Saturday, 12 November 2016

आज नेपाल बन्द ? बन्द सफल पार्न सडकमा निस्केका विप्लवका ५१ कार्यकर्ता एकाविहानै पक्राउ

काठमाडौं – नेत्र विप्लव चन्दको माओवादीले आव्हान गरेको आजको बन्द सफल पार्न एकाबिहानै सडकमा उत्रिएका विप्लवका ५१ कार्यकर्ता एकाबिहानै पक्राउ परेका छन् ।

काठमाडौँ, र ललितपुरका चोक–चोकमा निस्केर सडक अवरुद्ध गर्न खाजेका बन्दकर्तालाई पक्राउ गरिएको प्रहरीले जनाएको छ ।

महानगरीय प्रहरी कार्यालयका प्रवक्ता प्रधुम्न कार्कीका अनुसार पूर्वघोषित ‘नेपाल बन्द’ सफल पार्न भन्दै हिँडेका नेकपा माओवादी काठमाडौं जिल्ला समितिका उपाध्यक्ष किरण भनिने सुर्य भुजेल र जिल्ला सदस्य विशाल लामा सहित सन्दिप तामाङ, साधु चौरसिया, संकल खड्का, सुवास नगरकोटी, उपेन्द्र तामाङ, प्रसन्न आलेमगर, पदम बहादुर सुनुवार, धन बहादुर तामाङ, अनुप तामाङ, निरज गुरुङ, सम्भु थापा मगर, विकास थापामगर लगायत ५१ जना रहेका छन् ।

Read more ...

Thursday, 10 November 2016

मकालु एयरको जहाज हुम्लामा दुर्घटनास्’अवतरण गर्ने क्रममा दाहिने टायर पन्चर,जहाजमा सामान्य क्षति’

हुम्ला । मकालु एयरको जहाज हुम्लाको सिमकोट विमानस्थलमा अवतरण गर्ने क्रममा दुर्घटनामा परेको छ ।

सुर्खेतबाट सामान लिएर गएको नाइन एन एजेजी कल साइनको जहाज  सिमकोट विमानस्थलमा अवतरणको क्रममा शुक्रबार बिहान पौने ८ बजे दुर्घटनामा परेको हो । दाहिने टायर पन्चर हुँदा भएको दुर्घटनाबाट जहाजमा सामान्य क्षति पुगेको र मानवीय क्षति भने नभएको विमानस्थल कार्यालयले जनाएको छ ।
Read more ...

डिभी खारेज गर्दे ट्रम्प !

कात्तिक – २५ । आप्रवासी कानुनका अधिवक्ता डिल्ली भट्टका अनुसार गैरकानुनी एवं स्थल मार्गबाट अमेरिका भित्रिने नेपाली आप्रवासीहरुमाथि ट्रम्प प्रशासन कडा हुन सक्ने छ ।
त्यसैगरी सामाजिक नीतिमा सरकारको हस्तक्षेपको वकालत गर्ने रिपब्लिकन र ट्रम्प प्रशासनले आप्रवासी लक्षित सामाजिक कार्यक्रमहरु पनि कटौती गर्न सक्छ ।

 विशेषतः कल्याणकारी राज्यको परिकल्पनालाई अनुदारवादीहरुले तिरस्कार गर्दे आएका छन् । अर्को महत्वपूर्ण पक्ष के छ भने डिभीको कार्यक्रमको भविष्य पनि अनिश्चित बनेको छ ।

२०१२ मा रिपब्लिकन पार्टी नियन्त्रित तल्लो सदन हाउस अफ रिप्रेजेन्टिटिभले डिभिी कार्यक्रम बन्द गर्ने बिल पास गरेको थियो । तर डेमोक्र्याट बहुमत रहेको सिनेटले त्यसलाई खारेज गरेको थियो ।

अधिवक्ता भट्टका अनुसार डीभी कार्यक्रम एवं परिवासरहका सदस्यकोे भिसा कोटाको खारेजीका लागि हाउसमा बिल दर्ता छ । अनुदार कांग्रेस एवं ट्रम्प प्रशासनले यसको खारेजी गर्ने सम्भावना बलियो देखिएको छ ।
Read more ...

