Saturday, 1 October 2016

कुर्सी टिकाउन प्रचण्डले भारतसँग राष्ट्रघाती सम्झौता गरेको आरोप लगाउदै किन गहभरी आँसु बनाए बाबुरामले ?

भक्तपुर । नयाँ शक्ति पार्टी नेपालका संयोजक डा.बाबुराम भट्टराईले सत्ता र कुर्सी टिकाउन प्रधानमन्त्री पुष्पकमल दाहालले भारतसँग राष्ट्रघाती सम्झौता गरेको आरोप लगाएका छन् ।

नयाँ शक्ति पार्टी नेपाल जिल्ला परिषद् भक्तपुरद्वारा शनिबार यहाँ आयोजित शुभकामना आदानप्रदान एवम् चियापान कार्यक्रममा उनले भने — ‘भारतसँग भएको २५ बुँदे सम्झौता देशको हितविपरित रहेको छ ।’

संयोजक डा.भट्टराईले भारतसँग सम्झौता भएको दिन आफूलाई निन्द्रा नलागेको चर्चा गर्दै भने ‘प्रधानमन्त्रीले भारत भ्रमणमा २५ बुँदे सहमति गरी सार्वजनिक गर्दा मलाई रातभर निन्द्रा लागेन, प्रधानमन्त्रीले भारतसँग गरेको राष्ट्रघाती सम्झौताले मलाई पिरोलिरहेको छ ।’

सत्ता र कुर्सी टिकाउन विदेशीसँग सम्झौता गर्नुपर्ने अवस्था आइरहेमा देश विदेशीको गम्भीर कुचक्रमापर्ने बताउँदै उनले यस्तो प्रवृत्तिको अन्त्य गर्न संविधान संशोधन गरेर कार्यकारी राष्ट्रपतिको व्यवस्था गर्नुपर्नेमा जोड दिए ।


संयोजक डा. भट्टराईले भारतसँग सम्झौता भएको दिन आफूलाई निन्द्रा नलागेको चर्चा गर्दै भने ‘प्रधानमन्त्रीले भारत भ्रमणमा २५ बुँदे सहमति गरी सार्वजनिक गर्दा मलाई रातभर निन्द्रा लागेन, प्रधानमन्त्रीले भारतसँग गरेको राष्ट्रघाती सम्झौताले मलाई पिरोलिरहेको छ ।’


डा.भट्टराईले भारतसँग भएको २५ बुँदे सहमति गम्भीर भएर अध्ययन गर्न आम नेपाली नागरिकलाई आग्रह गर्दै भने ‘भारतसँग भएको २५ बुँदे सहमतिमा के के छन्, भन्ने आमनागरिकलाई थाहा छैन, त्यसलाई गम्भीर भएर अध्ययन गर्नुहोस् ।’

सम्झौता भएका बुँदामध्ये ६, १०, ११, १२, १३, १४ र २० बुँदा राष्ट्रियहित विपरित भएको जिकिर गर्दै उनले नेपाललाई भुटानीकरण गर्न प्रधानमन्त्रीले सहमति जनाएको आरोप लगाए ।
Read more ...

भारतलाई युद्धका लागि तयार हुन भन्दै पाकिस्तानले स्थगित गर्यो १९ औ सार्क शिखर सम्मेलन

काठमाडौं । छिमेकी मुलुक भारतसँग तनाव बढ्दै गएपछि नोभेम्बरमा राजधानी इस्लामावादमा हुने भनिएको १९ औं सार्क सम्मेलन पाकिस्तानले स्थगित गरेको छ। १९ औं सार्क सम्मेलनको नयाँ मिति चाँडै घोषणा गरिनेछु, पाकिस्तानी विदेश मन्त्रालयले शुक्रवार राति पत्रकार सम्मेलन गरेर भनेको छ, सार्क सम्मेलन स्थगित हुनुको प्रमुख जिम्मेवार भारत रहेको छ ।

कश्मिरको उरीमा १८ सेप्टेम्बरमा आतंकवादी आक्रमणबाट १९ जना सैनिक मारिएपछि भारतले त्यसको दोष पाकिस्तानलाई दिँदै उसले आयोजना गर्ने १९ औं सार्क सम्मेलनमा सहभागी नहुने घोषणा गरेको थियो।

१९ औं सार्क सम्मेलन ९ र १० नोभेम्बरमा पाकिस्तानको राजधानी इस्लामावादमा हुने कार्यक्रम थियो । पाकिस्तानी विदेश मन्त्रालयले आफ्नो विज्ञप्तीमा भारततर्फ लक्षित गर्दै भनेको छ, जब कुनै मुलुक द्विपक्षीय समस्यालाई क्षेत्रीय सहयोग लेनदेन भइरहेको बहुपक्षीय फोरममाथि थोपर्छ भने त्यो सार्कको आचारसंहितको ठाडो उलंघन हो।

