Friday, 6 May 2016

सन्तानले लत्याएर सडकमा पुगेकी आमाको मनछुने पत्र, पढ्दा आँसु रोकिँदैन

मेरो मुटुको टुक्रा,
यो व्यस्त सडकको छेउबाट तिमीलाई निरन्तर पुकारिरहेकी छु । सायद पुकार्दा-पुकार्दै अन्तिम स्वास फेर्छु होला । तिमीलाई त थाहा छ/छैन, पोहोर सालको चैतमा तिमीले मलाई वृद्धाश्रममा छाडेर गएको ठ्याक्कै तेह्र महिना पुगेछ । यो तेह्र महिनामा म तेह्र हजार पटक मरेँ हुँला, तिम्रो मायालु अनुहार हेर्न नपाएर अनि तिमीलाई मेरो नजरको वरिपरि देख्न नपाएर ।

मेरो प्यारो छोरा,
सिम्बोलिक तस्बिर

सिम्बोलिक तस्बिर

सन्तानको माया कस्तो हुन्छ भन्ने त यतिबेलासम्म तिमीले थाहा पाईसक्यौ होला नि है ! तिमीले मलाई वृद्धाश्रम लग्ने बेला बुहारी दुई जीउकी थिईन् । आफ्नो मुटुको टुक्रा आफूदेखि अलग हुँदा कति पीडा हुन्छ, त्यो कुरा तिमीले बुझिसक्यौ होला । म पनि तिम्रै यादले गर्दा आजसम्म बाँचेकी छु । एकमुठी स्वास फ़ेर्न सकेकी छु । मलाई आशा छ, म मर्ने बेलासम्म तिम्रो अनुहार हेर्न पाउनेछु ।

तिमीले मलाई छाडेको वृद्धाश्रममा म अटाइन छोरा । किनकी म भन्दा धेरै दु:खी आमाहरु थिए त्यहाँ । जसको यस संसारमा कोही थिएनन् । मेरो त तिमी छौ, बुहारी छिन् र नाती पनि छ रे भन्ने सुनेकी छु । त्यसैले म आफैँ त्यो तिमीले छाडेको बृद्धाश्रम छाडेर बाहिर सड़क पेटीमा आएँ छोरा ।

सड़कको जीवन त मलाई त्यति कठोर भएन, जति तिम्रो यादले पीडा भो । तिमी मेरो पेटमा हुँदादेखि मलाई यहाँ छोड्नेबेलासम्म मैले तिमीसँग बिताएका पलहरु ओढेरै बाँचे, तिम्रा मायाहरु खाएरै बाँचे । कहिलेकाहीँ कुनै पवित्र मनले केही खानेकुरा दिँदा पनि मलाई कतै तिमी भोकै पो छौ कि भन्ने पीडा हुन्छ छोरा । आमाको मन कस्तो हुन्छ, एकपटक बुहारीसंग सोध ल, ‘भर्खरै जन्मेको बाबुको तिमीलाई माया कति लाग्छ भनेर ?’

हो छोरा,
तिमीले बुहारीको लहलहैमा लागेर मलाई त्याग्यौ, यसमा मलाई केहि दु:ख लागेको छैन । मेरोलागि त तिमीभन्दा अमूल्य सम्पत्ति अरु के नै थियो र ? एक वचन ‘जा’ भनेको भए मेरो जीवन नै तिम्रो नाममा त्यागिदिन्थेँ । किनकि तिम्रो बाबा स्वर्गे भएपछि यो संसारमा तिमीमात्र त छौ मेरो भन्ने । आफूले माया गर्ने मान्छेले दिएका पीडा पनि कति मिठो लाग्दो रहेछ । उपहास पनि सुमधुर हुँदो रहेछ । म सबै यातना चुपचाप सहन तयारै थिएँ । मैले राम्रो लुगा र मिठो खाना पनि त मागेकी थिईन । तर मलाई घरबाट निकाल्ने फ़ैसला गरेछौ । तिम्रो एउटा तस्बिरसम्म भएको भए त्यही हेरेर चित्त बुझाउँथे होला, त्यहि पनि बुहारीले निकालिदिईछिन् । अब त तिमीलाई थाहा भईसक्यो होला आफ्नो सन्तानले गरेको हरेक कुरा सह्य हुन्छ आमा-बाबुलाई होइन र ?

मलाई माफ़ गर बाबु,

मैले बुहारीलेजस्तै आधुनिक बोल्न जानिनँ । उनलेजस्तै मिठो पकाउन सकिनँ । म सफा सुघ्घर बस्न सकिनँ । मैले कुपोषित शरीरले पाएको सजाय दम र खोकी रोक्न सकिन, म बूढी भएँ । मत खोले खाएर, भुल्ला ओढेर हुर्केकी मान्छे, तिमी सानो छँदा तिमीलाई मागेरै भएपनि मिठो खुवाएर हुर्काएँ । तिम्रो बाबा तिमी पेटमा हुँदादेखि परदेशिएर पाँच वर्षसम्म बेखवर हुँदा पनि मैले तिमीलाई कहिल्यै भोकै राखिनँ । मेरो छाति सिस्नोको खोलेले पनि भरिएकै थियो । रसाएकै थियो ।

हो बाबु,

म धेरैपल्ट मरेर पनि बाँचें । किनकि मलाई भोक लाग्दा तिमी भोकाएको देख्छु । प्यास लाग्दा तिमी तिर्खायौ कि भनेर झस्किन्छु । म पीडाले कराउन सक्दिन छोरा । किनकी म कराउँदा पनि तिमीलाई दुख्छजस्तो लाग्छ । हो छोरा, यो आमाको मन अचम्मको हुने रहेछ ।
सरगम भट्टराई
सरगम भट्टराई

पोहोरको वैशाखमा आमाको मुख हेर्ने दिन थियो, सबैका छोरा-छोरी आए, तर तिमी आएनौ । छोरा ठिक गर्यौ, जाबो एक दिन भेटेर अनि मिठो खुवाएर के हुन्थ्यो र ? जाबो एकसरो लुगा दिएर अनि एकपटक आमा भनेर के हुन्थ्यो र कमसेकम देखावटी स्वाङ त पारेनौ !

मलाई थाहा छ, तिमीले मनको एउटा कुनाले पक्कै सम्झ्यौ होला, तर मैले त हरेक स्वास र कसैले दिएको गाँसमा पनि यो शरीर लाश नहुन्जेल सम्झिरहनेछु छोरा । मैले भुलेकि छैन, तिमीले मलाई कति धेरै माया गर्थ्यौ सानोमा । बाटोमा भेटाएको काफलगेडी पनि मलाई दिएरै खान्थ्यौ । मेरो जूठो नखाएसम्म तिमी अघाउँदैनथ्यौ । अहिले सायद माया सकियो होला क्यारे, सकिएपछि यसमा तिम्रो के दोष होइन र ? बाँकी नै नभएपछि त के दिनु है ?

