Saturday, 27 August 2016

नेताहरु विदेशमा उपचारका लागि पालो कुर्दै, हुम्ला स्वास्थ्य चौकीमा औषधि नहुँदा दुई दूधेबालिकाको मृत्यु

हुम्ला । जिल्लाको मध्यभेगमा पर्ने रोडिकोट गाविसस्थित स्वास्थ्य चौकीमा उपचार सेवा नपाएर दुई दूधेबालिकाको मृत्यु भएको छ। मृत्यु हुनेमा रोडिकोट ८ का राजबहादुर कार्कीको आठ महिने छोरी सुशीला र सोही ठाउँ बस्ने अङ्गत कार्कीको दुई महिनाको छोरी सुस्मिता रहेका छन्। ती दुवैको निमोनिया र ज्वरोका कारण मृत्यु भएको हो।

स्वास्थ्य चौकीमा औषधि नभएकाले यो दुखद घटना भएको हो। स्वास्थ्य चौकीमा सिटामोलसमेत छैन,स्थानीय अदानसिंह कार्कीले भने, वर्षासँगै प्रदूषित पानी पिउँदा सो क्षेत्रमा विभिन्न रोग फैलिने गरेको छ।
स्वास्थ्य चौकीमा बिरामी सङ्ख्या बढ्दै गएको बताउँदै अहेब जोर फडेराले सदरमुकामबाट केही मात्रामा पठाइएको औषधि वर्षा अगावै सकिएको र थप औषधि ढुवानी नभएको जानकारी गराए।

जिल्ला स्वास्थ्य कार्यालयका सूचना अधिकृत नरेशबाबु श्रेष्ठले भने सो क्षेत्रमा औषधि पठाइसकिएको दाबी गरेका छन्। 
Read more ...

क्रिकेटका नाममा मानवतस्करी, टोकियो विमानस्थलबाट गैरखेलाडी बेपत्ता

काठमाडौं । मैत्रीपूर्ण क्रिकेट खेलका लागि जापान लगेर उतै छाडिएका गैरखेलाडीमध्ये आधाभन्दा बढी टोकियो विमानस्थलबाटै गायब भएको खुलेको छ । नेपाली क्रिकेट टोलीसँगै त्रिभुवन अन्तर्राष्ट्रिय विमानस्थलबाट हङकङ ट्रान्जिट हुँदै जापानको टोकियोस्थित नारिता अन्तर्राष्ट्रिय विमानस्थलमा ओर्लिएका गैरखेलाडी त्यसपछि एकाएक गायब भएका थिए ।

जापान पुगेर फर्किएका खेलाडीका अनुसार नारिता विमानस्थलबाट उनीहरू बस्ने तय भएको होटेलसम्म पुग्दा नौ गैरखेलाडीमध्ये दुईजना मात्रै साथमा थिए । बाँकी सातमध्ये केही विमानस्थल र केही बाटोबाट अन्यत्रै लागेको स्वदेश फर्किएका खेलाडीले बताएका छन् । जापान पुगेर फर्किएका उनीहरूले राष्ट्रिय टोलीका प्रशिक्षक जगत टमाटा र सिनियर राष्ट्रिय टोलीले सोधेको लिखित जबाफमा समेत गैरखेलाडी विमानस्थलबाटै गायब भएको जानकारी दिएका छन् ।

ुहामी सात खेलाडी र हामीले चिनेका दुई अफिसियल विमानस्थलबाट होटेल पुग्दा अन्य नौजनामध्ये दुई मात्रै हामीसँग थिए । बाँकी सातजना बाटोबाटै हराइसकेका थिएु, जापान पुगेर फर्किएकामध्ये एक खेलाडीले नाम नलेख्ने सर्तमा भने, उनीहरूमध्ये केही विमानस्थलबाटै गायब भएका थिए । दुईतीनजना भने बाटोमा गाडी रोकेर निस्किएका थिए । ती खेलाडीका अनुसार विमानस्थल र बाटोबाटै गायब भएका कुनै पनि गैरखेलाडी खेल खेल्न आएनन् भने टोलीको जापान बसाइमा उनीहरूसँग दोस्रोपटक भेटसमेत भएन ।

टोलीसँगै बसेका दुई गैरखेलाडीले भने जापानका स्थानीय टोलीविरुद्ध तीन खेलमध्ये दुई खेल खेलेका थिए । ती खेलमध्ये एकले दुई खेल तथा अर्का एकले एक खेल मात्रै खेलेका थिए । ती दुईजना पनि खेल समाप्त भएपछि टोलीसँगै नेपाल फर्किएनन् । प्रतियोगिता खेल्न गएकाहरू बाटैबाट गायब भएपछि टोलीसमेत अपूरो बनेको थियो । त्यसैले अन्तिम दुई खेलमा टोली व्यवस्थापक बनेर गएका किरण राणाले खेल्नुपरेको थियो ।

