Friday, 31 July 2015

शनिवार विहान ४.२ रेक्टरको भुकम्पको पराकम्पन महसुस

सिन्धुपाल्चोकलाई केन्द्रविन्दू बनाएर शनिबार भूकम्पको एउटा पराकम्पन गएको छ ।
बिहान ७ बजेर २२ मिनेट जाँदा ४ दशमलव २ म्याग्निच्युटको पराकम्पन गएको राष्ट्रिय भूकम्प मापन केन्द्रले जनाएको छ ।
यसअघि शुक्रबार बेलुका ८ बजेर १८ मिनेट जाँदा दोलखालाई केन्द्रविन्दू बनाएर ४ दशमलव ५ म्याग्निच्युटको पराकम्पन गएको थियो ।
गत वैशाख १२ गते गएको भूकम्पपछि अहिलेसम्म ४ म्याग्निच्युटभन्दा माथिका ३ सय ६६ वटा पराकम्पन गएको केन्द्रले जनाएको छ ।

Read more ...

औषधिको खुद्रा मूल्य तोकियो, नयाँ मूल्य लागू गर्न ढिलाइ

मन्त्रिपरिषद्ले औषधिको खुद्रा मूल्य तोकेको छ । तर, तीन साता पुगिसक्दा पनि औषधिको मूल्य लागू हुन सकेको छैन । स्वास्थ्य तथा जनसंख्या मन्त्रालयको प्रस्तावमा मन्त्रिपरिषद्को २१ असारको बैठकले औषधिको खुद्रा मूल्य तोक्ने निर्णय गरेको थियो । मन्त्रिपरिषद्को निर्णय राजपत्रमा प्रकाशित गर्न ढिलाइले निर्णय कार्यान्वयन ढिलाइ भएको हो ।
मन्त्रिपरिषद्ले ९६ वटा औषधिको मूल्य तोक्ने निर्णय गरेको थियो । एउटै औषधिको मूल्य कम्पनीअनुसार फरक–फरक पर्ने समस्या समाधान गर्न भन्दै स्वास्थ्यमन्त्री नेतृत्वको औषधि परामर्श परिषद्ले औषधिको मूल्यसूची तयार गरेको नयाँ पत्रिकामा खबर छ ।

मूल्य तोकिएका औषधिमा साधारण रुघाखोकीदेखि मुटु तथा क्यान्सर रोगमा प्रयोग हुने महँगासमेत छन् । नयाँ मूल्यसूची हालको बजारमूल्यभन्दा २० देखि ५० प्रतिशतसम्म कम रहेको मन्त्रालयले जनाएको छ ।

औषधि व्यवस्था विभागका अनुसार पहिलो चरणमा मूल्य तोकिएका औषधिमा क्यान्सर रोगमा प्रयोग हुने ४८, ब्लडप्रेसरका ११, सुगर रोगका सातवटा छन् । त्यस्तै, मानसिक समस्याका आठ, एन्टिबायोटिक १०, कोलेस्टेरोल तीन, ग्याष्ट्रिक तीन र गर्भपतन, आउँ, दुखाइ कम गर्ने, रुघाका एक–एकवटा औषधिको मूल्य तोकिएको छ ।
Read more ...

देश टुक्रयाउँछु भन्नेहरुको टाउको पनि टुक्रिन सक्छः मन्त्री पण्डित

कुमाल समुदायले बुधबार सामान्य प्रशासन मन्त्री लालबाबु पण्डित कुमाल लाई बधाई तथा सम्मान गरेको छ ।
कुमाल समुदायको तर्फबाट इतिहासमै पहिलो पटक राज्यको उच्च तह मन्त्रिमण्डल पुग्न सफल भएकोमा सामान्य प्रशासन मन्त्री लालबाबु पण्डित कुमाललाई सम्मान गरेको हो ।

नेपाल कुमाल समाज सुधार समितिका अध्यक्ष नरेन्द्रमान मुखिया कुमालले मन्त्री पण्डितलाई सम्मान पत्र प्रदान गरेका थिए । कार्यक्रममा बोल्दै मन्त्री पण्डितले नागरिकता लिदैमा कुनै पनि व्यक्ति देशको नागरिक हुन नसक्ने र नागरिक हुनको लागि देश भक्त हुनु पर्ने  बताए ।

कुनै पनि नेता, कर्मचारीहरुमा देश भक्त छैन भने तिनीहरु नेपालका नागरिक होईनन् । भाषणकै क्रममा मन्त्री पण्डितले भने, ‘देश टुक्रयाउँछु भन्नेहरुको टाउको पनि टुक्रिन सक्छ ।’
Read more ...