हो छोरा,
यो स्वार्थी संसारमा तिमीमात्र होइन, धेरै यस्ता छोराछोरी छन रे अचेल । त्यसैले सूर्ता नमान्नू है, बरु आफ्नो ख़्याल राख्नु । तिमीले कहिल्यै समयमा खाना खाँदैनथ्यौ । मैले हरेकचोटी मुटु धड्किदा तिमीलाईबाहेक अरुलाई सम्झिन्न । मेरो यो संसारमा अरु को नै छ र छोरा ? तिमीलाई पक्कै दिनभरि बाडुली लाग्दा कति गाह्रो हुँदो हो है, के गर्नु छोरा मेरो यति अधिकार त नखोस न है ।

म सायद धेरै बाँच्दिन होला छोरा, तिमीलाई थाहा छैन होला भोको पेटमा बोरा ओढेर सड़कसंग सुत्नुको पीडा कस्तो हुन्छ भनेर । हिजो हाम्रो फुसे घरको छानु पुसे झरीमा चुहिँदा मेरो छाती ओढाएरै तिमीलाई बचाएको कुरा तिमीलाई थाहा छैन छोरा ।

मेरो छोरा,

अब त नाती पनि बाबा-मम्मी भन्ने भयो होला । तिमीहरुले ठिक गर्‍यौ मलाई घरबाट निकालेर । नत्र नातीले भोलि जान्ने भएपछि बुहारीले मलाई गरेको माया देखेर त्यहि सिको गर्ने थियो, अनि तिमीहरुलाई भोलि बुढेसकालमा मैलेजस्तै सडकको या वृद्धाश्रमको बास बस्नुपर्ने हुन के बेर ! आफ्नै सन्तान सडकमा भीख मागेको म हेर्न सक्दिन छोरा । म आफू जस्तोसुकै पीडा खप्न तयार छु, तर तिमीलाई सडकमा बोराभित्रको जिन्दगी बाँचेको हेर्न त के कल्पनासम्म गर्न सक्दिन । बुहारीको मन पनि नदुखाउनु है छोरा । उनी पनि कसैकी छोरी हुन्, मैले तिमीलाई जन्माउँदाजस्तै पीडा सहेर जन्माए-हुर्काएकी । हेरन, आफ्ना सबै आफन्त छाडेर सर्वस्व तिमीलाई नै सुम्पेकी छिन् ।

अन्तमा आज फेरि आमाको मुख हेर्ने दिन भन्ने सुनेकी छु, शरीरभरिका घाउहरु र अन्तर्मनका घाउहरु बेजोड़संग दुखिरहेका छन् । तिम्रो बाटो हेर्दा र्दै मेरा आँखा थाकिसकेका छन् । मैले कालसंग पनि दयाको भीख मागेकी छु, मर्नुभन्दा अघि केवल एकपल्ट तिमीलाई हेरेरै मर्ने रहर छ । मलाई दागबत्ती दिनुपर्दैन छोरा बरु भोकाएका गिद्ध र स्यालहरुलाई खान दिनु । किनकी भोकको पीडा कस्तो हुन्छ, तिमीलाई भन्दा मलाई थाहा छ । तिमी जहाँ भएपनि काँडाले नघोचोस् । कुनै रोगले नभेटोस् । अर्को जन्म हुनेरहेछ भने तिमीलाई मेरै कोखमा जन्माउन पाऊँ, किनकी तिमीलाई मैले गर्ने मायाको धीत मरेकै छैन । तर मलाई अर्को जन्ममा घरबाट ननिकाल्नु है ।

बाटो पारी तिमीजस्तै अनुहार देखिरहेकी छु, तिम्रो आगमन महशुस गरिरहेकी छु छोरा । आमा हुँ नि म । मलाई थाहा छ, तिमी दुनियाँको लाजले होइन, मेरै मायाले डोहोर्‍याएर आउँदैछौ । तर मेरो एक मुठी प्राण जानै लाग्यो छोरा । कहीँ कतै मलाई मरेकै देख्यौ भने पनि आँसु नझार्नु है, म मेरो आफ्नै मुटुको टुक्रा रोएको देख्न सक्दिन । बस् मलाई एकपटक आमा  मात्र भन्नु, मेरो आत्मले शान्ति पाउनेछ । अर्को जुनीमा भेट्ने आशामा मृत्यु कुरिरहेकी छु ….।

उही तिमीलाई माया गर्ने आमा !
Read more ...

राष्ट्रपति विद्यादेवी भण्डारीको भारत भ्रमण स्थगित

राष्ट्रपति विद्यादेवी भण्डारीको भारत भ्रमण तत्कालका लागि रोकिएको छ। राष्ट्रपतिको भारत भ्रमण तत्कालका लागि स्थगित भएको  परराष्ट्र मन्त्रालयले शक्रबार बिहान जानकारी दिएको राष्ट्रपति कार्यालय स्रोतले जनाएको छ ।
राष्ट्रपति  २७ बैशाखदेखि ५ दिने भ्रमणमा भारत जाने गरी परराष्ट्र र भारतीय बिदेश मन्त्रालयले तयारी गरिरहेका थिए । मन्त्रिपरिषद् बैठकले अनुमोदन नगरेको कारण दर्शाउँदै राष्ट्रपतिको भ्रमण रोकिएको राष्ट्रपति कार्यालयले जनाएको छ।
नेपालको परराष्ट्र मन्त्रालय र भारतको विदेश मन्त्रालयले सो भ्रमणका लागि केही दिनदेखि तयारी तीब्र पारेका थिए। यसअघि राष्ट्रपति भण्डारीको भारतीय समकक्षी प्रणव मुखर्जी, भारतीय प्रधानमन्त्री नरेन्द्र मोदीलगायतका शीर्ष राजनीतिक नेताहरुसँग भेट गर्ने र थप केही कार्यक्रममा भाग लिने राष्ट्रपति कार्यालयले जनाएको थियो।
राष्ट्रपति भण्डारी भारतीय राष्ट्रपति प्रणव मुखर्जीको निमन्त्रणामा भारत जाने तय भएको थियो । परराष्ट्र मन्त्रालयले राष्ट्रपतिको भ्रमण स्थगित भएकोबारेमा केही प्रतिक्रिया जनाएको छैन ।
Read more ...

सरकारी मोडेल सफल भए हजारौंले इजरायलमा जागिर पाउने


 सरकारी तवरबाट पहिलो चरणमा नेपाली युवाहरू लगिएको मोडल र छनोट प्रणाली सफल ठहरिए नेपालबाट वाषिर्क हजारभन्दा बढी युवायुवती इजरायल जान सक्ने भएका छन् । सरकारी तवरमा रोजगारीका लागि इजरायल लैजाने प्रक्रियालाई इजराली सरकारले 'पाइलट प्रोजेक्ट' का रूपमा लिएको छ ।

यो सफल भएमा धेरै नेपालीलाई इजरायली सरकारले 'केयर गिभर' का रूपमा लिनेछ । इजरालयले नेपालीलाई इमानदार, सहनशील, भरपर्दो र लगनशीलको संज्ञा दिँदै प्राथमिकतामा राखेको अधिकारीहरूले बताए ।

गैरसरकारी तवरबाट इजरायल जाँदा धेरै नेपाली ठगिएको उजुरी र गुनासा आएपछि इजरायलले नेपालीलाई केयर गिभरका रूपमा लिन छाडेको थियो । सात वर्षसम्म लगातार बन्द भए पनि गत साउनमा दुईपक्षीय समझदारी गरेर सरकारी स्तरबाट नेपाली जान पाउने भएका हुन् । उक्त समझदारीअनुसार सरकारी तवरबाट इजरायल जान ५९ जना छानिएका छन् । उनीहरूको १४ जनाको पहिलो समूह इजरायल पुगिसकेको छ । बाँकी २ साताभित्र गइसक्ने बताइएएको छ ।

