Tuesday, 23 August 2016

उपभोक्ताको सधै भिड हुने ७ मार्टमा सिलबन्दी, ११ पोलिक्लीनिक बन्द, थाहा पाउनुस् हामी कस्तो खादै छौ ?

काठमाडौं । सरकारले गरिरहेको बजार अनुगमनका क्रममा सात वटा मार्टहरु बन्द गरिएका छन् । म्याद नाघेका अखाद्य वस्तु भेटिएपछि विभिन्न नाम चलेका मार्टहरुमा सिल गरिएको हो । आपूर्ति व्यवस्थापन तथा उपभोक्ता हित संरक्षण विभागले एक हप्ताको बीचमा बिग मार्ट, भाटभटेनी सुपरमार्केट, सेलवेज लगायतका लोकप्रिय भइसकेका स्टोरहरुमा नै उपभोग्य मति नाघेका वस्तुहरु भेटाएको हो । 

बिगमार्टका कालोपुलको सहित २, सेलवेज महाराजगञ्जको सहित २ र भाठभटेनिको प्रोडक्ट डिपार्टमा सिल गरिएको छ । अत्याधिक हेलचक्र्याँइ गर्ने ७ वटा मार्टहरुमा सिल गरिएको विभागले जनाएको छ ।

अनुगमनका क्रममा फोहोर मासु विक्री भइरहेको अवस्थामा ८ सय ३४ केजी मासु नष्ट गरेको छ । डिडिसीमा रिलेभलिङ गरिएको १ लाख केही पाउडर दूध भेटिएपछि बालाजु प्रशोधन कन्द्रमा सिल गरिएको छ ।

यसैगरी टोलीले २ सय ८ वटा लेभलिङ नगरिएका पानीका जार बरामद पनि गरेको छ । फोहोर पानी उत्पादन गर्ने २ वटा पानी उद्योगमा पनि सिल गरिएको विभागका निर्देशक लक्ष्मण श्रेष्ठले बताए ।

अनुगमन टोलीले मापदण्ड पुर्‍याउन नसकेका नवीकरण नभएका ११ वटा पोलिक्लीनिक पनि बन्द गराएको छ । ७० वटा सवारीलाई छड्के जाँच गर्दा सबैले बढी भाडा असुलेको पनि टोलीले फेला पारेको छ । ति सबैलाई ५ हजार रुपैयाँसम्म जरिवाना गराएर यात्रुको भाडा फिर्ता गराइएको श्रेष्ठले बताए । मापनको परिणामभन्दा कम तेल दिने गरेको भेटिएपछि ४ वटा पम्पमा पनि सिलबन्दी गरिएको छ ।

यसैगरी थुप्रै म्याद नाघेका र गुणस्तरहिन खाद्यवस्तु पनि विभागले अनुगमनका क्रममा नष्ट गरेको छ । सरकारले साउन ३२ गतेदेखि विशेष बजार अनुगमन सुरु गरेको थियो । दैनिक १२ वटासम्म टोली बनाएर खटाइएको छ ।

Read more ...

केटी जिस्क्याउने यी युवकको फोटो सामाजिक संजालमा भाइरल भो

देहरादुन । सार्वजनिक स्थानमा युवतीलाई अश्लील शब्द प्रयोग गर्दै जिस्क्याउँदा एक युवकले सडकमै दण्डित हुनुपरेको छ । आफूलाई जिस्क्याउँदै अश्लील शब्द प्रयोग गर्ने ती युवालाई युवतीले सडकमै उठबस मात्रै गराइनन्, सामाजिक रुपमा दण्डित पनि गरिन् ।


यो घटना भारतको उत्तराखण्ड राज्यस्थित देहरादुन सहरस्थित सडकमा भएको हो । देहरादूनको चकराता सडकमा आफूलाई जिस्क्याउने युवालाई ती युवतीले सयौं मानिस जम्मा गरेर हायलकायल बनाइनन् । सडकमा आफूलाई जिस्क्याउने युवालाई उनले त्यही सडकमा सयौं मानिस भेला पारेर दण्ड सजाय पनि गराइन । 

आफूलाई जिस्क्याउने ती युवालाई दण्डित गर्ने क्रममा लिइएको एक भिडियो अहिले सामाजिक सञ्जालमा भाइरल भइरहेको छ । यो भिडियो सार्वजनिक भएपछि प्रहरीले त्यसबारेमा बोल्न अस्वीकार गरेको छ । तर युवतीको यो साहसको भने हरेकतर्फबाट प्रशंसा भइरहेको छ । 

यो  घटना शुक्रवार दिउँसो भएको हो । समाचार अनुसार आफूलाई अश्लील शब्दसहित जिस्क्याउने युवालाई युवतीले हिम्मत जुटाएर समातेकी थिइन् । यसैबीच केही युवाहरुले ती युवकको शरीरको माथिल्लो भागको लुगा निकालिदिए । 

त्यही बेला युवती सडकमै युवालाई सजाय दिलाउने बैठक नै बोलाइन् । यो क्रममा खिचिएको करिब एक मिनेट चार सेकेन्ड लामो यस भिडियोमा  आरोपी दुबै हातले कान पक्डेर उठबस गर्दै गरेको देख्न सकिन्छ । 

सजाय दिइएपछि आरोपित युवालाई छाडिएको छ । पुलिसले पनि यो भिडियो हेरेको छ । धारा चौकी पुलिसका अनुसार आफूलाई जिस्क्याएको बारेमा युवतीले कुनै उजुरी गरेकी छैनन् । 
Read more ...

