Saturday, 23 July 2016

पुल बनेपछि पाँच घन्टाको बाटो ४५ मिनेटमा छोटियो

म्याग्दी । म्याग्दीको बैसरीस्थित कालीगण्डकी नदीमा झोलुङ्गे पुल निर्माण भएपछि पाँच घन्टा पैदल हिँड्नुपर्ने बाटो ४५ मिनेटमै छोटिएको छ ।

राम्चे–९ र भगवती–२ को सिमानामा पर्ने बैसरीमा कालीगण्डकी नदीमाथि झोलुङ्गे पुल निर्माण भएपछि हिस्तानको ७, ८ र ९ मा पर्ने औला र रिमा तथा राम्चे–९ काफलडाँडाका बासिन्दालाई घुमाउरो बाटोको यात्रा गर्नुपर्ने बाध्यताको अन्त्य भएको हो ।

२०७२ जेठ १० गते काफलडाँडाको भिरबाट खसेको पहिरोले बैसरीमा रहेका दुई वटा झोलुङ्गे पुल पुरेपछि औला, रिमा र काफलडाँडाका बासिन्दाले सदरमुकाम बेनी आउन जानका लागि घुमाउरो बाटोको प्रयोग गर्दै आएका थिए । राम्चेको काफलडाँडा महभिर हँदै बेनी आउन जान पाँच घन्टा हिँड्नुपर्ने बाटो असार अन्तिम साता बैसरीमा झोलुङ्गे पुल निर्माण भएपछि ४५ मिनेटमा छोटिएको हिस्तान औलाका शिव पुर्जाले बताउनुभयो ।

पुल निर्माण भएपछि बिरामीलाई उपचार गर्न लैजान, दैनिक उपभोग्य सामग्रीको ढुवानी, सरकारी सेवा सुविधा लिन सदरमुकाम आउ जाउ गर्न ५०० घरधुरीलाई सुविधा पुगेको छ । पहिरोले पुल पुरिएपछि हिउँदमा काठको अस्थायी पुल ९साघु०बाट खोला वारपार गर्ने स्थानीय बासिन्दालाई बर्खामा नदीमा पानीको सतह बढेपछि घुमाउरो बाटो हिँड्नुपर्ने बाध्यता थियो ।

बैसरीमा रु ३७ लाख दुई हजार ६४६ को लगानीमा १२० मिटर लामो झोलुङ्गे पुल निर्माण भएको जिविसका सवइञ्जिनियर बालकृष्ण पौडेलले जानकारी दिनुभयो । पौडेलका अनुसार जिविसको रु २६ लाख ५८ हजार ८१४, स्वाप कार्यक्रमको रु छ लाख ८७ हजार ८६४, उपभोक्ताको रु दुई लाख ४७ हजार २०० र राम्चे गाविसको रु एक लाख आठ हजार ७६८को लगानीमा पुल निर्माण भएको हो ।
Read more ...