पाकिस्तानी प्रधानमन्त्री नवाज शरिफ यस शिखर सम्मेलनमा सार्क राष्ट‍्रका नेताहरुको स्वागत गर्न तम्तयार थिए । पाकिस्तानी विदेशमन्त्रालयको विज्ञप्तीमा सार्क सम्मेलनका लागि सबै तयारी पुरा पनि भइसकेको जनाइएको छ । पाकिस्तानी विदेश मन्त्रलायको विज्ञप्तीमा शिखर सम्मेलनलाई भारतले आफ्नो स्वार्थका लागि शिकारु बनाएको आरोप लगाइएको छ।

उरी घटनालाई लिएर गैरजिम्मेवाररुपमा प्रस्तुत हुँदै भारतले सार्क सम्मेलनमा सहभागी नहुने भारतको फैसला कश्मिरमा उसले गरेको ज्यादतीबाट विश्वको ध्यान अन्यत्र मोड्ने असफल प्रयास होु, पाकिस्तानी विदेश  मन्त्रलायले भनेको छ।

पाकिस्तानले चाँडै नै सार्क सम्मेलनको नयाँ मिति तय गरिने पनि जनाएको छ । उरी हमलापछि भारतले पाकिस्तानमा हुने सार्क सम्मेलनमा नजाने घोषणा गरेसँगै बंगलादेश, अफगानिस्तान र भुटान पनि उसको पक्षमा उभिएका थिए ।
Read more ...

दशैं अघि गिरान्चोकबासीलाई नयाँ घरमा सार्न नसकेको भन्दै धुर्मुस-सुन्तलीले मागे माफी

काठमाडौं । धुर्मुस-सुन्तली फाउण्डेशनले सिन्धुपाल्चोकमा निर्माण भइरहेको गिरान्चौर एकीकृत बस्ती तोकिएको समयमा निर्माण सकेर हस्तान्तरण गर्न नसकेको भन्दै क्षमायाचना गरेको छ ।

कलाकार सीताराम कट्टेल (धुर्मुस)ले पूर्वनिर्धारित समयमा काम सक्न लगातारको बर्षा बाधक बनेको बताउँदै दशैंको घटस्थापनाका दिन हस्तान्तरणको लक्ष्य भएपनि नसकिएको माफी मागेका छन् ।

उनले सबै समस्या र चुनौतिलाई जित्न सकेपनि प्रकृतिलाई जित्न नसकेको भन्दै फाउण्डेशनले आफ्नो तर्फबाट जतिसक्दो चाँडो बस्ती हस्तान्तरण गर्न प्रयन्त गर्ने बताएका छन् ।

फाउण्डेशनले सहयोगीदाता र शुभचिन्तकसँग क्षमायाचना गरेको हो । दिन रात खटेर काम गर्दा पनि झरीले काम प्रभावित गरेको भन्दै पुनर्निर्माणको अभियान भने कुनै कारणले नरोकिने धुर्मसले बताएका छन् ।

धुर्मुस(सुन्तलीलाई गिरान्चौर बस्ती निर्माणका लागि देश तथा विदेशबाट सहयोग प्राप्त भएको थियो । त्यसैबाट गिरान्चौर बस्तीलाई आपांग, बाल तथा वातावरणमैत्री तवरले पुनर्निर्माण गरिँदैछ ।
Read more ...

फेसबुक कमेन्ट गर्दा होस् गर्नुस्, प्रहरी कारबाहीमा पर्नुहोला

काठमाडौं । प्रहरीले सामजिक सञ्जालमा अपशब्द प्रयोग नगर्न सबैलाई सचेत गराएको छ । नेपाल प्रहरीको अपराध अनुसन्धान विभागले विज्ञप्ति जारी गरी समाजिक सञ्जालमा अश्लिल, अपशब्द र अनावश्यक कमेन्टको प्रयोग बढ्दै गएको र पीडितहरुबाट आफ्नो इज्जत तथा प्रतिष्ठामा प्रतिकुल असर परेको गुनासो आएको बताएको छ ।

‘फेसबुक, ट्वीटर जस्ता सबै खाले समाजिक सञ्जाल वा विद्युतीय माध्यमको दुरुपयोग गरी व्यक्ति, शंस्थाको इज्जत, प्रतिष्ठामा आँच पुर्‍याउने खालका कमेन्ट कोही कसैबाट नहुनरनगराउन हुन अनुरोध गर्छौं’ अपराध अनुसन्धान विभागले भनेको छ ।

यदि कसैको इज्जत प्रतिष्ठामा असर पर्ने अभिव्यक्ति दिएमा कानुन बमोजिम कडा कारबाही हुने प्रहरीले बताएको छ ।
Read more ...

