Friday, 26 August 2016

यस्तो ढुंगा, जसलाई फुटाउँदा रगत निस्किन्छ


पृथ्वीमा कैयौँ प्रकारका ढुंगा पाइन्छन् । तर सबै पत्थरको एउटा साझा विशेषता भनेको यी सबै निर्जिव वस्तु हुन् । तर कुनै पत्थर टुक्रिँदा वा त्यसलाई काट्दा सजिव प्राणीको शरीरबाट जस्तै रगत निस्किएको सुन्नुभएको छ रु सायद छैन होला । तर यो साँचो हो की यो पत्थरलाई फुटाउँदा केवल रगत निस्किने मात्र होइन की यो पत्थरको मासु समेत निकै महंगोमा बिक्रि भैरहेको छ ।
चिली तथा पेरुको समुद्री किनाराहरुमा यस्तो ढुंगा पाइन्छ । यो पथ्थरलाई एथगचब ऋजष्भिलकष्क नामले चिनिन्छ । जब यो पत्थरलाई फोडिन्छ तब यसभित्रबाट रगत निस्किन थाल्दछ । यो पत्थरभित्र मासु पनि हुन्छ । बाहिर निकै कडा देखिने यो पत्थर भित्र निकै नरम हुन्छ ।

समुद्रको गहिराइसम्मै पुगेर यो पत्थरको खोजी गर्दछन् मानिसहरु । कारण, यो पत्थरभित्रको मासु निकै महंगोमा बिक्रि हुन्छ दुनियाका विभिन्न देशमा । यो ढुंगाको मासु काँचै खान मन पराइन्छ ।

आखिर ढुंगाबाट रगत आउन र ढुंगाभित्र मासु हुन सम्भव छ त रु कुनैपनि हालतमा छैन । वास्तवमा यो निर्जिव ढुंगा नभै एउटा सामुद्रिक जिव हो ।

जसले स्वास पनि फेर्दछ र खाना पनि खान्छ । यसले आफ्नो लिंग पनि बदल्छ र बच्चा पनि जन्माउँछ । तर यो देख्दा हुबहु ढुंगाजस्तै देखिन्छ । त्यसैले यो रगत आउने पत्थरको नामले चिनिन्छ ।
Read more ...

घाँटीमा चक्कु तेर्सासाएर दुई महिनाकी सुत्केरीमाथि बलात्कार

धरान । सुनसरीको धरान–१५ श्यामचोकनजिकको सुकुम्वासी बस्तीमा बुधबार राति एकजना दुई महिने सुत्केरी महिलामाथि बलात्कार गरिएको छ ।

राति करिब ९ बजे श्रीमान् घरमा नभएको बेला सुतिरहेको अवस्थामा छिमेकी एक युवकले चक्कु देखाउँदै नजिकै रहेको आफ्नै घरमा लगेर रातभर बलात्कार गरी बेहोश अवस्थामा छाडेको पीडित महिलाले बताएकी छिन् । 


घाँटीमा चक्कु राखेर करीब दुई महिनाको दूधे बालकसहित जबर्जस्ती घरबाटै उठाएर लगेको पीडितको भनाई छ । बिहान होस खुल्दा रगत बगिरहेको अवस्थामा आफू तिनै युवकको घरको पेटीमा सुतिरहेको उनले सुनाइन् । प्रतिकारको प्रयास गर्दा पनि ती युवकले छुरा देखाएर जबर्जस्ती गरेको बताउँदै भनिन्,छाडदिन आग्रह गर्दा पनि जर्बजस्ती गरिरहे मैले पीडा खप्नै सकिन् ।


छिमेकीले उनलाई बिहीबार बिहान रगतपच्छे अवस्थामा भेटेका थिए । पति रिक्साचालक भएकाले राति अबेर आउने गरेको मौका छोपी ती युवकले उनलाई आप्mनै घरमा लगेर बलात्कार गरेको छिमेकीले बताएका छन् । उनीहरुले ती युवकसमेत घरमा एक्लै भएको समयमा बलात्कार गर्न सफल भएको जनाए ।


राति श्रीमान् घरमा पुग्दा श्रीमतीलाई नभेटेपछि छिमेकीको सहयोगमा रातभर खोजी गरेका थिए । राति नभेटिएकी उनी बिहान छिमेकीकै घरमा रक्ताम्य अवस्थामा भेटिएपछि मात्रै उनी बलात्कृत भएको खुलेको थियो । अपहरण नै गरेर गरिएको विभत्स बलात्कारको घटनामा संलग्न भने फरार छन् ।

डीएसपी ढकेन्द्र खतिवडाले पीडितको जाहेरी आएको र स्वास्थ्य परीक्षणका लागि बीपी कोइराला स्वास्थ्य विज्ञान प्रतिष्ठान पठाइएको बताए । उनले घटनामा संलग्नको खोजी भइरहेको बताए ।

Read more ...

बालबालिकालाई स्वस्थ्य बनाउनका लागि यी हुन् आवश्यक पोषण


काठमाडौं । आजका बालबालिका भोलिका कर्णधार हुन् । त्यसैले बालबालिकाको उचित स्याहार गर्नु आवश्यक छ । यसका लागि खाने बानी परिवर्तन गर्दैमा बालबालिकाको उचित विकास हुँदैन । उनीहरूले खाने खाना पोषणतत्वयुक्त हुनुपर्छ । यसो भए मात्र उनीहरूको विकास सही ढंगमा हुन्छ ।  


क्याल्सियम : क्याल्सियमले हड्डी बलियो बनाउँछ । यसकारण बालबालिकाको शरीरमा यसको सही मात्रा पुग्नु जरुरी छ । २५ वर्षको उमेरपछि शरीरमा हड्डीको निर्माण बन्द हुन्छ । त्यसभन्दा पहिले नै शरीरमा क्याल्सियमको सही मात्रा नपुगे पछि गएर अस्टियोपोरोसिस हुने सम्भावना बढ्छ । 
खानामा कसरी समावेश गर्ने स् बालबालिकालाई दिनहुँ कम चिल्लो भएको डेरी प्रोडक्ट दिनुपर्छ । एक कप दूध, एक कप दहीका साथै एक टुक्रा चीज ख्वाउनुपर्छ । 