Wednesday, 9 November 2016

पूर्वराजा ज्ञानेन्द्र सिंगापुर प्रस्थान, सिंगापुरबाट भारत जाने

काठमाडौं । पूर्वराजा ज्ञानेन्द्र शाह बुधबार सिंगापुर प्रस्थान गरेका छन् । उनी सिंगापुर हुँदै भारत भ्रमणमा जाने छन् ।


बुधबार सिंगापुर उड्नु अघि त्रिभुवन अन्तराष्ट्रिय विमानस्थलमा शाहलाई समर्थकहरुले फूलमालासहित विदाइ गरे । शाहका साथमा निजी सचिव सागर तिमल्सिना छन् ।


केही दिन सिंगापुर बसेपछि शाह बुहारी हिमानीसहित भारत भ्रमणमा जाने तयारीमा छन् । हिमानी भने केही दिन पहिले नै सिंगापुर गाइसकेकी छिन् ।

दशै लगत्तै शाहका निजी सचिव तिमल्सिनाले नयाँदिल्ली पुगेर भ्रमणको मिति तय गरेका थिए ।
Read more ...

अमेरिकाको नयाँ राष्ट्रपति डोनाल्ड ट्रम्प

काठमाडौं । चुनावी सर्वेक्षणलाई गलत सावित गर्दै अमेरिकाको ४५ औं राष्ट्रपतिमा रिपब्लिकन उम्मेदवार डोनाल्ड जोन ट्रम्प विजयी भएका छन् । 

बुधबार भएको अन्तिम परिणामअनुसार डेमोक्रेटिक उम्मेदवार हिलारी रोदम क्लिन्टनलाई हराउँदै ट्रम्प विजयी भएका हुन् । ट्रम्पले २७६ र हिलारीले २१८ इलेक्ट्रोरल मत पाएकी छन् । 

राष्ट्रपतिमा जितका लागि कुल ५ सय ३८ इलेक्ट्रोरल मतमध्ये बहुमत संख्या अर्थात् २ सय ७० मत आवश्यक थियो । अमेरिकाका नवनिर्वाचित राष्ट्रपति डोनाल्ड ट्रम्पले अमेरिकाको हितलाई पहिलो प्राथमिकतामा राख्ने बताएका छन् ।

राष्ट्रपतिको निर्वाचन जितेपछि ट्रम्पले आफ्ना समर्थकहरुलाई सम्बोधन गर्दै अमेरिकाको राष्ट्रपति हुन पाएकोमा आफू गौरवान्वित भएको बताए ।


Read more ...

Monday, 7 November 2016

कांग्रेस सभापति देउवाले भेटे भारतीय प्रधानमन्त्री मोदीलाई, ३५ मिनेटको भेटमा केके कुरा भयो ?

काठमाडौं । भारतको भ्रमणमा रहेका काँग्रेस सभापति तथा पूर्व प्रधानमन्त्री शेरबहादुर देउवाले मंगलबार करिव ३५ मिनेट भारतीय प्रधानमन्त्री नरेन्द्र मोदीस‌ंग भेटवार्ता गरेका छन् । दे्उवाले मोदीसंगको भेटमा भुकम्प पछिको पुनस्निर्माण र संविधान कार्यन्वनको विषयमा कुराकानी भएको बताए । 

भुकम्पले क्षति पुर्याएका संरचनाहरुलाई पुननिर्माणमा भारत जुनसुकै सहयोग गर्न तयार रहेकोले छिटो गर्नु पर्यो भन्ने कुरा उहाँको रह्योु भेटवार्ता पछि देउवाले  भने, मैले पुननिर्माणको विषयमा भएको प्रगतिको बारेमा जानकारी गराएँ र भारतको सहयोग आवश्यक रहेको उल्लेख गरें ।

त्यसैगरी दुई नेताबीच संविधानको कार्यन्वयनको विषयमा पनि कुराकानी भएको थियो । देउवाका अनुसार आफुले मधेसी, थारुलगायतका स‌ंविधानप्रति असन्तुष्ट पक्षहरुलाई समेट्नका लागि भइरहेको प्रयासको बारेमा जानकारी गराएको र मोदीले असन्तुष्टहरुलाई समेटेमा संविधान कार्यन्वयनमा सहजता हुने कुरा उल्लेख गरेका थिए । सबै असन्तुष्टहरुलाई संविधानको कार्यन्वयनलगायतका सबै प्रकृयाहरुमा समेट्न सकेमा शान्ति, स्थायित्व र प्रगति संभव छु मोदीको भनाई उदृत गर्दै देउवाले भने । मोदी र देउवाबीच बिहान १०:४५ देखि ११:२० सम्म कुराकानी भएको थियो । 


Read more ...