दशैंमा काठमाडौं छाड्ने ७ लाख यात्रुलाई सीट छैन

काठमाडौं । दशैंमा काठमाडौंबाट बाहिरिनका लागि झण्डै ६ देखि ७ लाख यात्रुले सवारी चढ्दा सीट नपाउने स्थिति बनेपछि सरकारले त्यसको विकल्प खोज्ने भएको छ ।

अहिले भएका सार्वजनिक सवारीले सहज रुपमा सबै यात्रु बोक्न नसक्ने देखिएपछि सरकारले निजी विद्यालयका सवारीलाई पनि चलाउने तयारी गरेको हो ।

यातायात व्यवस्था विभागले सार्वजनिक भाडाका सवारीले सबै यात्रुलाई राजधानीबाट घर लैजान नसक्ने निश्कर्ष निकाल्दै प्याबसन र एनप्याबसन अन्तरगतका निजी विद्यालयका सवारीलाई पनि दशैंमा सञ्चालन गर्ने प्रस्ताव तयार गरेको हो ।

विभागका महानिर्देशक चन्द्रमान श्रेष्ठले झण्डै ६र७ लाख यात्रुले दशैंमा घर जाने टिकट नपाएपछि यो प्रस्ताव अघि सारिएको बताए । यसविषयमा आइतबार निजी विद्यालय सञ्चालकसहित सर्वपक्षीय छलफल गरेर निर्णयमा पुगिने उनले बताए ।

विद्यालयका गाडीलाई यात्रु ओसार्न दिँदा झण्डै ३ देखि ४ लाख यत्राुले सहजै काठमाडौं छोड्न सक्ने देखिएको छ । निजी विद्यालय सञ्चालनहरुले झण्डै ५र७ सय बसहरु राजधानी बाहिर पठाए टिकट नपाए दशैंमा घर जाने योजना स्थगित गरेकाहरुलाई सहज हुनेछ ।

यातायात व्यवसायीले दशैंमा अधिकतम् दैनिक ५देखि ६ हजार गाडीले काठममाडौंबाट यात्रु ओसार्न सक्ने बताएका छन् । यसअनुसार ७ दिनसम्म यात्रु बोक्दा झण्डै १० लाख  ८० हजारले मात्रै सीट पाउने दाबी उनीहरुको छ । त्यसैअनुसार टिकट बुकिङ गरिएको व्यवसायीको दाबी छ ।

दशैंमा झण्डै २० लाख भन्दा बढी यात्रुले काठमाडौं छाड्छन् । ३ लाख यात्रुले भने निजी सवारी नै प्रयोग गर्छन् । त्यसअनुरुप झण्डै ७ लाख यात्रुलाई घर जानका लागि टिकट नमिल्ने अनुमान छ ।

व्यवसायीले सीटबाहेक मुडा, क्याबिन लगायत ‘वान थर्ड प्लेस’मा राखेर यात्रु लगे पनि अधिकतम ३ लाख यात्रु लैजान सकिने बताएका छन् । तर, सरकारले पछिल्लो समयमा लामा दुरीका सवारीमा सीट क्षमता भन्दा बढी यात्रु बोक्ने सवारीलाई कडाइ गरेको छ ।

व्यवसायीहरुले कडाइ हटाएर वा अन्य गाडी थपेर यात्रु ओसार्नुपर्ने बताएका छन् । सीधा रुपमा सीट क्षमताभन्दा बढी यात्रु राखेर लैजान अनुमति दिन नसकेपछि सरकारले निजी विद्यालयका बसहरु पनि सञ्चालन गर्ने विकल्प अघि सारेको हो ।

निजी विद्यालयका बसलाई सञ्चालन गर्दा घाटा नलाग्ने गरी भाडा लिन पाउने गरी दशैंभरि सञ्चालन अनुमति दिने योजना छ ।

Read more ...

Friday, 30 September 2016

दसैँको रौनक घरआँगनसम्म आइपुग्यो, यी हुन मासु खादा ध्यान दिनुपर्ने कुराहरु ?