आइरन : आइरनले शरीरमा भएको अक्सिजन फोक्सोको कोषिका तथा सेलसम्म पुर्‍याउने काम गर्छ । आइरनको कमी भए एनिमिया हुने खतरा बढ्छ । यसले रोगप्रतिरोधक क्षमता कम हुनुका साथै बालबालिका कमजोर हुँदै जान्छन् । 


खानामा कसरी समावेश गर्ने १ देखि ३ वर्षका बालबालिकालाई दिनहुँ ७ एमजी तथा ४ देखि ८ वर्षका बालबालिकालाई १० एमजी आइरनको आवश्यकता पर्छ । पालक, सिमी, चुकन्दर आदि प्रशस्त आइरन भएका खानेकुरा दिनुपर्छ । यसका साथै मासु तथा अण्डाबाट पनि आइरन प्राप्त हुन्छ । फलामको भाँडामा पकाइएको कालो दालबाट पनि प्रशस्त आइरन पाइन्छ ।


फाइबर : फाइबरले शरीरमा रगत तथा चिनीको मात्रा सन्तुलित राख्नुका साथै पाचन प्रणाली पनि ठीक राख्छ । यसले तौल पनि नियन्त्रण राख्छ । 


खानामा कसरी समावेश गर्ने स् बालबालिकाले अन्न ब्राउन राइस, गहुँको रोटी, दाल, फलफूल तथा सागपातबाट राम्रो फाइबर प्राप्त गर्नसक्छन् । तसर्थ बालबालिकालाई यस्ता खानेकुरा दिन सकिन्छ । 
पोटासियम स् पोटासियमले मांसपेशी बलियो बनाउँछ । यसले स्नायुप्रणाली ठीक राख्न पनि महत्वपूर्ण भूमिका खेल्छ भने उच्च रक्तचाप पनि नियन्त्रित राख्छ । 


खानामा कसरी समावेश गर्ने स् बालबालिकाले एकदिनमा जति खाना खान्छन् त्यसको आधा भाग फलफूल तथा सागपात दिनुपर्छ । बालबालिकाले जति धेरै फलफूल तथा सागपात खान्छन् त्यति नै राम्रो हुन्छ । केरा पोटासियमको राम्रो स्रोत भएकाले बालबालिकालाई दिनमा एउटा केरा दिन सकिन्छ । 



भिटामिन ई : भिटामिन ईले पनि स्नायुप्रणाली स्वस्थ राख्न सहयोग पुर्‍याउँछ । यसले मुटुसम्बन्धी रोग लाग्नबाट जोगाउनुका साथै रोगप्रतिरोधक क्षमता पनि बढाउँछ । 


खानामा कसरी समावेश गर्ने स् बालबालिकालाई दिनमा ७ एमजी भिटामिन ईको आवश्यकता पर्छ । यसका लागि दिनमा चार–पाँचवटा हाडे (ठूलो) बदाम दिन सकिन्छ । यसैगरी भिटामिन ई प्राप्त हुने मकै, काँक्रा, काजु आदि पनि ख्वाउन सकिन्छ । 




Read more ...

Thursday, 25 August 2016

ठमेल घुम्न जार्दै हुनुहुन्छ ? आचार संहिता पढ्नुस् नत्र पक्राउ परिएला ?

काठमाडौं । साँझ पर्दै गएपछि कामाडौंका अधिकांश बजार बन्द हुन्छन् । तर, ठमेल ती बजारमध्ये अपवादमा पर्छ । जहाँ दिउँसो प्रायः सुनसान हुन्छ र साँझ परेपछि चहल(पहल बढ्न थाल्छ । रात्री मनोरञ्जनको मुख्य थलो मानिने ठमेल स्वदेशी र विदेशी सबैका लागि आकर्षणको केन्द्र मानिन्छ ।

के छैन ठमेलमा रु डान्सबारदेखि रेष्टुरेन्ट, डिस्कोदेखि गजलसम्म । तर, नकारात्मक विषयले सकारात्मक व्यवसाय गर्नेहरु मारमा पर्न थालेका छन् । ठमेलको परिचय नकारात्मक बन्न थालेपछि अचेल ठमेलका पुराना रात्री व्यवसायीहरुले सुधारको अभियान सुरु गरेका छन् ।

आचारसंहिता निर्माण

झण्डै १२ वर्षदेखि ठमेलमा रात्री व्यवसाय सञ्चालन गर्दै आएका दावा तामाङ ठमेलमा लामो समयसम्म टिक्ने निकै कम व्यवसायीमध्येका एक हुन् ।

काठमाडौं होटल नजिकै रहेको फायर क्लब उनको सबैभन्दा चर्चित क्लब हो । त्योबाहेक नर्सिङ चोकमा रहेको नगरकोट दोहोरी र पछिल्लो समय इबिजा लाउन्ज सञ्चालनमा छन्, जसमा उनीसँगै अन्य ६ जनाको टीम संलग्न छ ।

तीनवटा व्यावसाय सञ्चालन गरेर सय जनाभन्दा बढीलाई रोजगार दिने दावा लगायतले ठमेलको बदनाम परिचय बदल्ने प्रयास थालेका छन् ।

ठमेल पर्यटकीय नगरी भए पनि टिक्नै मुस्किल हुने गरेको व्यवसायी बताउँछन् । गुण्डागर्दी र अवैध व्यवसाय हुने भनेर ठमेलको बदनाम परिचयका कारण स्थानीय व्यवसायीहरु यसबाट सचेत थालेका छन् ।  पछिल्लो समय प्रहरी प्रशासन र व्यवसायीकै कारण ठमेल मर्यादितमात्रै होइन, सुरक्षित बन्न थालेको दावाको दाबी छ ।

केही महिनादेखि रात्री व्यवसाय सञ्चालन गर्नेहरुले ठमेललाई मर्यादित र व्यवस्थित बनाउन एउटा टीम बनाएका छन् । त्यो टीमको उद्देश्य रात्री व्यवसायका नाममा गुण्डागर्दी, लुटपाट, आतंक र महिलामाथिको दुव्र्यवहार रोक्ने हो । यसका लागि टिमले हरेक डान्सबार, दोहोरी तथा डिस्कोका लागि आचारसंहिता बनाएको छ ।