त्यसअघि नै जापानमै रहेका राष्ट्रिय टोलीका पूर्वखेलाडी राजकुमार प्रधान र उनले बोलाएका अन्य साथीले समेत नेपाली टोलीबाट प्रतियोगिता खेलेका थिए । सँगै गएका खेलाडी बाटोबाटै हराए पनि टोली व्यवस्थापनले सोधखोज नगरेको देखिएको छ । नेपाली टोलीसँगै गएका नेपाली सिनियर राष्ट्रिय टोलीका पूर्वसदस्य सिद्धान्त लोहनी तथा यू १९ राष्ट्रिय टोलीका खेलाडी प्रेम तामाङ, सौरभ खनाल, रामनरेश गिरी, फजलुर रहमान, अमित श्रेष्ठ र राष्ट्रिय खेलाडी सोनु तामाङ भने नेपाल फर्किएका छन् । उनीहरूसँगै टोली प्रशिक्षकका रूपमा गएका सुन्दर थापा क्षेत्री र व्यवस्थापकका रूपमा गएका किरण राणा पनि फर्किएका छन् ।

खेलाडीकै रूपमा लगिएका अन्य नौजना भने टोलीसँगै नफर्किएपछि सरोकारवाला निकायले त्यसको छानबिन सुरु गरेको छ । अन्तर्राष्ट्रिय क्रिकेट काउन्सिल ९आईसीसी० ले जापान खेल्न गएकोबारे खेलाडीसँग लिखित स्पष्टीकरण सोध्न प्रशिक्षक जगत टमाटालाई निर्देशन दिएको छ भने युवा तथा खेलकुदमन्त्री दलजित श्रीपालीले पनि आन्तरिक छानबिन सुरु गरेको बताएका छन् । मैत्रीपूर्ण खेल खेल्ने टोली गत १५ जुलाईमा जापान गएको थियो ।

Read more ...

बससँगै त्रिशुलीमा खसेका ६ जना अझै भेटिएनन्, चार शवको पहिचान भएन, १६ शव रौतहट पुर्‍याइयो

रौतहट । शुक्रबार बिहान त्रिशुलीमा भएको बस दुर्घटनामा परेकामध्ये अझै पनि ६ जना व्यक्तिको कुनै अतोपतो छैन । प्रहरीको तथ्याङ्कले चार जना बेपता देखाइरहँदा परिवारजनले भने ६ जना बेपता भएको दाबी गरेका छन् ।

भारतको बिहारका फेकु राय, राम प्रवेश रायका साथै रौतहटको मुडवलवा(२ का रामबालक जयसवाल, वडा नं ३ का रविरञ्जन यादव र वडा नं ८ का मुकेश रामको अझै पत्तो नलागेको परिवारजनका सदस्यले बताएका छन् ।

त्यस्तै गौरबाट पोखराका लागि हिँडेको ग १ ख ३७०१ नम्बरको यात्रुबाहक बस शुक्रबार बिहान करिब साढे ३ बजे त्रिशुली नदीमा खस्दा २२ जनाको मृत्यु भएको थियो । तर, प्रहरीले घटनास्थलमा भेटिएका १८ शवको सनाखत गरे पनि अझै ४ वटा शवको सनाखत हुन सकेको छैन ।

रौतहटका मृतकमध्ये १८ जनाको सनाखत भएको छ । सनाखत भएका मध्ये १६ शवलाई रौतहट ल्याइएको जिल्ला प्रहरी कार्यालय रौतहटले जनाएको छ । ४ जना भारतीय सहित १२ जना रौतहटका व्यक्तिको शव परिवारजनले चितवनबाट ल्याएको प्रहरी नायब उपरीक्षक नविन कृष्ण भण्डारीले बताए ।

धार्मिक परम्परा अनुसार जिल्लाका विभिन्न स्थानहरुमा शनिबार नै १२ जनाको दाहसंस्कार गरिँदैछ । मुडवलवा ३ का ३५ वर्षीय चित्ररञ्जन यादव र मुडवलवा ६ का ३३ वर्षीय राजेशप्रसाद यादवको परिवारजनले शनिबार वाग्मती किनारमा दाहसंस्कार गरेका छन् ।

एउटै टोलका तीन जना बेपत्ता

यात्रु र चालक गरी ४२ जना सवार बस त्रिशुलीमा खस्दा रौतहट मुडवलवाको एकै टोलका ५ जनाको मृत्यु भएको थियो ।

बिहीवार साँझ ५:३० बजे गौरबाट पोखराका लागि छुटेको सो बसमा मुडवलाका ५ जना थिए । ५ मध्ये ४ जना विद्यालयका शिक्षक थिए भने एक जना निर्वाचन आयोगका करारका कर्मचारी थिए ।

पोखरामा शिक्षक सेवा आयोगको परीक्षा दिन हिँडेका मुडवलवा २ का रामबालक जयसवाल, ३ का रविरञ्जन यादव र ८ का मुकेश रामको अझै कुनै पत्तो लागेको छैन ।

मुडवलवाकै ३ जना अझै बेपता रहेकाले उनीहरुको खोजी कार्यका लागि परिवारजनले अनुरोध गरेका छन् । मृतकहरु मध्ये अधिकांश घरका जेठा सन्तान र अभिभावक रहेकाले परिवारजन बेसहारा बनेका छन् ।
Read more ...