वर्षमा काम खोज्दै ४ लाख युवा बाहिरिए

काठमाडौं । गत आर्थिक वर्षमा नेपालबाट कामका लागि विदेश जानेको अघिल्लो वर्षको भन्दा १८ प्रतिशतले घटेको छ । वैदेशिक रोजगार विभागले सार्वजनिक गरेको तथ्याङ्कअनुसार बितको आर्थिक वर्ष २०७२/७३मा ४ लाख १८ हजार ७ सय १३ जना युवा वैधानिक रुपमा श्रम इजाजत लिएर कामको खोजीमा बाहिरिएका छन् ।
आर्थिक वर्ष २०७१/७२ मा यो संख्या ५ लाख १२ हजार ८ सय ८७ जना युवा विदेश गएका थिए । गतवर्ष सबैभन्दा धेरै भदौमा ४० हजार २ सय युवा बाहरिएका थिए भने कात्तिकमा सबैभन्दा कम २३ हजार मात्रै विदेशिएका थिए ।
गतवर्षको साउनदेखि असार मसान्तसम्म ११ हजार ४ सय ११ कामदारले ब्यक्तिगत श्रम स्वीकृति लिएका थिए भने बाँकी कामदारले म्यानपावहररुमार्फत इजाजत पाएका थिए । यस अवधिमा ३ लाख ९९ हजार पुरुष कामदार बाहिरिएका हुन् भने महिलको संख्या १९ हजार ३ सय रहेको विभागको तथ्यांकमा उल्लेख छ ।
यो वर्ष विदेश जाने युवा घट्नुमा विभिन्न कारणहरु मानिएका छन् । समग्रमा वैदेशिक रोजगारीका लागि ०७२ साल सुस्ताएको वर्ष बनेको छ । यो वर्ष श्रम बेच्न विदेशिनेहरुको संख्यामा झण्डै ९४ हजारले गिरावट आएको छ । युवाहरु विदेशिने प्रवाहमा यसरी कमी आउनु राम्रो हो कि नराम्रो ? यो बहसको विषय हुनसक्छ ।
तर, यसले रेमिट्यान्सको आप्रवाहमा भने पक्कापनि प्रभाव पार्नेछ । यसैवर्ष पनि रेमिट्यान्सको वृद्धिदर घटेकाले वैदेशिक रोजगारीमा जानेहरुको संख्या घट्दा अर्थतन्त्रमा नकारात्मक असर पर्नसक्ने चेतावनी विज्ञहरुले दिइरहेका छन् ।
किन घट्दैछ संख्या ?
गत वैशाखमा गएको भूकम्प र देशमा नाकाबन्दीलगायत उत्पन्न विशेष परिस्थितिका कारण विदेश जानको संख्यामा कमी अएको सरकारको अनुमान छ ।
त्यस्तै अघिल्लो वर्षसम्म नपालीको प्रमुख गन्तब्य रहेको मलेसियामा आर्थिक मन्दी लागेकाले संख्या घट्नु स्वभाविक भएको सरकारी अधिकारीहरुको विश्लेषण छ ।
‘हामीले तथ्यपरक विश्लेशण गरेका छैनौं । तर, विदेशिनेको संख्या घट्नुमा केही कारणहरु पहिल्याएका छौं,’वैदेशिक रोजगार विभागका प्रवक्ता मोहन अधिकारीले भने-‘मुख्य रुपमा फ्री भिसा कार्यान्वयन भएपछि नेपाली कामदारलाई जस्तो पनि काममा पठाउने क्रम कम हुँदा प्रभाव परेको हो ।’ उनले अहिले विदेशमा एजेन्टहरुबाट जथाभावी डिमान्ड ल्याउने क्रम घटेको सुनाए ।
म्यानपवर व्यवसायी अन्य कुनै कारणले विदेशमा काम गर्न जानेको संख्या घटेको मान्दैनन् । फ्री भिसा र टिकटको निर्णयका कारण रोजगारदाता कम्पनीहरु नेपाली कामदार लिन इच्छुक नहुँदा वैदेशिक रोजगारीमा जाने घटेको वैदेशिक रोजगार व्यवसायी संघका उपाध्यक्ष कुमुद खनालको तर्क छ ।
Read more ...

माधव नेपाललाई यस्तो छ चिन्ता, देश डुब्न लाग्यो बचाउने मान्छे कोही छैन

काठमाडौं । नेकपा एमालेका नेता माधवकुमार नेपालले मुलुकमा नयाँ ढङ्गबाट राष्ट्रिय सहमति कायम गरेर अघि बढनुपर्ने आवश्यकता औल्याउँदै देश डुब्न लागेको टिप्पणी गरेका छन् ।

“देश डुब्न लागेको छ, देशलाई बचाउने मान्छे कोही पनि छैन, एउटा पार्टी अहिले गुटमा परिवर्तन भइरहेको छ, हामी जालझेलमा लागिरहेका छाँ, प्रधानमन्त्री विरुद्ध व्यवस्थापिका–संसद्मा शुक्रबार पेस भएको अविश्वासको प्रस्तावमाथिको छलफलमा शनिबार नेपालले भने, “आग्रहबाट प्रेरित भएर आरोप लगाउन अब सबैले छोड्नुपर्छ ।” 
पूर्वप्रधानमन्त्री समेत रहेका नेता नेपालले नेकपा माओवादी केन्द्रले हतारमा ल्याएको अविश्वासको प्रस्तावमाथि प्रमुख प्रतिपक्षले हस्ताक्षर गरेर अघि बढ्नु त्रुटीपूर्ण रहेको भन्दै जो सुकैबाट गरिएको भए पनि राष्ट्रिय हितमा गरेका कामको मूल्यांकन हुन आवश्यक रहेको बताए । 

नेता नेपालले नियुक्ति, सरुवा, बढुवा, ठेक्काप्रणालीलाई विधि र प्रक्रियामा लैजान सबैबाट प्रतिवद्धता आउन जरुरी रहेकोमा जोड दिदै मुलुक बनाउने, प्रणालीमा लैजाने काममा सबै बीच सहमति कायम गरेर अघि बढाउनुपर्ने आवश्यकता औंल्याए । 
Read more ...