आचारसंहितामा कर्मचारीहरुको पोशाक पनि तोकिएको छ । हरेकले आफ्नो रेष्टुरेन्ट तथा डान्सबारमा अनिवार्य सीसी टीभी क्यामेरा राख्नुपर्ने छ ।

हरेक व्यवसायमा कार्यरत कर्मचारीहरुदेखि सञ्चालकसम्मका बारेमा विस्तृत विवरण संकलन गरेर जिल्ला प्रशासन कार्यालयमा समेत बुझाइएको छ । यसले कुनै घटना भयो कि सञ्चालकले मेरो मान्छे होइन भनेर उम्कन दिने छैन ।

यदि कसैले आचारसंहिता मानेको छैन भने उसलाई कार्वाहीका लागि प्रहरी प्रशासनमा सिफारिस गर्न ‘रात्रीकालीन सट कमिटी’ बनेको दावाले बताए ।  ‘हामी ठमेलको बदनाम परिचय हटाउन चाहान्छौं,’ आचारसंहिता बनाउनुको कारण स्पष्ट पार्दै तामाङ भन्छन्, ‘हामी यहाँका हरेक क्षेत्रमा पूर्णपारिवारिक वातावरण बनाउँछौं ।’

पछिल्लो समय ठमेलका व्यवसायहरु पारिवारिक वातावरणमा सञ्चालन हुन थालेको व्यवसायीहरु बताउँछन् । सुरक्षा व्यवस्था बलियो हुन थालेपछि पूर्वराजपरिवारका सदस्यहरुदेखि चर्चित कलाकाहरुसमेत परिवारलाई लिएर ठमेल आउने गरेको लामा बताउँछन् ।

करिब ५ वर्ष अगाडिसम्म यस्तो थियो कि ठमेलमा खुलेका डान्स बार, दोहोरी तथा डिस्कोहरुमा बज्ने आवाजले मान्छेहरुलाई मनोरञ्जन होइन झर्को दिन्थ्यो । डान्सबार र डिस्कोहरुलाई साउण्ड प्रुफको व्यवस्था गर्नुपर्ने नियम बनाइएको छ, ता कि भित्र बजेको आवाज बाहिर नआवोस् र कसैलाई डिस्टर्ब नगरोस् ।

प्रहरीको सक्रियता

डान्सबारहरुमा दैनिकजसो हुने ग्याङ फाइट, मध्यरातसम्म रक्सीले मातेकाहरुको झगडाले ठमेल निकै असुरक्षित थियो । तर, पछिल्लो समय ठमेलमा राति १० बजेपछि मदिरा पसलहरु बन्द हुन्छन् ।

गुण्डागर्दीको थलो बनेका रात्री व्यावसायहरु प्रायजसो विस्थापित भैसकेका छन् । ४० भन्दा बढी डान्सबार र १० भन्दा बढी डिस्को चलेको ठमलेमा अहिले १२ वटा मात्रै डान्सबार र ६ वटामात्रै डिस्को अर्थात क्लबहरु छन् ।

सोह्रखुट्टे वृत्तका डीएसपी सोमेन्द्रसिंह राठौर ठमेलको सडकमा बसेर युवतीलाई जिस्काउने क्रम अझै नघटेको बताउँछन् । ‘सडकमा बसेर युवतीमाथि दुव्र्यवहार गर्ने  ५० जना बढी पक्राउ परिसकेका छन्, दुईवटा सक्कली र तीनवटा नक्कली पेस्तोलसमेत बरामद भएको छ,’ डीएसपी राठौर भन्छन्, ‘विगतजस्तो डान्सबारमा ग्राहक कुटिने र ज्यादती गर्ने समूह कमजोर देखिए पनि ठमेल मर्यादित बन्न अझै केही समय लाग्छ ।’

प्रहरीले ठमेल क्षेत्रको निगरानी गर्न सादा पोशाकमा प्रहरीसमेत परिचालन गरेको छ । ठमेल पुग्नेहरुले झट्ट चिन्न नसक्ने ति सादा पोशाकका प्रहरीहरुले हरेक गतिविधिको रिपोर्टिङ गर्छन् र प्रहरीले त्यसैअनुसार एक्सन लिन्छ ।

तर, ठमेल पुगेकाहरुले आफू लुटिएको वा कुटिएको घटना लाजले लुकाउने गरेकाले अवाञ्छित गतिविधि नियन्त्रणमा समस्या आउने गरेको प्रहरीको बुझाइ छ । विगतको तुलनामा भने ठमेल धेरै परिवर्तित भएको सई राजेन्द्र कटवाल बताउँछन् ।

ठमेल क्षेत्रमा सादा पोशाकमा खटिने कटवाल भन्छन्, ‘कहिँकतै सानातिना समस्याहरु हुनसक्छ । कतिपय ग्राहकले दुःख पाए पनि प्रहरीलाई भन्दैनन् तर ठमेल हिँजो जस्तो छैन ।’
Read more ...

दौरासुरुवालमा सजिएर नवनियुक्त १३ मन्त्रीले सपथ लिए

काठमाडौं । प्रधानमन्त्री पुष्पकमल दाहालले नेपाली कंग्रेसको तर्फबाट १३ जनालाई सहभागी गराउँदै मन्त्रीपरिषद् विस्तार गरेका छन् ।

नेपाली कांग्रेसको तर्फबाट नवनियुक्त १३ जना मन्त्रीहरुले आज पद तथा गोपनियताको सपथ लिएका छन् । नवनियुक्त मन्त्रीहरुलाई प्रधानमन्त्री दाहालको उपस्थितिमा राष्ट्रपति विद्यादेवी भण्डारीले शीतल निवासमा पद तथा गोपनियताको सपथ गराइन् ।

नेपाली कांग्रेसको तर्फबाट अर्जुननरसिंह केसी सहरी विकास, प्रकाशशरण महत परराष्ट्र, बालकृष्ण खाँड रक्षा, जीवनबहादुर शाही पर्यटन, केशवकुमार बुढाथोकी सामान्य प्रशासन, सूर्यमान गुरुङ श्रममन्त्री भएका छन्  ।

यसैगरी सीतादेवी यादव शान्ति तथा पुनर्निर्माण, दीपक गिरी सिँचाइ, रोमी गौचन थकाली वाणिज्य, नवीन्द्रराज जोशी उद्योग, हृदयराम थानी गरिबी निवारण तथा सहकारी मन्त्री भएका छन् ।

गगन थापा स्वास्थ्य र शंकर भण्डारीले वन मन्त्री बनेका छन् ।



Read more ...