उत्तर अमेरिकामा नेपाल गुड्छ

काठमाडौं । एकातिर सगरमाथा, बौद्ध स्तुप, गौतम बुद्ध अनि पशुपतिनाथ । अर्कातर्फ फेवाताल, माछापुच्छ्रे, पाटेबाघ, गैंडा, प्याराग्लाइडिङ, र्‍याफ्टिङका मनोहर दृश्य। यीसँगै चन्द्रसूर्य अंकित राष्ट्रिय झन्डाले शोभित ५३ फिट लामो  ट्रकले सिंगो नेपाल बोकिरहेझैं लाग्छ। त्यो पनि विदेशी भूमिमा। दाङबाट क्यानडा पुगेका एनबी टण्डन उत्तर अमेरिकी भूमिमा तीन वर्षयता यही ट्रक गुडाइरहेछन्। पराई मुलुकमा रोजीरोटी जोहो गर्दै स्वदेश चिनाइरहेछन्।

रोजगारी सिलसिलामा ११ वर्षदेखि क्यानडा बस्दै आएका ४८ वर्षीय टण्डनले सुरुमा अरूको पारवहन कम्पनीमा सवारीचालक भएर काम गरे। गाडी लिएर दूरदराजको यात्रा गर्ने क्रममा उनलाई त्यसैलाई माध्यम बनाएर नेपाल चिनाउने विचार पलायो। सन् २०१२ मा राप्ती ट्रान्सपोर्ट इन्क नाम दिएर कम्पनी खोले। अनि आफ्नै ट्रक किने। त्यसको बडीुलाई नेपाली सम्पदाले सिँगारे। उनी त्यही ट्रकमा दैनिक प्रयोजनका सामग्री बोकेर अमेरिकासम्म पुग्छन्। अहिले यही काम उनको परिचय बनेको छ। धेरैले उनलाई नेपाल बोक्ने मान्छेु भनेर चिन्छन्। हो मलाई धेरैले नेपाल बोक्ने मान्छे पनि भन्छन्, उनले भने, विदेशी भूमिमा नेपाल चिनाउन पाउँदा खुसी लाग्छ।

पारवहन सेवाका लागि क्यानडामा गुड्ने २९ लाखमध्येको एक हो, टण्डनको यो ट्रक। क्यानडाबाट दैनिक ६० हजार ट्रक अमेरिकाका विभिन्न राज्य पुग्छन्। त्यति नै उताबाट फर्कन्छन्। यही यात्रामा हाम्रो नेपाल पनि पुग्छ, उनले भने, अरूभन्दा फरक कलाकृति भएकाले सबैका आँखामा परेको छ। ट्रकमा नेपाली सम्पदा कुँद्न निकै खर्च लागेको सुनाउँछन् उनी। पाँच वर्षसम्म रङ नखुइलिने, खुइलिए अर्को बनाइदिने ग्यारेन्टीसहितको फ्लेक्सु प्रयोग गरेका छन्।

सामान बोकेर ५ हजार किलोमिटरसम्म यात्रा गर्ने टण्डनसँग बाटोमा भेटिएका मानिसले ट्रक निकै चाख मानेर हेर्ने गरेको अनुभव छ। अमेरिकाका ४८ राज्य र क्यानडाका अधिकांश ठाउँमा यो ट्रक पुगेको छ, उनले भने, मानिसहरू यसमा अंकित तस्बिरबारे  जिज्ञासा राख्छन्, नेपालबारे सोध्छन्।


त्यस्ता जिज्ञासुमध्ये कति जना नेपाल भ्रमण गरिसकेका व्यक्ति  पनि हुन्छन्। उनीहरूले आफूलाई अँगालो मारेर खुसी दर्शाउने गरेको टण्डनले सुनाए। जता गएँ सबैतिर तारिफ पाएँ, भन्छन्, ट्रकमा मोबाइल नम्बर पनि लेखेको छु, त्यसमा फोन गरेर नेपालबारे सोध्ने पनि धेरै हुन्छन्।