काठमाडौं । दसैँको रौनक घरसम्म आइपुगेको छ । दसैँका लागि घरजाने क्रम सुरु भएको छ । रातो टीका र जमराको पर्वको रुपमा चिनिने दसैँमा खानपानको पनि उत्तिकै महत्व छ । दसैँ भन्नेबित्तिकै मासुको कुरा पनि आइहाल्छ ।

दसैँमा पेटभरि मासु नखाए कहिले खाने भन्नेहरु धेरै छन् । तर दसैँमा मासु र अन्य खानेकुरा खाँदा बिरामी मात्र होइन स्वस्थ मानिस पनि बिरामी बन्ने अत्यधिक सम्भावना रहन्छ । खानपिनमा ध्यान नदिँदा धेरै नागरिक दसैँंका समयमा अस्पतालमा पुग्ने गरेको शुक्रराज ट्रपिकल तथा सरुवा रोग अस्पतालका सरुवारोग विशेषज्ञ डा शेरबहादुर पुन बताउनुहुन्छ ।

खानपिनमा सामान्य ध्यान नदिँदा दसैँंको समयमा उच्च रक्तचाप, मुटु, मधुमेह र पेटजन्य समस्याका साथै झाडाबान्ता हुने, कब्जियत हुने, युरिक एसिड बढ्ने तथा ग्यास्ट्रिकका बिरामीको सङ्ख्यामा उल्लेख्य वृद्धि हुने गरेको उहाँले बताउनुभयो । “एकै पटक धेरै मासु पकाएर धेरै दिनसम्म खाँदा त्यसबाट रोगलाई बढावा दिनेबाहेक अन्य केही पाइदैन,” उहाँले भन्नुभयो ।

भक्तपुर क्यान्सर अस्पतालका क्यान्सर रोग विशेषज्ञ डा रोशन प्रजापति रातो मासु पोलेर, धेरै भुटेर वा तारेर खाँदा क्यान्सरको खतरालाई बढाउने बताउनुहुन्छ । उहाँले भन्नुभयो,‘‘ दसैँमा मासु खाँदै नखाने भनी रोक्न सकिँदैन तर खाँदा सावधानी भने अपनाउनुपर्छ । बासी नखाने, सागसब्जी, गेडागुडी पनि खानामा समावेश गर्ने बरु कुखुराको मासु, माछाको मासु खाने पनि गर्न सकिन्छ ।’’

क्यान्सरका बिरामीले खसीको मासु एकै पटक खानुभन्दा साधारण तरिकाले पकाएको थोरै मात्र प्रयोग गर्ने र पोलेको, डढेको वा धेरै भुटेको मासु भने खाँदै नखान उहाँको सल्लाह छ । मधुमेह रोग विशेषज्ञ डा ज्योति भट्टराई भने दसैँमा खानै पर्छ भनी खसीको धेरै मासु एकै पटक नखान सल्लाह दिनुहुन्छ । उहाँले एक छाकमा तीन, चार टुक्रा मात्र मासु खाने, कोक, फेन्टाजस्ता पेय पदार्थलाई भन्दा पानीलाई प्राथमिकता दिन, हरियो तरकारीलाई खानामा समावेश गर्न र मासुको मात्र भर नपर्न सल्लाह दिनुभयो ।

अनियन्त्रित खानपानले शरीरमा अतिरिक्त बोसो जम्मा भई मधुमेह मात्र नभई अन्य रोगलाई पनि बढावा दिने डा भट्टराईको भनाइ छ । वरिष्ठ पोषणविद् डा अरुणा उप्रेती दसैँमा दीर्घरोगीले विशेष गरी खानपानमा ध्यान दिनुपर्ने बताउनुहुन्छ ।

उहाँले ताजा र सफा मासु किन्नेतर्फ ध्यान दिन आग्रह गर्नुभयो । “मासु पकाउँदा धरै चिल्लो, मसला राखी भन्दा पनि साधारण तरिका अपनाउनु पर्छ । अन्यथा अपच हुने, बान्ता हुने, धेरै बासी मासुले आउँ हैजाजस्ता समस्या हुने गर्छ,’’ उहाँले भन्नुभयो । 
Read more ...

पाकिस्तान तर्फबाट भीषण आक्रमणकोे आशंका सँगै बोर्डर क्षेत्रका एक हजार गाउँ खाली गराउँदै भारत , भारत - पाकिस्तान युद्ध हुदाँ नेपाललाई के हुन्छ ?