‘नवजात शिशुको हत्या’ गर्ने प्रेमी–प्रेमिकालाई जन्मकैद

पर्वत । अवैध गर्भधारणपछि जन्मेको शिशुको हत्या गरेको अभियोगमा पर्वत जिल्ला कारागारमा थुनामा रहेका प्रेम जोडीलाई पर्वत जिल्ला अदालतले जन्मकैदको सजाय सुनाएको छ ।

पर्वतको नाङ्गलिबाङ्ग–४ की १८ वर्षीया सङ्गीता रेग्मीलाई शिशु हत्यामा जन्मकैदको फैसला गरेको हो भने उनका प्रेमी बागलुङ नगरपालिका–१ रामरेखाका १९ वर्षीय मनोज बोहोरालाई जन्मकैद सजाय सुनाएको हो ।


पर्वत जिल्ला अदालतका जिल्ला न्यायाधीश मोहनराज भट्टराईको एकल इजलासले मङ्गलबार दुई प्रेमीप्रेमिकालाई छुट्टाछुट्टै सजाय हुने गरी फैसला गरेको छ । अदालतले पर्वत नाग्लिवाङ–४ की सङ्गीता रेग्मीलाई मुलुकी ऐन ज्यानसम्बन्धी महल १३ ९३० बमोजिम सर्वस्वसहित जन्मकैदको फैसला सुनाएको छ भने बाग्लुङ नगरपालिका–१ रामरेखाका मनोज बोहोरालाई मुलुकी ऐन ज्यानसम्बन्धी महल १३९४० बमोजिम जन्मकैद हुने गरी फैसला सुनाएको हो ।

रेग्मी र बोहोराबीच लामो समयदेखि प्रेम सम्बन्ध रहँदै आएको थियो । अवैध सम्बन्धका कारण रहन गएको बच्चा जन्मेपछि हत्या गरेर घर नजिकै बारीमा गाडेको आरोपमा मुद्दा चलेको थियो ।रेग्मीले नाङ्गलिबाङ्ग–४ स्थित घर नजिकै घैयाबारी भन्ने स्थानमा २०७२ कात्तिक २१ मा जन्म दिई धाँजा फाटेको ठाउँमा शिशु फालेको प्रहरीले फेला पारेकोे थियो । शिशुको शव काग, गिद्धले बाहिर निकालेको अवस्थामा भेटिएपछि स्थानीयवासीले कात्तिक २४ गते प्रहरीलाई खबर गरेका थिए ।

बागलुङमा बसेर क्याम्पस पढ्दै गरेकी रेग्मी र बोहराको लामो समयदेखि प्रेम सम्बन्ध रहँदै आएको प्रहरी सोधपुछबाट प्रमाणित भएको थियो । उनीहरु दुवैलाई प्रहरीले पक्राउ गरी २०७२ मङ्सिर १६ गते पर्वत जिल्ला अदालतमा कर्तव्य ज्यानअन्तर्गत मुद्धा दायर गरेको थियो ।


Read more ...

बस दुर्घटनामा ११ घाइतेको नामावली प्राप्त, वालवालिका समेत परे

चितवन । त्रिशुलीमा भएको बस दुर्घटनामा वालवालिका समेत घाइते बनेका छन् । चितवन अस्पतालमा भर्ना भएका केही घाइतेहरुको विवरण अनलाइनखबरले प्राप्त गरेको छ ।
चितवन मेडिकल कलेजमा उपचारका लागि भर्ना भएका ९ जना घाइतेमा वालवालिका समेत छन् ।
अस्पतालमा ५ वर्षीया वालिका स्वेता गुप्ता र ९ वर्षकी निली साहलाई भर्ना गरिएको छ । त्यस्तै अर्का ५ वर्षका वालक प्रिन्स साह पनि अस्पतालमा भर्ना भएका छन् ।
अस्पताल भर्ना गरिएका दुई वर्षका एक शिशुको भने नाम नखुलेको छैन ।
त्यस्तै घाइते अवस्थामा अस्पताल भनाए गरिएकाहरुमा गौर नगरपालिका निवासी सुसन श्रीवास्तव र भारत घर भएका १८ वर्षका रोशन गुप्तासमेत छन् ।
धादिङ घर भएका गाडीका सहचालक ३० वर्षका राजन पाण्डे पनि घाइते अवस्थामा अस्पताल भर्ना भएका छन् । बस चालकको अवस्था भने खुलेको छैन ।
त्यस्तै पोखरा नगरपालिका बस्ने निमिका थापा पनि अस्पताल भर्ना भएकी छिन् । बारा निजगढका २८ वर्षका रोशन गुप्ता पनि चितवन मेडिकल कलेजमा भर्ना भएका छन् ।
रौतहटका ४० वर्षीया सन्देश साह र सर्लाहीका २५ वर्षीय अविनाश चौधरी चितवनको पुरानो मेडिकल कलेजमा उपचाररत छन् ।
अहिलेसम्म १७ जना घाइते भनिए पनि अस्पतालमा ११ जनामात्रै ल्याइपुर्‍याइएको छ । चितवनका तीनवटा अस्पतालमा घाइतेलाई राखिएको छ । बिहान साढे ३ बजेतिर दुर्घटना भएको बताइएको छ ।
मृतकहरुको भने अहिलेसम्म सनाखत हुन सकेको छैन । प्रहरीले सनाखत प्रयास जारी राखेको छ ।
Read more ...