लौ हेर्नुस् ,जापानमा जमिन फाटेर सडक र ट्राफिक लाइटहरु निल्दा यस्तो देखियो

काठमाडौं । जापानको एउटा व्यस्त सडकमा जमिन फाट्दा सडकको ठूलो भाग र ट्राफिक लाइटहरु समेत निलेको छ। सुरुमा स्थानीय समय अनुसार मंगलबार बिहान सबेरै फुकुओका सहरको हाकाता रेलवे स्टेसन नजिकै ७ देखि ८ मिटर फराकिलो खाल्डो देखिएको थियो। 

सुरुमा २ वटा साना प्वाल देखिए पनि पछि फैलँदै दुवै एउटै भएको थियो। अहिले त्यो २७ मिटर फराकिलो, ३० मिटर लामो र १५ मिटर गहिरो भइसकेको सिएनएनले जनाएको छ। 

नजिकै सबवे बनाउने क्रम पनि जारी थियो।  खाल्डो देखिएपछि नजिकैका बासिन्दालाई सुरक्षित ठाउँमा सारिएको छ। नजिकैको १७० वटा घरमा विद्युत आपूर्ति बन्द गरिएको छ। जमिन फाट्नुको कारणबारे अधिकारीहरुले अनुसन्धान जारी राखेका छन्।
Read more ...

नेपालमा घोडा र गधाको मासु खाने बढे, १७ मुलुकबाट मासु आयात हुदै

काठमाडौ । नेपालमा घोडा र गधाको मासु आयात हुँदै आएको छ । पछिल्लो केही वर्षदेखि नेपालमा घोडा र गधासँगै खच्चरको मासु आयात हुन थालेको हो । नेपालमा मुख्य गरी चीन, बेलायत र फ्रान्सबाट यस्ता जनावरको मासु आयात हुँदै आएको छ । राँगा, खसी, भेडा, कुखुरा, सुँगुर र बंगुरबाहेक गिनी, गिज, डल्फिनको मासु पनि आयात हुन्छ । भन्सार विभागको तथ्यांकअनुसार आर्थिक वर्ष २०७२र२०७३ मा फ्रान्सबाट तीन लाख ९६ हजार आठ सय ६९ मूल्य बराबरको एक सय ३५ किलो घोडा, गधा र खच्चरको मासु आयात भएको थियो । यस्तै अघिल्लो आर्थिक वर्ष २०७१र०७२ मा बेलायतबाट तीन हजार नौ सय ६७ मूल्यबराबरको ६ किलो यस्ता मासु आयात भएको थियो । 

त्यसैगरी आर्थिक वर्ष २०६८र०६९ मा चीनबाट दुई हजार नौ सय २५ मूल्य बराबरको घोडा, गधा र खच्चरको २५ किलो मासु आयात भएको थियो । नेपालमा आयात हुने यस्ता मासु पाँचतारे होटेल, ठूला रेस्टुराँ, कूटनीतिक नियोग र विभिन्न मुलुकबाट पर्यटकका रूपमा आउने पाहुनाले उपभोग गर्दै आएका छन् । ‘पछिल्लो समयमा यस प्रकारका मासु नेपाल भित्रिन थालेको हो’, भन्सार विभागका महानिर्देशक शिशिर ढुंगानाले भने, ‘खाने बानीमा आएको परिवर्तन र जिब्रोको स्वाद फेर्न अहिले यस्ता विभिन्न प्रकारका मासुको उपभोग बढ्न थालेको छ । 