छोरा फेल भएपछि नपढेको भन्दै बाबुले छुरा धसे ...

टोकियो । जापानका एकजना बाबुले आफ्नो छोराले विद्यालयस्तरको एक प्रवेश परीक्षा पास गर्न नसकेको भन्दै ती १२ वर्षीय छोराको छुरा धसेर हत्या गरेका छन् । विद्यालयस्तरको एक परीक्षामा छोराले बालकले नपढेको भन्दै ४८ वर्षीय बुबाले बिगतमा पनि छोरालाई गाली गर्ने गर्दथे ।

केन्जो साताके नाम रहेका ती बुबाले आफूले बारम्बार परीक्षाको तयारी गर भन्दा पनि नमानेपछि रिस उठेको र छुरा हानेको बयान दिएका छन् । जापानको सरकारी टेलिभिजन एनएचकेले सो समाचार मङ्गलबार प्रशारण गरेको छ । जापानमा राम्रो विद्यालयमा प्रवेश पाउनका लागि बालबालिकालाई गाह्रो हुने गर्दछ ।

राम्रो विद्यालयमा आफ्ना छोराछोरीलाई पढाउन पाउनुलाई जापानी दम्पत्तिले पनि इज्जतको रुपमा लिने गर्दछन् ।

जापानको मध्य सहर नागोयाको आइची जिल्लाको प्रहरीले दिएको जानकारीअनुसार ती बुबाले बच्चालाई गत आइतबार छोरा हानेका र त्यसपछि अस्पताल पुर्याइएको थियो ।

तर, पनि अत्यधिक रक्तस्रावका कारण ज्यान गएको समाचारमा जनाइएको छ । छोरा भान्सामा रहेका बेला भान्सामा रहेको तरकारी काट्ने चक्कुले छातीमा हानेको प्रहरीले जनाएको छ ।

पटक पटक छातीमा छुराले हानेकोले अत्यधिक मात्रामा रक्तस्राब भएको र त्यसका कारण बालकको ज्यान गएको अस्पतालले जनाएको छ ।

ती बाबुले आफूले गल्ती गरेको र सो गल्ती भुलबस हुन पुगेको बताएका छन्। अस्पतालले बालकको ज्यान गएको समाचार सार्वजनिक गरेपछि ती बाबुलाई प्रहरी थुनामा राखिएको छ । 

Read more ...

भारत भ्रमणबाट फर्केपछि गृह मन्त्री निधिले भने, सम्बन्ध सुधारेर आएँ

काठमाडौं । पाँच दिने भारत भ्रमण सकेर मंगलबार नेपाल फर्किएका उपप्रधान तथा गृहमन्त्री बिमलेन्द्र निधिले नेपाल र भारतको सम्बन्ध सुध्रिएको दाबी गरेका छन् । त्रिभुवन विमानस्थलमा पत्रकारसंगको संक्षिप्त कुराकानीमा उनले बीचबीचमा गढबढ भएको नेपाल भारत सम्बन्ध सुध्रिएको बताएका हुन् । साथै मन्त्रि निधिले आफ्नो भारत भ्रमण सफल भएको बताएका छन् ।

मेरो भ्रमणलाई भारतले उच्च सम्मान दिएको छ । यो भ्रमणले भारतसँगको सम्बन्ध सुध्रिएको छ , बीचबीचमा देखिएका सबै गढबढीलाई अन्य गरिदिएको छु, निधिले भने । उनले यस अघिका सरकारका पालामा भएका तिक्तता बिर्संदै नयाँ रूपमा सम्बन्ध अघि बढाउन चाहेको पनि बताए । साथै उनले संविधानमा असन्तुष्ट मधेस केन्द्रित दलका माग सम्बोधन गर्न संविधान संशोधन प्रक्रिया अघि बढाइने कुरा पनि भारतीय नेतृत्वलाई अवगत गराएको बताएका छन् ।  

निधिले भारतीय उच्च नेतृत्वलाई भेटेर प्रधानमन्त्री दाहालको भदौ ३० देखिको प्रस्तावित भारत भ्रमण, भारतीय राष्ट्रपति मुखर्जीको नेपाल भ्रमणलगायतका विषयमा छलफल गरेका थिए । भारतले मधेस केन्द्रित दलहरूका माग सम्बोधन गरिए नेपालको संविधान कार्यान्वयनमा भारतले सहयोग गर्नसक्ने बताएका थिए । 

प्रधानमन्त्री पुष्पकमल दाहालको विशेषदूतका रूपमा बिहीबार भारत भ्रमणमा गएका मन्त्री निधिले भारतीय राष्ट्रपति प्रणव मुखर्जी, प्रधानमन्त्री नरेन्द्र मोदी, विदेशमन्त्री सुषमा स्वराज, गृहमन्त्री राजनाथ सिंह, सत्तारूढ भारतीय जनता पार्टीका राष्ट्रिय अध्यक्ष अमित शाह, कंग्रेस आईका नेता एवं भारतीय पूर्वप्रधानमन्त्री डा। मनमोहन सिंह र भारतीय जनता पार्टीका महासचिव राम माधवसँग भेटवार्ता गरेका थिए । 

Read more ...