कालोबजारीमा प्रक्राउ परेका व्यापारी छुटाउन बन्द आह्वान

काठमाडौं । अनुदानको मल नीजि पसलबाट बिक्री गरेको आरोपमा प्रक्राउ परेका व्यापारीलाई छुटाउन दबाब दिने उद्देश्यले गोरखा उद्योग वाणिज्य संघले बिहीबार गोरखा बजार बन्द गराएको छ ।

जिल्ला संयुक्त बजार अनुगमन समितिले मंगलबार सरकारले अनुदानमा किसानलाई उलपब्ध गराएको रासायनिक मल अनाधिकृत रुपमा बिक्री बितरण गरेको अवस्थामा तीन व्यापारीलाई प्रक्राउ गरेको थियो । बजार बन्द गराउन उद्योग वाणीज्य संघका प्रतिनिधिले सदरमुकाममा माइकिङ गरेका थिए । माइकिङपछि सदरमुकामका अधिकांश पसलहरु बन्द भएका छन ।

प्रक्राउ परेका अनिता एग्रोभेटका संचालक रामशरण कोइराला, विशाल किराना स्टार्सका अनु श्रेष्ठ र श्रेष्ठ किराना स्टोर्सका ईश्वर श्रेष्ठलाई बिना शर्त छुटाउन बुधबार व्यापारीहरुले दिनभर प्रहरी प्रशासनलाई दबाब दिएका थिए । आरोपितहरुलाई पाँच दिनको म्याद थप गरेर अनुसन्धान थालेपछि बजार बन्द गराइएको हो ।

उनीहरु विरुद्ध कालोबजारी ऐन २०३२ अनुसार मुद्धा दर्ता गरी कारवाही प्रक्रिया अघि बढाएको जिल्ला प्रहरी कार्यालयले जनाएको छ । संघले भने व्यापारीहरु माथि झुठा लान्छना लगाईएको भन्दै विज्ञप्ति जारी गरेको छ । कार्यवाहक अध्यक्ष जीवनज्योति श्रेष्ठद्धारा हस्ताक्षरित विज्ञप्तिमा प्रक्राउ परेका व्यवसायीहरुलाई विनाशर्त रिहा गर्न माग गरिएको छ ।

अनुगमन टोलीले ती पसलबाट ५० किलोका तीन सय ६४ बोरा मल सिलबन्दी गरेको थियो । जिल्ला कृषि विकास कार्यालयको अनुमतिले कृषि सहकारी संस्थाले मात्रै अनुदानको मल बिक्री वितरण गर्न पाउने प्राबधान छ ।

जिल्लामा २० वटा कृषि सहकारी र तीन बचत तथा ऋण सहकारीले अनुदानको मल खरिद बिक्री गर्न अनुमति लिएका छन । अनुमति पाएका तीनै बचत तथा ऋण सहकारी संस्थाको मिलेमतोमा व्यापारीहरुले मल बिक्री गरेको भेटिएको सहायक प्रमुख जिल्ला अधिकारी नेत्रप्रसाद शर्माले जानकारी दिए । तीन वटै पसलको मल गोदाममा सिलबन्दी गरिएको उनले बताए ।

अनिताले एग्रोभेटले आर्दश सहकारी गोरखा नगरपालिका–५, विशाल किरानाले बुंकोट बाह्रबिसे मिलक कृषि सहकारी र श्रेष्ठ किनाराले बुंकोटको पञ्चकन्या कृषि सहकारी संस्थाले अनुदानमा प्राप्त मल आफ्नो पसलबाट बिक्री गरेका हुन् ।

अनुगमन समितिले मल बिक्री गरेको बिल बरामद गरेको थियो । अनुदान मूल्य भन्दा बढीमा व्यापारीहरुले युरिया र डिएपी मल बिक्री गर्ने गरेका हुन् । तीन वटै पसलबाट फरकरफरक मूल्यमा बिक्री गरिएको बिल समेत भेटिएको शर्माले बताए ।



Read more ...

‘वारि जमुना पारि जमुना’का गायक खेमराज गुरुङको निधन

काठमाडौँ । चर्चित गीत ‘वारि जमुना पारि जमुना’का गायक खेमराज गुरुङको निधन भएको छ । जण्डिस बिग्रिएपछि १० दिनदेखि चावहिलस्थित मेडिकेयर अस्पतालमा उपचार गराइरहेका गुरुङको बिहीबार साँझ अस्पतालमै मृत्यु भएको गायक कमलिकान्त भेटवालले जानकारी दिए ।

गुरुङको ‘आलुतामाले’ गीतसमेत समेत चर्चित छ । थप उपचारका लागि परिवारले दिल्ली लाने तयारी गरे पनि चिकित्सकले स्वास्थ्य गम्भीर भएको भन्दै भेन्टिलेटरमा राखेका थिए ।गुरुङको निधनको खबरले अस्पताल परिसरमा भिडभाड लागेको छ । गुरुङको पार्थिव शरीरलाई टिचिङ अस्पतालमा लाने तयारी भइरहेको समेत गायक भेटवालले जानकारी दिए ।

गुरुङका आलुतामा, धरान–पोखरा, सोल्टी, अनमोल, ढाक्रे, जीवन, जीवन–२लगायत एल्बम चर्चित छन् ।
Read more ...

कतार सरकारले अवैध कामदारलाई आममाफी दिने , विना सजाय घर फर्कन पाउने

काठमाडौं । कतारले अवैधरुपमा काम गरिरहेका विदेशी कामदारलाई आममाफी दिने घोषणा गरेको छ ।

कतार आन्तरिक (गृह) मन्त्रालयले महिना अवधि तोकेर अवैध कामदारहरुलाई आममाफी दिने घोषणा गरेको हो । आउँदो सेप्टेम्बर १ देखि सुरु हुने आममाफीको प्रक्रिया डिसेम्बर १ सम्म चल्नेछ ।

यो अवधिमा विभिन्न कारण करार सम्झौता भएका कम्पनी छाडेर अरु नै ठाउँमा काम गर्दै आएका कामदार स्वदेश फर्किन पाउने छन् । कतारको गृह मन्त्रालयले एक सूचना जारी गरेर अवैध रुपमा बसिरहेका आप्रवासी कामदारलाई स्वदेशकफािएन सहज वातावरण तयार गरिएको बताएको छ ।

कतारमा ठूलो संख्यामा अवैध विदेशी कामदार कार्यरत छन्, जसमा नेपालीहरुको संख्या उल्लेख्य छ  । अब त्यहाँको सरकारले तोकेको प्रक्रिया पुरा गरेर उनीहरुलाई बिना सजाय घर फर्किन सक्नेछन् ।

सन् २०२२ को विश्वकप आयोजनाको जिम्मा पाएको कतारले अवैध कामदार र उनीहरुको अवस्थालाई लिएर पछिल्लो समय अन्तर्राष्ट्रिय मानवधिकारवादी संघ संस्था र विभिन्न देशको दबाव खेप्दै आएको थियो ।

कतारले सन् २००९ मा लागू गरेको आप्रवासी कामदर समबन्धी कानुन नम्बर ४ अनुसारका कामदारलाई आममाफी दिनेछ । तर, आममाफी सुविधा लिएर स्वदेश फर्किने कामदार २ वर्षसम्म फेरि कतारमा जान पाउने छैनन् ।

कतार सरकारले यसअघि सन् २००४ मा आममाफी प्रक्रिया चलाएको थियो ।
Read more ...