जसले गर्दा विभिन्न जनावर र पन्छीको मासुको आयात भइरहेको छ । यस्ता मासुको उपभोगकर्ता बाहिरका पर्यटकका साथै केही नेपाली पनि छन् ।’ यस्ता मासु उपत्यकाको ठूला होटेलबाहेक पोखरा, चितवनलगायतका स्थानमा पनि पुग्ने गरेको छ ।तथ्यांकअनुसार नेपालीले घरमै बसेर १७ वटा मुलुकबाट आयातित मासु उपभोग गर्दै आएका छन् । नेपालीले चीन, भारत, अस्ट्रेलिया, अस्ट्रिया, अमेरिका, थाइल्यान्ड, डेनमार्क, मलेसिया, न्युजिल्यान्ड, बेलायत, स्पेन र ब्राजिलबाट आयात भएका मासु उपभोग गर्दै आएका छन् । यसैगरी फ्रान्स, सिंगापुर, बेल्जियम, इटली र नेदरल्यान्डबाट मगाइएका विभिन्न जनावरका मासुका परिकार पनि नेपालीले खाँदै आएका छन् । 
Read more ...

एक दिनमा कति जनाले फेसबुक चलाउँछन् ? जानौँ फेसबुक बारेका नयाँ तथ्यहरु

काठमाडौं । विश्वको सबैभन्दा ठूलो सोसल मिडिया वेबसाइट फेसबुक दिनहुँ कति मानिसले चलाउँछन् होला रु फेसबुकको कमाइ कति छ होला ? यो सायद चासोको विषय बन्न सक्छ ।

पौने दुई अर्ब भन्दा बढि प्रयोगकर्ता रहेको फेसबुकले हालै आफ्नो आय प्रतिवेदन सार्वजनिक गरेको छ । जसमा कम्पनीका प्रयोगकर्ताको तथ्यांक तथा अन्य सेवा तथा तथ्यहरुको खुलासा गरिएको छ ।

प्रतिवेदन अनुसार हाल फेसबुकका सक्रिय प्रयोगकर्ताको संखया १ अर्ब ७९ करोड छ । सक्रिय प्रयोगकर्ता भनेको कम्तिमा महिनामा एक पटक फेसबुक चलाउने मानिसहरुको संख्या हो । फेसबुकका एक्टिभ युजर्सको संख्यामा वाषिर्क १६ प्रतिशतले वृद्धि भएको छ ।

फेसबुकका अनुसार ह्वाट्सएप र फेसबुक मेसेन्जरका सक्रिय प्रयोगकर्ताको संख्या १ अर्ब नाघेको छ । त्यस्तै इन्स्टाग्राम प्रयोगकर्ताको संख्या ५० करोड छ । तथ्यांक अनुसार विश्वमा हरेक दिन १ अर्ब १८ करोड मानिसले फेसबुक चलाउँछन् ।

फेसबुक चलाउने मध्ये अधिकांसले फेसबुक चलाउन मोबाइल डिभाइस प्रयोग गर्ने गरेको देखिएको छ । हरेक महिना १ अर्ब ६६ करोड तथा हरेक दिन १ अर्ब ९ करोड मानिसले फेसबुकको मोबाइल एप प्रयोग गर्ने गरेका छन् ।

फेसबुकले सार्वजनिक गरेको नयाँ तथ्यांकमा टिप्पणी गर्दै कम्पनीका सिइओ मार्क जुकरबर्गले भिडियोको महत्व बढ्दै गएको र फेसबुक लाइभ प्रयोग गर्नेको संख्या पछिल्लो मे यता ४ गुणाले वृद्धि भएको बताएका छन् ।

त्यस्तै इन्टाग्राममा थप गरिएको स्टोरिज नामक नयाँ फिचरका प्रयोगकर्ताको संख्या १० करोड पुगेको छ । उनका अनुसार थ्री डी सामाग्रीलाई प्रस्तुत गर्नु तथा भर्चुअल रियालिटी टूल्सको विकाश गर्नु फेसबुकको आगामी दिनको चुनौतिको रुपमा रहेको जुकरबर्गले बताएका छन् ।
Read more ...

