Thursday, 29 September 2016

भारतीय सेना पाकिस्तानी भूमिमा घुस्यो, आतंकवादी मारेको दाबी

काठमाडौं । भारतले पाकिस्तानी भूमिमा प्रवेश गरेर ‘आतंकवादी’लाई मारेको बताएको छ । पाकिस्तानले भने आफ्ना दुई सैनिक मारिएको बताएको छ । यससँगै १७ भारतीय सैनिकको ज्यान जाने गरी उरी आक्रमणबाट बढेको भारत पाकिस्तानको तनाव थप चर्किएको छ ।

भारतीय सेनाका अनुसार नियन्त्रण रेखा नजिकै चरमपन्थीमाथि सर्जिकल स्ट्राइक्स गरिएको हो । विदेश मन्त्रालयको पत्रकार सम्मेलनमा लेफ्टिनेन जनरल रणवीर सिंहले भने, यो बुधबार राति भएको हो । जब आतंकवादी नियन्त्रण रेखामा जम्मा भएका थिए ।’

उनका अनुसार आतंकवादीको लञ्च प्याडमा भारतीय सेनाले सर्जिकल स्ट्राइक गरेको थियो । यसबाट आतंकवादीहरुलाई ठूलो क्षति पुगेको र अपरेशन सकिएको बताएको छ ।

डन न्यूजका अनुसार यो घटनामा चरमपन्थी होइन, दुई पाकिस्तानी सैनिकको मृत्यु भएको छ । पाकिस्तानी प्रधानमन्त्री नवाफ शरीफले यसलाई ‘भारतको खुला अत्याचार’ भनेको पीटीबीले जनाएको छ । उनले आफ्नो रक्षाका लागि पाकिस्तान तयार रहेको बताए ।
Read more ...

डिभी चिट्ठा असोज १८ गतेबाट खुल्ने, कसरी भर्ने अनलाइन फारम ?

काठमाडौं ।  सन् २०१८ को अमेरिकी इलेक्ट्रोनिक्स डाइभर्सिटी भिसा (डीभी) असोज १८ गते मंगलबारदेखि आवेदन खुल्ने भएको छ । अमेरिकी दूतावासले बुधबार सूचना जारी गर्दै आगामी १८ राती ९ :४५ बजेबाट आवेदन दर्ता सुरु हुने जनाएको छ ।

डिभी चिट्ठाका लागि कात्तिक २२ गते रातको पौने एघारसम्म आवेदन दिन सकिनेछ। करिब एक महिनाको अवधि दिएर सार्वजनिक गरिएको डीभी चिट्ठा भर्न कुनै शुल्क नलाग्ने दूतावासले जनाएको छ । यसको नतिजा सन् २०१७ मे २ ९२०७४ वैशाख १९० मा सार्वजनिक हुने पनि दूतावासले जनाएको छ।

 कसरी भर्ने अनलाइन फारम ?

सन् २०१८ को डाइभर्सिटी भिसा चिट्ठाका लागि आवेदकहरूले दर्ता अवधिमा www.dvlottery.state.gov आवेदन फारम भर्नु पर्नेछ ।

अमेरिकी दूतावासका अनुसार, डिभी फारम दर्ता गर्दा आफ्ना पति–पत्नी र आवेदनको समयमा २१ वर्ष नपुगेका सबै अविवाहित सन्तानलाई सूचित गर्नु अनिवार्य छ ।

अघिल्लो वर्षको डि.भी. आवेदनमा प्रयोग गरिएको फोटो यस वर्षको आवेदनमा प्रयोग गर्न मिल्दैन । फोटोसम्बन्धी नियमहरू कडाइका साथ पालना गर्नु पर्नेछ र प्रत्येक फोटो आफ्नो आवेदनमा समावेश भएका सही व्यक्तिहरूसँग मेल खाने गरी पेश गर्नु पर्नेछ । र, फोटो खिच्दा आवेदकहरूले चश्मा लगाउनु हुँदैन ।


Read more ...