इजरायलका लागि नेपाली राजदूत प्रह्लाद प्रसाईं तेलअभिभबाट र काठमाडौंबाट वैदेशिक रोजगार विभागका तत्कालीन निर्देशक जनकराज रेग्मी ३ साताअघि नै इजरायल गई अध्ययन गरेका थिए । त्यहाँ युवाले गर्ने काम र वातावरण राम्रो रहेको राजदूत प्रसाईंले कान्तिपुरलाई टेलिफोनमा बताए । इजरायलमा कामदारको सुरक्षा र अन्य विषयमा खासै चिन्ता लिनुपर्ने कुनै विषय नभएको पनि उनले बताए ।

रेग्मी कामदारको अवस्था बुझ्ने र त्यहाँको सरकारको चाहना बुझेर त्योअनुरूपको योजना बनाउन त्यसतर्फ गएका थिए । तर उनी फर्केकै दिन सरकारले उनलाई श्रम विभागमा सरुवा गरेको छ । उनले भने, 'म त्यहाँ गएर सरकारी अधिकारीसँग छलफल गरें । नेपालीको अवस्था बुझेर आएँ, तर आउँदा अर्कै स्थानमा सरुवा भएको रहेछ ।'

राम्रोसँग यो अवसरलाई उपयोग गर्न सके वर्षमा २ हजारभन्दा बढी नेपालीले इजरायलमा काम पाउँछन् । भाषा परीक्षा उत्तीर्ण गरेर स्वास्थ्य परीक्षणमा पनि सफल भएका कामदार इजरायल पठाउन सुरु भएको छ । भाषा परीक्षामा ६० जना पास भएकोमा स्वास्थ्य परीक्षणमा एक जना असफल भए । अन्तर्राष्ट्रियस्तरको स्वास्थ्य परीक्षण गरेर उनीहरूलाई इजरायल लगिने गरिएको छ ।

दुईपक्षीय सम्झौतामा ३ सय नेपाली कामदार केयर गिभरका रूपमा लगिने र उनीहरूले छनोट गरिने उल्लेख थियो । त्यसैअनुरूप यो कार्य अघि बढेको हो । इजरायल सरकारसँग भएको समझदारीअनुसार पहिलो चरणमा कामदार लगेपछि दोस्रो चरणका लागि छनोटको नयाँ प्रक्रिया सुरु हुनेछ । त्यसका लागि इजरायली अधिकारीहरू नै नेपाल आउने छन् ।

इजरायललाई दक्षिण कोरियाभन्दा पनि माथिल्लोस्तरको श्रम बजारका रूपमा नेपालीले लिएका छन् । खाडी मुलुक र मलेसियाभन्दा माथि दक्षिण कोरियालाई लिइन्छ भने त्योभन्दा पनि माथिका रूपमा इजरायललाई लिइने गरेको छ । पछिल्लो सात वर्ष न्यून नेपालीमात्र जान सफल भएकाले अहिले नेपालीको संख्या घटेको छ । इजरायलमा कृषि क्षेत्रमा विज्ञता हासिल गर्न र सिक्न पनि नेपाली जाने गरेका छन् ।

सरकारी तहमा सम्झौता हुनुअघि म्यानपावर कम्पनीहरू आफैंले माग ल्याएर केयर गिभरमा महिलालाई पठाउने गरेका थिए । तर, धेरै नेपाली महिला यसैका नाममा ठगिएपछि कामदार लिने प्रक्रिया रोकिएको थियो । तर निकै लामो कूटनीतिक प्रयासपछि द्विदेशीय समझदारी भएर अहिले सरकारीस्तरबाटै कामदार पठाउन थालिएको हो ।

यो प्रक्रिया आरम्भ गर्न निकै मेहनत गर्नुपरेको राजदूत प्रसाईंको धारणा छ । यो सम्झौताअनुसार ८० प्रतिशत महिला यो क्षेत्रमा जाने हुनाले महिलाका लागि यो निकै आकर्षक स्थानका रूपमा रहने उनले स्पष्ट पारे ।

इजरायल जाने नेपालीले कम्तीमा पनि महिनाको १ लाख रुपैयाँभन्दा बढी आम्दानी गर्ने गरेको दूतावास अधिकारीहरू बताउँछन् । केयर गिभरको तालिम लिएका वा नर्सिङ पढेकालाई इजरायल लैजान सकिने समझदारी रहेको छ । इजरायलले विशेषगरी वृद्धवृद्धालाई स्याहार गर्ने कामका लागि घरेलु कामदारका रूपमा केयर गिभर लिने गरेकाले पनि इजरायलमा कामदारको कुनै समस्या देखा परेको छैन ।

Read more ...

सरकार ढाल्ने दिल्लीको डिजाइन बेइजिङले असफल पार्‍यो

बुधबार बिहानै एमाओवादी महासचिव कृष्णबहादुर महरा आफ्नो पार्टीका नेतालाई भनिरहेका थिए, प्रचण्डलाई कुनै पनि हालतमा ओलीसँग पग्लन दिन्न र नयाँ सरकार गठनको अभियान रोकिने छैन । तर, यसो भनिरहेका महरालाई त्यसैबेला चिनियाँ दूतावासका कूटनीतिक अधिकारीहरुले भेटेपछि प्रचण्डभन्दा पहिले महरा आफैं पग्लेर पानीजस्तै भए ।
अघिल्लो साता भारत भ्रमण गरेर फर्किएपछि एमाओवादी नेता महरा केपी ओली नेतृत्वको सरकार ढाल्न सक्रियतापूर्वक लागेका थिए । ओली सरकारले आफूलाई जेल पठाउन खोजेको आरोप महराले लगाएका थिए ।

विगतमा चिनियाँसँग पैसा मागेको टेलिफोन प्रकरण र लडाकूको पैसामा भ्रष्टाचार गरेको भन्दै अख्तियारले गरेको खबरदारीबाट डराएका महराले सम्भवतः यही डरले ‘जेल’को कुरा गरेका थिए ।

तर, सरकार परिवर्तनको चर्को कुरा गर्ने महरालाई चिनियाँ अधिकारीले भेटेर कडा कुरा राखेपछि उनी एकाएक ओली सरकारको विकल्प नखोज्ने लाइनमा यु टर्न भएका छन् । चर्को कुरा गर्ने महरा नै फेरिएपछि प्रचण्डलाई पनि निर्णय लिन सजिलो भयो ।

केपी ओलीको सरकार भारतीय डिजाइन अनुसार ढाल्न लागिएको र हालै सरकारले चीनसित गरेका सहमति एवं सम्झौताहरु तुहाउन लागिएको भन्दै चीनले एमाओवादीको भूमिकाप्रति तीव्र असन्तुष्टि जनाएको स्रोत बताउँछ ।

प्रचण्ड वा देउवाको नेतृत्वमा सरकार बनेपछि भारतसँग सम्बन्ध बढ्ने र हालै चीनसँग भएका सम्झौता रद्दीको टोकरीमा फालिने भन्दै चीनले वामपन्थीहरुको एकता टिकाइराख्न प्रचण्डलाई समेत दबाव दिएको बुझिएको छ ।

काठमाडौंमा रहेका चिनियाँ राजदूतले पनि सरकार परिवर्तनको खेललाई साम्य पार्न सक्रिय भूमिका खेलेको स्रोतले बतायो ।सरकार ढाल्ने खेललाई निस्तेज पार्न चीनले खेलेको भूमिकाबारे चर्चा गर्दै स्रोतले भन्यो- ‘भारतको चलखेल बढेको देखेपछि चीन पनि चूप लागेन र उसले एमाओवादीलाई सम्झायो, जसले गर्दा दिल्लीको डिजाइन असफल भयो ।’
Read more ...