तपाईको छाला फुस्रो छ ? उपनाउनुस् यी ४ टिप्स

काठमाडौं । ब्युटिसियन एलिसा लेप्चा, जाडोमा अधिकांशको समस्या हुन्छ, छाला फुस्रो हुने । तुलनात्मक रूपमा सुक्खा छाला भएकालाई जाडोमा यो समस्याले झन् बढी सताउँछ । चिल्लो छाला हुनेलाई पनि नुहाएपछि छाला फुस्रो हुने खतरा निम्तिन सक्छ । त्यसो भए जाडोमा छाला फुस्रो हुनबाट कसरी जोगिने ? कस्ता कुरामा ध्यान दिन सके छालाको कोमलता र चिल्लोपन कायम राख्न सकिएला,  महिला र पुरुष दुवैलाई उपयोगी हुने चार आइटमबारे ब्युटिसियन एलिसा लेप्चाले जानकारी दिएकी छिन्ः

हनी प्याक
जाडोमा छालाका लागि हनी प्याक निकै उत्तम हुन्छ । मह छालाका लागि निकै नै उपयोगी चिज हो । मह र दहीको प्याक बनाएर लगाउँदा जाडोको छालालाई फाइदा गर्छ । प्याक लगाएर सुकेपछि नुहाउनाले छाला रुखो हुन दिँदैन । नुहाउनुअघि अर्थात् हप्तामा दुई–तीनपटक हनी प्याक प्रयोग गर्नु लाभदायी हुन्छ । तर, छाला धेरै नै आयली छ र धेरै फुस्रो हुँदैन भने हनी प्याक नलगाउँदा नै हुन्छ । यस्तो छालालाई नुहाएपछि हल्का मोस्चराइजर गरे पुग्छ ।

बदामको तेल
जाडोमा निम्तिने छालाको फुस्रोपनबाट टाढै रहन छालामा तेल अत्यावश्यक पर्छ । तर, जुन पायो त्यही तेल सकेसम्म प्रयोग नगर्नुहोला । बदामको तेल उपयुक्त हुन्छ । विकल्पमा जैतुनको तेल ९ओलिभ आयल० लगाउन पनि सक्नुहुन्छ । तेलका केही थोपा पानीमा मिसाएर नुहाउन पनि सक्नुहुन्छ या नुहाउनुअघि शरीरमा घस्न सक्नुहुन्छ ।

घ्युकुमारीरनीम
जाडोमा नुहाउँदा प्रयोग गरिने साबुनले पनि छालालाई थप फुस्रो बनाउन भूमिका खेल्छ । छालामा सकेसम्म साबुन प्रयोग नगर्नु नै राम्रो हुन्छ । अझ बास्नादार साबुन त रोज्दै नरोज्नुहोस् । यस्ता साबुनमा केमिकल हुने भएकाले छाला फुस्रो बनाउन भूमिका खेल्छ । छाला फुस्रो हुन नदिन घ्युकुमारी या नीम उपयुक्त हुन्छ । यिनलाई प्याकको रूपमा प्रयोग गर्न सक्नुहुन्छ । नुहाउँदा साबुन प्रयोग गर्ने नै भए पनि घ्युकुमारी र नीम रोज्नुहोला ।

मोस्चराइजर
छाला फुस्रो हुन नदिन मोस्चराइजर आवश्यक पर्छ । कपडाले नढाकिने तथा अनुहारको छालामा त दैनिक मोस्चराइजर गर्नैपर्छ । कपडाले ढाकिने शरीरको पूरै छालामा हप्तामा दुई–तीनपटक मोस्चराइजर गर्नु जरुरत हुन्छ । हरेकपटक नुहाएपछि मोस्चराइजर गर्न अल्छी गर्नुभयो भने छाला फुस्रो हुने जोखिममा पर्नुहुन्छ । शरीरमा फुस्रोपन देखिनेबित्तिकै जुनकुनै वेला पनि मोस्चराइजर प्रयोग गर्नुहोस् ।
Read more ...