पारस शाहलाई निर्मल निवास जिम्मा लगाएर, ज्ञानेन्द्र युरोप हिडे

काठमाडौं । पूर्वराजा ज्ञानेन्द्र शाह स परिवार शुक्रबार राती यूरोप तर्फ प्रस्थान गरेका छन् । छोरा पारसलाई निर्मल निवासमा घर कुरुवा राखेर उहाँ दुई साता लामो युरोपी राष्ट्र इटाली तर्फ प्रस्थान गर्नुभएको हो । 

उहाँको साथमा पूर्वरानी कोमल, बुहानी हिमानी, नाती ह्दयन्द्र, नातिनीद्वय पूर्णिका र कीर्तिका, शाही अर्दली हस्तबहादुर थापा, दुई नानी, नीजि सचिव सागर तिमिल्सिना, अंगरक्षक गगन श्रेष्ठ सहभागि छन् ।

सुनाकोठी बस्दै आएका पारस घर कुर्न निर्मल निवास पुगेका छन् । नितान्त व्यत्तिगत भ्रमणमा निस्केका पारसले त्यहाँका धार्मिक, एवं ऐतिहासिक स्थलहरुको भ्रमण गर्ने छन् भने त्यहाँ रहेका नेपालीहरुसँग समेत भेटघाट गर्ने छन् । लामो विदेश बसाई पछि नेपाल आएका पारस पहिलो पटक निर्मल निवास प्रवेश गरेका हुन् । 

Read more ...

गोरखा केन्द्र बिन्दु बनाएर फेरी भूकम्पको धक्का

काठमाडौं : कीर्तिपुरलाई केन्द्रबिन्दु बनाएर परकम्प आएको एक दिन नबित्दै गोरखाको अश्राङ गाविस आसपास केन्द्रबिन्दु बनाएर आज ४.१ रिक्टर स्केलको परकम्प गएको छ।


 बिहान ११ बजेर ५९ मिनेटमा सो परकम्प गएको खानी तथा भूगर्भ विभाग, राष्ट्रिय भूकम्प मापन केन्द्रले जनाएको छ ।
 
शुक्रबार काठमाडौंको कीर्तिपुर केन्द्रबिन्दु बनाएर ३.७ रिक्टरको परकम्प गएको थियो। पछिल्लोपटक भने असार २२ गते दोलखामा ४.१ रिक्टर स्केलको परकम्प गएको थियो ।
 
अघिल्लो वर्ष वैशाख १२ को गोरखा भूकम्पपछि हालसम्म ४ रिक्टर स्केलभन्दा माथिका ४६६ परकम्प गएको केन्द्रले जनाएको छ।
Read more ...

यो होटलमा पाइन्छ २२ करोडमा एक छाक खाना

काठमाडौं । एकातिर कुनै कम्पनीहरुले सबैखाले ग्राहक लोभ्याउनका लागि अनेक प्रकारका हतकण्डा अपनाउँछन् । अर्कोतर्फ भने केही कम्पनीहरु अर्वपति धनाढ्य ग्राहकहरुका लागि मात्र खुलेका हुन्छन् ।

एक छाक खानाको २२ करोडा रुपैयाँ रकम तिर्नुपर्ने होटल उनीहरुले धनाढ्यलाई मात्र सेवा दिन्छन् र सर्वसाधारणहरु त्यसको सेवा लिने हिम्मत नै गर्दैनन् । तपाइँले होटेलमा एक छाक खाना डिनरको कति सम्म तिर्नुपर्ला  रु भन्ने कल्पना गर्नुहुन्छ ? एक छाक डिनरको २२ करोड रुपैयाँ पर्छ भन्ने कुरा सायद कल्पना गर्नै गाह्रो पर्छ ।
तर सिंगापुरमा एउटा यस्तो होटेल छ जहाँ एक छाक खानाको २२ करोडा रुपैयाँ रकम तिर्नुपर्छ । उक्त होटेलमा त्यो दुनियाकै महंगो खानपिन आधा घण्टामै सकिने चाहीँ होइन ।
डाइनिंग इभेन्ट पूरै ८ घण्टा चल्दछ । खानपिन सँगै त्यहाँ जोडीहरुलाई हावा तथा पानीको यात्रा समेत गराइन्छ ।
Read more ...

Friday, 22 July 2016

पकाइरहेको मासुको कति मिठो बास्ना आएको भन्दै रातको १२ बजेसम्म सामुहिक बलात्कार

काठमाडौं । आफूमाथि बलात्कार गरी फरार रहेका पीडकको खोजीमा नुवाकोट पीपलटारकी हरिमाया तामाङ ९नाम परिवर्तन काठमाडों आएकी छन् । पीडकहरुले पैसा र पावरको पटकपटकको धम्कीले बिचलित नभई छोराछोरी घरमै छाडी आफू यहाँ आएको उनले बताइन् । तामाङ पतिसँग सम्बन्धविच्छेद गरेको ६ वर्ष भइसक्यो ।