आत्महत्यापूर्व फेसबुकमा जानकारी दिएका थिए यिनले, ‘लाइक’ गरे मित्रहरुले

हरियाणा । भारतको हरियाणा राज्यमा पर्ने करनालमा एक युवाले सामाजिक संजालमार्फत सूचना दिएरै आत्महत्या गरेका छन् । अजय नाम गरेका ती युवाले कल्पना चावला मेडिकल कलेजको छतबाट हामफालेर आत्महत्या गर्नुअघि फेसबुकमा लेखेका थिए, ‘बाइ–बाइ लाइफ, बाइ–बाइ फ्रेन्ड्स, म आत्महत्या गर्न गइरहेको छु । त्यसैले सदाका लागि बाइ–बाइ ।’

उनको यो पोस्टमाथि साथीहरुले भने गम्भीरता देखाएनन् । बरु धमाधम लाइक गर्न थाले ।

करिब दुई घण्टापछि उनले आत्महत्या गरे । यतिमात्र होइन, उनले आत्महत्या गरेको खबर पाउनासाथ उनकी दिदी रेणुले पनि आत्महत्या गरिन् ।


भारतीय संचारमाध्यमका अनुसार चार महिना अघि रेणुको विवाह भएको थियो । तर विवाहलगत्तै घरमा विवाद भएपछि उनी माइत बस्दै आएकी थिइन् ।

रेणुले प्रहरीमा यसबारे उजुरी पनि दिएकी थिइन् । उनले आफूमाथि घरमा प्रताडना हुने गरेको कारण देखाउँदै माइत बस्दै आएको समेत उजुरीमा लेखेकी थिइन् ।

रेणुले घरबाट झेलेको तनावका कारण उनका भाई अजय चिन्तित थिए । दिदीले भोगेको दुःख हेर्न नसकी अजयले आत्महत्या गरेको प्रारम्भिक अनुसन्धानमा देखिएको प्रहरीको भनाई छ । भाईले आत्महत्या गरेको खबर पाउनासाथ रेणुले पनि आत्महत्या गरिन्

Read more ...

दुध पिउँदाका फाइदा : स्वास्थ्यदेखि सौन्दर्यसम्म

काठमाडौं । गाइभैँसीको दुध पोषिलो हुन्छ । गाउँघरतिर गाइ भैँसीको दुध बिहान बेलुकाको खानासँगै खाने गरिन्छ । तर, सहरतिर भने खानासँगै दुध खाने कमै भेटिन्छन् ।

धेरैजसो आर्थिक हैसियत कमजोर भएका कारण दिनहुँ दुध किनेर खादैनन भने कतिपय चाही चिया वा कफीका लागि मात्रै दुध किन्छन् ।

तर, नियमित रुपमा दुध पिउँदा स्वास्थ्यलाई निकै फाइदा पुग्ने चिकित्सकहरुले बताएका छन् । तर, विहान भन्दा बेलुका दुध पिउनु स्वास्थ्यका लागि फाइदाजनक हुन्छ । दुधमा पोषक तत्व पर्याप्त मात्रामा पाइने भएकाले यो मानव स्वास्थ्यका फाइदाजनक छ ।

यस्ता छन नियमित दुध पिउँदाका फाइदा

नियमित रुपमा दुध पिउनाले शरीरको छालामा चमक आउँछ । छाला चाउरी पर्ने, कडा हुने जस्ता समस्या समेत कम हुन्छन् । दुधले अनुहार धुनाले अनुहारको छाला गोरो र चम्किलो हुने सौन्दर्य विज्ञहरु बताउँछन् ।

दुधमा भिटामिन, चिल्लो पदार्थ लगायतका पोषक तत्व हुन्छन् । नियमित दुध पिउँदा मानव शरीरका हड्डी तथा दाँत मजबुत हुन्छन् । नियमित कडा व्यायाम गर्ने वा जिमखाना धाउनेहरुका लागि दिनको दुइ गिलास दुध पिउनु निकै लाभदायक हुन्छ । यसले व्यायाममा गुमेको उर्जा पुनःभरण गरिदिन्छ र मांशपेशीलाई बलियो बनाउन सहयोग गर्छ ।

एक अध्ययनले नियमित रुपमा दुध पिउने मानिसहरु वजन नियन्त्रणमा सफल हुने देखाएको छ । आफ्नो भोजनमा नियमित रुपमा दुध सामेल गर्नेहरु आफ्नो तौल सन्तुलनमा राख्न बताइन्छ । दुधले शरीरमा उर्जाको आपूर्ति सहजै गर्ने भएकाले मानिसलाई बढि खानाको आवश्यकता पर्दैन जसका कारण उसको वजन बढ्ने डर हुँदैन ।

दुधलाई तनाव निवारक तत्वका रुपमा पनि लिइन्छ । निकै तनावले सताएको अवस्थामा एक गिलास मनतातो दुध पिउँदा केही राहत महसुस हुन्छ । दिमाग क्रमशः ठण्डा हुन्छ र शरीरमा स्फूर्ति बढ्छ ।

नियमित दूध पिउँदा आँखाको दृष्टि क्षमता मजबुत पार्नुका साथै कलेजोलाई पनि स्वस्थ राख्न मद्दत गर्छ ।

बेलुका दुध पिएर सुत्दा खाना पचाउन सहयोग गर्ने भएकाले कब्जियतका समस्या भएकाहरुलाई राहत मिल्छ ।

Read more ...