सावधान ! एटीएमबाट पैसा चोरिएला

काठमाडौं । तपाईंको एटीएमबाट पैसा चोरी भएको त छैन रु एकपटक आफ्नो बैंक खातामा पैसा छ कि छैन चेक गरिहाल्नुस् । कतै अन्तर्राष्ट्रिय संगठित अपराधीले तपाईंको खातामा रहेको पैसा नक्कली एटीएमबाट निकालिसकेका पो छन् कि १ टर्की, बुल्गेरिया, रोमानियालगायत मुलुकका संगठित अपराधी अत्याधुनिक प्रविधि र उपकरण लिएर विभिन्न एटीएम बुथबाट पैसा निकाल्न सक्रिय भएको पाइएको छ ।

 नेपाली तथा विदेशी बैंकका ग्राहकको खाताबाट रकम निकाल्ने अन्तर्राष्ट्रिय संगठित गिरोह नेपालमा सक्रिय भएका छन् । विदेशी नागरिकका क्रियाकलाप निगरानी गर्न गृह मन्त्रालय उदासीन देखिइरहेका बेला त्यसको फाइदा उठाउँदै पर्यटक भिसामा नेपाल आएका विदेशी विभिन्न आपराधिक गतिविधिमा संलग्न हुँदै आएका छन् । नेपाल प्रहरीको केन्द्रीय अनुसन्धान ब्युरोले विभिन्न एटीएम बुथमा कार्ड स्किमिङ डिभाइस र हिडन क्यामरा प्रयोग गरी सर्वसाधारणको एटीएमको सूचना लिएर पैसा निकाल्न संलग्न भएका तीन रोमानियाली नागरिकलाई पक्राउ गरेको छ । ती रोमानियाली नागरिकले ठमेल, दरबारमार्गलगायत ठाउँका बुथबाट सर्वसाधारणको एटीएम दुरुपयोग गरी रकम निकालेको प्रहरी अनुसन्धानले देखाएको छ । नेपालमा झन्डै ३४ लाख एटीएम प्रयोगकर्ता छन् ।

ती संगठित अपराधीले विभिन्न एटीएम बुथमा हिडन क्यामरा र स्किमिङ डिभाइस राखेर दिनभरमा एटीएमबाट कारोबार गरेका सर्वसाधारणको पिन नम्बरलगायत विवरण लिने गरेका थिए । अत्याधुनिक प्रविधिको उक्त हिडन क्यामराले पिन नम्बर रेकर्ड गर्ने र स्किमिङ डिभाइसले एटीएमको अन्य विवरण रेकर्ड गर्ने गर्छ । उनीहरूले एटीएम बुथमा उक्त प्रविधि जोड्न र निकाल्नका लागि त्यसवरपर अस्वाभाविक ढंगले लामो समय बिताउने गरेको प्रहरी अनुसन्धानले देखाएको छ । 

त्यस्ता गिरोहमा संलग्न व्यक्ति एटीएम कार्ड छिराउने ‘कार्ड स्लटु मा विद्युतीय ‘कार्ड रिडिङ डिभाइसु जडान गरी बाहिर निस्कने र त्यसको निगरानी गर्न बुथवरपर बस्ने गर्छन् । प्रहरी नायव महानिरीक्षक ९डीआईजी० नवराज सिलवालले एटीएम प्रयोगकर्ताले सकेसम्म छिटोछिटो पिन नम्बर परिवर्तन गर्नुपर्ने बताए । उनले भने, ‘यसमा अन्तर्राष्ट्रिय संगठित अपराधी नै संलग्न भएको देखिन्छ । थप अनुसन्धान भइरहेको छ ।ु 
Read more ...

घेराबन्दीमा प्रधानमन्त्री प्रचण्ड, पक्षमा बोलिदिने आफ्नै कार्यकर्ता पनि भएनन्

काठमाडौं। आफ्नो नेतृत्वमा सकारका गठन भएको एक सय दिन नपुग्दै प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्ड चौतर्फी घेराबन्दीमा परेका छन् ।

आफ्नो सचिवालय, पार्टीका तर्फबाट मन्त्री भएका नेता, पार्टी नेता तथा कार्यकर्ता, सञ्चारजगत, सामाजिक सञ्जाल र विपक्षीबाट प्रधानमन्त्री प्रचण्ड घेराबन्दीमा परेका हुन् ।