सर्वसाधारण ट्रकछेउ उभिएर तस्बिर खिचाउँछन्। टन्डनलाई धन्यवाद दिन्छन्। उनी भने विदेशीलाई एकपटक नेपाल घुम्न निम्तो दिन्छन्। मेरो देश यहाँ देखिएका चित्रभन्दा पनि सुन्दर छ भन्ने गर्छु, उनले सुनाए, म उनीहरुलाई एकपटक नेपाल घुमेर आउन  आग्रह गर्छु। टण्डन अहिले एकमहिने बिदामा स्वदेश आएका छन्। गत आइतबार राजधानीमा भेटिएका उनले पटकपटक दोहोर्‍याए, नेपाल चिनाउने काममा लाग्न पाउँदा गर्व लागेको छ।

दाङमा जन्मिएका उनी एसएलसीपछि राजधानीमा काम गर्न थाले। यहाँ बस्दा पनि सामाजिक काममा सक्रिय हुन्थे। त्यही क्रममा रोजगारीका लागि क्यानडा जाने अवसर पाए। तर, स्वदेश कहिल्यै भुलेनन्। यहाँका हरेक घटनासँग अद्यावधिक भइरहे।

अघिल्लो वर्षको शक्तिशाली भूकम्पपछि उनको राष्ट्रप्रेम अझ प्रस्टियो। ट्रककै कारण बनाएको छविले निकै काम गर्‍यो। उनले क्यानडादेखि अमेरिकासम्म भेटेजतिलाई नेपालको पुनर्निर्माणमा सघाउन आग्रह गरे। थुप्रै उत्तर अमेरिकीले सहयोग पठाएको बताउँछन् उनी। क्यानडामा रहेका नेपालीमार्फत् सहयोग जम्मा भयो, उनले भने, नेपालका पीडितका हातमा त्यो पुर्‍यायौं।

क्यानडामा चालकलाई सम्मानको दृष्टिले हेरे पनि नेपालमा त्यस्तो नरहेको उनको बुझाइ छ। यो पेशाको छवि सुधार्ने अभियानमा समेत छन् उनी।

 टण्डनकै पहलमा क्यानडा र अमेरिकामा ड्राइभिङु पेसा अँगालेका नेपालीको छुट्टै संगठन स्थापित छ। त्यसले  नेपालको स्वास्थ्य र शिक्षाक्षेत्रमा योगदान गर्ने लक्ष्य लिएको छ। हामीलाई हेर्ने दृष्टिकोणमा परिवर्तन ल्याउन पहिले हामी नै बदलिनुपर्छ, उनले भने, त्यसैले हामी नेपालका दुर्गम गाउँसम्म सेवा पुर्‍याउने सोचमा छौं।

विदेशी भूमिमा स्वदेश चिनाउने टण्डनको यो कदमको सरकारले समेत कदर गरेको छ। पर्यटन बोर्डको सिफारिसमा सरकारले १९ मे २०१६ देखि उनलाई क्यानडाका लागि मानार्थ पर्यटनदूत नियुक्त गरेको छ।

Read more ...

Friday, 26 August 2016

बिमाबाट धेरै रकम पाउने लोभमा आफ्नै हात खुट्टा टुक्रा टुक्रा पारेपछि .....

काठमाडौं । भियतनामकी एक महिलाले बिमा रकम लिनको लागि आफ्नो हात खुट्टा काटेकी छिन् । यसै वर्ष मेमा ३० वर्षकी ली थी एनले आफू रेलसँग ठोकिएको दाबी गरेकी थिइन् । तर, अहिले उनले स्वयं आफ्नो आंग काटेको स्विकार गरेकी छिन् ।

ली थी एन बीमा कम्पनीबाट डेढ लाख डलर भन्दा धेरै रकम असुल्न चाहन्थिन् । हुआ यू को हनोई रेल रोडमा भएको भनिएको दुर्घटनापछि डोआन वान डीले एम्बुलेन्सलाई फोन गरेका थिए ।  अनुसन्धानबाट एम्बुलेन्स बोलाउने व्यक्तिले नै उनको अंग काटेको खुलेको छ ।
घटना भएको तीन महिना पछि महिलाले सामाजिक सञ्जालमा आफ्नो ती तस्वीर पोस्ट गरेसँगै वास्तविकता अगाडि आएको थियो ।
स्थानीय सञ्चारमाध्यमहरुका अनुसार एनको कारोबार बिग्रिएको थियो । भियतनामका सामाजिक सञ्जालहरुमा यो घटनाबारे निकै चर्चा भएको छ ।
केहीले महिलोको यस्तो हर्कतको आलोचना गरेका छन् भने केहीले यस्तो गर्नुको पछाडिको बाध्यता बारे टिप्पणी गरेका छन् ।
स्थानीय सञ्चारमाध्यमहरुका अनुसार प्रहरीले महिलाको अंग काट्ने व्यक्ति विरुद्ध आपराधिक जाँच बन्द गरेको छ ।
हनोई बार एसोसिएशनका एक वकिल ली वान लुआनले बीबीसीलाई जनाए अनुसार कानूनमा उनीहरुलाई कारबाही गर्ने धाराको अभाव छ ।
Read more ...