सारै दुब्लाउनु भयो ? यी १० घरेलु उपाय अपनाउनुहोस् सजिलै मोटाइन्छ

काठमाडौं । कामको थकान, हर्मोनमा आउने परिवर्तन, कुनै बिमारी अनि अस्वस्थकर खानपानका कारण दुब्लोपन अनि कमजोरी हुन सक्दछ। वजन अधिक कम हुँदा शरीरको रोग प्रतिरक्षा प्रणाली कमजोर हुन्छ। फलतस् रोगहरुले च्याप्ने गर्छ। यहाँ केही सजिला घरेलु उपायको चर्चा गरिएको छ जसले यी समस्या निर्मूल पार्न सक्छ।

१) एक गिलास दुधमा आधा चम्चा दालचिनीको धुलो र एक चम्चा मह मिलाएर दैनिक पिउने गर्नुस्।

२) १०-१५ सुकेको अंगुर (किसमिस) तातोपानीमा राती भिजाउनुस्। बिहान यसको पानी र दाना खानुस्।

३) राती ६-७ चम्चा चनाको दाललाई काँचो दुधमा भिजाएर राख्नुस्। बिहान यसमा ५(६ किसमिस र मिश्री मिलाएर खानुस्।

४) १_१ चम्चा मह र बेसार मिसाउनुस्। यसरी नियमित खाँदा दुब्लोपन टाढा भाग्छ।

५) ४-५ छोकडा २-३ काजू, २ बदाम, र एक गिलास दुध उमाल्नुस्। यसमा दुई चम्चा मिश्री मिलाएर नियमित सुत्नु अघि पिउनुस्।

६) बिहान बेलुका २ वा ३ केरासंगै एक गिलास दुध पिउँनुस्।

७) अमलाको धुलो ९वा अमला० सगं मिश्री मिसाएर सुत्नु अघि नियमित खानुस्।

८) खाना खाएपछि दुई चम्चा घ्यूमा एक चम्चा मह मिसाएर खानुस्।

९) सुप र मिश्री बराबर मिसाएर नियमित दुई चम्चा (धुलो बनाएर) खानुस्।

१०)  २ चम्चा मेथीलाई एक गिलास पानीमा करिब ५ घण्टा भिजाउनुस्। 
अनि उमाल्नुस् र छानेर २ चम्चा मह मिसाएर पिउनुस्।

Read more ...

लोक तथा दोहोरी गीत प्रतिष्ठान नेपालको अध्यक्षमा बद्री पंगेनी निर्वाचित

काठमाडौं । लोक तथा दोहोरी गीत प्रतिष्ठान नेपालको अध्यक्षमा कलाकार बद्री पंगेनी निर्वाचित भएका छन्।

प्रतिष्ठानको छैंटौं केन्द्रीय महाधिवेशनले दुई वर्षका लागि पंगेनीको नेतृत्वमा ३९ सदस्यीय कार्यसमिति चयन गरेको हो। कार्यसमितिको वरिष्ठ उपाध्यक्षमा रमेश बिसी, द्वितीय उपाध्यक्षमा रामजी खाँड, महासचिवमा सुवास केसी र उपमहासचिवमा चौलेन्द्र पौडेल निर्वाचित भएका छन्।

प्रतिष्ठानको प्रथम उपाध्यक्षमा पशुपति शर्मा, महिला उपाध्यक्षमा रीता थापा, महिला सचिवमा राधिका हमाल र कोषाध्यक्षमा दीपक खड्का निर्विरोध निर्वाचित भएका छन्। यसैगरी, सचिवमा शङ्कर बिसी, खुमन अधिकारी र कृष्ण रेउले र सहकोषाध्यक्षमा टीका पुन विजयी भएका छन्‍।

प्रतिष्ठानका पूर्वअध्यक्ष दुर्गा रायमाझीका अनुसार पाँच सदस्यको मनोनयन पछि गरिनेछ।
Read more ...

Wednesday, 28 September 2016

ठग्न नपाएपछि आन्दोलन ट्याक्सिी चालक आन्दोलनमा

काठमाडौं । वैशाखमा बा १ ज १९०८ नम्बरको ट्याक्सी चालकले मिटरमा जान नमानेको भन्दै यात्रुले ट्राफिक प्रहरीको ९८५१२९५१०० नम्बरको मोबाइलमा एसएसएस पठाए ।

त्यसको केही दिनपछि सोही ट्याक्सी चालकले मिटरमा जान नमानेको भन्दै पुनः एक यात्रुले एसएमएस पठाए । एउटै ट्याक्सीका चालकलाई मिटरमा जान नमानेकोमा प्रहरीले तीनपटक कारवाही गर्‍यो ।

बा२ज १८२६ नम्बरको ट्याक्सी चालकले मिटरमा जान नमानेपछि यात्रुले एसएमएसमार्फत उजुरी दिए । मिटरमा जान नमानेकै कसुरमा प्रहरीले यो ट्याक्सीका चालकलाई पनि तीनपटक कारवाही गर्‍यो ।