काठमाडौं । पञ्जाबका करिब एक हजार गाउँलाई खाली गर्ने प्रक्रिया भारतले शुरु गरेको छ । भारतीय पक्षबाट पाकिस्तान तर्फ सर्जिकल स्ट्राइक भएसँगै पाकिस्तानसँग जोडिएको अमृतसर, तरन तारन, गुरुदासपुर, पठानकोट, फाजिलक र फीरोजपुर जिल्लाका गाउँहरु खाली गराउन लागिएको हो । 

यी गाउँहरु भारत९पाक बोर्डरबाट १० किलोमिटरको दुरीमा अवस्थित छ । भारतीय सञ्चारमाध्यम टाइम्स अफ इन्डियाले जनाएअनुसार विस्थापित हुनेहरु करीब १५ लाख मानिसहरुलाई बस्ने व्यबस्था भारतीय सरकारले गरिरहेको छ । 

पंजाबका मुख्यमन्त्री प्रकाश सिंह बादलले बोर्डर क्षेत्रसँग जोडिएको गाउाहरु खालि गराइएको जनाएका छन् ।

Read more ...

केपी ओलीलाई भेटेपछि गगन थापाको निश्कर्षः देश दुर्घटनामा पर्न सक्छ, शक्ति सन्तुलन बदल्न तयार होऔं

काठमाडौं । नेपाली कांग्रेसका नेता एवं स्वास्थ्यमन्त्री गगन थापाले एमाले अध्यक्ष केपी ओलीसँग लामो छलफलपछिको निश्कर्ष सुनाउँदै भनेका छन् निर्वाचन गर्न सजिलो छैन, हामी दुर्घटनामा जान सक्छौं । शक्ति सन्तुलन बदलेर भए पनि चुनाव गर्नुपर्छ ।

प्रचण्ड नेतृत्वको सरकारमा सहभागी रहेका मन्त्री थापाले देशलाई दुर्घटनामा जान नदिनका लागि अहिलेको शक्ति सन्तुलन फेरेर भए पनि चुनाव गर्नुपर्ने बताए । थापाले यसको थप व्याख्या गरेनन् । तर, उनको संकेत सरकारको नेतृत्व हेरफेर गरेरै भए पनि एमालेलाई समेत एक ठाउँमा ल्याउनुपर्छ भन्ने देखिन्थ्यो ।

शुक्रबार तीनकुनेस्थित रोयल बेङ्क्वेटमा आयोजित कृष्णप्रसाद सिटौला समूहको पत्रकार भेटघाट कार्यक्रममा मन्त्री थापा पनि उपस्थित थिए । कार्यक्रममा छोटो मन्तव्य दिँदै थापाले एमाले अध्यक्ष केपी ओलीसँग लामो छलफल गरेको जानकारी दिए ।

‘मैले केही दिनअगाडि पूर्वप्रधानमन्त्री केपी ओलीजीसँग बसेर लामो छलफल गर्दाखेरि उहाँको पनि ठूलो चिन्ता छ’ मन्त्री थापाले भने, ‘हामी वीचमा केही भिन्नता र तिक्तताहरु होलान् । यी सबै कुरालाई टेबलमा राखेर समाधान गर्न खोजिएन भने हामी दुर्घटनामा जान्छौं । निर्वाचन गर्न सजिलो छैन ।’

मन्त्री थापाले अहिलेको शक्ति सन्तुलनलाई समेत बदलेर भए पनि देशलाई दुर्घटनाबाट जोगाउनुपर्ने बताए । उनले भने( ‘योबेलामा दलको विषय, सरकारको विषयभन्दा पनि संविधानको कार्यान्वयनको विषयमा को सरकारमा छ र को सरकारमा छैन भन्ने कुरालाई बिर्सेर एक ठाउँमा उभिनुपर्छ । बरु अहिलेको यो शक्ति सन्तुलनलाई बदलेर भएर पनि एक ठाउँमा कसरी उभिने ? कठोर निर्णय गरेर भए पनि एक ठाउँमा उभिने हो । होइन भने, हेर्दाहेर्दै निर्वाचन गर्न सकेनौं भने देश ठूलो दुर्घटनामा जान्छ ।’

मन्त्री थापाले भने( ‘मैले अहिले ०६२र०६३ को आन्दोलनलाई सम्झिइरहेको छु । त्यो यात्रा अहिले पनि टुंगिएको छैन ।‘। अहिले कांग्रेसले रियलाजेसन गर्ने बेला आएको छ । अब यो यात्रालाई निश्कर्षमा पुर्‍याउनुपर्छ ।’
Read more ...

