार गराएकाहरुको खर्चबाहेक भएको संयुक्त लोकतान्त्रिक मधेसी मार्चाले जनाएको छ । सरकारले ज्यान गुमाएका ५२ जनाका परिवारलाई १० लाखका दरले क्षतिूर्ति र घाइतेलाई उपचार खर्च दिने निर्णय गरेको थियो । मृतकको संख्या ६८ रहेको र घाइतेले विभिन्न अस्पतालमा गएर उपचार खर्च तिर्न बाँकी रहेको मोर्चाले जनाएको छ ।

प्रचण्ड नेतृत्वको सरकार गठनका क्रममा भएको तीन बुँदे सम्झौता कार्यान्वयनका लागि मोर्चाले गठन गरेको ती सदस्यीय समितिले आइतबार उपप्रधान एवं गृहमन्त्री विमलेन्द्र निधीसँग छलफल गरेको थियो ।

समितिका सदस्य लालबाबु राउतले गृहमन्त्री निधिसँग तीन बुँदे सम्झौता कार्यान्वयन गर्ने विषयमा छलफल गरिएको जानकारी दिए ।
Read more ...

जहाज उडाएरै फर्कदै गर्दा पक्राउ परे बुद्ध एयरका पाइलट

काठमाडौं । जहाज उडाएर फर्कदै गर्दा बुद्ध एयरका को पाइलट पक्राउ परेका छन्। नक्कली प्रमाणपत्रको आरोपमा को पाइलट स्वछन्द घले पक्राउ परेका हुन् । 

केन्द्रीय अनुसन्धान ब्युरो (सिआइबी) ले उनलाई चार दिनअघि पक्राउ गरेको हो। आइएस्सी नै नपढी उनले पाइलट पढेको सिआइबीका निर्देशक डिआजी नवराज सिलवालले बताए। उनले त्रिभुवन विश्वविद्यालयबाट आइएस्सी पढेको भनेर सर्टिफिकेट पेस गरी दक्षिण अफ्रिकाबाट पाइलट पढेका थिए। उनको विमान चालक अनुपति पत्र नम्बर ४०५ थियो।

घलेको सर्टिफिकेट साथी राजकुमार श्रेष्ठले बनाइदिएका थिए। श्रेष्ठलाई पनि पक्राउ गरिएको सिआइबीले जनाएको छ। श्रेष्ठ हवाइ इन्जिनियर हुन्।पक्राउ परेका दुवैविरुद्ध सरकारी छाप दस्तखत किर्ते मुद्दामा कारबाही अघि बढाइएको सिआइबीले जनाएको छ । सिआइबीले नक्कली प्रमाणपत्रधारी पाइलटविरुद्ध अप्रेसन ह्वाक अभियान चलाउँदै आएको छ ।

यसअघि सिआइबीले नक्कली प्रमाणपत्रधारी पाइलट विशाल कार्कीलाई तीन महिनाअघि पक्राउ गरेको थियो । उनी पुर्पक्षका लागि जेलमा छन् । कार्कीलाई पक्राउ गरेपछि एक दर्जनभन्दा धेरै पाइलटले राजीनामा दिइसकेका छन् ।नक्कली शैक्षिक प्रमाणपत्रबारे जाँच गर्ने बलियो सिस्टम नहुँदा नक्कली प्रमाणपत्रका आधारमा चिकित्सक, पाइलट तथा इन्जिनियर बन्ने प्रचलन देखिएको छ ।
Read more ...

अब सय ग्रामसम्म टुक्रा सुन ल्याउन पाइने

काठमाडौं । अबदेखि एक केजीभन्दा सानो परिमाणको टुक्रा सुन पनि आयात गर्न पाइने भएको छ । एक केजीको टुक्रा मात्रै आयत गर्न खरिद बिक्रीमा समस्या भएको भन्दै साने परिमाण्का टुक्रा  सुन पनि आयात गर्न पाइने व्यवस्था गर्न लागिएको हो ।

अहिलेसम्म एक केजीभन्दा सानो परिमाणको टुक्रा भएको सुन आयत गर्न पाइने व्यवस्था थिएन । यस्तो व्यवस्था परिवर्तन गरेर १ सय २ सय ५ सय र एक केजी परिमाणको टुक्रा सुन आयत गर्न पाइने व्यवस्था गर्न लागिएको नेपाल राष्ट्र बैंकको विदेशी विनियम विभागका प्रमुख भीष्मराज ढुंगानाले जानकारी दिए ।

सानो परिमाणको टुक्रा आयत अनुमतिका लागि राष्ट्र बैंकले वाणिज्य मन्त्रालयसँग सहमति मागेको छ ।
Read more ...

अब चालकको लापर्वाहीले यात्रुको मृत्यु भएमा लाइसेन्स खारेज

काठमाडौं । लापर्वाही गरेर सवारी दुर्घटना गराएर कसैको मृत्यु भएमा चालकको लाइसेन्स खारेज हुने भएको छ । सार्वजनिक महत्वको प्रस्तावमाथि संसदमा भएको छलफलमा उठेका प्रश्नहरुको जवाफ दिँदै भौतिक पूर्वाधार तथा यातायातमन्त्री रमेश लेखकले नियमावलीमा संशोधन भइसकेको बताए । 

उनले सवारी दर्घुटनामा कसैको मृत्यु भएमा वा लापर्वाही गरेको पाएमा चालकको सवारी चालक अनुमति पत्र नै खारेज गर्ने बताए ।

थप व्यवस्था के–के ?