वैशाखदेखि मिटरमा जान नमान्ने, मोलमोलाई गर्ने र मिटर बिगार्ने ट्याक्सी चालकमाथि प्रहरीले कारवाही गर्न थालेपछि अहिले प्रत्येक दिन करिब १२ ट्याक्सी चालक कारवाहीमा पर्ने गरेका छन् ।

तर मंगलबार भने कुनै पनि ट्याक्सी चालक कारवाहीमा परेनन् । किनभने मंगलबार र बुद्यबार ट्याक्सी चालकहरुले ट्राफिक प्रहरीले चलाएको कारवाही अभियानको विरोधमा ट्याक्सी चलाएनन् ।

यात्रुले भनेको ठाउँमा जान नमान्ने, मिटरमा नगाई मोलमोलाई गर्ने र मिटर बिगार्नेलाई गरिएको कारवाहीका विरोध गर्दै ट्याक्सी जाम गरिएको हो ।

उपत्यका ट्राफिक महाशाखाका डीआईजी प्रकाश अर्याल यात्रुलाई सहज तरिकाले गन्तब्यमा पुर्‍याउन अनुरोध गर्दा नमानेपछि कारवाही अभियान चलाएको बताउँछन् । ‘यो त ठग्न पाइएन भनेर गरेको आन्दोलन हो,’ उनले भने, ‘यात्रुलाई दुःख नदेऊ, मिटर नबिगार, मिटरमा उठेको भाडा लेऊ भन्दा आन्दोलन गर्ने कस्तो अचम्म रु

Read more ...

घर बनाउने आस थियो, ज्यान गुम्यो

धादिङबेसी । सत्यदेवी गाविस ३ का भूकम्पपीडित लीलाबहादुर तामाङ एक साताअघि सरकारले घर बनाउन दिएको अनुदानको पहिलो किस्ता ५० हजार रुपैयाँ लिन सदरमुकाम धादिङबेसी आएका थिए । गाउँमै शिविर गएका बेला अनुदान सम्झौता गरेका तामाङले गाविसले सूचना दिएबमोजिम सदरमुकाम गएर यती डेभलपमेन्ट बैंकबाट ५० हजार रुपैयाँ बुझे ।

लीलाबहादुरको परिवार घर भत्केको १६ महिना नाघिसक्दा पनि अस्थायी टहरोमै थियो तर यति ठूलो भूकम्पमा ज्यान बचेकोमा आफूलाई भाग्यमानी नै सम्झन्थ्यो । पैसा बुझेपछि घर बनाएर परिवारलाई त्यहीं सार्ने योजना बनाउँदै उनी गाउँ फर्कंदै थिए तर उनी चढेको बस मंगलबार धादिङको मार्पाक ६, लपाङफेदीबाट खसेर आँखुनदीमा पुग्यो । उनको ज्यान त्यहीं गुम्यो । लीलाबहादुरसँगै गत वर्षको विनाशकारी भूकम्पबाट बाँचेका अन्य १८ जनाले पनि ज्यान गुमाए ।

नयाँ घर बनाउने सपना बुनेर सदरमुकाम झरेका लीलाबहादुरसँगै सत्यदेवीबाटै अनुदानको पहिलो किस्ता लिन आएका ६ जनाले दुर्घटनामा ज्यान गुमाए । लीलाबहादुरकी कान्छी छोरी मन श्री तामाङले भावुक हुँदै भनिन्, ‘पैसा लिन लागि सदरमुकाम जान्छु भनेर घरबाट हिँड्नुभएको बुवा कहिल्यै फर्केर नआउने गरी जानुभयो । घरमा आमा पनि बिरामी हुनुहुन्छ, काजक्रिया गर्न पर्‍यो, नयाँ घर बनाएर बस्ने त त्यस्तै भयो, बुबालाई समेत गुमायौं ।

दुर्घटनामा छोरो गुमाएको खबरले सर्ची तामाङ दुःखी छिन् । ‘एउटैमात्रै छोरो थियो, बैंकबाट पैसा निकालेर घर बनाएर बस्ने भनेको थियो । बिरामी बुवा लिन गएका बेला आफै दुर्घटनामा परेर बित्यो,ु सर्चीले रुँदै भनिन्, ‘ श्रीमान् पनि दमको बिरामी हुनुहन्छ, हामी अझैसम्म त्रिपालमै बसिरहेका छौं । छोरो पनि गयो अब म एक्लैले कसरी घर बनाउने ? 