दशैको टिकाको साइत बिहान ९ बजेर ५७ मिनेटमा, लौ हेर्नुस् फुलपाती देखि दशमी सम्म शुभकार्यका लागि कुन समय उत्तम

काठमाडौ । यस बर्षको दशैको टिकाको साईत ९ बजेर ५७ मिनेटमा उत्तम हुने नेपाल पञ्चाङ्ग निर्णायक समितिले जनाएको छ । समितिका अनुसार यस वर्षको दशैंको टिकाको साईत बिहान ९ बजेर ५७ मिनेटमा उत्तम रहेको जनाएको हो । 

त्यस्तै, असोज १९ गते शनिबार घटस्थापना बिहान ९ बजेर ५१ बजे, २३ गते श्रीपचली भैरव यात्रा, २४ गते शुक्रबार फूलपाती बिहान ९ बजेर ३१ बजे, २६ गते शनिवार महाअष्टमी कालरात्रि, २७ गते महानवमी, २८ गते सोमवार विजयादशमी देवी विर्सजन विहान ९ बजेर २५  उत्तम रहेको जनाएको हो ।
Read more ...

दाह्रीवाल केटीको मनछुने कथा

हामीलाई जीवनका सानातिना घटनाले विचलित बनाउँछ । एक सुन्दरी किशोरी, जोे जीवनको नयाँ लय समात्ने क्रममा थिइन् । बढ्दै गएको उमेरसँगै हुँदै गएको जिउडालको परिवर्तनले अनौठो महशुस गराउने नै भयो, रोमाञ्चित पनि । हरमान कौर नामकी किशोरी । जो आफ्ना साथीको तुलनमा चाँडै बढ्न थालिन् । उनको जिउडाल देखेर उनको साथीहरु पनि ईश्र्या गर्थे– आहा कस्ति राम्री भ’को तिमी ? तर, त्यो रुपरंग धेरैदिन अनुभवै गर्न पाइनन् । 

१३ वर्षको उमेरमा एकदिन ऐनामा हेर्दा गालामा दाह्री जस्तै देखिन् । दोस्रो, तेस्रो दिन दाह्री झांगिदै ठ्याक्कै आफ्ना पिताको जस्तै बन्यो । महिलामा हर्मोनको गढबढीले हुने एक प्रकारको रोग ‘पोलिसिस्टिक ओभरी सिन्ड्रोम’ले उनको दाह्रीजुँगा आएको थियो । त्यसपछि शरीरका अन्य भागमा पनि रौं बाक्लिन थाले । उनी तिनै राम्री भन्ने स्कुलका साथीको खिसी, ठट्टा र हाँसो पात्र बन्न थालिन् । धेरै जनाका लागि अनौठो पात्र भइन् । यसले उनमा निराशा बढ्दै गयो । सबले उनको रुप देखेर कमेन्ट गर्न थालेपछि उनी डिप्रेशनमा गइन् । एकदिन उनले झ्यालढोका बन्द गरिन् र आत्महत्याको तयारी गरिन् ।

यही बेला उनको मनमा अनौठो सोच जाग्यो । उनलाई लाग्यो आत्महत्या गर्नका लागि खर्चिने ऊर्जालाई दाह्रीवाली केटीका रुपमा पहिचान बनाउन किन नखर्चिने रु किन आफू जस्तै रोगबाट पीडितहरुको जीवनमा सकरात्मक परिवर्तन नल्याउने रु त्यसपछि उनले एक फोटोग्राफरसँग तस्बिर खिचाइन् र सोसियल मिडिया मार्फत् आफूलाई एक्सपोज गरिन् । 

जीवनमा आउने जुनसुकै परिवर्तनमा पनि धैर्यताका साथ सामना गर्न अरुलाई सम्झाउन थालिन् । उनको फेसबुकमा हजारौं फलोवर छन् । जहाँ उनी प्रेरणादायी, ऊर्जा जगाउने र सकरात्मक सोच ल्याउने स्ट्याटस र कहानी पोष्ट गर्छिन् ।
Read more ...

दशैँ नजिकिएसँगै काठमाडौं छाड्ने सर्वसाधारणको संख्यामा बृद्धि, यातायात व्यवसायीको दादागिरीले कयौले घरजान अझै टिकट पाएनन

काठमाडौं । हिन्दु परम्पराअनुसार पितृपक्ष अर्थात सोह्रश्राद्ध आज सकिदै छ । सोह्र श्राद्ध सकिएसँगै भोलिबाट नौरथा सुरु हुँदैछ । आज आश्विन शुक्ल प्रतिपदाका दिन तिथि मिति थाहा नभएका र अन्य कारणले श्राद्ध रोकिएका सवै मृतकको सम्झनामा श्राद्ध गरिने चलन छ ।