यात्रुबाहक सवारीले बढी यात्रु बोकेमा चालकका अनुमति पत्र ६ महिनाका लागि निलम्बन गर्ने, बाटो इजाजत पत्र खारेज र सवारी दर्ता इजाजत पत्र ६ महिनाका लागि निलम्बन गर्ने

यात्रुबाहकले मालसामान र मालबाहकले यात्रु बोकेमा चालकको अनुमति पत्र ६ महिनाका लागि निलम्बन गर्ने, बाटो इजाजत पत्र खारेज र सवारी दर्ता इजाजत पत्र ६ महिनाका लागि निलम्बन गर्ने

पर्यटक सवारीले गैरपर्यटक यात्रु बोकेमा चालक अनुमति पत्र ६ महिनाका लागि निलम्बन गर्ने र सवारी दर्ता इजाजत पत्र पनि ६ महिनाका लागि निलम्बन गर्ने

निजी सवारीले भाडाको यात्रु बोकेमा चालक अनुमति पत्र ६ महिनाका लागि निलम्बन गर्ने र सवारी दर्ता इजाजत पत्र पनि निलम्बन गर्ने

सार्वजनिक सवारीले रुट इजाजत नलिएको बाटोमा सवारी चलाएमा चालक अनुमति पत्र ६ महिनाका लागि निलम्बन गर्ने र सवारी दर्ता इजाजत पत्र पनि निलम्बन गर्ने

लामो रुटमा दुई चालक अनिवार्य । नभए सवारी साधनको बाटो इजाजत पत्र खारेज र दर्ता इजाजत पत्र छ महिना निलम्बन ।
संसदको रोष्टममा उभिएर मन्त्री लेखकले भनेका छन्, ‘यो कार्यान्वयन गर्न आश्वयक छ । ठीक ढंगले कार्यान्वयन गर्न सके सडक दुर्घटना न्यूनिकरण हुनसक्छ ।’

अस्थायी रुट परमिट जिल्लाबाटै

मन्त्री लेखकले अस्थायी रुट परमिट दिने अधिकार प्रमुख जिल्ला अधिकारीलाई दिइएको बताए । कच्ची बाटोको रुट परमिट लिन विभाग र केन्द्रमा आउनु पर्ने व्यवस्था रहेको पाइएको भन्दै उनले अधिकार प्रत्यायोजन गरिएको बताए ।

यसले सिण्डिकेट अन्त्यमा सहयोग पुग्ने मन्त्री लेखकले दाबी गरे । रुट परमिट विना चलेको गाडी रोकिँदा यात्रुलाई केही समस्या देखिएको उनले बताए ।

सरकार सिण्डिकेट चाहन्छ कि व्यवथित यातायात व्यवस्था भन्ने सांसदहरुको प्रश्नमा मन्त्री लेखकले भने, ‘सरकार व्यवथित यातायात व्यवस्था चाहन्छ, यसका लागि सदनको साथ चाहिन्छ ।’

छतमा मानिस राख्न नहुने मागबारे जवाफ दिँदै उनले यदि यात्रुलाई असुविधा हुँदैन भने लामो दुरीको बसमा केरियर नै हटाइदिउँ भन्ने आफूलाई लागेको उनले बताए ।
Read more ...

अर्घाखाँचीमा जीप दुर्घटना, ९ जनाको मृत्यु

अर्घाखाँची । अर्घाखाँचीको हंसपुर गाविसमा जीप दुर्घटनामा परि ९ जनाको घटनास्थलमै मृत्यु भएको छ । अर्घाखाँची सदरमुकाम सन्धिखर्कबाट प्युठानको बादीकोट जाँदै गरेको ग १ ज ४८७८ नम्बरको फोरहृवील जीप हंशपुर गाविस ५ रतनमोर भन्ने स्थानमा दुर्घटनामा परेको थियो ।

दुर्घटनामा परि ९ जनाको घटनास्थलमै मृत्यु भएको इलाका प्रहरी चौकी हंशपुरका सइ श्याम श्रीषले जानकारी दिए । दुर्घटनामा ६ जना घाइते भएका छन् । जीपमा १५ जना सवार रहेको सइ श्रीषले जानकारी दिए ।
Read more ...