Monday, 22 August 2016

कडा बन्दै यातायात ऐन : यात्रुको मृत्यु भए चालक जेलमा, लाइसेन्स खारेज

काठमाडौं । यातायात व्यवस्था विभागले नियम मिच्ने चालक तथा गाडीलाई कडा कडा कारबाही गर्ने भएको छ । अहिले भएको फितलो कानुनले दुर्घटना भएको भन्दै विभागले यातायात व्यवस्था ऐन २०४९ संशोधन गरी कडा कारबाही गर्ने जनाएको छ ।

विभागले ऐन संशोधनका लागि मस्यौदा तयार गरी भौतिक पूर्वाधार तथा यातायात मन्त्रालय पठाउन लागेको विभागका महानिर्देशक चन्द्रमान श्रेष्ठले बताउनुभयो । ‘अहिलेको फितलो यातायात व्यवस्था ऐनका कारण चालकको लापरबाहीले दुर्घटना भएको छ । दुर्घटना नियन्त्रणका लागि ऐन संसोधन गर्न लागिएको हो’ महानिर्देशक श्रेष्ठले भन्नुभयो ।

चालकको लापरबाही, पैसाको लोभले बढी यात्रु बोक्ने गरेका कारण धेरै जसो गाडी दुर्घटना भएको वभागले जनाएको छ । यिनै दर्घटनालाई कम गर्न भन्दै विभागले अहिले ऐन संशोधनका लागि धमाधम मस्यौदा तयार गरिरहको छ । ‘हामीले मस्यौदा तयार पारिहेका छौं, अबको केही दिनमै मन्त्रालय पठाउँछौ र संसदबाट पारित भएपछि नयाँ नियम लागु हुन्छ’ महानिर्देशक श्रेष्ठले भन्नुभयो ।

के के छन्,मस्यौदामा ?

यस अघिनै हदैसम्मको कारबाही भन्दै बढी यात्रु बोक्ने चालकको लाइसेन्स रद्द गर्ने तथा गाडीको रुट परमिट खारेज गर्नेसम्मका नियम आइसकेका छन् । विभागका महानिर्देशक चन्द्रमान श्रेष्ठका अनुसार अब दुर्घटना गराएर यात्रुको ज्यान गएमा चालक जेल बस्नु पर्नेसम्मका कुरा मस्यौदामा उल्लेख छन् ।

‘यात्रुको जीवनमा माथि खेलवाड गरेर ज्यान लिनेको लाइसेन्स रद्द गर्ने र जेल चलानसम्मको कुरा प्रस्तावित मस्यौदामा उल्लेख गरेका छौं’ महानिर्देशक श्रेष्ठले उज्यालो अनलाइनलाई भन्नुभयो । यदी यो मस्यौदा संसदबाट पास भएमा लापरबाही गरेर दुर्घटना गराई यात्रुको ज्यान गएमा चालके कहिले पनि गाडी हाँक्न नपाउने र कैद सजाय पनि हुने व्यवस्था छ ।

ट्राफिकका आँखा छलेर गाडी हुँइक्याउने, लापरबाही तरिकाले गाडी कुदाउने, ट्राफिक नियम नमान्ने चालकको लाइसेन्स ६ महिनासम्म निलम्बन गर्न गरी मस्यौदा तयार गरेको विभागले जनाएको छ ।त्यस्तै चालक हुनका लागि यसअघि भएको टेष्ट पासको नियमावलीलाई अब एसएलसीसम्म बनाउन लागिएको छ । अशिक्षित भएकाले ट्राफिक चिन्ह नचिन्ने र दुर्घटना बढेकाले यस्तो नियम बनाउने गरी ऐन संशोधन गर्न लागिएको विभागका प्रवक्ता वसन्त अधिकारीले बताउनुभयो ।
अहिलेको यातायात व्यवस्था ऐन अनुसार सवारी नियम उलङ्गन गर्ने गाडीले पाँच सयदेखि पाँच हजार रुपैयाँसम्म जरिवाना तिर्नु पर्ने व्यवस्था छ । तर विभागले तयार पारेको संशोधन मस्यौदामा पाँच हजार रुपैयाँदेखि पचास हजार रुपैयाँसम्म तिर्नु पर्ने उल्लेख गरिएको छ ।  

थोरै जरिवाना भएपछि नियम उलङ्गन गर्ने र जरिवाना तिरेर भाग्ने गरेका छन् । ‘अब पचास हजार रुपैयाँसम्म जरिवाना हुनेभएपछि नियम मिच्ने कम हुन्छन् र दुर्घटना कम हुन्छ’ महानिर्देशक श्रेष्ठले भन्नुभयो ।

यसअघि भएको पाँचसय रुयैयाँसम्मको जरिवाना कम भएको भन्दै बढाएर १५ सय रुपैयाँसम्म पुर्‍याइएको थियो । १५ सय रुपैयाँ पनि कम भएको भन्दै विभागले ५० हजार रुपैयाँ बनाउन लागेको जनाएको छ । अपरिपक्क भएमा चालकले गाडी चलाउँदा पनि दुर्घटना हुने गरेको विभागको ठहर छ । १६ वर्षमै लाइसेन्स लिने र सवारी नियम उलङ्गन गर्दै गाडी कुदाएकाले दुर्घटना हुने गरेको छ ।

अब त्यो व्यवस्थामा  पनि हेरफेरको आवश्यक भन्दै विभागले साना सवारीको लाइसेन्स लिन २१ वर्ष पूरा भएको तथा ठूला गाडीको लाइसेन्स लिन २५ वर्ष पूरा भएको हुनु पर्ने मस्यौदामा उल्लेख गरेको छ । अहिलेसम्म १६ वर्ष उमेर पुगेकाले साना गाडीको तथा २१ वर्ष उमेर पुगेकाले ठूला गाडीको लाइसेन्स लिँदै आएका छन् । 
Read more ...

फेसबुककै कारण श्रीमती एक बर्षको दुधे बालक छोडेर ‘पोइल’ हिँडेपछि .....