 गत आश्विन कृष्ण प्रतिपदादेखि सुरु भएको सोह्रश्राद्ध अन्तर्गत सोह्रवटा तिथिमा दिवङ्गत पितृलाई सम्मानका साथ तर्पण, सिदादान र पिण्डदान गर्ने गरिन्छ । ज्ञात, अज्ञात सबै पितृको श्राद्ध गरिने भएकाले आजको दिनलाइ सर्व पितृ मोक्ष औंसी समेत भनिन्छ । यस दिनलाई सोह्र श्राद्धको सवैभन्दा महत्वपूर्ण दिन मानिन्छ । आजको दिन पशुपति, वराहक्षेत्र, जनकपुर, मुक्तिनाथ, दामोदर कुण्ड, ऋढि, देवघाट लगायत अन्य धार्मिक स्थलमा गएर श्राद्ध गर्ने चलन रहेको छ ।

यसैबीच, दशैँ नजिकिएसँगै काठमाडौं छाड्नेको संख्या बढ्न थालेको छ । गत २४ घण्टामा विभिन्न नाका भएर ८१ हजार सात सय ९२ जना काठमाडौं बाहिर गएका महानगरीय ट्राफिक प्रहरी महाशाखाले जनाएको छ ।

यातायात व्यवसायीहरुको मनोमानीका कारण कयौले अझै  घर जानका लागि बसको टिकट पाएका छैनन् । 
Read more ...

दिल्लीमा प्रचण्डले फरार अभियूक्त रेशम चौधरीलाई भेटेको पुष्टि

काठमाडौं । प्रधानमन्त्री पुष्पकमल दाहालले भारतको राजकीय भ्रमणका क्रममा कैलाली नरसंहारका एक फरार अभियुक्तलाई भेटेको पुष्टि भएको छ । 

संसदको विशेष समयमा शुक्रबार बोल्दै मधेशी जनअधिकार फोरम लोकतान्त्रिकका प्रमुख सचेतक योगेन्द्र चौधरीले प्रधानमन्त्री दाहालले नयाँ दिल्लीको ताज होटलमा भएको उक्त भेट नियोजित नभएको बताएका हुन् । उनी दाहालको भ्रमणटोलीका सदस्य थिए । 

‘ताज मल होटलमा भएको कार्यक्रममा सुरक्षा निकायले कसैलाई पस्न दिएको थिएन । पछि डिनरका बेला थारु आन्दोनलको पक्षमा उभिने सांसदहरु आएका छन् भनेर उनी हामीलाई भेट्न आएका थिए,’ उनले भने– ‘एक जना नेपालीका नाताले प्रधानमन्त्रीलाई देख्ने वित्तिकै उठेर अभिवादन गर्नु स्वभाविक हो । यसलाई अतिरञ्जित व्याख्या भरियो ।’ 

यसअघि प्रमुख प्रतिपक्षी दलका नेता केपी ओलीले प्रधानमन्त्री दाहालले राजकीय भ्रमणका बेला कैलाली घटनाका एक फरार अभियुक्तलाई भेटेको विषयलाई तिब्र ओलोचना गरेका थिए । 

त्यस विषयमा प्रधानमनन्त्री र उनको दलले जवाफ नदिदै चौधरीले उक्त भेटघाटको वचाउ गरेका हुन् । ‘आफ्नो आङको भैसी नदेखेर अर्काको जुम्रा देख्ने प्रवृत्ति राम्रो होइन,’ उनले भने– ‘थरुहट आन्दोलनका एक संयोजकलाई मन्त्री वनाउन हुने, त्यही आन्दोलनको अर्को एक व्यक्तिलाई भारतमा भेट्न नहुने रु’  नियोजित रुपमा भेटेको होइन । 


Read more ...

इटहरीमा खाने तेलमा भेटियो किरै किरा !

इटहरी । जेके ओयल मिलले उत्पादन गर्ने खुकुरी तेलमा किरा भेटिएको छ । इटहरी ८ का एक उपभोक्ताले खरिद गरेर ल्याएको तेलमा किरा भेटिएको हो । सुनसरीको दुहबीबाट उत्पादन हुने ५ लिटरको तोरीको तेलमा किरा भेटिएपछि खरिद कर्ता ईस्वरा बास्तोला र शैलेश सत्याल चकित परेका थिए ।

(फोटो रातोपाटीबाट साभार गरिएको हो )
इटहरीको एक होलसेल पसलबाट खरिद गरेर ल्याएको तेलको ग्यालेन खनाउने क्रममा धेरै मात्रामा किरा फेला परेको थियो । पछि ग्यालेन भित्र अझ धेरै किरा फेला परेको थियो । किरा तेलमा जिउँदो अबस्थामा भेटिएका थिए ।