वैदेशिक रोजगारीमा गएका कामदारबाट उठाइएको करोडौँ रकम दूतावासबाट दुरुपयोग

काठमाडौँ ।   वैदेशिक रोजगारीमा गएका कामदारबाट उठाइएको कल्याणकारी कोषको रकम विभिन्न देशमा रहेका नेपाली दूतावासबाट दुरुपयोग भइरहेको भेटिएको छ । वैदेशिक रोजगार प्रवद्र्धन बोर्डअन्तर्गत कामदार कल्याणकारी कोषअन्तर्गतको रकम समस्यामा परेका र मृत्यु भएका कामदारको उद्धारका लागि भन्दै बोर्डले दूतावासलाई दिए पनि कामदारको करोडौँ रुपैयाँको हिसाबकिताब गोलमाल गरिएको अनुमान गरिएको छ ।

 दूतावासले करोडौँ रुपैयाँको पेस्की फछ्र्यौट नगरेको तथा उनीहरुले पेस गरेको खर्च विवरणको वैधानिकताबारे अख्तियार दुरुपयोग अनुसन्धान आयोगले समेत छानबिन गरिरहेको छ । बोर्डले अख्तियारलाई विभिन्न नौ मुलुकमा रहेका दूतावासको गत आर्थिक वर्षको अन्त्यसम्मको विवरण पठाएको छ । बोर्डका अनुसार विभिन्न दूतावासको २०६५ सालदेखिका पेस्की रकम फछ्र्यौट हुन बाँकी रहेको छ ।

दक्षिण कोरियाको रु एक करोड १० लाख ६४ हजार ५२४, मलेसियाको रु एक करोड सात लाख २९ हजार ७६८, कतारको रु ९१ लाख ८० हजार ५६६, साउदीअरबको रु ५५ लाख ६७ हजार २६१, संयुक्त अरब इमिरेट्स ९दुबई० को रु २१ लाख ९७ हजार २५३, ओमानको रु १२ लाख, इजिप्टको रु चार लाख चार हजार आठ, इजरायलको रु तीन लाख ५० हजार र कुवेतको रु तीन लाख ४३ हजार ५८१ पेस्की बेरुजु देखिएको छ ।

बोर्ड पदाधिकारीका अनुसार प्रारम्भिक रकम यो देखिए पनि योभन्दा धेरै रकम फछ्र्यौट हुन बाँकी रहेको अनुमान गरिएको छ । गत आवमा साउदी दूतावासले रु एक करोड ५२ लाख ६१ हजार ४८०, कुवेतले रु ६३ लाख ९९ हजार १६२, कोरियाले रु ५० लाख ४२ हजार ६९, कतारले रु ३७ लाख ३३ हजार ६८ र दुबईले रु २३ लाख १० हजार २५ पेस्की बेरुजु फछ्र्यौट गरेका थिए । मलेसिया, ओमान, इजरायल र इजिप्टका दूतावासले भने गत आवमा बेरुजु रकम फछ्र्यौट नै गरेनन् ।

परराष्ट्र मन्त्रालयका प्रवक्ता भरतराज पौडेलले भने प्रचारमा आएजस्तो बोर्डले दूतावासमा पठाएको रकम उल्लेख्य मात्रामा बेरुजु नभएको जिकिर गर्दै झन्झटिलो प्रक्रियाका कारण रकम फछ्र्र्योट हुन नसकेको टिप्पणी गर्नुभयो । उहाँले भन्नुभयो – “बोर्डबाट पठाएको रकम आर्थिक वर्ष सकिए पनि नयाँ आर्थिक वर्षका लागि तुरुन्त चाहिने भएकाले दूतावासमै राख्दा फछ्र्यौट हुन नसकी बेरुजु देखिएको हो, रकमको हिनामिना भएर बेरुजु देखिएको होइन ।”

उद्धारका लागि भनी पठाइएको रकम दूतावासले सवारीसधान खरिद गर्न, स्थानीय कर्मचारी राख्न, भ्रमणभत्ता, टेलिफोन खर्च, खाजा खर्च, खाना खर्च, फर्निचर, अतिथि सत्कारजस्ता अनावश्यक क्षेत्रमा खर्च भएको विवरण दूतावासले बोर्डमा पठाउने गरेका छन् । ती खर्चका विवरण कतिपय दूतावासले त खाली पानामा लेखेर पठाउने गरेका छन् जसका कारण विवरणलाई आधिकारिक मान्न नै समस्या हुने गरेको छ । पेस्की फछ्र्यौटमा सबैभन्दा बढी समस्या विदेशको लेखापरीक्षण नेपालमा गर्दा हुने गरेको छ ।

वैदेशिक रोजगार प्रवद्र्धन बोर्डका कार्यकारी निर्देशक रघुराज काफ्लेले दूतावासमा खर्च भएको विवरणको लेखापरीक्षण पनि दूतावासबाटै हुनसके धेरै समस्या सुल्झने बताउनुभयो । उहाँले भन्नुभयो – “विदेशमा खर्च भएको विवरण यहाँ पठाइन्छ । लेखापरीक्षण गर्दा महालेखाले हामीलाई सोध्छ, त्यहाँ खर्च भएको विवरणको पुष्टि र जवाफ दिन हामीलाई समस्या परिरहेको छ ।” अझ कतिपय बिल पुरानो, फाटेको अवस्थामा तथा अरबी भाषामा लेखिएका हुने हुँदा बोर्डका अधिकारीले केही बुझ्नै सक्दैनन् ।

परराष्ट्रका प्रवक्ता पौडेलसँग दूतावासले कामदार कोषको रकम दुरुपयोग गरेकोबारे प्रश्न गर्दा सम्बन्धित दूतावासमै बुझ्न आग्रह गर्नुभयो । अघिल्लो आर्थिक वर्षको खर्चका आधारमा बोर्डले एकमुष्ट रकम सम्बन्धित दूतावासलाई पठाउने र दूतावासले उतैबाट लेखापरीक्षण गरेर आर्थिक वर्षको अन्त्यमा विवरण पठाई बाँकी रकम बोर्डमा पठाउन सके सबै समस्या समाधान हुने बोर्डका ठहर छ । यसरी दूतावासले खर्च गर्ने र विवरणको परीक्षण बोर्डमा गरिने परिपाटीका कारणसमेत कतिपय दूतावासले भ्रष्टाचार गरेको हुनसक्ने अनुमान गरिएको छ ।
Read more ...