Wednesday, 4 May 2016

प्रचण्ड पुत्र प्रकाशलाई पत्नीका कारण तनाबमा

उसले अर्कै श्रीमती ल्याएर बच्चा पनि पाइसक्यो, अब तपाईलाई फर्काएर लाँदैन, उमेर छ । आफ्नो व्यवस्था मिलाउनुहोस् । छोरालाई पढाउने र अरु कुरा के–के चाहिने हो भन्नुस, कानुनी रुपमा नै अलग हुँदा बेस ।’प्रचण्ड परिवारको तर्फबाट दूतको रुपमा प्रस्तुत भएजस्तो नलाग्ने गरी पोखरेली पूर्वसभासद राजकाजी गुरुङ ‘किरण’ले सिर्जना त्रिपाठी समक्ष यस्तो प्रस्ताव राखेका छन् ।



तर, प्रकाश दाहालसँग अलग्गिएर कास्कीको हेम्जास्थित माइतीमा बस्दै आएकी सिर्जनाले चाहिँ प्रचण्डकी बुहारी भएरै मर्ने, एमाओवादी पार्टीमा क्रियाशील रहने तर डिभोर्स नदिने जवाफ फर्काएकी छन् ।

पार्टी स्रोतका अनुसार उनी भन्छिन्, ‘धेरैले मलाई बहुविवाहमा मुद्दा हाल्न सल्लाह दिएका छन् तर मैले बा (प्रचण्ड)को मुख हेरेर उजुर हाल्नेबारे सोचेकीसम्म छैन । उहाँले मलाई छोरीको जस्तो व्यवहार गर्नुहुन्थ्यो, मेरो पीडा सुन्नुहुन्थ्यो । सीताले हो मेरो घर भाडिदिएको । जति गल्ती गरे पनि छोरालाई कहिल्यै नहप्काउने, एकोहोरो उसको कुरा सुन्ने ।’ आजको जनआस्था साप्ताहिकमा खबर छ ।
उसले अर्कै श्रीमती ल्याएर बच्चा पनि पाइसक्यो, अब तपाईलाई फर्काएर लाँदैन, उमेर छ । आफ्नो व्यवस्था मिलाउनुहोस् । छोरालाई पढाउने र अरु कुरा के–के चाहिने हो भन्नुस, कानुनी रुपमा नै अलग हुँदा बेस ।’प्रचण्ड परिवारको तर्फबाट दूतको रुपमा प्रस्तुत भएजस्तो नलाग्ने गरी पोखरेली पूर्वसभासद राजकाजी गुरुङ ‘किरण’ले सिर्जना त्रिपाठी समक्ष यस्तो प्रस्ताव राखेका छन् ।
lafada
तर, प्रकाश दाहालसँग अलग्गिएर कास्कीको हेम्जास्थित माइतीमा बस्दै आएकी सिर्जनाले चाहिँ प्रचण्डकी बुहारी भएरै मर्ने, एमाओवादी पार्टीमा क्रियाशील रहने तर डिभोर्स नदिने जवाफ फर्काएकी छन् ।
पार्टी स्रोतका अनुसार उनी भन्छिन्, ‘धेरैले मलाई बहुविवाहमा मुद्दा हाल्न सल्लाह दिएका छन् तर मैले बा (प्रचण्ड)को मुख हेरेर उजुर हाल्नेबारे सोचेकीसम्म छैन । उहाँले मलाई छोरीको जस्तो व्यवहार गर्नुहुन्थ्यो, मेरो पीडा सुन्नुहुन्थ्यो । सीताले हो मेरो घर भाडिदिएको । जति गल्ती गरे पनि छोरालाई कहिल्यै नहप्काउने, एकोहोरो उसको कुरा सुन्ने ।’ आजको जनआस्था साप्ताहिकमा खबर छ ।
- See more at: http://www.nepaljapan.com/%E0%A4%AA%E0%A5%8D%E0%A4%B0%E0%A4%9A%E0%A4%A3%E0%A5%8D%E0%A4%A1-%E0%A4%AA%E0%A5%81%E0%A4%A4%E0%A5%8D%E0%A4%B0-%E0%A4%AA%E0%A5%8D%E0%A4%B0%E0%A4%95%E0%A4%BE%E0%A4%B6%E0%A4%B2%E0%A4%BE%E0%A4%88/#sthash.JRinLa5G.dpuf
Read more ...

Tuesday, 3 May 2016

घैंटेलाई जस्तै यी ५ गुण्डा नाइकेहरुलाई पनि प्रहरीले इन्काउन्टर गर्ने

मोस्ट वान्टेड सूचीमा रहेकै बेला डन गणेश लामाले अदालतमा उपस्थित भएर प्रहरीलाई जिल्याएका छन् । अपहरण मुद्दामा फरार रहेका लामा भूमिगत रुपमा विशेष अदालत र ललितपुर जिल्ला अदालतमा आफूविरुद्वको मुद्दा मिलाउन सक्रिय छन् ।



गत ११ चैतमा उनी गोप्य रुपमा अदालतमा उपस्थित भएर भूमिगत भएका हुन् । अदालतमा उपस्थित नहुँदा मुद्दा मिलाउन गाह्रो हुने भएपछि उनी प्रहरीलाई छक्याउँदै अदालतमा उपस्थित भएका हुन् ।

लेनदेन विवादमा ललितपुरका एक जग्गा दलाललाई घरमा बन्धक बनाई जर्बजस्ती कागज गरेको घटनामा लामा फरार छन् । कुमार घैंटेलाई जस्तै प्रहरीले इन्काउन्टर गर्न सक्ने डरले उनी विदेश भागेका थिए । तर, पछिल्लो समय उनी विजयकुमार गच्छदारको आडका कारण काठमाडौंमा धाउन थालेका हुन् ।



कुमार घैंटेको इन्काउन्टरपछि अधिकाशं समय दुबई भागेका थिए लामा ।

प्रहरीले जुनसुकै बेलामा पनि गुण्डा नाइकेलाई इन्काउन्टर गर्न सक्ने बताइएको छ । लामा मात्र होइनन् सबै डनहरु विशेष अदालतमा चलखेलमा लागेका छन् । चलखेलकै कारण उनीहरुविरुद्वको सम्पत्ति शुद्विकरण मुद्दाको पेशी पटक–पटक सर्दै आएको छ । अदालतमा मुद्दाको सबै प्रक्रिया पूरा भइसकेपनि उनीहरुको पेशी दुई महिना यता सरेकै सर्यै छ ।

५ गुण्डा नाइकेविरुद्व मुद्दा दायर भएको करिब ३ वर्ष भइसकेको छ । सम्पत्ति शुद्विकरण अनुसन्धान विभागले गणेश लामासहित, परशुराम बस्नेत, अभिषेक गिरी, दिपक मनाङे र चक्रे मिलनविरुद्व मुद्दा दायर गरेको थियो । अदालतमा सबै प्रक्रिया पूरा भइसकेपनि मुद्दाको पेशी सर्दै आएको छ । आजको देसिट साप्ताहिकमा खबर छ ।
Read more ...