दुर्घटनामा परेर एकै गाउँका चारजनाको मृत्यु भएपछि सत्यदेवी  २ अहिले शोकमा डुबेको छ । सत्यदेवीका आयुसबहादुर तामाङले भने, ‘भूकम्प गएपछि यहाँका सबैजना त्रिपाल र टहरामा छने । भूकम्पमा परेर मुस्किलले ज्यान जोगाएर बाँचेकाहरू त्यही भूकम्पको अनुदान लिन जाँदा दुर्घटनामा परेर मर्नुपर्‍यो ।

दुर्घटनामा मृत्यु भएकाहरू सबैको शव आफन्त र परिवारलाई जिम्मा लगाइएको छ । बाटोको कठिनाइका कारण घटनास्थलमै पुगेर प्रहरीले मुचुल्का बनाएको र डाक्टरलाई पनि घटनास्थलमै लगेर पोस्टमार्टम गरिएपश्चात् आफन्तलाई शव जिम्मा लगाइएको जिल्ला प्रहरी प्रमुख एसपी शरदकुमार खत्रीले बताए । मृतकहरूको परम्पराअनुसार गाउँमै अन्त्येष्टि गरिएको छ ।

Read more ...

मन्त्री बनेपछिको दौडधुपले स्वास्थ्यमन्त्री गगन बिरामी

काठमाडौं । स्वास्थ्यमन्त्री गगन थापा व्यस्तताका कारण अस्वस्थ भएका छन् । उनको पेट र छातीमा केही समस्या देखिएपछि उपचारका लागि ग्राण्डी अस्पताल पुगेका थिए । धापासीस्थित ग्राण्डी अस्पताल पुगेका थापा चेकजाँच गरेर आवश्यक परामर्श लिएपछि घर फर्किएको अस्पताल स्रोतले जनाएको छ ।

विभिन्न बैठक तथा कार्यक्रममा सहभागी हुनेक्रममा व्यस्त भएका थापालाई आराम नपुग्नुका साथै खानपानमा ध्यान नपुगेर स्वास्थ्य समस्या आएको चिकित्सकको भनाई छ । अहिले थापालाई ग्याष्टिक बढेको र केहिदिन घरमै आराम गर्न चिकित्सकहरुले सुझाव दिएका छन् । चिकित्सकको सुझाव पछि बिहीबारका लागि तय भएका सम्पूर्ण कार्यक्रम रद्द गरेर मन्त्री थापा आराम गर्न घरमै बसेका छन् ।

मुटु दिवसको अवसरमा आयोजित विभिन्न कार्यक्रममा सहभागी हुन आज दिनभर व्यस्त रहने थापाको कार्यतालिका थियो । बुधबार नेपालगञ्जमा भएको समीक्षात्मक गोष्ठिमा सहभागी हुन पुगेका थापालाई त्यहीदेखि पेट दुखिरहेको थियो ।
Read more ...

श्रीमानले बिदेशमा कमाएको आठ लाख लिएर श्रीमती टाप कसेपछि

मलेसिया । चार वर्षसम्म कमाएको पैसा लिएर श्रीमती अकैंसँग टाप कसेपछि कस्तो होला ? यस्तै पीडा ब्यहोर्नु परेको छ नवलपरासी तम्सरीयाका प्रेम कुमालले ।

चार वर्ष अगाडि रोजगारीका लागि मलेसिया आएका प्रेमले कमाएको पैसा सवै श्रीमतीको नाममा पठाउने गरेका थिए । गएको अगष्ट २८ तारिखमा दार्चुलाका एक ब्यक्तिसँग श्रीमती हिडेपछि उनका सवै सपनाहरु मलेसियामै रोकिएका छन् ।

मलेसियामा प्रतिमहिना एक हजार रिगेट तलवमान कायम हुँदा समेत पुरानै तलवमान पाचँ सय ४६ रिगेटमा उनले काम गरिरहेका थिए । घरमा आमा, वुवा एक छोरा, एक छोरी तथा श्रीमतीलाईछाडेर परदेशिएका प्रेमले आफनै श्रीमतीवाट धोकापाएका छन् ।

सोमवार मात्र नेपाल फर्किएका प्रेमले श्रीमतीको नाममा मुद्दा दर्ता गराउने सोच वनाएका छन् । त्यत्रो पैसा कहाँ त्यसै छाड्न सकिन्छ रगत पसिना गरेर कमाएको हो कुनै हालतमा पनि उनले भने । भने । प्रेम क्वालालम्पुरमा रहेको लनचुङ फुड कम्पनीमा काम गरेका थिए ।
Read more ...