निर्मात्रीको छोरासँग निश्चलकी श्रीमती

हलहरूमा दीपेन्द्र के खनाल निर्देशित ‘चपली हाइट टु’ ले सफलता बटुलिरहेको छ । अघिल्ला केही चलचित्रबाट असफलताको स्वाद चाखे पनि ‘चपली हाइट’ र ‘पशुपतिप्रसाद’बाट राम्रो निर्देशकमा दरिएका खनालले यो साता नयाँ चलचित्रको घोषणा गरे ‘लभ लभ लभ’ ।


सलमान खानको पुरानो चलचित्रसँग मिल्दो शीर्षक, निर्देशक निश्चल बस्नेतकी श्रीमती तथा नायिका स्वस्तिमा खड्कालाई मुख्य भूमिका दिएर मात्र होइन, चलचित्रकी निर्मात्री शर्मिला पाण्डेका छोरा सुरज पाण्डेलाई नायकका रूपमा ‘डेब्यु’ गराउन लागेकाले खनालको यो चलचित्रले घोषणासँगै चर्चा पनि पाइरहेको छ । विशेषगरी निर्मात्रीको छोरालाई नायक बनाउन कतै निर्देशकले ‘कम्प्रोमाइज’ पो गरे कि रु



चलचित्र घोषणा पार्टीमै गाइँगुइँ चल्यो । खगेन्द्र लामिछानेलाई नायकका रूपमा स्थापित गराउने श्रेय पाएका खनालले निर्मात्रीका छोरालाई पनि स्थापित नायक बनाएरै छाड्छन् भन्नेहरू प्रशस्तै भए पनि हामी चाहिँ अहिले नै केही बोल्दैनौं ।



Read more ...

के थियो प्रधानमन्त्री प्रचण्डले मोदीलाई लेखेको पत्रमा ? उपप्रम निधिले संसद्‍मा अव सबैकुरा ओकले

काठमाडौँ । प्रधानमन्त्री पुष्पकमल दाहाल प्रचण्डको विशेष दुतको रुपमा भारत भ्रमणमा गएका उपप्रधान तथा गृहमन्त्री विमलेन्द्र निधिले प्रमले मोदीलाई लेखेको पत्रबारे संसदलाइ जानकारी गराएका छन्। उनले आफ्नो भारत भ्रमणका विषयमा संसदलाई जानकारी दिने क्रममा पत्रको विषयमा समेत जानकारी गराएका हुन्।
के थियो पत्रमा ?
निधिका अनुसार पत्रमा नयाँ सरकारले लिएको विदेश नीतिबारेु उल्लेख थियो जसमा छिमेकी मुलुकको सम्बन्धलाई उच्चतम प्राथमिकता दिएकोु विषय थियो। त्यस्तै प्रधानमन्त्रीले निधिलाई विशेष दुत तोकेको विषय पनि उल्लेख थियो।

 निधिका अनुसार पत्रमा परिवर्तित राजनीतिक सन्दर्भमा उच्चस्तरीय भ्रमणमार्फत् सम्बन्ध उच्च स्तरको बनाउने विषयमाु थियो।  त्यस्तै पत्रमा प्रधानमन्त्री पुष्पकमल दाहाल प्रचण्डले यसकालमा भारतीय प्रधानमन्त्रीको पूर्ण विश्वास र समर्थन पाउने विश्वास व्यक्त गर्नु भएको थियो।

 मोदीलाई प्रचण्डको पत्र हस्तान्तरण गरेको उल्लेख गर्दै निधिले उच्चस्तरीय भारत भ्रमणको माध्यमबाट द्विपक्षीय सम्बन्ध सम्बर्द्धन गर्न ठोस कदमहरु चाल्नेबारे विचारहरुको आदान प्रदान हुने आशाु, पत्रमा गरिएको सदनलाई जानकारी दिए।

 निधिले यही भदौ २ गतेदेखि ७ गतेसम्म भारतको भ्रमण गरेका थिए। निधिले भारत भ्रमणका क्रममा भारतका राष्ट्रपतिलाई नेपालका राष्ट्रपतिको तर्फबाट प्रेषित निमन्त्रणालाई नवीकरण गरिएको पत्र हस्तान्तरण गरिएको जानकारी दिए।

 भारतीय राष्ट्रपतिलाई आफूले राष्ट्रपतिको तहमा भ्रमण नभएको विषयमा उल्लेख गरेको उनले बताए।