रौतहट । सामाजिक सञ्जाल फेसबुकले बिछोड भएको साथीभाई, इष्टमित्र, प्रेमी प्रेमिकालगायत धेरैलाई मिलन गराएको उदाहरणहरू प्रसस्तै भेटिन्छ । तर फेसबुककै कारण रौतहट चन्द्रपुर नगरपालिका–५ बेल्डीका २५ वर्षीय रामबाबु चौधरीको भने बिजोग भएको छ । घरबारै लथालिंग भएको छ ।

दुई वर्षअघि दाङ तुलसीपुरकी पूर्णिमा परियारसँग प्रेम बिवाह गरेका रामबाबुले बिजुलीको पसल गर्न भनी जम्मा पारेका चार लाख ३२ हजार रुपियाँ लिएर श्रीमती भागेपछि उहाँको बिजोग भएको हो ।

एक वर्षको छोरा समेत घरमै छोडेर श्रीमती चितवन भरतपुरको केटासँग भागेको दुखेसो पोख्दै उनले ‘पैसा त लगी लगी छोराको बिजोग बनाएर घरबारै लथालिंग पारेर गई’ । साउन ३२ गतेदेखि श्रीमती घरमा नभएको बताए ।

श्रीमती प्रायः फेसबुकमै तल्लिन हुने गरेको र गाली गर्दा उल्टै रिसाउने अनी अर्कै केटासँग भाग्ने धम्की समेत बारम्बार दिने गरेको पीडित रामबाबुले बताय । श्रीमतीले फेसबुकमा नाम परिवर्तन गरी शिल्पा बर्मा राखेको र आशिक शर्मा नाम गरेको केटासँग घण्टौंसम्म व्यस्त रहने गरेको उनको भनाई छ । फेसबुकअनुसार केटा होटलमा काम गर्ने व्यक्ति हुन् । गोरखापत्रमा खबर छ ।

इलेक्ट्रिसियनको तालिम लिएर सोही काममा लामो समयदेखि अनुभव बटुलेका रामबाबुको श्रीमती अर्कैसँग पोइल गएपछि बिजुली पसल खोल्ने सपना चकनाचुर भएको छ । परिवारका अन्य सदस्य आफुसँग नरहेकोले एक वर्षीय बालकको हेरचाह गर्ने समेत कोही नहुँदा उहाँ निकै पिरोलिएका छन् ।

उनले चितवनको भरतपुरमा श्रीमतीको निकै खोजतलास गरे । फेला नपरेपछि प्रहरीमा उजुरी समेत दिए । पैसा फिर्ता लिने उद्देश्यले केटाको मोबाइल नम्बर समेत लिएर खोजतलास गरिरहेका छन् ।
Read more ...

श्रीमतीलाई बन्त्री बनाउन यस्तो दौडधुप !

काठमाडौं । मधेसी मोर्चाका एक घटक सद्भावना पार्टीका अध्यक्ष राजेन्द्र महतो श्रीमती शैलदेवी महतोलाई मन्त्री बनाउने दौडधुपमा लागेका छन् ।

श्रीमतीलाई मन्त्री बनाउनका लागि महतो प्रधानमन्त्री प्रचण्डदेखि कांग्रेस नेता शेरबहादुर देउवा र माओवादी केन्द्रका नेता वर्षमान पुन अनन्तकोमा धाइरहेका छन् ।

उनले श्रीमतीका लागि श्रम तथा रोजगार मन्त्रालय मागेका छन् । महतो करिब ५ वर्ष बाषिज्य तथा आपूर्ति मनत्रालय र २ वर्ष स्वास्थ्यमन्त्री भएका थिए ।

सांसद भएमात्र मन्त्री हुने संविधानको व्यवस्थाले गर्दा उनको मन्त्री हुने बाटो बन्द भएको छ । उनी ०७० को चुनावमा सर्लाही ४ बाट पराजित भएका हुन् ।

आफू पराजित भएपछि भएपछि मधेसीको अधिकारको लाग लडेको दाबी गर्दै आएका महतोले श्रमितीलाई समानुपातिक सांसद बनाएका थिए ।आफू सांसद नभएकाले महतो सुरुमा सरकारमा नजाने पक्षमा थिए । आजको दृष्टि साप्ताहिकमा खबर छ ।

Read more ...

७० लाखभन्दा बढी महसुल नबुझाएपछि जानकी मन्दिरको पनि बिजुली काटियो

जनकपुर । विद्युत महसुल नबुझाएको भन्दै नेपाल विद्युत प्राधिकरणले जनकपुरको धार्मिक तथा ऐतिहासिक जानकी मन्दिरको बिजुली काटेको छ।

प्रधिकरणले विद्युत महसुल नबुझाउने जानकी मन्दिरको बिजुली सोमबार काटेको हो। जानकी मन्दिरले ७० लाखभन्दा बढी महसुल बुझाउन बाँकी रहेको विद्युत प्राधिकरण वितरण केन्द्र जनकपुरले जनाएको छ।

वर्षेनी करोडौंको रुपैयाँ आम्दानी रहेको जानकी मन्दिरमा विद्युत प्राधिकरणले महसुल बाँकी रहेको कारण बिजुली काटेपछि जनकपुरका बासिन्दा आश्चर्यमा परेका छन्। जानकी मन्दिरका महन्थ रामतपेश्वर दास वैष्णवले प्राधिकरणले बिना सूचना बिजुली काटेको प्रतिक्रिया दिए। 
Read more ...

नेपालका चर्चित ७ हिरोइन , कसको तौल कति ?