Thursday, 30 July 2015

मुम्बई बम ब्लाष्टका योजनाकार याकुव मेमन काठमाडौमा यसरी पक्राउ परेका थिए

मुम्बई बम हमलाका योजनाकारको आरोपित याकुब मेमनलाई फाँसी दिइएको छ । तर उनलाई पक्राउ परे लगत्तै फाँसी दिइएको भने होइन । आज भन्दा २२ वर्ष अगाडि मुम्बई बम ब्लाष्टको योजनाकार मेमन रहेको आरोपमा टाडा अदालतले उनलाई सन् २००७ मा फाँसीको सजाय सुनाएको थियो । तर अदालती प्रक्रिया अनुसार, फाँसी दिइएपछि अपील गर्न पाउने भएकोले बिभिन्न निकायमा गरिएको र अपील र सुनुवाईमा समय लागेकोले उनी यति लामो समयदेखि नै नागपुर जेलमा थिए ।
मुम्बईको बम हमलामा  २५७ जना मारिएका थिए । भारतको इतिहासमा २६/११ को नामले चिनिने बम हमलापछि भारतीय इन्टलिजेन्स ब्यूरोले मेमनको खोजी शुरु गरेको थियो । मेमनलाई पक्राउ गर्न भारतीय जासूसहरु नेपालमा पनि सक्रिय थिए ।

सन् १९९४ को जुलाई २१ का दिन पाकिस्तानबाट फ्लाइट नम्बर PIA 250 भित्रुवन विमानस्थलमा ल्याण्डिङ भएपछि भारतीय जासुसहरु सक्रिय भएर बसे । उनीहरुलाई एउटा विशेष व्यक्तिमाथि निगरानी गर्नु थियो । यात्रीहरु विमानस्थलको आगमन कक्षतर्फ आउँदै गरेका थिए । त्यही क्रममा एउटा व्यापारीका रुपमा युसुफ अहमद भन्ने व्यक्तिमाथि केरकार सुरु भयो । AA763242 नम्बरको पासपोर्ट बोकेका ती व्यक्तिलाई नेपाल प्रहरीले पक्राउ गरेर सोझै भारतीय ब्यूरोका मानिसहरुलाई सुम्पिए ।

एयरपोर्टमा पक्राउ गरिएका तिनै व्यक्ति याकुब मेनन थिए । वकिललाई भेट्न काठमाडौं आएको र त्यहाँबाट भारत जाने खाजेको उनको योजना थियो भनिन्छ । तर भारतीय जाँच एजेन्सीहरुले याकुब नेपालमा पक्रिएको कुरा सार्वजनिक गरेनन् न त नेपालले नै यसबारेमा केही कुरा अगाडि सारेको थियो ।


Read more ...

अवैध गर्भ बोकेको आरोप लागेकी महिलाको पेटमा भेटियो चार किलोको ट्युमर !

दुई हप्ता अगाडि जुम्लाबाट डोल्पा आएको कर्णाली स्वास्थ्य विज्ञान प्रतिष्ठानको टोलीले पहिलोपटक यहाँ शल्यक्रिया सेवा दिएको छ ।
प्रतिष्ठानको घुम्ती टोलीले बुधबार दिउँसो डोल्पा जिल्लाको एकमात्र सरकारी जिल्ला अस्पतालमा ६१ वर्षीया महिलाको ट्युमरको सफल शल्यक्रिया गरेको छ ।
करिब एक घन्टाको शल्यक्रियापछि ती महिलाको पेटबाट चार किलो बराबरको ट्युमर झिकिएका डा निरेश थापाले जानकारी दिए ।
लिकु गाविस–३ चँकी जमुना रोकायको शल्यक्रिया गरिएको हो ।
दश वर्ष अगाडि श्रीमान् गुमाएकी ६१ वर्षीया रोकाय गाउँलेले अरुको गर्भ बोकेको भन्दै कुरा काट्न थालेपछि स्वास्थ्य जाँचका लागि अस्पताल आएकी हुन् ।
अस्पतालमा आएर भिडियो एक्सरे गरेपछि पेटभित्र ट्युमर भएको पत्ता लाग्यो ।
जिल्ला बाहिर लगिए दुई लाखसम्म खर्च लाग्थ्यो तर उनको निःशुल्क उपचार सम्भव भयो । आफू जस्तै आर्थिक अवस्था कमजोर भएका विपन्न सर्वसाधारणलाई प्रतिष्ठानको टोलीले ठूलो सहयोग पु¥याइररहेको उनले बताइन् ।
उक्त टोलीले आएको दुई हप्ता नपुग्दै पाँचवटा शल्यक्रिया सम्पन्न गरिसकेको छ ।
शल्यक्रियापछि रोकायको स्वास्थ्य अवस्था सामान्य रहेको अस्पतालले जनाएको छ ।
Read more ...