भारतका विदेश मन्त्री र भारतका पूर्व प्रधानमन्त्रीसँग पनि आफूले भेट गरेको उनले बताए। लोकतान्त्रिक आन्दोलनमा समर्थन गर्ने नेता र अगुवासँग पनि भेट भएको थियो। नेपाल भारत सम्बन्धको विषयमा छलफल भएको थियो। नयाँ सरकारको प्राथमिकता संविधान कार्यन्वयन गर्नु रहेकाले सबै पक्षलाई साथमा लिई अगाडि बढ्ने नीति सेयर गरेको थिएँ, उनले भने।  

 आफूले भारतमा नेपालको सरकार तीन वटा निर्वाचन सम्पन्न गराउने विषयमा अगाडि बढेको चर्चा गरेको बताए। ुभारतको उच्च आर्थिक प्रगतिबारे नेपालले लाभ लिन चाहेको विषयमा जोड दिएको थिएँ, उनले भने।  

भारतका राष्ट्रपतिको नेपाल भ्रमण र नेपालका राष्ट्रपति र नेपालका प्रधानमन्त्रीका भ्रमण सम्पन्न तुल्याउने विषयमा पनि कुरा भएको निधिले उल्लेख गरे।
Read more ...

लिफ्टमा भेटियो बेवारिसे शव

काठमाडौं । काठमाडौंको कमलपोखरीस्थित सनराइज बिज टावरको लिफ्टमा शुक्रबार एउटा बेवारिसे शव भेटिएको छ । लिफ्टमा साँझ एक पुरुष व्यक्तिको शव फेला परेको महानगरीय अनुसन्धान महाशाखाले जनाएको छ ।

मृतकको परिचय नखुलेको महानगरीय प्रहरी परिसर काठमाडौं प्रहरी उपरीक्षक प्रद्युम्न कार्कीले बताए । ति व्यक्तिको लिफ्टमै कुनै कारण निधन भएको हो वा हत्या भएको भन्नेबारे प्रहरीले केही खुलाएको छैन ।

प्रहरीले शवबारे अनुसन्धान सुरु भएको जनाएको छ ।
Read more ...

अस्ट्रेलियामा एक पिताले आफ्नै छोरीलाई बलात्कार गरेर गर्भवती बनाएपछि....

मेलबर्न । अस्ट्रेलियाको सहर मेलवर्न सिटीमा बस्दै आइरहेका एक व्यक्तिलाई त्यहाँको एक अदालतले १० वर्षको जेल सजाय सुनाएको छ । आफ्नै किशोरी छोरीलाई बलात्कार गरेर गर्भवती बनाएपछि उनलाई अदालतले यस्तो सजाय सुनाएको हो ।

डेलीमेलले दिएको रिपोर्ट अनुसार आरोपीले आफ्नै छोरीलाई चक्कुका भरमा धम्की देखाउँदै आफुले गरेको अपराध लुकाउन खोजेका थिए । आरोपीकी श्रीमतीले यस घटनाबारे थाहा पाएपछि प्रहरीमा उजुरी दिएकी थिइन् । पीडित किशोरीलाई विभिन्न बाहनामा बलात्कार गर्ने र धम्की दिने काम आरोपीले गरेका थिए ।

घरमा एक्लो भएको अवस्थामा आफ्नै छोरीमाथि बलात्कार गर्ने पितालाई प्रहरी हिरासतमा राखिएको थियो । भिक्टोरियन काउन्टी कोर्टमा मुद्धा दर्ता गरिएको थियो । पीडित किशोरीका वकिलले किशोरीकै बेड रुममा बलात्कार गरेको आरोप लगाएका थिए ।

अदालतमा भएको सुनवाईमा आरोपीले आमा अथवा अरु कसैलाई भनेमा चक्कुले हानेर मार्ने घम्की दिएका थिए । आफ्नो कुरा नसुन्ने भन्दै आरोपीले बारम्बार कुटपीट गर्ने गरेका थिए । आरोपीले पोर्न फिल्म हेर्न बाध्य बनाएको र पोर्न फिल्ममा जस्तै कार्य गर्न बाध्य पारेको सुनुवाईमा बताइएको थियो ।

शारिरीक यातना र बलात्कारको शिकार भएकी १४ वर्षीय किशोरीमा केही समय पश्चात गर्भवती भएका लक्षणहरु देखिन थालेका थिए । जब पीडित किशोरीकी आमाले किशोरीको पेट बढेको थाहा पाइन् र यसबारे आरोपीलाई बताइन्, आरोपीले किड्नीमा पत्थरी परेको भन्दै कुरा टाल्न खोजेका थिए ।

श्रीमतीलाई भ्रमित पार्न खोजेका आरोपीले पिडित किशोरी गर्भवती भएको कुरा लुकाउन हरसम्भव प्रयास गरेका थिए ।

अदातलमा न्यायधीशले आरोपीलाई सोधेका थिएँ, ‘तिमीले आफ्नी श्रीमतीलाई विश्वास कसरी दिलायौ कि त्यो किड्नीमा पत्थरी नै थियो भनेररु उल्टै छोरीलाई पानी र खाने कुरा धेरै नखाएको भन्दै दोष लगायौ ।’