काठमाडौं । अमेरीकामा दुई महिना बिताएर आएकी अभिनेत्री केकी अधिकारी अमेरीका बसाईले निकै मोटाईन् । काम कम , आराम र खाना धेरै भएका कारण आफ्नो तौल बढेको भन्दै केकीले नेपाल आउने बित्तिकै फिटनेस सेन्टर ज्वाइन गरिन् । बिहान योगा, जुम्बासँगै दौडन थालिन् । साथै उनले खानपिनमा पनि उत्तिकै ध्यान दिईन् र दुई महिना लगाएर ५ केजी तौल घटाइन ।

नेपाली अभिनेत्रीहरुको तौल र फिटनेसको कुरा खासै सुन्न पाईदैंन । तर, केकीले तौल घटाएको समाचारले मिडिया तताइरहेको छ । ५ केजी घटाएर केकी अहिले ५० किलो भएकी छन् । मिडियामा केकीको तौलकै कुरा चलिरहँदा हामीले अन्य अभिनेत्रीहरुको तौल कति छ, त्यसका बारेमा एक सामाग्री तयार पारेका छौँ ।

रेखा थापा – रेखा थापा त्यति साह्रो मोटी पनि छैनन् र स्लीम पनि छैनन् । तर उनले फिगर मेन्टेनको लागि खासै मेहनत गरेको पनि थाहा पाइएको छैन । अभिनेत्री रेखा थापा को तौल ५७ किलो छ । अभिनेत्री रेखा थापाले फिल्म हिरो बाट अभिनय यात्रा शुरु गरेकी हुन् । रामप्यारी रेखा थापाको पछिल्लो फिल्म हो ।

प्रियंका कार्की – २८ वर्षिया अभिनेत्री प्रियंका कार्कीको वेट ५० किलो छ । प्रियंका आफ्नो फिmटनेसलाई निकै ध्यान दिन्छीन् । उनी नेपाली सिने उद्योगकी सफल नायिकाको सूचीमा छिन् । प्रियंकाद्धारा अभिनित फिल्म छक्का पंजा भद्रौ २४ गते रिलिज हुँदैछ ।

नम्रता श्रेष्ठ –अभिनेत्री नम्रता श्रेष्ठलाइ जिरो फिगर अभिनेत्री भनिन्छ । उनले फिल्म क्लासिकको क्रममा आफ्नो तौलबारे कुरा गर्दै आफू जम्मा ४४ किलो भएको जानकारी दिएकी थिईन् । विविध कन्ट्रोभर्सिलाई चिर्दै नम्रताले आफ्नो नाम सफल अभिनेत्रीको सूचीमा लेखिसकेकी छिन् ।

निशा अधिकारी – अभिनेत्री निशा अधिकारी पनि फिट अभिनेत्रीमा पर्छिन् । उनी आफ्नो सुन्दरता र फिटनेसलाई निकै ध्यान दिन्छिन् । निशा अधिकारीको तौल ५० किलो छ । सुनगाभा, अपवाद, पदमिनि, आभाष, धुँवा यो नशा निशाले काम गरेका केहि फिल्महरु हुन् । हिमाल आरोहण निशाको रुचिको विषय हो । उनले सगरमाथाको सफल आरोहण गरिसकेकी छन् ।

निता ढुङगाना – अभिनेत्री निता ढुङनालाई सानो कदकी अभिनेत्रीका रुपमा चिनिन्छ । उनले फिटनेस मन्त्रका रुपमा नृत्यलाई अंगालेकी छिन् । बिहान उठेर एक घण्टाजती उनी नृत्य गर्ने गर्छिन् । निताको तौल ४७ किलो छ ।

स्वस्तिमा खड्का – स्वस्तिमा निकै स्लिम देखिन्छिन् । तर उनको तौल पनि नम्रता श्रेष्ठकै जति छ । उनी पनि ४४ किलोकी छिन् । उनले होस्टल रिटन्र्सबाट अभिनय यात्रा शुरु गरेकी हुन् । फिल्ममा काम गर्नु अघि स्वस्तिमा म्यूजिक भिडियोमा का मगर्थिन् ।
Read more ...

ठमेलमा तेस्रोलिंगीको ‘आतंक’ : जिस्काई जिस्काई लुटपाट

काठमाडौं । लाजिम्पाटको सिटी होटेलअगाडि गत सोमबार एक युवकले तेस्रो लिंगीलाई जिस्क्याउन थाले । त्यहाँ आधा दर्जनभन्दा बढी तेस्रो लिंगी बसिरहेका थिए । फोन गर्न भन्दै उनीहरूले युवकसँग मोबाइल मागे । मोबाइल लिएपछि हेल्मेटले हानी युवकलाई घाइते बनाई पैसा लुटे । युवकले उजुरी गरेपछि महानगरीय प्रहरी वृत्त सोह्रखुट्टेले सो क्षेत्रमा बस्नै सबै तेस्रो लिंगीलाई पक्राउ गरी अनुसन्धान गरिरहेको छ ।

केही दिनअघि मात्र एक सरकारी कर्मचारी नै ठमेलमा लुटिए । साथीसँग मदिरा खान आएका ती कर्मचारी तेस्रो लिंगीसँग जिस्कन थालेपछि उनीहरूले मोबाइल लुटे । श्रीमतीले फोन गर्दा आफू गर्लफ्रेन्ड बोलेको भन्दै फोनमा कुरा गर्न थालेपछि कर्मचारी झन् संकटमा परे । त्यसपछि मोबाइल फिर्ता गराउनुपर्दैन, मोबाइल बन्द गराइदिनुपर्‍यो भन्दै ती कर्मचारी प्रहरी कहा गए ।