सर्लाहीमा भयो अचम्म ! नाग सर्प हेर्दा भकाभक बेहोस (हेर्नुस १३ तस्बिर)



महोत्तरी–करीब ९ फिटको विशाल जंगली नाग सर्प हेर्न सर्लाहीको गौरीशंकर गाविसको बाँके चोकका दिनहुँ हजारौंको भीड लाग्ने गरेको छ । पूर्व—पश्चिम रागमार्गमा पर्ने बाँके चोकस्थित जिल्ला वन कार्यालय सर्लाहीको वन रक्षक बस्ने क्वार्टरमा १८ दिनअघि विशाल नाग सर्प पसेको कालिन्जोर–६ का स्थानीय टलकबहादुर मगरले बताए ।

पाँच दिनमा २१ हजार भेटी
नाग सर्प देखेपछि स्थानीयहरु भगवानको रुप भन्दै दुध, लाबा र भेटी चढाउन थालेका लालबन्दी–५ का शंकर खतिवडा बताउँछन् । उनी भन्छन्, ‘हामीले हेर्दा अजिंगर जस्तो लाग्छ ।’ पाँच दिनको अवधिमा २१ हजार भेटी जम्मा भएको छ । दिनहुँ ४—५ हजार भन्दाबढी मानिसहरु सर्प हेर्न आउने गरेका छन् । धार्मिक दृष्टिकोणले नाग जोडीको पूजाआजा गर्ने परम्परा अनुसार दुध र लाबा चढाएर मानिसहरुले पूजा गरिरहेका छन् ।

सर्पमा हुनुपर्ने गुण नागले देखाएन



विशाल सर्पलाई मानिसहरुले नजिकै गएर हातले स्पर्श गरेर कतिपयले दर्शन गर्ने गरेका छन् । सर्पले कुनै प्रतिक्रिया देखाउँदैन् । सर्पमा हुनुपर्ने गुण नाग सर्पले नदेखाएपछि दर्शन गर्न त्यहाँ पुग्नेहरु मानिसहरु तीन छक्क पर्ने गरेका महोत्तरीको लक्ष्मीनियाँ–९ का रामचन्द्र महतोले बताए । उनी भन्छन्, ‘सर्प भएको भए मानिसहरुलाई आक्रमण गर्थे । सर्पलाई गाडीले ठक्कर दिएको हुनसक्छ । बेहोसको सर्पले आफ्नो साहारा घरलाई बनाएको होला !
हेर्न जानेहरुमध्ये केहीले त्यहाँ पुग्दा हा हु गर्छन्
नाग सर्पको दर्शन गर्न पुग्नेहरुमध्ये कतिपयले देवी देवता आएर हा हु गर्दै जीउ कमाउने गरेका छन् । हा हु गरेर कराउनेहरु जीउ तंग्राउने, बेहेस हुने गरेका छन् । उनीहरुलाई उठाएर सर्प भएको कोठामा राखिदिदाँ केही छिनमा पहिलेको अवस्थामा फर्किने गर्दछ । मानिसहरुले त्यहा मन्दिर बनाउन जुटेका छन् । २४ घण्टा सवारी साधन गुड्ने राजमार्गमा हर्नेको ठूलै भिड लाग्ने गरेको छ ।


बसको स्टेरीङ्गमा बेरिएको सर्पलाई मोटरसाइकलले ठक्कर दियो
घरमा बसेका नाग सर्प एक महिनाअघि पूर्वबाट काठमाडौं हिँडेका अग्नी बसमा महोत्तरीको लक्ष्मिनियाँ पनि थिए । बीच सडकमा सर्परहेको सवारी चालकले देखेपछि सर्प बसको स्टेरिङ्गमा गएर बेरिएर बसेको थियो । पछि लठ्ठिले घोगी–घोगी सर्पलाई बसबाट झारीएको सर्लाहीका टलक बहादुर मगरले बताए । त्यसको १७ —१८ दिन बाटो काट्ने क्रममा बाँके चोकमा स्थानीय युवा सवार मोटरसाइकलले ठक्कर दिएको मगर बताउँछन् । फेरी अर्को दिन गाडीमा सर्प पसेपछि मगरले बोराम सर्पलाई पसाएर जंगलमा छाडिदिएका थिए । तर सर्प पछि वन रक्षक बस्ने कोठामा गएर बस्यो । अहिले त्यही छन् । घरी–घरी बाहिर निस्किने गर्छ । फेरी भित्र पस्ने गर्छ ।snake
सर्पको उपचार गरि जंगलमा छाडिदिनुपर्छ
स्थानीयहरुका अनुसार, सर्प सवारीको ठक्करबाट घाइते भएको हुन सक्छन् । केही दिन अघि गाडीबाट निकाल्ने क्रममा सर्पको टाउकोमा चोठ देखिएको सुरक्षामा त्यहाँ खटिएका प्रहरी हबलदार मुकेश कुमार कर्मीले बताए । नत्र सर्प नै हो भने सर्पले आफ्नो हर्कत देखाउने थियो होला । सर्पको सहि उपचार गरेर जंगलमा छाडिनुपर्ने स्थानीयहरुको भनाई छ ।
Read more ...

नेकपा एमालेका नेता ओलीको सडक दुर्घटनामा परी मृत्यु भएको छ

सडक दुर्घटनामा परी एमाले नेता भेदलाल ओलीको निधन भएको छ। बाँके, खासकुश्मा–२ कुसुम निवासी उनी पूर्वपश्चिम राजमार्गको कचनापुर–१ अगैयामा सोमबार बेलुका करिव ८ बजे मोटरसाइकल दुर्घटनामा परेका हुन्।


इलाका प्रहरी कार्यालय कोहलपुरका अनुसार ओलीले चलाएको भे ६ प ८२७ नम्बरको मोटरसाइकल सडकमा बिग्रिएर रोकी राखेको लु १ ख ६८९३ नम्बरको ट्रकमा ठोक्किएको थियो। दुर्घटनामा गम्भिर घाइते भएका अन्दाजी ५३ वर्षीय ओलीलाई उपचारका लागि नेपालगन्ज मेडिकल कलेज शिक्षण अस्पताल कोहलपुरमा पुर्याए लगत्तै चिकित्सकले मृत घोषणा गरेका थिए । मृतकको शव पोष्ट मार्टमका लागि मंगलबार बिहान भेरी अञ्चल अस्पताल नेपालगन्जमा पठाइएको प्रहरीले जनाएको छ।

मृतक ओली खासकुश्मा गाविसका पूर्व अध्यक्ष तथा एमाले बाँकेका जिल्ला कार्यसमिति सदस्य हुन्। राजनीतिसँगै समाज सेवामा सक्रिय रहेका ओलीको निधनले पार्टीमा अपुरणीय क्षति पुगेको एमाले बाँकेका अध्यक्ष अशोक कोइरालाले बताएका छन् । नेता ओलीको निधनले खासकुश्मा गाउँ पुरै शोकमा डुबेको छ।
Read more ...