ग्यालेन खोलेपछि दुर्गन्ध आएपछि प्लेटमा खन्याएर हेर्दा किरा भेटिएको ईस्वरा बास्तोलाले बताइन् । डेट एक्सपायर समेत नभएको बताउदै यस्ता अखाद्य तेलले मानव स्वास्थ्यमा गम्भीर असर पर्ने हुनाले उघोग यस बिषयमा सचेत हुनु पर्ने बास्तोलाले बताइन् ।

यता जेके ओयल मिलका उत्पादन प्रमुख जितु धपेडीयाले तेलमा किरा भेटिएको कुरामा कुनै सत्यता नभएको दाबी गरे । नेपालकै पुरानो तेल उत्पादन गर्ने उघोगले कहिले पनि यस्तो काम नगर्ने उनको भनाई थियो ।
Read more ...

Thursday, 29 September 2016

क्रिस्टियानो रोनाल्डोको नीजि विमान दुर्घटनाग्रस्त

स्पेन । पोर्चुगलका फुटबलर क्रिस्टियानो रोनाल्डोको नीजि विमान दुर्घटना भएको छ । व्यावसायिक फुटबल क्लव रियल मड्रिडका मूख्य हस्ती मानिएका रोनाल्डोको नीजि जेट विमान बार्सिलोनामा अवतरणको क्रममा दुर्घटना भएको हो ।

समाचार एजेन्सीहरुका अनुसार दुर्घटनामा विमानका चालक सामान्य घाइते भएका छन् । अवतरणका क्रममा ‘ल्यान्डिङ गेयर’ ले काम नगरेपछि विमान अनियन्त्रित भएको बताइन्छ ।

विमान रन–वेबाट बाहिर पुगेर रोकिएको थियो । दुर्घटनाको समयमा विमानमा रोनाल्डो तथा उनको परिवार नरहेको बताइएको छ ।

Read more ...

पाकिस्तानले दियो भारतलाई ध्वस्त पार्ने चेतावनी

इस्लामाबाद । पाकिस्तानका प्रधानमन्त्री नवाज सरिफले आफ्नो देश कुनै पनि खालका आन्तरिक एवं बाह्य खतरासँग जुध्न सक्षम भएको बताएका छन् । सरिफले एक उच्चस्तरीय बैठकमा यस्तो जानकारी दिएका छन् । बैठकमा सेनाप्रमुख जनरल रहिल सरिफ, राष्ट्रिय सुरक्षा सल्लाहकार नासिर जान्जुआ तथा विदेशसचिव ऐजाज चौधरी सहभागी थिए ।

पाकिस्तान रेडियोका अनुसार उक्त बैठकमा कश्मीरमा मानवाधिकार उल्लंघन भएको भन्दै गम्भीर चिन्ता प्रकट गरिएको थियो । भारतीय सेनाले कश्मीरका जनतामाथि अत्याचार गरेको बताउँदै बैठकले भत्र्सना गरेको थियो । बैठकलाई सम्बोधित गर्दै नवाज सरिफले भने, “संसारलाई थाहा छ, पाकिस्तानले विश्वमा शान्तिका लागि ठूलो त्याग गरेको छ । अरूले भड्काउँदैमा पाकिस्तान भड्कँदैन । हामी निकै संयमित छौं ।

प्रधानमन्त्री सरिफले सिन्धु जल सम्झौता भारत र पाकिस्तानको आपसी सहमतिमा गरिएको स्मरण गरे । उक्त सम्झौताको मध्यस्थता विश्वबैंकले सन् १०६० मा गरेको उनले स्पष्ट पारे । भारतले चाहेर पनि एक्लै उक्त सम्झौता भंग गर्न नसक्ने सरिफले दाबी गरे । पाकिस्तानले कश्मीरी जनतालाई नैतिक एवं कूटनीतिक समर्थन सधैं दिने उनको भनाइ छ । कश्मीरी जनताको चाहनाअनुसार कश्मीर समस्या समाधान नहुँदासम्म पाकिस्तानले उनीहरूलाई सहयोग र समर्थन गरिरहने दृढता व्यक्त गरे ।

पाकिस्तान शान्तिपूर्ण दक्षिण एसियाको पक्षमा भएको सरिफले दाबी गरे । यसका लागि जस्तोसुकै संघर्ष गर्न पाकिस्तान तयार भएको उनले स्पष्ट पारे । पाकिस्तानको अखण्डता कायम गर्न पाकिस्तानी सुरक्षाबलको तयारीप्रति उनले सन्तुष्टि व्यक्त गरे ।


Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us