धेरै वर्षदेखि ठमेलको सञ्चय कोष भवनआसपास तथा केशरमहलमा तेस्रो लिंगी सडकमा बस्ने गरेका छन् । भगवानबहाल क्षेत्रका गल्लीमा तेस्रोलिंगीले सर्वसाधारणलाई लुट्ने गरेका छन् । यौनजन्य गतिविधिका लागि एकान्तमा लगेर उनीहरूले लुट्ने गरेका हुन् । कतिपयले प्रहरीमा उजुरी गर्छन् भने केहीले इज्जत जाने डरले उजुरी गर्दैनन् ।

प्रहरी अधिकारीका अनुसार ठमेलमा तीन किमिसका तेस्रो लिंगी छन् । एकथरी मदिरा पिउने, डिस्को जाने रमाइलो गर्नकै लागि ठमेल जान्छन् । दोस्रोथरी वेश्यावृत्तिका लागि जाने गर्छन् । तेस्रोथरी भने लुटपाटमा सक्रिय रहेको प्रहरी अधिकारी बताउाछन् । उनीहरू प्राया लाजिम्पाट क्षेत्रमा बस्छन् । लाजिम्पाटको सिटी होटेलको पछाडि बस्ने भएकाले उक्त क्षेत्रमा धेरै लुटपाट हुने गरेका छन् । ‘पक्राउ गरेर थुन्यो, छुटेपछि फेरि त्यही पेसामा फर्कन्छन्,’ दरबारमार्ग प्रहरी वृत्तका डिएसपी कृष्णबहादुर पल्ली मगर भन्छन्, ‘प्रहरीलाई देख्नेबित्तिकै भाग्ने गर्छन्, तेस्रो लिंगीको समस्या यो क्षेत्रमा ठूलै समस्या बनेको छ ।’ 

Read more ...

ट्राफिक नियम उल्लंघन गर्नेलाई अब ५० हजार जरिवाना

काठमाडौं । केही समय अगाडि सवारी नियम उल्लंघन गर्ने सवारीमाथि हुने जरिवान बढाएर सरकारले ५ हजारसम्मको व्यवस्था गरेको थियो । जरिवाना रकम बढाएपछि सावरीले नियम पालना गर्ने क्रम बढेको भन्दै सरकारले पुनः जरिवाना रकम बढाउने तयारी गरेको छ ।

सवारी तथा यातायात व्यवस्था ऐन २०४९ लाई संशोधन गर्दै सवारीको कसुर हेरेर ५ हजार देखि ५० हजार रुपैयाँसम्मको जरिवाना गर्न सक्ने व्यवस्थाको गृहकार्य भईरहेको छ ।

ट्राफिक नियक उल्लंघनको कसुरलाई हेरेर कति नयाँ जरिवाना तोक्ने भन्ने विषयमा औपचारिक निर्णय नभईसकेको यातायात व्यवस्था विभागका महानिर्देशक चन्द्रमान श्रेष्ठले बताएका छन् ।

अन्तराष्ट्रिय अभ्यासलाई पछ्याउने कोशिस गरेको भन्दै श्रेष्ठले भने – ठूला र महत्वपूर्ण सवारी नियमहरु उल्लंघन गर्नेविरुद्ध लाईसेन्स निलम्बन तथा जेल सजायसम्म तोक्ने ऐनको मस्यौदा तयार हुँदैछ ।

Read more ...

‘रेशम फिलिली’का निर्देशकसँग मिलेर इन्दिराले खोलिन् टिभी

काठमाडौं । फिल्म ‘रेशम फिलिली’का निर्देशक प्रणव जोशी र गायिका इन्दिरा जोशीले मिलेर अनलाईन टिभी शुरु गरेका छन् । ‘एनम्याग टिभी’ नाम गरिएको युट्युबम च्यानल उनीहरुले शुरु गरेका हुन् । 

उत्कृष्ट मनोरञ्जन र सुचना प्रदान गर्ने उद्धेश्यले च्यानल शुरु गरेको उनीहरुले बताएका छन् । ‘च्यानलमा हामी विभिन्न मनोरञ्जनात्मक शोहरु राख्नेछौं,’ निर्देशक जोशीले भने, ‘पाँचवर्षभित्रमा हामी एनम्यागलाई दर्शकको च्यानल बनाउन चाहन्छौं ।’

गायिका जोशीले च्यानल विशुद्ध कलाका लागि संचालन गरेको बताइन् । ‘यो च्यानलमा तपाईंले केही रमाइला, केही वाइल्ड र केही प्रेरणादायी चिजहरु देख्न सक्नुहुनेछ,’ उनले भनिन्, ‘यही च्यानलबाट म चाँडै मेरो नयाँ गीत ‘गलफ्रेण्ड’ सार्वजनिक गर्दैछौं ।’
हेर्नुस् च्यानलको भिडियो :
https://youtu.be/w2IW6QhChA4
Read more ...

नुन कति खाने ?