आफ्नो श्रीमानसँग हिँडेको भन्दै छुरा प्रहार, २४ वर्षीया राईको मृत्यु

झापा । छुरा प्रहारबाट झापाको तोपगाछीस्थित केर्खामा आज बिहान तोपगाछी– ७ केर्खा बस्ने सुनिता राईको मृत्यु भएको छ । आफ्नो श्रीमान् सँगसँगै हिँडेको भन्दै श्रीमान् धनबहादुर लिम्बूसहित ती युवतीमाथि २४ वर्षीया रीता लिम्बूले गए राति अन्धाधुन्ध छुरा प्रहार गरेकी थिइन् । 

छुरा प्रहारबाट गम्भीर घाइते राईको दमकस्थित लाइफलाइन अस्पतालमा उपचारका क्रममा आज बिहान मृत्यु भएको इलाका प्रहरी कार्यालय दमकका प्रहरी नायब उपरीक्षक राजन लिम्बूले जानकारी दिनुभयो । छुरा प्रहारबाट घाइते भएका उनका श्रीमान् धनबहादुरलाई भने लाइफलाइन अस्पतालमा उपचार हुन नसकेपछि धरानस्थित बिपी कोइराला स्वास्थ्य विज्ञान प्रतिष्ठानमा पठाइएको छ ।

 अभियुक्त रीतालाई प्रहरीले नियन्त्रणमा लिएर अनुसन्धान गरिरहेको छ ।
Read more ...

डीप्रेशनको औषधी खादै ‘माग्ने बुढा’

विभिन्न चलचित्र एवं टेलिचलचित्रमा अभिनय गरेर दर्शकलाई हँसाउदै आएका हाँस्य कलाकार केदार घिमिरे (माग्ने बुढा) आफैं डीप्रेशनको शिकार भए भन्ने सुन्दा दर्शकलाई विश्वास नलाग्न सक्छ ।

तर, यथार्थ यही हो । पेटको रोगको उपचारपछि घरमै उपचार गरिरहेका माग्नेले अहिले डीप्रेशनको समेत औषधी खान सुरु गरेका छन् । नयाँ हाँस्य श्रृङ्खला ‘खास खुस’ प्रशारण सुरु भएपछि उनी बिरामी परेका थिए । पछिल्लो समय युट्युब च्यानलबाट ‘खास खुस’ प्रशारण भएपनि माग्ने बुढा उपस्थित छैनन् । धेरै दर्शकले सोध्ने गरेका छन् खै त माग्ने । उनले यही प्रश्नको जवाफ दिने उद्देश्यले एउटा भिडियो समेत पोष्ट गरेका छन् ।

पेटमा अल्सर भएपछि उनी उपचारपछि घरमै थिए । पछि डीप्रेशन भएको माग्ने स्वयंले बताएका छन् । अहिले उनले तिन प्रकारको औषधी खाइरहेका छन् ।

एल्लोप्याथिक र आयुर्वेदको औषधि खाइरहेका माग्ने हरेक दिन नौ वटा जति औषधी खान्छन् । पेटको समस्या समाधान हुँदै गएको जानकारी दिँदै उनका परिवारका सदस्यले माग्नेको स्वास्थ्य राम्रो हुँदै गएको बताएका छन् । उनी बिहिबार ‘सुर्के थैली’ बोलको गीतले युटुबमा १ करोड भ्यू पाएको अवसरमा आयोजित एक कार्यक्रममा पनि उपस्थित भएका थिए ।
Read more ...

व्यवसायीमाथि प्रहरी कार्यालयभित्रै निर्घात कुटपिट

काठमाडौं । इलाका प्रहरी कार्यालय इटहरीमा बुधबार मात्रै सरुवा भएर आएका प्रहरी नायब उपरीक्षक (डिएसपी) नरेशराज सुवेदीले प्रहरी कार्यालयलाई यातनारहित बनाउने प्रतिबद्धता जनाएका थिए ।

तर, उनको प्रतिबद्धता २४ घन्टा पनि टिकेन । प्रतिबद्धता जनाएको २४ घन्टा पनि नबित्दै स्थानीय एक आर्ट (पेन्टर) व्यवसायीलाई प्रहरीले कार्यालयभित्रै लगेर कुटपिट गरेको छ ।

स्थानीय संगीत चोकमा रहेको न्यु रेम्बो आट्र्स एन्ड नाइलन स्ट्याम्पका कर्मचारी मनोज पञ्जियारलाई प्रहरीले शुक्रबार दिउँसो ३ बजे कार्यालयभित्रै लगेर कुटेका हुन् । उनको देब्रे गाला सुन्निएको आजको नयाँ पत्रिका दैनिकमा समाचार छ ।

Read more ...