Wednesday, 29 July 2015

कास्कीको लुम्ले र तामागीमा भिषण पहिरोमा परी १२ को मुत्यु, १५ भन्दा बढी वेपत्ता

कास्कीको भदौरे तामागी र लुम्लेमा गएको पहिरोले १२ जनाको मृत्यु भएको छ भने १५ जनाभन्दा बढी बेपत्ता भएका छन् ।
राति मानिसहरू सुतेका बेलामा गएको पहिरोले लुम्लेमा ८ जना र भदौरे तामागीमा ४ जनाको ज्यान गएको हो । दुवै ठाउँमा गरी २७ भन्दा बढी घर पुरिएका छन् ।
घटनास्थलबाट २० जना घाइतेको उद्धार गरिएको छ । पुरिएका घरहरूमा सुरक्षाकर्मी पुगेर उद्धार थालेका छन् ।

Read more ...

अर्काकी श्रीमतीसँगको चक्करले एक करोड स्वाहा

फोटो :युरिकाको परिवारबाट ठगिएका आकाश सिकरिया । तस्बिर : क्रान्ति शाह -
 वीरगन्ज : वीरगन्जका एक प्रतिष्ठित व्यवसायीका छोराले झुठो प्रेमको चक्करमा एक करोड रुपैयाँ बढीको सम्पति गुमाएका छन् । वीरगन्ज–१५ मुर्ली निवासी पेट्रोलियम पदार्थका व्यवसायी रामजी सिकारियाका छोरा २५ वर्षीय आकाश सिकारियाले माया प्रेमको झुठो आश्वासनमा परेर एक रोड ६ लाख रुपैयाँ गुमाएका हुन् । आफनो सर्वस्व नै ठानेर करोडौं रुपैयाँ खर्च गरेकी प्रेमिका अर्कैको श्रीमति भएको रहस्य खुलेपछि आकाश अहिले घर न घाटको जस्तै भएका छन् । चार वर्षदेखिको प्रेमसम्बन्धलाई साकार पार्न आकाशले काठमाडौँमा रहेकी प्रेमिका युरिका दाहाललाई बिहे गर्न जेठ १० गते वीरगन्ज बोलाए । युरिका काठमाडौँबाट वीरगन्ज त आइन् तर उनले आफू अर्कैकी पत्नी भएकाले बिहे नगर्ने बताएपछि आकाश छाँगाबाट खसेझैँ भए । अविवाहित भनिएकी प्रेमिका विवाहित भएको थाहा पाएपछि आकाशले युरिकाविरुद्ध जिल्ला प्रहरी कार्यालय पर्सामा ठगीको मुद्धा दर्ता गरे । आकाशको उजुरीका आधारमा प्रहरीले असार २८ गते युरिका, उनका बुबा हिक्मत ढकाल र भाइ मञ्जील ढकाललाई हिरासतमा राखेको छ । आकाशले आफुसँग पटक पटक पटक गरेर युरिका र उनका आफन्तले एक करोड ६ लाख रुपैयाँ ठगेको आरोप लगाएका छन् । ७० लाख ४० हजार रुपैयाँ युरिका र उनको दिदीको बैंक खातामा तथा बाँकी ३५ लाख ६० हजार रुपैयाँ नगद दिएको आकाशको उजुरीमा उल्लेख छ । ‘उजुरीका आधारमा तीन जनालाई पक्रेर हिरासतमा राखेका छौं’, पर्साका प्रहरी नायव उपरीक्षक वीरबहादुर ओलीले भने, ‘घटनाबारे अनुसन्धान भइरहेको छ ।’ युरिका झापाको अर्जुधारा गाविस–२ स्थायी घर भइ हाल ललितपुर उपमहानगरपालिका–१४ निवासी हिक्मत ढाकालकी कान्छी छोरी हुन् । सात वर्षअघि लोकेन्द्र राजभण्डारीसँग बिहे भइसकेकी उनका ६ वर्षीया छोरा पनि छन् । वीरगन्जको लिंकरोडमा अवस्थित रानीपोखरी लजमा २०६८ सालमा आकाश र युरिकाको पहिलो पटक भेट भएको थियो । आफ्ना एक साथीले लजमा पहिलो पटक युरिकासँग परिचय गराएको आकाश बताउँछन् । पहिलो भेटमा युरिकाले आफू अविवाहीत भएको बताएपछि दुवैबीच निकटता बढ्दै गयो । आकाशले राखेको प्रेम प्रस्ताव युरिकाले पनि सहजै स्वीकारिन् । त्यसपछि आकाश युरिकालाई भेटन पटक पटक ललितपुर जान थाले । युरिकाका बुबा , दिदी र भाइले पनि युरिका अविवाहित रहेको भन्दै विहे गराइदिने आश्वासन दिएकाले आफुले युरिकालाइ पैसा दिँदै आएको आकाश बताउँछन् । युरिकाले आफनो घरको आर्थिक अवस्था कमजोर रहेको बताएपछि आकाशले २०७१ सालमा ललितपुरको ढोलैटीमा अढाइ तल्ले घर भाडामा लिए । त्यही घरमा युरिकाका बुबा हिक्मत, भाइ मन्जील र जेठी दिदी अरिकासहित सपरिवार बस्न थाले । घरमा डेढ लाखको पलङ, टेलिभीजन, फर्निचर, कार्पेट, पर्दा, भाँडाकुँडा र फर्निचर सबै आफैँले खरिद गरेर दिएको आकाशको भनाइ छ । ‘आइफोन, आइप्याड, सुनको सिक्री र ब्रास्लेट पनि गिफट दिएँ’, उनले सुनाए, ‘यो सबै र नगद जोड्ने हो भने सवा करोड भन्दा पनि बढी पुग्छ ।’ ललितपुरमा रहेको कपडा पसलमा लगानी चाहिएको भनेपछि आफूले युरिकालाई पटक पटक रकम दिएको आकाश बताउँछन् । उनकै आग्रहमा आफूले उनकी दिदी अरिकाको बैंक खातामा रकम पठाउने गरेको आकाशले सुनाए । अरिकाको बैंक खातामा पाठएको रकम युरिकाले आफ्नो खातामा सार्ने गरेकी थिइन् । ‘मैले जे जति रकम पठाएँ, त्यो सबैको बैंक डिटेल्सको कागजात मसँग छ । मसँग भएजति प्रमाणको कागजता प्रहरीलाई दिइसकेको छु’, ‘आकाशले भने, ‘युरिकाकै प्रेम चक्करमा परेर बुबासँग अंशबन्डा गरेर छुट्टिएँ । तर बुबा र काकाबीच पैतृक सम्पतिमा अंशबन्डा नभएकाले अदालतले त्यो बदर गरिदियो ।’ युरिकाबिना बाँच्नै नसक्ने बताएपछि बुबाआमा पनि बिहेका लागि राजी भएका उनी बताउँछन् । ‘बुबाआमालाई रिझाएर मैले जेठ १० गते उनलाई बिहेका लागि वीरगन्ज बोलाएको थिएँ’, उनले भने, ‘तर काठमाडौँबाट वीरगन्ज आएपछि युरिकाले आफु अर्कैको पत्नी भएको रहस्य खोलेपछि मर्नु न बाँच्नुको स्थितिमा पुगेको छु ।’ युरिकाको अर्को पनि प्रेमी रहेको आकाश बताउँछन् । ‘काठमाडौंका सतिष तण्डुकार नामका युवासँग पनि उसको चक्कर रहेछ’, उनले भने, ‘युरिकाको मोबाइलको कल डिटेलमा सतिषको मोबाइलमा धेरै पटक फोन गरेको देखियो । प्रेमको नाटक गरेर केटा लुट्ने युरिकाको धन्दा रहेछ ।’ आफुले प्रहरीमा उजुरी दिएपछि युरिकाका पति लोकेन्द्रले आफुलाई मार्ने धम्की पनि दिएको आकाशले बताए । ‘मलाई अरु केही चाहिएको छैन’ उनले भने, ‘मलाई मेरो पैसा फिर्ता गरिदिए पुग्छ ।’ अन्नपूर्ण पोस्ट्
Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us