काठमाडौं । तपाईं नुन खानेहरूमध्ये कुन समूहमा पर्नुहुन्छ रु धेरै बढी वा आवश्यकताभन्दा पनि अत्यन्त कम खाने वर्गमा रु दुइटै ठीक होइन । धेरै बढी नुन खाने मात्र हैन, यदि तपाईं नुन चाहिनेभन्दा कम खानुहुन्छ भने पनि स्वास्थ्यसम्बन्धी जोखिममा हुनुहुन्छ । विज्ञहरूका अनुसार, नुनको सेवन तरबारका दुई धारझैं हुन्छ । बढी खाए पनि समस्या, कम खाए पनि कठिनाइ ।

हामीले खानामा उपयोग गर्ने नुनलाई विज्ञानको भाषामा सोडियम क्लोराइड भनिन्छ । जब सोडियम र क्लोरिनको एउटा–एउटा अणु आपसमा मिल्छ तब नुन अर्थात् सोडियम क्लोराइडको एउटा कण बन्छ । सोडियम शरीरलाई अत्यन्त चाहिने ‘इलेक्ट्रोलाइट’ मध्ये एक हो । मुटुको खुम्च्याइ, धड्कन निर्धारण, मस्तिष्क कोषिकाको क्रियाकलाप जस्ता मानव जीवनका लागि चाहिने अपरिहार्य गतिविधिमा सोडियमको सबैभन्दा ठूलो महत्त्व हुन्छ ।

आममानिसको रगतमा सोडियमको मात्रा १३५–१४५ मिलि इक्युभेलेन्ट प्रतिलिटर हुन्छ । कुनै कारणले यसको मात्रामा कमी आउँदा कमजोरी, रिँगटा, वाकवाकी, बेहोसी, छारे रोग ९एपिलेप्सी० को लक्षण देखिन थाल्छ । कतिपय अवस्थामा व्यक्तिविशेषको मृत्युसमेत हुन सक्ने मुटु रोग विशेषज्ञ डा। ओममूर्ति अनिल बताउँछन् । रगतमा सोडियमको मात्रा ११०–११५ मिलि इक्युभेलेन्ट प्रतिलिटरभन्दा कम हुँदा मस्तिष्कसँग सम्बन्धित लक्षण देखिने गर्छ ।

शरीरमा सोडियम कम हुने प्रमुख दुई कारण हुन्– खानामा नुनको मात्रा निकै कम गर्नु वा रक्तचाप र मुटुसम्बन्धी रोगमा उपयोग गरिने औषधिको साइड इफेक्ट । तर मुटु, मृगौला, कलेजोसम्बन्धी रोगमा समेत सोडियमको मात्रा कम हुने डा। ओममूर्ति बताउँछन् ।

विश्व स्वास्थ्य संगठनका अनुसार, दिनहुँ ५ ग्रामभन्दा बढी सोडियम अर्थात् नुनको सेवन गर्नु वा शरीरमा अपर्याप्त पोटेसियमको आपूर्ति हुनु अर्थात् ३।५ ग्राम प्रतिदिनभन्दा कम हुनुले उच्च रक्तचाप बढ्न सघाउँछ, मुटु रोग र स्ट्रोकको जोखिम बढाउँछ ।

धेरैजसो व्यक्तिले ९–१२ ग्राम नुन प्रतिदिन खाने गर्छन् । यो प्रस्तावित मात्राको दोब्बर हो । वयस्क व्यक्तिले दिनहुँ पाँच ग्रामभन्दा कम नुन खाने गरे रक्तचाप कम हुन्छ । साथै, मुटु र रगतको नलीसम्बन्धी रोग, स्ट्रोक र कोरोनरी हार्ट अटयाकको जोखिमसमेत कम हुन्छ । नुनको सेवनमा कमी ल्याउनाले उच्च रक्तचाप घट्दै आउने डब्लूएचओले जनाएको छ । यदि विश्वव्यापी रूपमा नुनको उपयोग प्रस्तावित मात्रा अनुसार गरिए वर्षेनी २५ लाख व्यक्ति मृत्युको मुखबाट जोगिन सक्ने डब्लूएचओको आकलन छ ।

डब्लूएचओले वयस्क स्वस्थ व्यक्तिका लागि दिनहु पाँच ग्रामभन्दा कम अर्थात् एक चिया चम्चाजति नुन उपयोग गर्न प्रस्तावित गरेको छ । उपयोग गर्ने नुनमा आयोडिन मिसाइएको हुनुपर्छ ।
‘उच्च रक्तचाप धेरै कारणले हुन्छ, यसमा नुनको अत्यधिक सेवनसमेत एउटा कारण हो,’ डा। ओममूर्ति भन्छन्, ‘तर नुनको प्रयोग मात्र घटाएर उच्च रक्तचाप नियन्त्रण गर्छु भन्नु गलत हो ।’

यद्यपि नुनको प्रयोग कम गर्नेबित्तिकै माथिल्लो रक्तचाप ५ देखि १० एमएम अफ मर्करीसम्म घटाउन सकिन्छ, तथापि यसरी नै रक्तचाप घटाउने प्रयास गर्दा शरीरमा सोडियमको मात्रा कम भएर रातारात अस्पताल कुदाउनुपरेका घटनाहरू धेरै भएको उदाहरण दिँदै डा। ओममूर्ति भन्छन्, ‘सोडियम कम भएर सिकिस्त भएका र मृत्युको नजिक पुगेकाहरूसमेत धेरै छन् ।’


नेपाली भान्सामा प्रयोग गरिने पापड, अचार, फ्रेन्च फ्राई, चिप्स, फास्ट फुड लगायतका बढी समयसम्म संरक्षित राखिएका खाद्य पदार्थमा सोडियमको मात्रा बढी हुन्छ । हाम्रो खानामा सोडियमको मुख्य स्रोत नुन नै हो । तर यो सोडियम ग्लुटामेट अर्थात् अजिनोमोटोका माध्यमले पनि शरीरभित्र पुग्न सक्छ ।



Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us