युएईमा अलपत्र परेकी नेपाली चेलीलाई झापाली समाजको सहयोग

रोजगारीको क्रममा समस्यामा परी नेपाली दूतावास अबुधाबीको शरणमा पुगेकी झापाली चेली सीता गिरीलाई झापाली समाज यूएईले फिर्ती टिकट बराबरको रकम प्रदान गरेको छ । करिब एक महिनादेखि दूतावासको सेल्टरमा बस्दै आएकी गिरीलाई झापाली समाजको मूल कोषबाट १ हजार २ सय दिराम्स प्रदान गरिएको समाजका कोषाध्यक्ष दुर्गेस सापकोटाले बताए ।
झापाली समाज यूएई र नेपाली दूतावास अबुधाबीबीच यसअघि नै विपतमा परेका नेपालीहरुको सहयोग गर्ने अनौपचारिक सम्झौता भएअनुरुप पहिलो चरणको सहयोग अभियान प्रारम्भ भएको समाजका कार्यवाहक अध्यक्ष मोहन शिवाकोटीले जानकारी दिए ।
मे २ तारिख सोमबारका दिन समाजका केन्द्रीय सदस्य हरि कट्वाल र अबुधाबी क्षेत्रीय अध्यक्ष होमनाथ अधिकारीको उपस्थितिमा नेपाली दूतावासकी श्रम सहचारी हिरा यादवको कार्यक्रक्षमा उक्त रकम पीडित चेलीलाई हस्तान्तरण गरिएको हो । झापाली चेलीबेटी समूहको सक्रियतामा संकलित ३ सय ७० दिराम्स र दैनिक उपभोग्य सामग्रीहरु पनि पीडित गिरीलाई प्रदान गरिएको चेलीबेटी समूहकी निरु पाण्डे खरेलले जानकारी दिएकी छिन् ।
झापा बाहुनडाँगी निवासी गिरीले अबुधाबीको एक क्लिनिङ कम्पनीमा आए पनि ८ महिनासम्म घरेलुु काममा लगाइएको र काम गरेको पैसा समेत नदिएको बताइन् । पछि काम छोडेर अन्यत्रै तीन महिना काम गरेको र त्यहाँ पनि साहुले पैसा नदिएपछि उनी दूतावासको शरणमा पुगेकी थिइन् ।
उनलाई झापाली समाज युएई र चेलीबेटी समूहको पहलमा एक कार्यक्रमबीच घरसम्म पुग्नको लागि टिकट खर्च सहित आवश्यक नगद, केही लत्ताकपडा र आवश्यक सरसामान वितरण गरिएको झापाली समाज युएईका महासचिव टेकनाथ अधिकारीले बताए । राहत वितरण कार्यक्रममा झापाली समाजका अबुधाबी क्षेत्रीय अध्यक्ष हिमाल अधिकारी, केन्द्रीय सदस्य हरि कट्वाल र दूतावासका श्रम सहचारी हिरा यादव लगायतको उपस्थिति थियो ।
नेपाली दूतावासको सेल्टरमा रहेकी झापाली चेलीले विदेश आउँदा आफूले अत्यन्तै दुःख पाएको हुनाले जो कोही नेपाली दिदीबहिनी तथा दाजुभाइहरुलाई विदेश आउँदा आफूले काम गर्ने कम्पनी राम्रोसँग बुभेर आउन सुझाव दिएकी छन् । विदेशमा आएपछि भागेर अन्तै काम गर्न गए झनै दुःख पाइने र भन्दै उनले अरु चेलीबेटीहरुलाई आफ्नो स्पोन्सर या कम्पनीबाट नभाग्न आग्रह गरेकी छन् ।
त्यस्तै उनले आफूलाई सहयोग गर्ने झापाली समाज युएई र चेलिबेटी समूहलाई विशेष धन्यवाद दिँदै झापाली समाज र चेलीबेटी समूहको योगदान जीवनभर नभुल्ने प्रतिक्रिया दिएकी छिन् । उनले आफूलाई सहयोग गर्ने सबै दाताहरुलाई धन्दयवाद दिँदै नेपाल गएर पनि झापाली समाजको उत्तरोत्तर प्रगतिको कामना गर्ने बताएकी छिन् ।
गिरीसँगै समस्यामा परेका अन्य चार जना नेपाली चेलीहरुको कागजात संकलन गरी अध्यागमन पास गराउन दूतावास सक्रिय रहेको श्रम सहाचरी हिरा यादवले बताएकी छिन् । अन्य चार नेपाली चेलीहरुको फिर्तीका लागि सहयोग गर्न एनआरएन लगायत अन्य सामाजिक संस्थाहरु इच्छुक देखिएका छन् ।
Read more ...

Monday, 2 May 2016

जहाँ स्वास्थ्यकर्मीले आफैं रगत दिएर बिरामीलाई बचाउँछन्...

 अत्याधीक रक्तश्रावका कारण ज्यानकै जोखिममा परेकी २२ बर्षिया बसन्ती बिष्ट आइतबार दिउसो बाजुरा जिल्ला अस्पताल आइपुग्दा अस्पतालमा रगत थिएन ।

जिल्ला सदरमुकामा मार्तडीबाट २ दिन टाढा पर्ने जगन्नाथ गाविसको मल्लो हुनी गाउँबाट आइपुगेकी बसन्तीको ज्यानमा चाहिनेभन्दा निकै कम मात्र रगत थियो । घरपरिवारले उनलाई सुरुमा उपचारका लागि कोल्टी लगेका थिए । तर, त्यहाँ उपचार संभव भएन ।

अर्को एक दिन कोल्टी विमानस्थलमा जहाजको बाटो हेर्दैमा बित्यो । जहाज नआएपछि एक दिन टाढाको मार्तडी जिल्ला अस्पताल ल्याइपुर्‍याइयो । मार्तडी पुग्दा उनको अवस्था जोमिखयुक्त थियो । उनी बेहोश थिइन् ।


जिल्ला अस्पतालमा बसन्ती बिष्ट

मानव शरीरमा हेमोग्लोविनको मात्रा न्यूनतम ६ प्वाइन्ट हुनुपर्छ । तर आठ महिनाकी गर्भवती बसन्तीको शरीरमा भने २ प्वाइन्ट ५ मात्र थियो । बसन्तीको उपचारमा संलग्न डा. राजन न्यौपाने उनको रिपोर्ट हेरर निक्कै आत्तिए । उनले विरामीका आफन्तलाई तुरुन्तै रगत खोज्न भने । बाजुरामा रक्तसंचार केन्द्र छैन । यसैले संचित रगत पाइदैन । रगत चाहिएमा रक्तदाता नै खोज्नु पर्छ ।

बसन्तीलाई अस्पताल पुर्‍याउने उनका देवर रामबहादुर रक्तदाता खोज्न निस्किए । तर, उनले कतै भेटेनन् । अत्याधीक रक्तश्रावका कारण बसन्तीको गर्भमा रहेको बच्चाको मृत्यु भइसकेको डा. राजनले चाल पाइसकेका थिए । त्यसैले उनको ध्यान आमा बचाउनेमै केन्द्रित थियो ।

गाउँबाट आएका विपन्न परिवारका रामबहादुरले रगतको जोहो गर्न नसकेको डा. राजनले देखिरहेका थिए । यता आफ्नै निगरानीमा रहेकी विरामीको जीवन पलपल मृत्यु नजिक धकेलिँदै थियो । केही उपाय नलागेपछि डाक्टर आफैं रगत दिन तयार भए । उनले सुरुमा रगत दिए र जिल्ला अस्पतालका अन्य स्वास्थ्यकर्मीहरुलाई पनि रक्तदान गरी विरामी बचाउन प्रोत्साहन गरे ।


आफै रक्तदान गर्दै डा. राजन न्यौपाने

त्यसपछि जिल्ला अस्पतालकै स्वास्थ्यकर्मीहरु टेकबहादुर खड्का, गौमती कटुवालले रगत दिए । त्यत्तिले विरामीलाई आवश्यक रगत नपुग्ने भयो । त्यसपछि डा. न्यौपानेले मार्तडीस्थित सेनाको देबीबक्स गुल्मका क्याप्टेन जीवन पौडेलसँग सहयोग मागे । सह–सेनानी पौडेलले पाँचजना जवानहरुलाई रक्तदानका लागि तुरुन्तै जिल्ला अस्पतालमा लिएर आए ।