Wednesday, 24 August 2016

यसरी खुल्यो सामान्य मानिसले सोच्नै नसक्ने एउटा भयावह हत्याकान्डको रहस्य : आफ्नै आमाको हत्या

काठमाडौँ । मेरी आमा देखिनुभएको छैन, तपाईँले कतै देख्नुभयो कि ? बुद्धिबहादुर खत्री गाउँमा यसो भन्दै आमा हराएको सोधीखोजी गर्दै थिए। गाउँले छक्क परेका थिए। एक दिनअघिसम्म घरमै देखिएकी ६५ वर्षकी देउती खत्री आखिर गइन् कहाँ ?

छोरा फेरि हरायो भन्दै गाउँमा हल्लामात्रै गर्दै हिँड्ने। प्रहरीमा उजुरी चाहिँ नगर्ने। गाउँलेले बुद्धिबहादुरलाई प्रहरीकहाँ उजुरी गर्न दबाब दिए। भदौ १ गते उनले प्रहरीमा उजुरी दर्ता गरे। 

उजुरी परेपछि प्रहरीले अनुसन्धान थाल्यो अनि खुल्यो सामान्य मानिसले सोच्नै नसक्ने एउटा भयावह हत्याकान्डको रहस्य। 

६५ वर्षकी देउती खत्री श्रीमानको निधनपछि दुई छोराको साथमा जीवन बिताइरहेकी थिइन्। पतिको वियोगमा जीवन काटिरहेकी खत्रीलाई अर्को बज्रपात आइलाग्यो९ आफूलाई असाध्यै माया गर्ने जेठा छोराले पनि उनलाई छोडेर गए।  केही वर्षअघि भिरबाट खसेर उनका जेठा छोराको मृत्यु भयो।

छोराको निधनले मात्र देउतीको विछोडको श्रखला भने रोकिएन। जेठो छोराको निधन भएको केही समय मात्रै भएको थियो, जेठी बुहारीले पनि यो संसारबाट सदाको लागि आँखा चिम्लिन्।

पति, जेठा छोरा९बुहारीले छोडेर गएपछि बुढेसकालको सहारा कान्छा छोरा बुद्धिबहादुर नै बनेका थिए। आमाबुबा गुमाएका देउतीका एक नाति र नातिनी टुहुरा जस्तै बने। बुबाआमा बितेपछि काका९काकीको व्यवहार नराम्रो भएपछि उनीहरु सँगै बस्न सकेनन्।

त्यसपछि उनीहरु आफै मजदुरी गरेर स्वतन्त्रको जीवन जिउन थाले। देउतीका नाति भारतमा मजदुरी गरिरहेका छन् भने  एक नातिनी नेपालगञ्जमा अर्काको घरमा भाडा माझेर सास बचाइरहेकी छिन्। देउती भने कान्छा छोराबुहारीसँग नै बस्दै आएकी थिइन्।

जाजरकोट जिल्लाको सक्ला गाविस १ लैखममा देउतीको घर छ। एउटा ठूलो घर, घर नजिकै गोठ। देउतीका छोराबुहारी ठूलो घरमा र उनी भने गोठमा बस्दै आएकी थिइन्।

जेठा छोराबुहारीले देउतीलाई जति माया र ममता दिन्थे, उनले त्यस्तो कान्छा छोराबुहारीबाट पाउन सकिनन्। कान्छा छोराबुहारीबीच देउतीको बेला बेलामा ठाकठुक पर्ने गरेको थियो।

कान्छा छोरा बुद्धिबहादुरका ४ सन्तान छन्। कान्छो सन्तान भर्खर डेढ वर्षका भए। सरकारले ल्याएको राष्ट्रिय गौरवको योजना नलसिंहगाड जलविद्युत आयोजना देउती कै जग्गा भएका ठाउँमा पर्छ।

उनको दुई रोपनी जग्गा सरकारले अधिग्रहण गरी प्रति रोपनी ४ लाखका दरले मुआब्जा दिने निर्णय गरेको छ। एकाएक जग्गाको भाउ बढेपछि देउती खुसी थिइन्। देउतीसँगै उनका कान्छा छोरा बुद्धिबहादुर पनि गजक्क थिए।

देउतीको अंश खाने अब बुद्धिबहादुर मात्र थिए। बुबाको मृत्यु भएपछि २ रोपनी जग्गाको हकदार आमा नै थिइन्। उनले आमाको नाममा रहेको जग्गा आफ्नो नाम गर्न आमालाई पटक९पटक भने। तर उनले मानिनन्। म जिउँदो हुँदासम्म कसैलाई जग्गा दिन्नँ समेत भनिन्।

खत्री परिवारमा जग्गाको विषयलाई नै लिएर सँधै किचलो भइरहन्थ्यो। जग्गा पाउनको लागि बुद्धिबहादुरले केही समयदेखि आमालाई देखावटी मायासमेत गर्न थालेको थियो। स्याहारसुसारमा ध्यान दिन थालेका थिए, बुहारीले पनि मिठो पकाउने खुवाउने गर्न थालेकी थिइन्।

आमाको मन न हो पग्लिन केही बेर लागेन। उनले जग्गा छोराको नाममा पास गर्ने निर्णय गरिन्। जग्गा पास गर्न मालपोत कार्यालय पनि पुगिन्।