सरकारी कार्यालयबाटै खैरो हेरोइनको धन्दा

काठमाडौं । औषधिको नियामक निकाय औषधि व्यवस्था विभाग परिसरभित्र रहेको स्टिल दराजमा खैरो हेरोइन फेला परेको छ। विभागको बिजुलीबजारस्थित पानस फर्मास्युटिकल्स प्रालि लेखेको स्टिलको दराजभित्र २२ ग्राम खैरो हेरोइन र हेरोइन जोख्ने डिजिटल तराजु फेला परेको खबर आजको राजधानीमा छापिएको छ । लागूऔषध नियन्त्रण ब्युरोले खैरो हेरोइनको कारोबारीको आरोपमा सुनिल गुप्तालाई पक्राउ गरेपछि यो तथ्य बाहिर आएको हो ।


‘विभागकै परिसरमा रहेको दराजभित्र लागूऔषध फेला परेको यो पहिलोपटक हो’, ब्युरोका प्रहरी नायब महानिरीक्षक (डीआईजी)जयबहादुर चन्दले भने । उनका अनुसार औषधि कम्पनीहरूले विभाग परिसरमा औषधि परीक्षणका लागि राख्ने छुट्टै लकरसहितको दराजमा गुप्ताले चरेस रहेका बताएका थिए ।

गुप्ता पानस फर्मास्युटिकल्सका कामदार हुन् । बयानमा उनले विभागभित्र रहेको स्टिलको दराजमा हेरोइन राखेको बताएपछि ब्युरो टोली बुधबार विभाग पुगेको थियो । गुप्ताले बताएअनुसार विभागभित्र रहेको स्टिलको दराज खोलेर हेर्दा प्रहरीले हेरोइन र त्यो जोख्न प्रयोग हुने तराजु फेला पारेको थियो ।

ब्युरोका डीआईजी जयबहादुर चन्दका अनुसार प्रारम्भमा काठमाडौं महानगरपालिका–८ जयबागेश्वरीमा सूर्य संगत पक्राउ परेका थिए । उनको साथबाट ७ ग्राम खैरो हेरोइन र ४ हजार रुपैयाँ फेला परेको थियो । सोधपुछमा संगतले बाँकेका ३२ वर्षीय गुप्तासँग हेरोइन किनेको खुलेको थियो । गुप्ता पानस फर्मास्युटिकल्सका लाइजन अफिसर हुन् ।

गुप्तासँग हेरोइन किनेका प्रकाश जोशी, सद्दाम अन्सारी र वीरेन्द्र सिंहलाई प्रहरीले गौशालाको साउथ एसियन गेस्ट हाउसमा छापा मारी पक्राउ गरेको थियो । उनीहरूका साथबाट ९ ग्राम हेरोइन र ६४ हजार रुपैयाँ फेला परेको प्रहरीले जनाएको छ ।
Read more ...

सांसदहरुको सुविधा ह्वात्त बढ्दै

काठमाडौं । सरकारले साउन १ देखि नै लागू हुने गरी सांसदहरूको घरभाडा तथा पत्रपत्रिकालगायत सुविधाबापतको भत्तामा भारी वृद्धि गर्ने भएको छ ।

मासिक ५४ हजार २ सय ९बैठक भत्ता र ट्याक्सी भाडाबाहेक० पाउँदै आएका सांसदले भत्ता वृद्धि भएपछि मासिक ८० हजार ५ सय रुपैयाँ पाउने संसद् सचिवालय स्रोतले जानकारी दिएको छ ।

सांसदहरूको मासिक तलबसुविधामा साउन १ देखि नै लागू हुने गरी झन्डै २६ हजार रुपैयाँले बढ्नेछ । बैठक भत्ता र ट्याक्सी भाडामा समेत भारी वृद्धि हुने भएको छ ।

कानुन, न्याय तथा संसदीय व्यवस्था मन्त्रालयले संसद् सचिवालयको सिफारिसमा सांसदहरूको पारिश्रमिक र सुविधासम्बन्धी ऐन संशोधन गर्न बनेको विधेयकमा साउन १ देखि नै लागू हुने गरी भत्ता बढाउन प्रस्ताव गरेको छ । अर्थ मन्त्रालयले सांसदहरूको भत्ता वृद्धिको प्रस्तावमा सहमति दिएपछि सरकारले पारिश्रमिकसम्बन्धी विधेयक संसद्मा पेस गर्न लागेको छ ।