भूकम्प पीडितले असोज २ भित्र पहिलो किस्ता पाइसक्ने

काठमाडौं । भूकम्पबाट अतिप्रभावित जिल्लाका अनुलदान पाउनयोग्य लाभग्राहीले असोज पहिलो साताभित्र रकम पाइसक्ने दाबी संघीय मामिला तथा स्थानीय विकास मन्त्रालयले गरेको छ ।

राष्ट्रिय पुनर्निर्माण प्राधिकरणले अनुदान रकम उपलव्ध गराउन विशेष अभियान थालेसँगै तीव्र गतिमा रकम उपलव्ध गराइएको मन्त्रालय अन्तरगतको केन्द्रीय कार्यान्वयन एकाइले जानकारी दिएको छ ।

सिन्धुपाल्चोकमा शुक्रबार मात्रै १० हजार भूकम्पपीडितसँग सम्झौता भएको एकाइका प्रमुख गणेशकुमार वस्तीले जानकारी दिए । शुक्रबारसम्ममा अति प्रभभावित जिल्लाका करिब ७१ दशमलब ८८ प्रतिशत पीडितसँग अनुदान सम्झौता भइसकेको छ ।

राष्ट्रिय पुनर्निर्माण प्राधिकरणले कामकारबाही छिटोछरितो गराउन क्विक रेस्पोन्स टिम तयार गरेर जिल्ला पठाएको छ ।
Read more ...

भारतको सिमलामा एकै परिवारका पाँच नेपालीको मृत्यु

काठमाडौं । भारतको सिमलामा एकै परिवारका पाँच नेपालीको मृत्यु भएको छ । एकजना घाइते भएका छन् ।
भारतको हिमाञ्चलमा प्रदेशमा आएको बाढी । घटना गत आइतबार रातिको हो । तर, प्रहरीले शुक्रबारमात्रै घटनाबारे जानकारी दिएको हो ।

हिमाञ्चल प्रदेशमा पर्ने सिमलाको बन्द्राली गाउँमा घनघोर पानी परेको र पहिरोमा पुरिएर एकै परिवारका पाँच नेपालीको मृत्यु भएको इण्डो एसियन न्यूज सर्भिसले जनाएको छ ।

मृत्यु हुनेमा नेपाली नागरिक लछिराम, उनकी श्रीमती र तीन जन बच्चा रहेको समाचारमा उल्लेख छ । तर, उनीहरुको नेपालको ठेगाना भने उल्लेख छैन ।

लछिराम परिवारका सदस्यसहित अस्थायी टहरोमा त्यहाँ बस्दथे र स्याउको बगैंचामा काम गर्दथे ।

अविरल वर्षा र पहिरोले स्याउ बगैंचा ध्वस्त भएको छ ।
Read more ...

यसकारण फाल्नु हुदैन आलुको बोक्रा,यी हुन फाइदाहरु

स्वाद र  मिठोपनको लागि आलु त खानुहुन्छ तर के तपाईले कहिले आलुको बोक्रा खानेबारे सोच्नुभएको छ ? यदि अहिलेसम्म सोच्नुभएको छैन भने एक पटक विचार गर्ने की ? जतिपटक तपाईको घरमा आलुको तरकारी बन्छ सो समय आलुलाई ताछेर  त्यसको बोक्रा सञ्चय गरेर राख्नुहोला ।  यसलाई फरक फरक तरिकाले प्रयोग गरेर धेरै रोगबाट बच्न सक्नुहुन्छ । यसबाट तपाइले औषधीमा गर्ने खर्च समेत  बचाउन सक्नुहुन्छ । 

 १)  ब्लड प्रेसरको लागि स् आलुमा राम्रो खालको पोटासियम पाइन्छ । पोटासियमले ब्लडप्रेसरको नियमन गर्न सहयोग गर्छ ।  
२) मेटाबालिज्म स् यसले मेटाबालिज्मलाई पनि सही तरिकाले राख्न मदत गर्छ ।  विज्ञहरुलाई आधार मान्ने हो भने आलुको बोक्रा खादा नब्र्सलाई मजबुत बनाउँछ ।  
३) एनिमिया स् यदि तपाई आइरनको कमीबाट जुधिरहनु भएको छ  भने आलुको ताछेको बोक्रा खानुहोस अरु सब्जीसँग । यसले एमिनियाको खतरालाई टार्छ ।  
४) ताकतका लागि स् आलुको बोक्रामा भरपुर मात्रामा भिटामिन बि ३ पाइन्छ ।   
५ फाइबरले भरपुर स् हाम्रो डाइटमा फाइबरको केही मात्रा जरुरी पर्छ । यो आलुमा पाइन्छ । यसले डाइबेटिज प्रणालीलाई बुस्ट गर्न मदत गर्छ ।  
Read more ...