जग्गा आफ्नो नाममा आउने भएपछि बुद्धिबहादुर पनि दंग थिए। तर मालपोत कार्यलयमा पुगेपछि जेठा छोराका सन्तान भएकाले कान्छो छोरालाई पास गर्न नमिल्ने बताइयो। देउतीले त्यतिखेर नातिनातिनालाई सम्झिइन्। अनि उनको निर्णय बदलियो।

आमाले जग्गा पास नगर्ने भएपछि कान्छा छोराबुहारीको व्यवहारमा नै परिवर्तन हुन थाल्यो। यतिमात्र हैन छोराबुहारीले भित्रभित्र आमालाई मार्ने षड्यन्त्र  समेतरच्न थाले।

आमालाई मारेर गाड्नको लागि बुद्धिबहादुरले साउन २१ गते घर नजिकै करिब १ मिटर गहिरो खाल्डो खने। आमालाई मार्ने नियतले साउन २२ गते छोराबुहारीले देउतीलाई माया देखाउँदै आफै सुत्ने घरमा बोलाएर सुताए। सासुबुहारी भित्र सुते, छोरा बाहिर। सासुआमा सुतेरनसुतेको बुहारीले विचार गरिरहिन्।

रातको करिब ९ बजेपछि आमा निदाएको थाहा पाएपछि उनले बाहिर सुतेका आफ्ना लाग्नेलाई बोलाएर आमा निदाएको जानकारी दिइन्। छोरा बन्चरो लिएर भित्र गए। मस्त निन्द्रामा रहेकी आमालाई बन्चरोले पछाडिको भागमा हिर्काए। बन्चरोले लागेपछि देउतीको टाउकोबाट रगत बग्न थाल्यो। उनी अन्तिम सास लिँदै छट्पटाउन थालिन्। तर राक्षसरुपी कलियुगका छोराले आमा नमरेको भन्दै अनेकौ पटक प्रहार गरे।

सास रोकिएपछि मृत आमाको नाकको फुली र सुन निकाले। टाउकोमा लुगा बेरेर एक दिनअघि नै खनेको खाल्डोमा गाडे। कसैले थाहा नपाउन् भनेर आमालाई खाल्डोमा गाडेपछि सिमलको बिरुवासमेत रोपे।

आमाको हत्या गरेपछि उनै आमा हराएको भन्दै गाउँघरमा खोज्दै हिँड्न थाले। उनले केही दिनसम्म पनि प्रहरीमा उजुरी दिएनन्। प्रहरीमा उजुरी नदिई एक्लै खोज्न थालेपछि छिमेकीले शंका गर्न थाले। छिमेकीको दबाबमा बुद्धिबहादुरले भदौ १ गते बल्ल प्रहरीमा उजुरी दिए।

उजुरी परेपछि प्रहरीले खोजी कार्य गर्‍यो। अन्ततः प्रहरीले उनको घर नजिकै नै देउतीको शव गाडेको अवस्थामा फेला पार्‍यो। छिमेकीको शंकामा उनका छोरालाई नै हत्याको अभियोगमा नियन्त्रणमा लिइयो। शुरुमा बुद्धिबहादुरले आमा आफैले आत्महत्या गरेकाले आफूले गाडेको मात्र बताए। प्रहरीको केरकारपछि बल्ल उनले आफ्नो कर्तुत स्वीकारे। उनीहरुलाई अहिले प्रहरीले हिरासतमा राखेर थप अनुसन्धान गरिरहेको छ । 

Read more ...

एक महिनादेखि बेपत्ता गाविस सचिव घरमै मस्ती गर्दैगर्दा भेटिए


पाँचथर। जिल्लाको दक्षिणी गाविस हाङ्गुमका सचिव केशव निरौला बेपत्ता भएको भनेर सबै खोजीमा जुटिरहेका बेला उनी आफ्नै घरमा फेला परेका छन् । ३२ दिनदेखि सम्पर्कविहीन बनेका निरौलाको खोजी गर्दैजाँदा घरमा मस्ती गरेर बसेको अवस्थामा फेला परेका हुन् ।

गाविस कार्यालयमा बिदा समेत नलेखेर एकाएक हराएका निरौलाका कारण स्थानीयले एक महिनादेखि सास्ती बेहोर्नु परेको थियो । खोज्दैजाँदा प्रहरीले गाविस सचिव निरौलालाई झापा जिल्लाको दुहागडी–१ स्थित घरमा फेला पारेको जनाएको छ । स्थानीय विकास अधिकारी कोमलप्रसाद धमलाले जिल्ला प्रहरी कार्यालय पाँचथरलाई सचिव निरौलाको खोजी गरिदिन आग्रह गरेका थिए ।

आइतबार प्रहरीले घरमै रहेको जानकारी स्थानीय विकास अधिकारी धमलालाई दिएको छ ।

सचिव निरौला घरमा रहेको थाहा पाएपछि स्थानीय विकास अधिकारी धमलाले सम्पर्कविहीन भएर किन घरमा बसेको भनेर स्पष्टिकरणसहितको पत्र पठाएको प्रशासन फाँटका प्रमुख दुर्गाप्रसाद तिम्सिनाले बताए ।

सचिव निरौला साउन ६ गतेदेखि सम्पर्क विहीन भएका थिए । साउन १९ गतेदेखि निरौलाको जिम्मेवारी आरुबोटेका सचिव सञ्जय राईलाई दिइएको थियो । निरौला आफ्नो कार्यालयलाई जानकारी नै नदिई बेपत्ता भएको यो दोस्रो पटक हो ।

यसअघि निरौला सिदिनको गाविसको सचिव हुँदा करिब तीन लाख अनियमितता गरेर झन्डै तीन महिना सम्पर्क विहीन भएका थिए । निरौलाका विषयमा जिविस पाँचथरमा राम्रो रेकर्ड रहेको छैन ।
Read more ...