संसद्ले विधेयक पारित गरेपछि सांसदहरूको भत्ता वृद्धिको निर्णय कार्यान्वयन हुनेछ । विधेयकमा सांसदहरूको घरभाडाबापतको रकम तीन गुना बढी वृद्धि गर्न प्रस्ताव गरिएको छ । विधेयक पारित भएपछि सांसदहरूको घरभाडा ६ हजार ५ सयबाट बढेर १८ हजार रुपैयाँ पुग्नेछ । सांसदहरूको पत्रपत्रिका सुविधाबापतको रकम मासिक ५ सयबाट ६ गुना बढेर ३ हजार रुपैयाँ पुग्नेछ ।

खानेपानी र बत्तीको महसुलका लागि सांसदहरूले मासिक २ हजार रुपैयाँ पाउनेछन् । यसअघि यो सुविधा १२ सय रुपैयाँ मात्र थियो । अब सांसदहरूले दैनिक ट्याक्सी भाडा १ हजार रुपैयाँ ९बैठक बसेको दिनको मात्र० पाउने छन् ।

यसअघि दैनिक ट्याक्सी भाडा १ सय ५० रुपैयाँ मात्र थियो । सांसदहरूको बैठक भत्ता दैनिक २ सयबाट बढेर ५ सय रुपैयाँ पुग्नेछ । सांसदहरूले संसद् या समितिको बैठक बसेको दिनमा बैठक भत्ता र ट्याक्सी भाडा पाउने छन् ।

दलहरूबीच विभिन्न एजेन्डामा मतभेद भए पनि सांसदहरूको भत्ता बढाउने सवालमा भने सर्वसम्मति देखिएको छ । सबै दलका सचेतकहरू रहेको समितिले सर्वसम्मतिमा सांसदहरूको घरभाडा लगायतको सुविधा वृद्धि गर्न सिफारिस गरेको हो ।
Read more ...

यस तस्बिरका कारण भयो श्रीमान् श्रीमतीबिच डिभोर्स !

इन्टरनेटमा एक महिलाको तस्बिर भाइरल भइरहेको छ । यस फोटोमा खासै त्यस्तो केही देखिदैन । तर, नियालेर हेर्यो भने रहस्य खुल्छ ।


इन्टरनेटमा चलिरहेको खबरका अनुसार जो महिलाले यस तस्बिर शेयर गरेकी थिइन् उनको पति २० दिनदेखि बाहिर रहेका थिए । तर, घर फर्केपछि जब उनले यस तस्बिर देखे उनले एक अजिब रहस्य तस्बिरमा फेला पारे । उनले तस्बिरमा एकजना व्यक्ति बेड मुनि लुकेर बसेको भेटाए । तस्बिरमा बेडमुनि लुकेको व्यक्तिको आखाँ प्रष्टसँग देखिन्छ ।

उक्त तस्बिर हेरेपछि श्रीमान्ले आफ्नी पत्नीलाई डिभोर्स दिएका थिए । परपुरुषसँग सम्बन्ध रहेको भन्दै उनले डिभोर्स दिएको बताइएको छ । यो फोटो सामाजिक सञ्जालमा भाइरल भइरहेको छ ।

Read more ...

चिनियाँ राष्ट्रपति सी नेपाल नआउने भएपछि प्रधानमन्त्री प्रचण्डले सिलाई भारतमा भेट्ने

काठमाडौं । चिनियाँ राष्ट्रपति सी जिनपिङको नेपाल भ्रमण तत्काल नहुने भएपछि प्रधानमन्त्री पुष्पकमल दाहालले यही महिनाको अन्तिम साता चिनियाँ राष्ट्रपतिसँग भारतमा भेटवार्ताका लागि तयारी अघि बढेको छ ।
भारतको गोवामा असोज २९ र ३० गते भारतले आयोजना गर्ने ब्रिक्सु सदस्य राष्ट्रहरूको आठौं शिखर सम्मेलनमा सहभागी हुने क्रममा दाहालले चिनियाँ राष्ट्रपतिसँग भेट्ने लगभग निश्चित भएको हो ।प्रधानमन्त्रीका विदेश मामिला सल्लाहकार डा. ऋषि अधिकारीले चिनियाँ राष्ट्रपतिसँग गोवामा भेटवार्ता लगभग निश्चित रहेको बताए ।