आफ्नो गुजारा चलाउन उनी नुवाकोटको बिदुर नगरपालिकामा एउटा होटल सञ्चालन गरेर बसेकी थिइन् । घटना चार दिन अगाडिको हो । दिनभर सिमसिमे पानीमा रुझ्दै खेतमा काम गरेर आएकी उनी थकित थिइन् । उनी मासु पकाइरहेकी थिइन् ।होटलको कोठामा पकाएर खाने भएकाले उनी सटर आधा खोलेर मासु पकाउँदै थिइन् । यत्तिकैमा कति मिठो बासना आएको भन्दै तीन रक्सीले मातिएका व्यक्ति पसलमा छिरे । उनले पसल आज नखोलेको बताए पनि उनीहरु जान मानेन् ।
केही बेर रक्सी खाएपछि उनीहरुले आज यही बस्ने बताए । तामाङले आफ्नोमा बस्ने व्यवस्था नभएको बताएपनि उनीहरुले उनलाई जबरजस्ती गरे । उनले ती व्यक्तिलाई कोठा देखाउन जाँदै गर्दा समातेर लछारपछार पार्दै तीन जनाले रातको १२ बजेसम्म सामूहिक बलात्कार गरिरहे । उनले रोइकराई गर्दा उनीहरुले हल्ला गरे मारिदिने भन्दै उनलाई धम्काएको तामाङले बताएको आजको अन्नपूर्ण पोस्टमा समाचार छ ।
बल्लतल्ल बलात्कारीको चंगुलबाट उम्किएर उनी प्रहरी कार्यालय पुगिन् । तर प्रहरीले रातको १२ बजेसम्म पसल खोल्ने भन्दै उल्टै गाली गरे । उनको बेदना सुनेर अन्तमा उनीहरुले उजुरी भने दर्ता गरेको तमाङले बताइन् । आफूलाई पीडा दिनेहरु काठमाडौंमा रहेको थाहा पाएपछि उनी राजधानी आएकी छिन् । पीडकलाई पक्रन सहयोग माग्न उनी माइती नेपाल आइपुगेकी हुन् ।

Read more ...

गोविन्द केसीलाई भेट्दै रेखाले भनिन्-‘प्रम ज्यू, अब जनवादी बन्नुहोस्’

काठमाडैं । विभिन्न माग राखेर विगत १३ दिनदेखि आमरण अनसनमा बसेका डाक्टर गोविन्द केसीलाई भेट्न नायिका रेखा थापा टीचिङ अस्पताल पुगेकी छिन् । रेखाले डाक्टर केसीलाई भेटेपछि उनको माग पुरा गर्न सरकारसँग माग पनि गरेकी छिन् ।

रेखाले फेसबुकमा लेखेकी छिन् ‘यहाँ मान्छेलाई मरिएलाकी भन्ने डर छ तर डाक्टर केसी सारा नेपालीको साझा स्वास्थ्यका खातिर जीवन गुमाउन तयार हुनुहुन्छ । यस्तोमा सरकारको तदारुकता देखिदैन । केसी हाम्रा लागि लडिरहनु भएको छ ।’

रेखाले नेपाल सरकार र प्रम केपी ओलीको यो बिषयमा ध्यानाकर्षण हुन जरुरी छ भन्दै लेखेकी छिन्(‘प्रम ज्यू, नाकाबन्दीको समयमा धेरैले तपाई राष्ट्रवादी हुनुभएको भन्दै प्रशंसा गरे । अब केसीजीले उठाउनुभएको माग पुरा गरेर जनवादी बन्नुहोस् । कारण हामी कम्यूनिस्टहरुको चरित्र पनि यही हो ।’ डाक्टर केसीको पक्षमा शनिबार हुन लागेको जनप्रदर्शनमा नेपाली चलचित्रका कलाकार पनि सहभागी हुने भएका छन् ।
Read more ...

फेरी सुरु भयो सत्ताको अर्को खेल प्रचण्डलाई पन्छाएर पौडेल प्रधानमन्त्री बनाउन भारतिय राजदुत रन्जित रे सक्रिय

काठमाडौं  । प्रधानमन्त्री केपी ओलीले सत्ता छाड्नै परे पनि त्यती सहज हिसाबले नछाड्ने भएका छन् । नेपाली कांग्रेस र माओवादी केन्द्रको गठबन्धन भत्काउन उनले नयाँ रणनीति तय गरेको समाचार प्राप्त भएको छ । कांग्रेसका बरिष्ठ नेता रामचन्द्र पौडेललाई प्रधानमन्त्रीका लागि अघि सारेर गठबन्धन भत्काउने र सम्भव भए एमाले पनि सरकारमा जाने गरि प्रस्ताव अगाडि बढाएका हुन् ।
 
शुक्रबार बिहान प्रधानमन्त्री निवास बालुवाटारमा केही नेताहरुसँग छलफल गरेर उनले पौडेल प्रधानमन्त्री भए राजीनामा दिने र उनलाई सहयोग गर्न सकिने बताएका छन् । जुनसुकै हालतमा पनि प्रचण्डलाई प्रधानमन्त्री नबनाउने रणनीति ओलीको छ ।
 