पीडित किशोरीकी आमालाई शंका लागेपछि उनी छोरीलाई लिएर डाक्टरकोमा जचाँउन पुगेकी थिइन् । जचाउन पुग्दा उनी आश्चर्य चकित परिन् । छोरी गर्भवती भएको थाहा पाएपछि उनको होसहवास नै उडेको थियो । त्यस घटना लगत्तै उनी प्रहरीमा उजुरी गर्न गएकी थिइन् ।

आरोपीले प्रहरीलाई दिएको बयानमा भनेका छन्,‘ म मान्छे होइन । म जनावरभन्दा पनि तल्लो स्तरको व्यक्ति हुँ ।’

न्यायधीशले मानवको नाममा कंलक भएको भन्दै १० वर्षको जेल सजाय सुनाएका हुन् ।

Read more ...

Saturday, 27 August 2016

एउटा किशोरीको रोदन्, बिहे गर्दिन भनेर धेरै रोएँ, कराएँ तर कसैले सुनेनन्

रोल्पा । विवाहका लागि आफ्नो मञ्जुरी नभएपछि एक किशोरी प्रहरीमा उजुरी गर्न आएकी छिन् । गैरीगाउँ–८, गाङ, रोल्पाकी १७ वर्षीया सुनिता परियारको परिवारले जबर्जस्ती विवाहको टुङ्गो लगाएको सुइँको पाएपछि न्याय खोज्दै परियार शनिबार साँझ जिल्ला प्रहरी कार्यालय रोल्पामा आएकी हुन् । 

आर्थिक अभावका कारण कक्षा ५ उत्तीर्ण गरेर विद्यालय छोड्न बाध्य भएकी परियारले रुँदै भनिन्, “गाउँकै १९ वर्षीय रमेश परियारसँग मेरो विवाहका बारेमा कुरा टुङ्गिएको रहेछ । मलाई यस विषयमा केही पनि थाहा थिएन । घरमा बिहेका लागि भैँसी किनेर ल्याइएको छ । रोटी पकाउने काम चलेको छ साथै घर लिपपोत गर्न थालेपछि भाइबहिनीले मेरो विवाहका लागि तयारी हुँदैछ भन्ने जानकारी दिए ।”

“त्यसपछि मैले अहिले म सानै छु, बिहे गर्दिन भनेर धेरै रोएँ, कराएँ तर कसैले मेरो कुरा सुनेनन् । आगामी भदौ १६ गते विवाहको दिन तय भइसकेको छ रोक्न मिल्दैन भन्ने आमाको जवाफ पाएपछि नारायणगढमा भएकी दिदीलाई फोन गरे । दिदीले यतै आइज भनेर बोलाएको हुँदा भागेर दिदीकहाँ जान लागेकी थिएँ । आफन्तले प्रहरीमा पुगे न्याय पाइन्छ भनेर सल्लाह दिएपछि प्रहरीमा आएँ । मलाई पटक्कै ऊसँग बिहे गर्न मन छैन । तपाईंहरुले बुबाआमालाई सम्झाइदिनुस्,” उनले आँसु पुछ्दै भनिन् ।

यसरी न्याय खोज्दै प्रहरी कार्यालय रोल्पामा आएकी परियारलाई शनिबार राति महिला प्रहरीको संरक्षणमा राखियो । प्रहरी नायब उपरीक्षक रामप्रसाद घर्तिमगरका अनुसार परियार गाउँबाट भागेर हिँडेपछि गाउँलेले थाहापाई खोजीका लागि प्रहरीमा खबर गरेका थिए । उनले, “हामीले यस विषयमा आइतबार अभिभावकलाई जिप्रका, रोल्पामा बोलाएका छौँ ।” उहाँहरु आएपछि वास्तविक कुरा बुझेर अगाडि बढ्नेछौँ ।” अहिले परियार प्रहरीकै संरक्षणमा भएको पनि उनले जानकारी दिए ।

जिल्लामा बालविवाह न्यूनीकरणका लागि अभियान थालिएको छ । उनी त प्रतिनिधि पात्र मात्र हुन् यस किसिमका घटना जिल्लामा धेरै हुने गरेका छन् । 
Read more ...

फर्जी हस्ताक्षरबाट काठमाडौंमा रोगी पशुपन्छी भित्र्याइँदै


काठमाडौं । अमेरिका बस्ने एक पशु चिकित्सकको फर्जी हस्ताक्षर र स्टाम्प प्रयोग गरी नक्कली स्वास्थ्य प्रमाणपत्रका आधारमा अवैध रूपमा पशुपन्छी काठमाडौं आयात भइरहेको तथ्य फेलापरेको छ । यसअघि पनि फर्जी स्वास्थ्य प्रमाणपत्रका आधारमा पटकपटक मरेका र रोगी पशुपन्छी राजधानी भित्र्याउने गरिएको थियो ।