कूटनीतिक च्यानलबाट चिनियाँ राष्ट्रपतिसँग भेटवार्ताका लागि पहल भइरहेको छ । भेट हुने लगभग निश्चित छु, अधिकारीले भने । प्रधानमन्त्री असोज २८ गते गोवा जाने कार्यक्रम रहेको अधिकारीले जानकारी दिए । प्रधानमन्त्री गोवा जानु हुन्छ । यस सम्बन्धमा औपचारिक निर्णय हुन बाँकी छु, उनले भने । नेकपा माओवादी केन्द्रका अध्यक्ष दाहालले पार्टी केन्द्रीय सचिवालय बैठकमा सोमबार बोल्दै चिनियाँ राष्ट्रपतिसँग ब्रिक्स सम्मेलनमा भारतमा भेट हुने तय भएको जानकारी दिएका छन् ।

ब्रिक्स शिखर सम्मेलनमा चिनियाँ राष्ट्रपतिसँग मेरो भेट हुनेछ र उहाँको नेपाल भ्रमणको मितिबारे कुराकानी हुनेछु, उनले भने । प्रधानमन्त्रीका विशेष दूतका रूपमा अघिल्लो महिना चीन गएका अर्थमन्त्री कृष्णबहादुर महराले चिनियाँ पक्षसँग राष्ट्रपति सी ब्रिक्स शिखर सम्मेलनमा जाँदा या त्यहाँबाट स्वदेश फर्कंदा नेपाल भ्रमणका लागि समय मिलाउन अनुरोध गरेका थिए ।
Read more ...

धादिङ बस दुर्घटना : आँखा खोल्दा चालकको टाउको सिटमा थिएन

काठमाडौं ।  साढे ८:३० बजे धादिङ बेँसीबाट हिँडेको थियो। बसमा सिटमा मात्र यात्रु थिए। गाडीको बीचमा कोही उभिएका थिएनन्। व्यापारीले दशैँका लागि भनेर हुटमा फेन्सी सामान हालेका थिए। लपाङ फेदिमा पुगेपछि चालकले खाना खान बस रोके। हामी सबै गाडीबाट ओर्लियौं।

 बस सडक डिलको पर्खाल भत्काएर तल झर्‍यो। बझारिँदै तल खस्यो। तल पुगेर बजारिएपछि गाडीको गति रोकियो। यसो हेरेको चालकको टाउको सिटमा थिएन, शरीर मात्र थियो।
म हजुर बुवासँगै ९पदमबहादुर थापा मगर० उहाँको पेन्सन लिएर फर्किंदै थिएँ। मारपाक गाविसबाट हामी ४ जना बसमा चढेका थियौं। लपाङ फेदिमा खाना खाइसकेपछि बस उकालो लाग्यो। बाटो भिरालो थियो। भिरालो बाटोको डिलपट्टिबाट बस गुडिरहेको थियो। ढिलमा सानो पर्खाल पनि थियो। सडक कच्ची थियो। उकालो बाटो आयो।

उकालो कट्नै लागेको थियो बस एक्कासि अनियन्त्रित भयो। चालकले ब्रेक हाने। बसभित्र कोकोहोलो मच्चियो। सबै अत्तालिएर कराए, चिच्याए। गुहार गुहार भन्न थाले।

म चालक बस्ने सिटको ठिक पछाडि थिएँ। सिटभन्दा माथिपट्टि सामान राख्ने ठाउँको डण्डीलाई समातेँ। गाडी जता जता कोल्टियो। मैले जिउलाई लचकदार बनाएर त्यतै त्यतै कोल्ट्याएँ। बस सडक डिलको पर्खाल भत्काएर तल झर्‍यो। यस दुर्घटनामा परि १९ जनाको ज्यान गएको थियो । 
Read more ...

नेपाल र चीन जेड्ने कोरला नाकामा किन गए भारतीय राजदूत रणजित राय ?