सैनिक जवानहरु गणेशसिंह ठगुन्ना, डबल तामाङ, बुद्धीबहादुर उप्रेती, रामकृष्ण नेपाली र रुपेश आलेमगरले गरेको रक्तदान बसन्तीको शरीरमा स्थानान्तरण गरिएपछि बल्ल बसन्तीको होश खुल्यो । हेमोग्लोविनको मात्रा फाइभ प्वाइन्ट फाइभ पुग्यो ।

जोखिम घटेपछि बसन्तीको शल्यक्रिया गरी गर्भमै मृत भएको शिशु डा. न्यौपानेले निकाले ।

डा. राजन आफैं जिल्ला अस्पतालका प्रमुख होइनन् । उनी आकस्मिक प्रसूति केन्द्रमा कार्यरत करारका डाक्टर हुन् । तर, गर्भवतीलाई बचाउन उनको मिहिनेत देखेर जिल्ला अस्पतालमा कार्यरत स्वास्थ्यकर्मीहरु समेत उत्साहित थिए । ‘धेरैको सहयोगले आमाको ज्यान बचाउन सकियो, यही ठूलो कुरा भयो,’ डा. राजनले भने ।   

सोमबार बिहान बसन्तीका देवर डाक्टर र सेनाका जवानहरुबाट पाएको सहयोगप्रति निक्कै अनुग्रहित थिए । दाजु खुट्टा मर्केर अस्पताल आउन नसकेको बताउँदै उनले आफ्नो जिम्मेवारीमा उपचार गर्न ल्याइएकी भाउजुले पुर्नर्जीवन पाएको उनी निकै खुशी थिए ।
............................

बसन्तीलाई अस्पताल पुर्‍याउनु केही घण्टाअघि बडीमालिका–९ कि शारदा विकलाई अस्पताल ल्याइएको थियो । सुत्केरी शारदाको अवस्थामा पनि जोखिम युक्त थियो । उनका पति सूर्य विकले पनि रक्तदाता पाएका थिएनन् ।


रक्तदान गर्दै मार्तडीस्थित देवीबक्स गुल्मका सैनिक जवान रामकृष्ण नेपाली

कतै खोज्दा पनि रक्तदाता नपाएपछि अस्पतालकै स्वास्थ्यकर्मी दुर्गा बजगाईले रगत दिएकी थिइन् । बजगाईसँगै युनिसेफको गोष्ठी चलाउन जिल्ला स्वास्थ्य कार्यालयमा आएका बिक्की प्रसाई र मिना थापाले पनि रक्तदान गरेर शारदाको ज्यान जोगाएका थिए ।

रक्तसञ्चार केन्द्र नभएका कारण बाजुरामा रगतको अभाव सँधै रहने गरेको छ । रक्तदाता तयार भएपछि सिधै विरामीमा रगत दिने पद्धति आकस्मिक रक्तसञ्चार सेवा मात्रै जिल्ला अस्पतालमा संचालनमा छ । यसका लागि तत्काल रक्तदाता चाहिन्छ ।

तर, यहाँका स्थानीयमा रक्तदान गर्दा शरीर कमजोर हुन्छ भन्ने भ्रम भएकाले रक्तदान गर्न तयार हुँदैनन् । रक्तसञ्चार केन्द्र नभएकाले तत्काल रगत आवश्यक भएका विरामीहरुलाई जोगाउन अधिकांश बेला सेना प्रहरीले रक्तदान गर्दै आएका छन् । ‘अस्पतालकै स्वाथ्यकर्मी र यहाँस्थित देवीबक्स गुल्मका सैनिक जवानहरु तयार नभएको भए बसन्ती र शारदालाई बचाउन सम्भव थिएन,’ नेपाल रेडक्रस बाजुराका मन्त्री रमबहादुर शाहीले भने । 
Read more ...

उत्तर कोरियामा एक हप्तासम्म विवाह र अन्तिम संस्कार गर्न रोक

उत्तर कोरियामा यस्ता तानाशाह छन्, जसको सम्मानमा जनता आफ्ना हातका छाला नउक्किएसम्म ताली बजाउँछन्। बाहिरी दुनियामा उत्तर कोरियाली नेता किम जोंग उनलाई राक्षसको संज्ञा दिइन्छ, तर देशभित्र उनलाई भगवान समान सम्मान दिइन्छ। उनै नेता किम जोंग उनको यही हप्ता राज्याभिषेक हुँदैछ, तर त्यसको प्रत्यक्ष असर भने जनतामाथि पर्ने निश्चित छ।

अन्तर्राष्ट्रिय संचारमाध्यमका अनुसार राष्ट्रिय पर्वका रुपमा मनाइने राज्याभिषेक समारोहलाई लिएर कडा निर्देशन जारी गरिएको छ। जसअनुसार एकहप्तासम्म उत्तर कोरियामा कुनै औपचारिक सभा, समारोह गर्न रोक लगाइएको छ। एकहप्तासम्म उत्तर कोरियामा विवाह गर्न र अन्तिम संस्कार गर्नसमेत रोक लगाएको छ।

चारवर्षदेखि किम जोंग उन उत्तर कोरियाका सर्वोच्च नेताका रुपमा काम गरिरहेका छन्। अब उनलाई सत्तारुढ पार्टीको औपचारिक रुपमा जिम्मेवारी दिने तयारी भइरहेको छ। संचारमाध्यमका अनुसार नेता किमले सत्तामा आफ्नो पडक बलियो बनाउने योजनामा छन्। किम जोंग उनको नीति आफ्ना पिताले लिएजस्तै अपनाएका छन्। उनले 'मिलिट्री पोलिसी' लाई प्राथमिकता दिएका छन्। १२ जनवरीमा उनले आफ्नो भाषणमा परमाणु हतियारलाई आर्थिक विकास जसरी नै अगाडि बढाउनुपर्ने बताएका थिए।

किम जोंग उन नजन्मिकन उत्तर कोरियाले अहिलेको जस्तो समारोहकको आयोजना गरेको थियो। १९८० मा उनका बुवाको राज्याभिषेक यसैगरी मनाइएको थियो। २०११ मा बुवाको मृत्युपछि कतिपयले उत्तर कोरियाको कमजोर हुने विश्लेषण गरेका थिए। तर किमले सत्ता सम्हालेपछि उनले विरोधीको मुख बन्द गराउँदै सत्तामा आफ्नो पडक बलियो बनाउँदै लगेका छन्।
Read more ...

हुने भो खडेरीको अन्त्य,मंगलबारदेखि लगातार दुई दिन पानी पर्ने

लामो समयको खडेरीले आहात भएका नेपालीहरुले मंगलबारदेखि केही राहात पाउने भएका छन्
। मंगलबार साँझदेखि काठमाडौं उपत्यकासहित मुलुकका पहाडी भेगमा हल्का वर्षा हुने जल तथा मौसम पूर्वानुमान महाशाखाले जनाएको छ। महाशाखाका अनुसार बंगालको खाडीबाट जल वाष्पसहितको हावा आइरहेको र पश्चिमी वायु पनि सक्रिय हुने भएकाले मंगलबार दिउँसो बादल लाग्ने र साँझदेखि पानी पर्ने महाशाखाले जनाएको हो।
महाशाखाका अनुसार मंगलबार र बुधबार मेघ गर्जनसहित पानी पर्ने र बिहिबारदेखि मौसम सफा रहने छ । लामो समय खडेरी परेका कारण कृषकहरुले खेलापाती गर्न पनि पाएका छैनन् भने गर्मीका कारण विरामीहरुको चाप बढेको छ ।
Read more ...