पशु क्वारेन्टाइन कार्यालयले शुक्रबार राति फर्जी हस्ताक्षर र स्टाम्प प्रयोग गरी नक्कली स्वास्थ्य प्रमाणपत्रका आधारमा राजधानी भित्र्याउँदै गरेको अवस्थामा नागढुंगा नाकाबाट राँगा, भैंसी र ब्रोइलर कुखुरा बरामद गरेको छ । क्वारेन्टाइन कार्यालयका प्रमुख डा। परशुराम भुसालका अनुसार पशु सेवा विभागमा कार्यरत नेपाल भेटेरिनरी काउन्सिलमा दर्ता नम्बर ४३८ रहेका डा। सुभाष सिवाकोटीका नाममा फर्जी हस्ताक्षर र स्टाम्प लगाइएको पशुपन्छीसम्बन्धी नक्कली स्वास्थ्य प्रमाणपत्र (भेटेरिनरी प्रमाणपत्र) जारी भएको फेलापरेको छ ।

डा. सिवाकोटी पछिल्लो तीन वर्षदेखि अध्ययनका क्रममा अमेरिकामा छन् । अमेरिकामा रहेका सिवाकोटीका नाममा नुवाकोटको जिलिङस्थित नमुना पोल्ट्री ब्रिडिङ एन्ड ह्याचरीका सञ्चालक पुरुषोत्तम नेपाल तथा सोही जिल्लास्थित चारघरेको नमुना ह्याचरी उद्योगका सञ्चालक नीलप्रसाद अर्यालले फर्जी हस्ताक्षर र स्टाम्प लगाएर स्वास्थ्य प्रमाणपत्र जारी गरेका हुन् ।

पशुपन्छी मानव स्वास्थ्यका लागि हितकर भएको र निरोगी रहेको भनेर नेपाल भेटेरिनरी काउन्सिलमा दर्तावाल पशु चिकित्सकले स्वास्थ्य प्रमाणपत्र उपलब्ध गराएको आधारमा मात्रै सम्बन्धित व्यवसायीले एक जिल्लाबाट अर्को जिल्लामा पशुपन्छी ओसारपसार गर्न पाउने व्यवस्था छ । ती दुवै सञ्चालकले राजधानी भित्र्याउन लागिएको ब्रोइलर कुखुरा स्वस्थ छु भनेर डा. सिवाकोटीका नाममा आफैं फर्जी स्वास्थ्य प्रमाणपत्र तयार पारी जारी गरेको फेलापरेको हो ।

जाँचका क्रममा केही महिनापहिले पनि यस्तो नक्कली स्वास्थ्य प्रमाणपत्रका आधारमा मानव स्वास्थ्यका लागि अयोग्य र गुणस्तरहीन पशुपन्छी राजधानी भित्र्याइएको थियो, डा भुसालले भने, स्वास्थ्य प्रमाणपत्रका आधारमा फट्याइँ गर्ने यस्ता व्यवसायीले सजिलै एक स्थानबाट अर्को स्थानमा रोगी र मरेका पशुपन्छीहरू ल्याउने र लैजाने गर्दै आएका छन् ।

उपत्यका भित्रिने नाकाहरूमा कडाइका साथ जाँच गर्ने क्रममा फर्जी प्रमाणपत्रका आधारमा पशुपन्छी भित्र्याउने गरिएको तथ्य बाहिर आएको जानकारी डा। भुसालले दिए । उनका अनुसार असार अन्तिम सातामा पनि अमेरिका बस्ने डा। सिवाकोटीका नाममा यस्तो फर्जी प्रमाणपत्र जारी भएको आधारमा पशुपन्छी उपत्यका भित्रिएको थियो । फर्जी प्रमाणपत्रको बिगबिगी बढेपछि शुक्रबार राति नेपाल भेटेरिनरी एसोसिएसन र महानगरीय प्रहरी प्रभाग नागढुंगाको सहकार्यमा क्वारेन्टाइन कार्यालयले विशेष जाँच गरेको थियो ।

जाँचका क्रममा नमुना पोल्ट्रीले बा ४ ख ९१२ नम्बरको आइसरमा राखेर काठमाडौंको न्यु राजु कोल्ड स्टोरका नाममा पाँच सय र नमुना ह्याचरीले बा ८ च ९५५३ नम्बरको बोलेरोमा राखेर काठमाडौंकै भ्याली कोल्ड स्टोर प्रालिका नाममा चार सय ५० थान ब्रोइलर कुखुरा पठाएको अवस्थामा बरामद गरिएको थियो । भ्याली कोल्ड स्टोर कुखुरासम्बन्धी व्यवसाय गर्ने उपत्यकाको सबैभन्दा ठूलो व्यापारिक प्रतिष्ठान हो ।
क्वारेन्टाइनले फर्जी प्रमाणपत्रका आधारमा पशु स्वास्थ्य तथा पशु सेवा ऐनअन्तर्गत कुखुरा भित्र्याउने ती दुवै सवारीसाधनका चालकसँग जनही पाँचपाँच हजार रुपैयाँ जरिबाना गरेर छाडेको छ । अन्य थप कारबाही पनि क्वारेन्टाइनले अघि बढाएको छ ।

यसैगरी प्रहरी प्रभाग नागढुंगाले किर्ते जालसाजी हस्ताक्षर र स्टाम्प प्रयोग गरी नक्कली स्वास्थ्य प्रमाणपत्र जारी गरेको अभियोगमा किर्तेु अन्तर्गत कारबाहीका लागि प्रक्रिया अघि बढाएको जानकारी प्रहरी निरीक्षक सुनिल दाहालले दिए ।

Read more ...