मुस्ताङ । भारतीय राजदूत रणजित राय नेपाल र चीनको सीमा कोरला पुगेर त्यहाँको वस्तुस्थितिको जानकारी लिएका छन्। भारतले नेपालमाथि नाकाबन्दी लाएपछि तत्कालीन केपी शर्मा ओली सरकारले सो नाका खोल्न कसरत गरेको थियो।

छ दिनसम्म मुस्ताङमा रहेर भारतीय राजदूतले नेपाल चीन सीमाका विभिन्न गतिविधिबारे जानकारी लिएका थिए। बसाइँका क्रममा उनले भारतीय लगानीमा विभिन्न गाविसका निर्माण भएका आधा दर्जन आयोजनाको उद्‌घाटन गरे। दूतावासका दुईजना उच्चअधिकारीसहित असोज ६ गते मुस्ताङ ओर्लेका उनले भोलिपल्टै योगेन्द्र उच्च मावि टुकुचेको भवन, कागबेनीमा निर्मित तटबन्ध र मुक्तिनाथस्थित झारकोटमा सामुदायिक भवनको उद्‌घाटन गरेका थिए।


यही असोज ८ मा उहाँले मुक्तिनाथ दर्शन गर्नुका साथै मुक्तिनाथ क्षेत्रमा निर्माण गरिएको धर्मशाला र खानेपानी आयोजनाको औपचारिक उद्घाटन गरे। स्थानीयवासी र मुक्तिनाथका पुजारीसँगको छलफलमा राजदूत रायले सरकारले आग्रह गरेको खण्डमा मुक्तिनाथको गुरुयोजनालाई सहयोग गर्न तयार रहेको बताएका थिए।

मुक्तिनाथ क्षेत्र विकास कोष र पुरातत्व विभागले मुक्तिनाथको बृहत्तर विकासका लागि एक अर्ब रुपैयाँभन्दा बढीको गुरुयोजना तयार पारेको छ। असोज ९ गते लोमान्थाङ पुगेका राजदूत रायले भारतीय लगानीमा त्यहाँ निर्मित लोमान्थाङ गुम्बा र नाङ्गेल गुम्बाको अवलोकनसमेत गरेका थिए।

सोही दिन राजदूत राय कोरला नाका पुगेका हुन्। नेपाल र चीनबीच दीर्घकालसम्म नाका सञ्चालन गर्ने बहस चलिरहेको बेला भारतीय राजदूतको भ्रमणलाई अर्थपूर्ण रुपमा हेरिएको छ। लोमान्थाङ भ्रमणका क्रममा राजदूतसँगको टोलीको जिविस मुस्ताङका इन्जिनियर सकलदेव शर्मा पनि सहभागी थिए। 



Read more ...

साथीकी छोरीमाथि यौन दुव्र्यावहार गर्ने नेपाली सेनाका कर्णेल परे फन्दामा

काठमाण्डौ । घनिष्ठ साथीकी नाबालिका छोरीमाथि यौन दुव्र्यवहार गरेबापत जंगीअड्डाभित्र थुनिएका कर्णेल प्रेमकुमार थापा सेवाबाट बर्खास्त भएका छन् ।

कोर्ट अफ इन्क्वायरीबाट दोषी ठहरिएका उनलाई सैनिक अदालतले भविष्यमा सरकारी नोकरीका निम्ति अयोग्य नठहरिने गरी अस्ति जागिरबाट निकालेको हो । यो फैसलासँगै डेढ महिनादेखि थुनिएका उनलाई श्रीमतीले हिरासतबाट बुझेर घर लगेकी छन् ।  बढुवा भएर कार्यभार सम्हाल्न जुम्ला जान नपाउँदै उनी समातिएका हुन् ।

सुरक्षा फौजभित्र अनुशासन उल्लंघनको मात्रा कति डरलाग्दो भने हाल संयुक्त राष्ट्रसंघीय मिसनअन्तर्गत शान्ति स्थापनार्थ विशेमा कार्यरत एकजना प्रहरी अधिकृत हाकिमहरुलाई अश्लील गालीसहितको पत्र पठाएपछि कारबाहीमा पर्न लागेका छन् ,जनआस्था साप्ताहिकमा खबर छ ।

ज्ञानबहादुर खत्रीको उनको नाम , असार १२ गते आफूसँगै साथीहरु इन्स्पेक्टरमा बढुवा भएको असन्तुष्टिस्वरुप खत्रीले महानिरीक्षकलगायत बढुवा समितिका हाकिमविरुद्ध अश्लील शब्द प्रयोग गर्दै उजुरी पठाएका थिए ।

उक्त उजुरीको मागदाबी ठहर नहुने भन्दै त्यसलाई खारेज गरेर अनुशाुसनको कारबाहीस्वरुप खत्रीलाई सुडानबाट फर्काउन लागिएको छ ।

Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us