तर, अहिलेको अवस्थामा राजीनामा नदिने र सरकार गठन प्रक्रियालाई अवरुद्ध गर्नुपर्ने उनको राय छ । उद्योगमन्त्री सोमप्रसाद पाण्डेले रामचन्द्र पौडेल प्रधानमन्त्रीका लागि अघि सरे प्रधानमनत्रीले तत्काल राजीनामा दिने बताएका छन् । तीन दलको बैठकमा कांग्रेस नेता रामचन्द्र पौडेलले राखेको सहमतिको प्रस्तावले नयाँ हलचल मच्चाएको छ ।
 
संसद्मा अहिले अड्किएको गाँठो फुकाउन मात्रै उनले प्रस्ताव राखेका हुन् वा सहमतिसँगै नयाँ सरकारबारे पनि चिन्ता ओलीमा पौडेलले देखेकाछन् आंकलन गर्न अफ्ठ्यारो अवस्था रहेको बिश्लेषकहरु बताउछन् ।
 
पौडेलको भनाईले अहिले कांग्रेसभित्र पनि विवाद सुरु भएको छ । बजेटको आश्रित विधेयक पहिले कि अविश्वास प्रस्ताव पहिले भन्ने विवाद टुंग्याउन उनले प्रस्ताव गरेपनि त्यसलाई दुई अर्थमा हेरिएको छ । पौडेलको प्रस्ताव बजेटको आश्रित विधेयक पारित गर्ने, अविश्वास प्रस्ताव फिर्ता लिने र प्रधानमन्त्री ओलीले राजीनामा दिने मात्र होइन, नयाँ सरकारको निर्वाचन प्रक्रिया पनि एकसाथ अगाडि बढाउनेसम्मको छ ।
 
यो खेलमा भारतिय राजदुत रन्जित रे समेत सक्रिय भएर लागेको समाचार स्रोतले न्युज अभियानलाई बताएको छ ।  भारतिय राजदुत रन्जित रे पछिल्ला केहि दिन नेपालको राजनीतिमा पहिले भन्दा बढि सक्रिय भएर लागेको स्रोतको दाबी छ ।

Read more ...

नेपाल प्रहरीकै फेसबुक भेटिए यस्तो शेयर, लौ हेर्नुस् राजदरबार हत्याकाण्डको पुरै भिडियो .....

काठमाण्डौ । समाजिक संजाल फेसबुक प्रयोगकर्ताको संख्या नेपालमा पनि उल्लेख्निय छ । समाजमा सद्भाव भड्काउने ,भ्रम फैलिने कुराहरु  फेसबुकमा लेख्ने र शेयर गर्ने गरेमा साइबर क्राइम अन्तर्गत कारबाही गरिन्छ । 

साइबर क्राइम गर्ने ब्यक्तीलाई कानुनी  प्रक्रियामा लैजाने जिम्मा पनि प्रहरी कै हो तर त्यहि प्रहरीका आधिकारी फेसबुक पेजबाट पछिल्लो समय विवादस्पद लिङ्कहरु शेयर गर्ने गरेको प्रमाण फेला पारेको छ । कुरा उदयपुर जिल्ला प्रहरी कार्यालयको हो । डिपिओ उदयपुरको फेसबुकबाट राजदरबार हत्याकाण्डको पुरौ भिडियो सार्वजानिक भनेर शेयर गरिएको छ । एक महिलाको  तस्बिर सहित शेयर भएको समाचारमा केहि ब्यक्तीहरुले कमेन्ट समेत गरेका छन् ।

प्रहरीकै फेसबुक आइडीबाट यस्तो समाचार पोष्ट गरेपछि विभिन्न खालका कमेन्टहरु गरिएका छन् । 


Read more ...

राजधानीमा भूकम्पको झड्का

काठमडौं । काठमाडौं उपत्यकामा शुक्रबार दिउँसो भूकम्पको झड्का महशुस गरिएको छ। दिउँसो  २ बजेर ४० मिनेट जाँदा ३।७ म्याग्नेच्युडको भूकम्प गएको राष्ट्रिय भूकम्प मापन केन्द्रका प्रमुख लोकविजय अधिकारीले  जानकारी दिए। 

यसअघि गत असार २३ गते दोलखालाई केन्द्रबिन्दु बनाएर ४ दशमलव १ रेक्टर स्केलको भूकम्प गएको थियो।
Read more ...

जसले पानी छान्ने फिल्टर किन्न ६० लाखमा घर बेचे

काठमाडौँ । झाडापखाला लागेर पनि मान्छे मर्दा रहेछन् भन्ने थाहा पाउँदा जाजरकोट पुगेका डाक्टर दिलजान मन्सुर अचम्भित भए। चिकित्सा क्षेत्रको सुधारको माग राखेर अनसनरत गोविन्द केसीको साथ लागेर पहिलोपटक जाजरकोट टेकेका मन्सुरलाई यत्ति एउटा तथ्यले असह्य बनायो।