Sunday, 1 May 2016

 बौद्ध सम्मेलनमा कुन मुख लिएर नेपाल आउलान् मोदी ?


भारतीय प्रधानमन्त्री नरेन्द्र मोदीले आगामी जेठ पहिलो साता नेपाल भ्रमण गर्न सक्ने संकेत पाएपछि सरकारले पहल थालेको छ । प्रधानमन्त्री केपी ओलीले भारतीय राजदूत रञ्जित रे र केही उच्च अधिकारीलाई आमन्त्रित गरी राजधानीस्थति द्वारिकाज होटलमा आइतबार साँझ रात्रिभोज आयोजना गरेर भ्रमणको विषयमा छलफल गरेको स्रोतले बतायो । भारतीय पत्रिका टेलिग्राफले कोलकत्ता डेटलाईनमा भारतीय जनता पार्टीको स्रोत उद्धृत गर्दै भारतीय प्रधानमन्त्री मोदी र विहारका मुख्यमन्त्री नीतिश कुमार बुद्ध जयन्तीमा सहभागी हुन आगामी मे २१ का दिन नेपाल आउन लागेको समाचार लेखेको थीयो। विहारका मुख्यमन्त्री नीतिशकुमार र मोदी नेपाल आउने चर्चा चलेसँगै यतिबेला नेपालमा त्यसको चौतर्फी बिरोध सुरु भइसकेको छ ।

नेपाली संचार माध्यममा आएका समाचारका मुनितिर मोदी विरोधी नारा लाग्न थालिसकेका छन् । फेसबुक र ट्वीटरमा मोदीविरुद्ध नेपालीहरु एक हुन थालिसकेका छन् । के यी सबका बीच मोदी साच्ची नेपाल आउलान् त ? मोदी नेपाल भ्रमणमा आएका बेला नेकपा-माओवादी सडक आन्दोलनमा उत्रने भएको छ । माओवादीले आज एक प्रेस विज्ञप्ति जारी गर्दे मोदी नेपाल भ्रमणमा रहेका बेला प्रर्दशनमा उत्रने जनाएको हो ।

माओवादीले आगामी साउन  १९ गते  अपरान्ह ४ बजे “शान्ति वाटिका” मा र त्यसको भोलिपल्ट अपरान्ह ४ बजे  नै सोही स्थानमा विरोध कार्यक्रम गर्ने जनाएको छ । मोदी आगामी साउन १८ गते नेपाल आउने संभावना छ ।

भारत सरकारका प्रधानमन्त्री मोदीको प्रस्तावित नेपाल भ्रमणकोनिमित्त भारतीय विदेशमन्त्री सुष्मा स्वराजको तयारी भ्रमणको सन्दर्भमा“गणतान्त्रिक भारत सरकार र नेपाल सरकारबीच उर्जा क्षेत्रमा सहयोगका लागि भएको सम्झौता”  शिर्षकमा भारत सरकारबाट पठाइएको प्रस्तावमा उल्लेखित नेपालको जल विद्युत आयोजनामा १०० प्रतिशत भारतीय लगानी वा भारतीय निकायहरुसँग संयुक्तरुपमा सम्पन्न गर्ने प्रस्तावलाई नेपाल सरकारले गोप्य राखी भित्रभित्रै संझौता गर्ने तयारी गरिरहेको अनुमान माओवादीको छ ।

 नेपालको जलश्रोतका साथै राष्ट्रिय स्वाधिनता माथिकोसमेत हस्तक्षेप भएको भन्दै माओवादीले विरोधका कार्यक्रम गर्न लागेको हो ।  नेपालमा लामो समय देखि विरोध हुँदै आएको माथिल्लो कर्णाली जलविद्युत आयोजना लगायतको डि पी ए सम्झौतामा पनि हस्ताक्षर गर्ने भित्री योजना रहेको  भन्दै माओवादी शंसकित छ ।
Read more ...

बेलायतमा नेपाली छात्रा बनिन् उत्कृष्ट

बेलायतमा अध्ययनरत नेपाली छात्रा सृजना गौतमले एसोसिएसन अफ चार्टर्ड सर्टिफाइड अकाउन्टेन्ट्स (एसीसीए) परीक्षामा विश्वमै दोश्रो स्थान हासिल गरेकी छन् ।

गत  जुनमा भएको एसीसीए प्रोफेशनल लेभलको  परीक्षामा सहभागी विश्वभरका २१ हजार ३ सय ७ जना बिद्यार्थीहरु मध्ये सृजना दोस्रो भएकी हुन् । उत्कृष्ट नतिजा हासिल गरेपछि उनले पदक र नगद पुरस्कारसमेत पाइसकेकी छन् ।

चितवन, भरतपुर उपमहानगरपालिका ६ लंकुकी स्थाई बासिन्दा सृजनाले ५ प्रोफेसनल लेभलको  पेपरमा ३७८ अंक प्राप्त गरेर दोश्रो सर्बोत्कृष्ट स्थान प्राप्त गरेकी हुन्  ।
Read more ...

चीनले शुरु गर्यो तिब्बतमा अहिलेसम्म कै ठुलो परियोजना, भारत खतरामा- मच्चियो हाहाकार

काठमाडौं, १९ वैशाख । चीनले तिब्बतमा आफ्नो सबैभन्दा ठूलो जलविद्युत परियोजनाको निर्माण सुरु गरेको छ ।

यसको लागत तीन अर्ब डलर भन्दा बढी हुनेछ र यहाँबाट उत्पादित विजुलीलाई देशको पूर्वी क्षेत्रमा आपूर्ति गरिनेछ जो आर्थिक उन्नत क्षेत्र हो ।


चीनको सरकारी मिडियालाई उद्धृत गर्दै भारतीय पत्रिका नवभारत टाइम्सले लेखेको छ- तिब्बत र सिचुआन प्रान्तको बाटंग काउन्टी र तिब्बतको मंगकाम काउन्टीको बीचमा निर्माण भइरहेको जलविद्युत परियोजनाको क्षमता १.२ गीगावाट रहेको छ । र सन् २०२१ मा पुरा भइसकेपछि यो जलविद्यतु परियोजनाले वार्षिक ५४०० गीगावाट विजुली उत्पादन गर्न सक्नेछ ।
यसको डिजाइन क्षमता ब्रह्मपुत्र नदीस्थित झांगमू जलविद्युत संयन्त्रभन्दा दोब्बर ठूलो छ । जो तिब्बकै सबैभन्दा ठूलो जलविद्युत परियोजना हो । झांगमू जलविद्युत संयन्त्रलाई गत वर्षको अक्टुवरमा पुरा गरिएको थियो ।
भारतलाई खतरा
चीनले निर्माण कार्य सुरु गरेको यो जलविद्युत परियोजना बनिसकेपछि भारततिर बग्ने सबै पानी चीनमै विद्युतका रुपमा खपत हुनेछ । यसबाट भारतमा खडेरी पर्ने खतरा बढेको छ । यो भारतका लागि ठूलो चुनौति भएको र दिल्ली चिन्तित रहेको कुरा भारतीय सञ्चारमाध्यमले उल्लेख गरेका छन् । चीनले बनाउन लागेको अहिलेसम्मकै ठूलो ड्याम (जलाशय)को समाचारलाई भारतीय मिडियाले प्राथमिकताका साथ छापेका छन् ।



दैनिक नेपाल बाट साभार
Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us