फास्ट ट्रयाक भारतलाई नदिन प्रधानमन्त्रीलाई पार्टीको खबरदारी

काठमाडौं । प्रधानमन्त्री प्रचण्डको भारत भ्रमण नजिकिँदै गर्दा उनको पार्टी माओवादी केन्द्रले निजगढ काठमाडौं फास्ट ट्रयाक, नौमुरे जलविद्युत परियोजना र पुलिस एकेडेमीमा भारतीय सहयोग नलिन निर्देशन दिएको छ ।

माओवादी केन्द्रभि गठन गरिएको सरकार सञ्चालन सहयोग समितिका नेताहरुले प्रधानमन्त्री प्रचण्डलाई त्यस्तो निर्देशन दिएका छन ।

राष्ट्रियताको मामिलामा भारसँग नचुक्न माओवादी नेताहरुले खबरदारी गरेपछि प्रधानमन्त्री प्रचण्डले त्यस मामिलामा आफू सचेत र सजग रहेको प्रतिवद्धता व्यक्त गरेका छन् ।

पार्टीका नेताहरुको निदैशनपछि दाहालले आफ्ना विशेष दूत विमलेन्द्र निधिमार्फत भारतीय प्रधानमन्त्री नरेन्द्र मोदीलाई पठाएको पत्रमा राजनीतिक र संवैधानिक विषय नरहेको प्रस्ट पार्दै आफ्नो भारत भ्रमणका क्रममा पनि आफू सतर्क रहने प्रतिवद्धता व्यक्त गरे ।
Read more ...

बसबाट उछिट्टिएर बाँचेका यात्रुले १०० नम्बरमा फोन गरेपछि...

चितवन–शुक्रबार बिहान सबेरै करिब साढे तीनबजे चितवन जिल्ला प्रहरी कार्यालयको १०० नम्बर फोनको सेटमा घण्टि बज्यो। फोन गर्ने व्यक्ति दुर्घटना भएको बसका यात्रु थिए, नाम रितेश ठाकुर।
रौतहटको गौराबाट पोखराका लागि छुटेको ग १ ख ३७९० नम्बरको बस दुर्घटनामा परेको थियो। धेरै प्रयासपछि प्रहरीले घटनास्थल पत्ता लगाउँदा एक घण्टा बितिसकेको थियो। सडक क्षेत्र चाहार्दा पनि दुर्घटना स्थल सहजै पत्ता लाग्ने अवस्था थिएन।
‘बस खस्यो, रुवाबास मच्चियो, म बसबाट उछिट्टिएर भिरमा खसेँ,’ चितवन मेडिकल कलेज शिक्षण अस्पताल भरतपुरमा उपचार गराई रहेका रितेशले भने ‘मसँग मोबाइल साथमै थियो मैले प्रहरीलाई फोन गरेर दुर्घटनाबारे बताएँ।’
बसमा ठ्याक्कै कति यात्रु थिए भन्ने यकिन नभएको प्रहरी भनाइ छ। ‘२१ जना मृतकको शव संकलन भएको छ, १६ जना घाइतेको उद्धार गरिएको छ।’ चितवन जिल्ला प्रहरी कार्यालयका प्रहरी उपरीक्षक (एसपी) बसन्त कुँवरले भने ‘३९ जना यात्रु र बाँकी तीनजना चालक दलका सदस्य थिए भन्ने जानकारी छ । मृतक र घाइते गरेर ३७ जना  भेटिए। सायद तीन–चार जना नदी मै बगेको हुन सक्छ।’
शवहरु घटना स्थलबाट भरतपुर अस्पताल ल्याइएको छ। घाइतेमध्ये १२ जनाको चितवन मेडिक कलेज र चारजनाको पुरानो मेडिकल कलेजमा उपचार भइरहेको छ। मुग्लिनदेखि चार किलोमिटर पश्चिम चण्डिभञ्ज्याङ गाविसको वडा नं. ५ कालिखोलामा सो बस सडकबाट तल खसेको थियो। सामान्य घुमाउरो र केही उकालो रहेको सो बाटोमा दुर्घटना के कारणले भयो भन्ने यकिन भएको छैन।
‘साँघुरो सडकमा किनार धेरै च्याँपेर ल्याउँदा गाडी भिरमा पुगेर खसेको हुन सक्ने प्रहरीको अनुमान छ। ‘चालकको कमजोरी वा यान्त्रिक गडबडीले पनि घटना भएको हुन सक्छ, घटनाको अनुसन्धान सुरु गरेका छौं’ चितवन जिल्ला ट्राफिक प्रहरी कायाृल्यका प्रमुख प्रहरी निरीक्षक राजन भेटवालले भने।
Read more ...