उनी अवस्था देखेर अलमल्ल परे। जाजरकोट रहँदा मन्सुरले डाक्टर केसीको साथ लागेर बिरामीको उपचार त गरे, तर उनको मन यत्तिमा थामिएन। केसीको साथ लागेर जाँदा औषधी बोकेर गएका मन्सुर काठमाडौं आउँदा रित्तो हात फर्किएनन्। साथमा बोकेर ल्याए – जाजरकोटमा स्थानीयले पिउने मूलको पानी।

मन्सुरले पानीलाई ल्याबमा टेस्ट गराए। परीक्षणको रिजल्टमा देखियो – संक्रमण। मन्सुरले थाहा पाए जाजरकोटको मृत्युको कारण झाडापखाला र हैजा थियो। अनि कारण थियो दुषित पानी।

तराईमा जन्मिएका मन्सुरलाई दुर्गम पहाडी जिल्ला जाजरकोटको पखालाले रुवायो। शुद्ध पानी पिउन नपाउँदा देशको एउटा जिल्ला झाडापखालाबाट ग्रस्त हुन्छ भन्ने सत्य उनलाई सहनै गाह्रो भयो। अनि मन्सुरले सुरु गरे अभियान  मिसन जाजरकोट।

जाजरकोटमा पानी सुद्धिकरण गर्न फिल्टर लगायतका सामान पुर्‍याउनु उनको मिसन थियो। सुरुवातमा उनले सामाजिक संस्था गुहारे। होमो सेपियन्समार्फत् सहयोगको अपिल गरे, च्यारिटी सो गरे।

तर सहयोग रकम जुट्न सकेन। ‘एक लाख खर्च भएको कार्यक्रममा सहयोग स्वरुप १२ सय रुपैयाँ मात्र उठ्यो’, मन्सुरले आफ्नो विगत सम्झिए। तर डा। मन्सुरले हार मानेनन्। उनको अभियानमा साथ दिन वाचा गरेका केहीले त बीचमै छाडे।

मिसनमा तल्लिन देखिएका मन्सुरले काठमाडौंका गल्ली गल्लीमा नाच्ने, टिसर्ट बेच्नेदेखि अन्य कला देखाउँदै सहयोग अपिल गरे। तैपनि अहँ उनको टोलीले रकम जुटाउन सकेन।

अन्ततस् मन्सुर अभियान थेग्न आफ्नै सम्पति बेच्ने निर्णयमा पुगे। किनकी उनलाई जाजरकोटको पीडा दुखेको थियो। ‘ तराईको पुर्ख्यौली घर बेचिदिएँ, उदेश्य त पूरा गर्नु नै थियो। जाजरकोटमा फिल्टर लैजाने मैले निधो गरेको थिएँ। आफन्तलाई मेरो निर्णय स्वीकार्य थिएन’, मन्सुरले आफ्नो अभियानलाई सम्झिए।

‘तर मैले ६० लाखमा आफ्नो घर बेचेँ’, मन्सुरले अभियानका लागि आफूले गरेको योगदान सुनाए। 

रकमको आधा पैसा भूकम्प पीडितको लागि खर्च गरे। अनि बाँकीले जाजरकोटको लागि फिल्टर, साबुन, बोत्तल, पियुस आदी किने र लागे होमो सेपियन्स टिमका साथ  जाजरकोटको खगेकोट।

तीन दिन लाग्यो डाक्टर दिलजानको टोलीलाई हिँडेर खेगकोट पुग्न। जब मन्सुर खेगकोट पुगे स्थानीय अचम्भित भएर भने – ४२ वटा गधाले बोक्ने सामना ल्याउनु भएछ।

हुन पनि मन्सुरको टोलीले ३० गाविसका ३६ विद्यालयलाई पानी शुद्ध बनाउने फिल्टर लगेका थिए साथमा जसलाई उनीहरुले हस्तान्तरण गरे।

दिलजानले आफ्नो अभियानको उपलब्धि सुनाउँदै भने, करिव ५० वर्ष टिक्ने फिल्टर सहयोग गरेका हौं। मेरो आफ्नै दाइ, भाइ, परिवार भएर दिएको हैन। मैले मान्छे हुनुको धर्म निभाएको हुँ। नेपाली हुनुको कर्तव्य पूरा गरेको हुँ।ु

मन्सुरको मिसन जाजरकोट सफल त भयो। तर मन्सुर रोकिने मूडमा छैनन् । उनी छिट्टै राजधानीको बत्तीमुनिको अँध्यारोमा परेको काभ्रेको माझी बस्तीमा स्वास्थ्य र शिक्षा सबैक लागि भन्ने अभियान लिएर जाँदैछन्। तर उनी भन्छन् – ‘अहिले न मसँग पैसा छ न अरु केही, मसँग साथ दिने केही साथी मात्र छन्।‘
Read more ...