मलेसियामा नेपाली कामदारको हडताल

क्वालालम्पुर ।  न्युनतम तवल वृद्धिको माग गर्दै नेपाली श्रमिक हडतालमा उत्रिएपछि मलेसियाको निलाइमा कार्यरत नेपाली बस्ने होस्टलमा कम्पनीले पानी र बिजुली सेवा बन्द गराएको छ । नेगेरी सेम्विलान राज्यमा रहेको एवान ग्लोभ कम्पनीमा कार्र्यरत नेपाली श्रमिकले मलेसिया सरकारले तोकेको न्युनतम तलब उपलब्ध गराउनु पर्ने माग गर्दै आन्दोलन गरेका हुन् । 

नेपाली श्रमिक हडतालमा उत्रिएपछि कम्पनीको कामसमेत प्रभावित बनेको छ ।दुई सय ३० नेपाली ,पाकिस्तानी र बंगलादेशी गरी पाँच सय तीन श्रमिक हडतालमा उत्रिएका छन् । उनीहरूको होस्टलको बिजुली र पानी बन्द भएपछि घर फर्किन पाउनु पर्ने मागसमेत नेपाली श्रमिकले राखेका छन् ।

न्युनतम तलब बढ्नु पर्ने, आइतबार र बिदाका दिन ओभरटाइमको मूल्य दोब्बर हुनु पर्ने, आइतबार अनिवार्य छुटि हुनु पर्ने, बिजुली पानी र अन्य नाममा काटिने एक सय ३५ रिंगेट रकम काटन नपाइने लगायतका माग श्रमिकका छन् । आन्दोलनमा उत्रिएका स्याङ्जाका आवास थापाका अनुसार कम्पनीले माग पूरा नगरेसम्म हडताल जारी रहनेछ ।
Read more ...

प्रधानमन्त्री प्रचण्डको भारत भ्रमणमा खुला आकाश सम्झौता

काठमाडौं । नेपालका निर्माणाधीन विमानस्थल सञ्चालनका लागि अनिवार्य मानिएको खुला आकाश सम्झौता गर्न अन्ततः भारत तयार देखिएको छ ।

प्रधानमन्त्री प्रचण्डको आसन्न भारत भ्रमणका क्रममा यो सम्झौता गर्ने तयारी भइरहेको संस्कृति पर्यटन तथा नगरिक उड्डयन मन्त्रालयले जनाएको  छ ।

भैरवाह विमानस्थल निर्माणले गति लिइरहे पनि यो सम्झौता नहुँदा यसको भविश्य नै अन्योलमा परेको थियो ।

सम्झौता गर्न भारतले आलटाल गर्दै आए पनि पछिल्लो समय सकारातमक देखिएपछि पर्यटन मन्त्रालयले परराष्ट्रमार्फत गत साता भारतलाई पत्र पठाएको छ ।

प्रधानमन्त्री प्रचण्ड भदौ अन्तिम साता नयाँ दिल्ले जाने सहमति भए पनि औपचारिक टुंगो भने लागिसकेको छैन ।

Read more ...

श्रीलंकामा मृत्युदण्ड पाएका नेपालीबारे सरकार अनभिज्ञ

काठमाडौं–लागूपदार्थ कारोबार अभियोगमा वर्षैंदेखि श्रीलंकामा जेल सजाय भोगिरहेका दुई नेपालीको अवस्थाबारे सरकार अनभिज्ञ देखिएको छ । पाटन ललितपुरका चेतबहादुर थापा र धादिङ सत्यदेवी गाविसका सुकबहादुर तमाङ श्रीलंकामा अहिले जेल जीवन व्यतित गरिरहका छन् ।

 श्रीलंकाली लागूऔषध व्यरोले ७९।८४ ग्राम शुद्ध हेरोइन बोकिरहेको अवस्थामा ६३ वर्षीय थापालाई सन् २००९ मा पक्राउ परेका थिए । त्यसलगत्तै उनीविरुद्ध त्यहाँको प्रहरीले केन्डीस्थित उच्च न्यायालायमा मुद्दा चलाएको छ । थापालाई उक्त अदालतले सन् २०१५ मार्च महिनामा मृत्युदण्डको फैसला सुनाएको थियो । मृत्युदण्डको फैसलापछि थापाले कोलम्बोस्थित पुनराबेदन अदालतमा फैसला पुनराबलोकनको लागि गरेको अनुरोधबारे अदालतले अन्तिम धारणा सार्वजनिक भने गरेको छैन । त्यस्तै तामाङले पनि आजीवन जेल सजाय पाएका छन् ।

 परराष्ट्रमन्त्रालयका प्रवत्ता भरतराज पौडेलले लामोसमय देखि श्रीलंकामा राजदूत नभएका कारण समस्या भएको बताउँदै राजदूत नियुक्तिसँग उनीहरुको जीवन रक्षाको लागि ठोस पहल गर्ने बताए । 
Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us