भारतले दियो नेपाललाई १७ दमकल उपहार

 काठमाडौं । भारतले नेपाललाई १७ वटा दमकल हस्तान्तरण गर्दैछ । एक कार्यक्रमका बीच नेपालका लागि भारतीय राजदूत रणजित रायले प्रधानमन्त्री पुष्पपकमल दाहाल प्रचण्डलाई औपचारिक रुपमा दमकलहरु हस्तान्तरण गर्न लागेका हुन् ।  

देशभरका अधिाकंश नगरपालिकामा दकमल नभएको अवस्थामा भारतले सरकारलाई एकैपकट १७ वटा दमककल प्रदान गर्न लागेको हो । १७ मध्ये १० वटा दमकल फम टेण्डर हुन् भने ७ वटा वाटर टेडर रहेको जुद्ध बारुणयन्त्रका प्रमुख केशबबाबु भट्टराइले जानकारी दिए ।

यि दमकलहरुलाई नेपाल सरकारले गर्ने निर्णयअनुसार विभिन्न नगरपालिकाहरुमा हस्तान्तरण गरिनेछ । यसको प्राविधिक व्यवस्थापन भने काठमाडौं महानगरपालिका अन्तरगतको जुद्ध बारुणयन्त्रले गर्नेछ ।
Read more ...

Tuesday, 23 August 2016

काठमाडौंमै भेटियो प्राणघातक स्क्रब टाइफस रोग, सचेत हुन चिकित्सकको सुझाव

काठमाडौं ।  ग्रामीण क्षेत्रमा मात्रै देखिने भनिएको स्क्रब टाइफस रोग शहरमा पनि पाइएको छ। काठमाडौं उपत्यकामा पनि स्क्रब टाइफसका बिरामी भेटिएको डाक्टरले बताएका छन्। टेकु अस्पतालका डा शेरबहादुर पुनका अनुसार काठमाडौंका एक जना बिरामीमा स्क्रब टाइफस भएको पाइएको हो। स्क्रब टाइफस भएकालाई उच्च ज्वरो आउने भनिए पनि ज्वरो नआएकालाई पनि रोग लागेको डा पुनले बताए।

सामान्य खोकी र बिबिरा आएका बिरामीको रगत जाँच गरेपछि स्क्रब टाइफस भएको पुष्टि भएको हो। फरक फरक लक्षण देखिएका बिरामीमा स्क्रब टाइफस भएको पुष्टि भएकाले यसबाट जोगिन व्यक्ति आफै सचेत हुनुपर्नेमा डा पुनको जोड छ।

खोकी लागे, आँखा रातो भए, ज्वरो आए वा शरीरमा विवारा आए यो रोगको संक्रमण भएको हुन सक्छ। स्क्रब टाइफस मुसा तथा जीवजन्तुमा पाईने किर्ना जस्ता स९साना किराको टोकाइका कारण लाग्छ। 
Read more ...

माओबादी केन्द्र भित्र बादलले मच्चाए रडाको, प्रचण्डसँग सम्बन्ध विच्छेद गर्ने तयारी

काठमाडौं । निकै तामझामसहित १० वटा माओवादी पार्टी र शक्ति मिलेर बनेको नेकपा माओवादी केन्द्रको केन्द्रीय समिति पूर्णता नपाउँदै चोइटिने खतरा दिनप्रदिन बढ्दै आएको छ ।

माओवादी केन्द्रका अध्यक्ष प्रचण्डले मधेसका नेता प्रभु शाहलाई समेट्न नसकिरहेका बेला अन्य नेताले समेत उनलाई तनाब गराएका छन् । सांगठानिक संरचना निर्माण गर्दा आफ्ना मान्छेलाई उचित स्थान नदिएकोमा आक्रोशित माओवादीका संयोजक मातृका यादवले पार्टीबाट छुट्टिने धम्की दिएका छन् ।

कतिपय कार्यक्रम र बैठकसमेत बहिष्कार गर्दै आएका यादवले मुख्यत अध्यक्ष प्रचण्डको कार्यशैलीप्रति असन्तुष्टि जनाउँदै फरक मत दर्ज गराएका छन् । उनले अध्यक्ष प्रचण्डले सत्ता गठबन्धनदेखि मन्त्री चयन गर्दासम्म कुनै सरसल्लाह नगरी आफूलाई एक्ल्याएको आरोप लगाउँदै आएका छन् ।

यादवले मधेसलाई हेर्ने दृष्टिकोण बनाउनुपर्नेमा पनि जोड दिएको बुझिएको छ । रामबहादुर थापा बादलमार्फत केन्द्रीय कार्यालयमा दर्ज गराइएको फरकमतमा अध्यक्ष प्रचण्डलाई प्रचण्ड छविलाल दाहाल बन्न सक्ने तर्फ सचेत गराइएको लाजिम्पाट स्रोतले बतायो ।

मुख्यतः अखिल क्रान्तिकारीको नेतृत्व निर्माण गर्दा आफ्ना कार्यकर्तालाई जिम्मेवारीविहीन बनाएपछि यादवले असन्तुष्टि पोख्न सुरु गरेका हुन् । प्रज्ञा भवन कमलादीमा विद्यार्थीहरुको एकता भेलाबाटै प्रचण्डमाथि प्रहार गरेका मातृकाका विद्यार्थी नेताले सोही मञ्चबाट अलग हुन सक्ने चेतावनी दिएका थिए । त्यसपछि सो एकता भेलामा उनलाई हुटिङ मात्रै भएन, उनले खादाको सम्मान पनि अस्वीकार गर्नुपरेको थियो ।

यता मन्त्री चयनदेखि एजेन्डा निर्माणसम्म कुनै सरसल्लाह नगरिएको भन्दै रामबहादुर थापा, मणि थापा र तिलक परियारहरु पनि असन्तुष्टि बनेका छन् । माओवादी केन्द्रमा के हुन्छ रु भन्ने केन्द्रीय कार्यालयका सदस्यहरुले समेत थाहा पाउन छाडिसकेका छन् ।

अध्यक्ष प्रचण्डले कृष्णबहादुर महरा, वर्षमान पुन र जनार्दन शर्मासँग मात्रै सरसल्लाह गरेर अघि बढ्न थालेपछि नारायणकाजी श्रेष्ठ र गिरिराजमणि पोखरेल थप असन्तुष्ट हुन थालेको तरुणले जनाएको छ ।

त्यसमाथि श्रेष्ठ र पोखरेल समूहका धनिराम (डीआर) पौडेललाई विना विभागीयमन्त्री बनाई कुनै जिम्मेवारी नदिएकोमा दुवै नेता असन्तुष्ट छन् । त्यसैले नारायणकाजीलाई सरकार सञ्चालन समन्वय समितिको संयोजक बनाइएको छ ।  

Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us