बचत गर्न किन छाडे नेपालीले

काठमाडौं । आयातीत वस्तु उपभोग गर्ने संस्कार बढेपछि नेपालीको बचत दर घट्दै गएको सरकारी तथ्यांकले देखाएको छ ।
नेपालीको बचत दर घटेर अहिले औसत ५.३ प्रतिशतमा सीमित भएको छ । उपभोग दर भने बढेर ९४.७ प्रतिशत पुगेको छ । एक जना नेपालीले सय रुपैयाँ आम्दानी गरेर औसत ९४ रुपैयाँ ७० पैसा वस्तु तथा सेवा उपभोगमा खर्च गर्छ र ५ रुपैयाँ ३० पैसामात्र बचत गर्छ । 
केही वर्षयता उपभोग खर्च बढ्दै गएको छ । गत आर्थिक वर्ष ०७२/०७३ मा प्रचलित मूल्यमा कुल उपभोग खर्च बढेर २१ खर्ब ३० अर्ब ५२ करोड रुपैयाँ पुग्ने सरकारी अनुमान छ । अघिल्लो आवमा १९ खर्ब ३४ अर्ब ४ करोड रुपैयाँ उपभोगमा खर्च भएको थियो ।
आव ०६३/०६४ मा उपभोग खर्च ९०.२ प्रतिशत र बचत ९.९८ प्रतिशत थियो । त्यसबेला सय रुपैयाँ आम्दानी गर्नेको ९० रुपैयाँ २० पैसा उपभोगमा खर्च हुन्थ्यो भने ९ रुपैयाँ ८० पैसा बचत थियो । झन्डै एक दशकको अवधिमा औसत बचत झन्डै १० रुपैयाँ भए पनि घटेर ५ रुपैयाँमा सीमित भएको छ । त्यस्तै, राष्ट्रिय बचत अंश ८.८ प्रतिशत रहेकोमा गत आवमा घटेर ५.३ प्रतिशतमा सीमित भएको छ ।
पछिल्लो वर्ष वैदेशिक रोजगारीमा जानेले पठाउने रेमिट्यान्सले उपभोग खर्च अझै बढाएको पाइएको छ । व्यक्तिका अतिरिक्त राष्ट्रि बचत पनि कम हुँदै गएको सरकारी तथ्यांकले देखाएको छ । रेमिट्यान्स आप्रवाह बढेपछि कुल राष्ट्रिय बचत औसत ४२.९ प्रतिशत पुग्ने अनुमान छ । 
आयातीत वस्तुको उपभोग संस्कृति बढेपछि यसको चाप मूल्य वृद्धिमा परेको अर्थशास्त्रीहरू बताउँछन् । हाल औसत मूल्यवृद्धि १० प्रतिशतको नजिक छ । आन्तरिक उत्पादन नभएपछि डलर तिरेर महँगोमा वस्तु खरिद गर्नुपर्दा नेपालीको बचत दर घट्दै गएको अर्थशास्त्री डा. चन्द्रमणि अधिकारीले बताए । उनका अनुसार बचत दर घट्दै गएपछि नेपालीको क्रयशक्तिमा पनि ह्रास आएको छ । “उपभोग शैली विश्व परिवेशमा जोडिएको छ । सोही शैली नेपालीले अपनाएर खाद्यान्नका अतिरिक्त सूचना प्रविधि र सेवा क्षेत्रमा खर्च बढाएपछि यसको असर बचतमा परेको हो,” उनले भने, “हामीले आन्तरिक उत्पादन बढाउन सकेनौं र आयात बढाएका छौं । अमेरिकी डलर मजबुत हुनासाथ आयातीत वस्तुको भाउ बढ्छ, जसले बचतमा असर गरेको छ ।” आन्तरिक उत्पादन घट्दा उपभोग संस्कृति बढेको र रेमिट्यान्सले पुँजी निर्माण गर्न नसकेको उनको ठम्याइ छ । 
आन्तरिक उत्पादन नबढ्दा जीडीपी पनि खासै बढ्न सकेको छैन । जीडीपी अहिले २२ खर्ब ४९ अर्ब रुपैयाँ पुगेको छ ।
१० वर्षमा प्रतिव्यक्ति आय ३४२ डलर बढ्यो 
एक दशकको अवधिमा नेपालको प्रतिव्यक्ति आम्दानी ३ सय ४२ डलर डलर बढेको छ । हालको एक डलरबराबर १ सय ७ रुपैयाँलाई आधार मान्दा आर्थिक वर्ष ०६३/०६४ देखि गत आव ०७२÷०७३ सम्ममा प्रतिव्यक्ति आय ३६ हजार ५९४ रुपैयाँले बढेको सरकारी तथ्यांकले देखाएको छ । आव ०६३÷०६४ मा प्रतिव्यक्ति आय ४ सय १० डलर रहेकोमा त्यसपछि निरन्तर रूपमा बढेको पाइएको छ । एक दशकको अवधिमा प्रतिव्यक्ति आया ४० प्रतिशत बढेको देखिन्छ । भूकम्पपछि प्रतिव्यक्ति आय १० डलर घटेको छ । आव ०७१/०७२ मा प्रतिव्यक्ति आय बढेर ७ सय ६२ डलर पुगेको थियो । भूकम्प र भारतीय नाकाबन्दीले अर्थतन्त्रमा नकारात्मक असर गरेपछि आय पनि घटेको हो ।
 
Read more ...