यस्तो ढुंगा, जसलाई फुटाउँदा रगत निस्किन्छ


पृथ्वीमा कैयौँ प्रकारका ढुंगा पाइन्छन् । तर सबै पत्थरको एउटा साझा विशेषता भनेको यी सबै निर्जिव वस्तु हुन् । तर कुनै पत्थर टुक्रिँदा वा त्यसलाई काट्दा सजिव प्राणीको शरीरबाट जस्तै रगत निस्किएको सुन्नुभएको छ रु सायद छैन होला । तर यो साँचो हो की यो पत्थरलाई फुटाउँदा केवल रगत निस्किने मात्र होइन की यो पत्थरको मासु समेत निकै महंगोमा बिक्रि भैरहेको छ ।
चिली तथा पेरुको समुद्री किनाराहरुमा यस्तो ढुंगा पाइन्छ । यो पथ्थरलाई एथगचब ऋजष्भिलकष्क नामले चिनिन्छ । जब यो पत्थरलाई फोडिन्छ तब यसभित्रबाट रगत निस्किन थाल्दछ । यो पत्थरभित्र मासु पनि हुन्छ । बाहिर निकै कडा देखिने यो पत्थर भित्र निकै नरम हुन्छ ।

समुद्रको गहिराइसम्मै पुगेर यो पत्थरको खोजी गर्दछन् मानिसहरु । कारण, यो पत्थरभित्रको मासु निकै महंगोमा बिक्रि हुन्छ दुनियाका विभिन्न देशमा । यो ढुंगाको मासु काँचै खान मन पराइन्छ ।

आखिर ढुंगाबाट रगत आउन र ढुंगाभित्र मासु हुन सम्भव छ त रु कुनैपनि हालतमा छैन । वास्तवमा यो निर्जिव ढुंगा नभै एउटा सामुद्रिक जिव हो ।

जसले स्वास पनि फेर्दछ र खाना पनि खान्छ । यसले आफ्नो लिंग पनि बदल्छ र बच्चा पनि जन्माउँछ । तर यो देख्दा हुबहु ढुंगाजस्तै देखिन्छ । त्यसैले यो रगत आउने पत्थरको नामले चिनिन्छ ।
Read more ...

घाँटीमा चक्कु तेर्सासाएर दुई महिनाकी सुत्केरीमाथि बलात्कार

धरान । सुनसरीको धरान–१५ श्यामचोकनजिकको सुकुम्वासी बस्तीमा बुधबार राति एकजना दुई महिने सुत्केरी महिलामाथि बलात्कार गरिएको छ ।

राति करिब ९ बजे श्रीमान् घरमा नभएको बेला सुतिरहेको अवस्थामा छिमेकी एक युवकले चक्कु देखाउँदै नजिकै रहेको आफ्नै घरमा लगेर रातभर बलात्कार गरी बेहोश अवस्थामा छाडेको पीडित महिलाले बताएकी छिन् । 


घाँटीमा चक्कु राखेर करीब दुई महिनाको दूधे बालकसहित जबर्जस्ती घरबाटै उठाएर लगेको पीडितको भनाई छ । बिहान होस खुल्दा रगत बगिरहेको अवस्थामा आफू तिनै युवकको घरको पेटीमा सुतिरहेको उनले सुनाइन् । प्रतिकारको प्रयास गर्दा पनि ती युवकले छुरा देखाएर जबर्जस्ती गरेको बताउँदै भनिन्,छाडदिन आग्रह गर्दा पनि जर्बजस्ती गरिरहे मैले पीडा खप्नै सकिन् ।


छिमेकीले उनलाई बिहीबार बिहान रगतपच्छे अवस्थामा भेटेका थिए । पति रिक्साचालक भएकाले राति अबेर आउने गरेको मौका छोपी ती युवकले उनलाई आप्mनै घरमा लगेर बलात्कार गरेको छिमेकीले बताएका छन् । उनीहरुले ती युवकसमेत घरमा एक्लै भएको समयमा बलात्कार गर्न सफल भएको जनाए ।


राति श्रीमान् घरमा पुग्दा श्रीमतीलाई नभेटेपछि छिमेकीको सहयोगमा रातभर खोजी गरेका थिए । राति नभेटिएकी उनी बिहान छिमेकीकै घरमा रक्ताम्य अवस्थामा भेटिएपछि मात्रै उनी बलात्कृत भएको खुलेको थियो । अपहरण नै गरेर गरिएको विभत्स बलात्कारको घटनामा संलग्न भने फरार छन् ।

डीएसपी ढकेन्द्र खतिवडाले पीडितको जाहेरी आएको र स्वास्थ्य परीक्षणका लागि बीपी कोइराला स्वास्थ्य विज्ञान प्रतिष्ठान पठाइएको बताए । उनले घटनामा संलग्नको खोजी भइरहेको बताए ।

Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us