नेपालीसँग यसरी झुक्यो मलेसियन कम्पनी ,हडतालरत नेपाली श्रमिकका सबै माग पूरा

काठमाडौँ । मलेसियास्थित नेपाली दूतावासको टोलीले मलेसियाको इपो राज्यमा अवस्थित लेटेक्स म्यानुफ्याक्चरिङ कम्पनीमा नेपाली श्रमिकले हडताल गरेकाले कम्पनीका उच्च प्रतिनिधिसँग तिनका मागबारे वार्ता गरी समस्या समाधान गरेको छ ।

उक्त कम्पनीले हालै वृद्धि भएको तलब तत्कालै लागू गर्ने, अतिरिक्त समय मलेसियाली नियमानुसार लागू गर्ने तथा श्रमिकको स्वास्थ्य र सुरक्षामा ध्यान दिने लगायत प्रतिबद्धता व्यक्त गरेको छ । सम्झौतापछि आजदेखि श्रमिकहरु नियमित काममा फर्केका छन् । उक्त कम्पनीमा हाल एक हजार पाँच सय ५७ नेपाली कार्यरत छन् ।

यसैगरी मलेसियाको जोहोर राज्यको के फोर्स कम्पनीमा कार्यरत नेपाली सुरक्षाकर्मी सवार गाडी दुर्घटना भएकाले राजदूतावासले कम्पनीका उच्च प्रतिनिधिलाई फोन सम्पर्क गरी घाइतेको शीघ्र उपचारमा ध्यान दिन दबाब दिएपछि कम्पनीले सबैको उपचार गरेको र गम्भीर घाइते सागर श्रेष्ठको बुधबार शल्यक्रिया भएको क्वालालम्पुरस्थित नेपाली राजदूतावासले जनाएको छ ।
Read more ...

थाहा पाईराख्नुस, नयाँ ठाउँमा जाँदा किन निद्रा लाग्दैन ?

काठमाडौ । निद्रा मानिसका लागि निकै आवश्यक छ । यसले शरीरलाई स्वस्थ्य राख्नुका साथै थकान मेटाउन महत्वपूर्ण भूमिका खेल्छ । तर कतिपय अवस्थामा नयाँ ठाउँमा जादा होस् वा ओछ्यान बदल्दा, हामीमध्ये धेरैलाई निद्रा नलाग्ने समस्याले सताउँछ ।

आखिर नयाँ ठाँउमा जाँदा पहिलो रातमा हामीलाई किन निद्रा लाग्दैन त, थाहा छ ?
करेनट वायोलोजीमा नामक जर्नलमा प्रकाशित एक अध्ययन अनुसार कुनै पनि नयाँ ठाउँमा होस् वा नयाँ वातावरणमा जादाँ हाम्रो मस्तिकको आधा भाग सँधैभरी सतर्क अवस्थामा बस्ने गर्छ ।
यसले सुतेको अवस्थामा हामीलाई नयाँ माहोलबारे अदृश्य रुपमा जानकारी गराइरहेको हुन्छ । हामीलाई ब्युँझाइरहेको हुन्छ । जसको कारण ओछ्यान बद्लिएको पहिलो रात हामीलाई निद्रा लाग्दैन ।
प्रायः सबै मानिसलाई नै पहिलो रातमा यस्तो समस्या किन हुन्छ त ? जान्नकै लागि बेलायतस्थित ब्राउन युर्निभसिटीका अनुसन्धानकर्ताको समुहले ३५ जना स्वस्थ मानिसमा एउटा अनुसन्धान गरेको थियो । उनीहरुले हप्ता दिनको फरकमा ती मानिसहरुको पहिलो दुई रातको विस्तृत अध्ययन गरेका थिए ।
अध्ययनबाट उनीहरुले दिमागको दायाँ भागको तुलनामा बायाँ भाग निरन्तर व्युझिरहने तथा सर्तक रहने पाएका थिए ।
त्यसैगरी, उक्त भाग नौलो ध्वनी प्रति संवेदनशील रहने हुदाँ नौलो ठाँउमा दिमागले सम्भावित खतराबारे जानकारी दिइरहने गरेको अनुसन्धानबाट पत्ता लागको थियो ।
निद्राको प्रारम्भिक अवस्था अध्ययन गर्ने सोही समुहले यो प्रक्रिया दिमागको वायाँ भागमा रातभर रहन्छ वा बीच बीचमा दायाँतर्फ पनि सर्छ भन्नेबारे भने यकिन अध्ययन गर्न बाँकी नै रहेको जनाएका थिए ।
Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us