उनको पक्षमा वकालत गरिदिनेको संख्या न्यून छ भने आलोचना गर्नेहरु अधिक देखिएको छ । लाभको पद पाउन प्रतिस्पर्धा गर्ने आफ्नै पार्टीका नेताकार्यकर्ता पनि प्रधानमन्त्री प्रचण्डका पक्षमा देखिएका छैनन् ।  ‘प्रधानमन्त्रीलाई असफल बनाउन पार्टीभित्र र बाहिरबाट घेराबन्दी गरिएजस्तो देखिएको छ,’ प्रधानमन्त्री दाहालका राजनीतिक सल्लाहकार चक्रपाणि खनालले भने,‘कोही योजनाबद्ध रुपमा लागेको छ भने पनि त्यसलाई सफल हुन दिइनेछैन ।’

परिवारका सदस्यलाई राजनीतिक नियुक्ति दिलाएको, अंगीकृत नागरिकलाई राष्ट्रध्यक्ष बनाउन प्रस्ताव अगाडि सारेको, हिन्दी भाषालाई राष्ट्रिय भाषा बनाउन खोजेको, भारत र चीसँग सन्तुलित सम्बन्ध कायम राख्न नसकेको, जनताका पक्षका देखिने गरी कुनै निर्णय  कार्यान्वयन गराउने नसकेको , कांग्रेससँगको गठबन्धन सुमधुर बनाउन नसकेको आरोप प्रधानमन्त्री प्रचण्डमाथि पार्टीभित्र र बाहिरबाट लागेको छ ।
Read more ...

७ भारतीय दूतावासको वेबसाइट ह्याक

काठमाडौं । युरोप तथा अफ्रिकाका विभिन्न देशमा रहेका सात भारतीय दूतावासको वेबसाइट ह्याक भएको छ ।

सोमबार ह्याकरले दूतावासहरुको साइट ह्याक गरेका हुन् । विदेश मन्त्रालयले समस्या समाधानको लागि प्रयास भइरहेको जनाएको छ ।

भारतीय दूतावासका वेबसाइट ह्याक गरिएको मध्ये रोमानिया पनि रहको छ । अन्य कुन कुन देशमा भारतीय दूतावासको वेबसाइट ह्याक गरिएका छन् भन्ने अझै खुल्न सकेको छैन ।

विदेश मन्त्रालयका प्रवक्ता विकास स्वरुपलाई नयाँ दिल्लीमा वेबसाइट ह्याक भएको बारे सोधिएको प्रश्नमा उनले समस्या बारे जानकार रहेको र समाधानको प्रयास भइरहेको बताए ।
Read more ...

तरकारीवालीु कुसुमलाई फिल्म खेल्न अफरै अफर

काठमाडौं । सामाजिक सञ्जालमा तरकारीवालीको नामबाट भाईरल बनेकी गोरखाकी कुसुम श्रेष्ठ पछिल्लो समयकी हटकेक हुन् । नेपाल मात्र नभई विश्वव्यापी रुपमा सोसियल नेटवर्क तथा मिडियामा छाएकी तरकारीवाली उर्फ कुसुमलाई अनेक क्षेत्रका व्याक्तिहरुले आफ्नो लाईनमा ल्याउन चाहना व्यक्त गरेका मात्र छैनन् सिधा अफर नै दिएका छन् । 

विभिन्न मिडियामा दिएका अन्तर्वार्तामा राम्रो प्रस्ताव आए मोडलिङ पनि गर्नसक्छु भनेर बोलेकी कुसुमलाई निर्देशक गोपालचन्द्र लामिछानेले आफ्नो फिल्म लम्फूुमा हिरोईन नै लिने घोषणा गरिसकेका छन् । दुई पक्षिय समझदारी समेत हुने चरणमा रहेको बताईन्छ ।

यहि बीचमा रिलिजको छेकोमा रहेको अर्थात आउँदो शुक्रबाट रिलिज हुने फिल्म जंगबहादुरको कोटु निर्माण टिमले पनि आफ्नो अर्को प्रोजेक्टमा कुसुमलाई लिने ईच्छा व्यक्त गरेको छ । निर्माता योगेन्द्र खड्काले सामाजिक सञ्जालमा स्टाटस लेख्दै आफुहरुले उनलाई नयाँ प्रोजेक्टमा अनुबन्ध गर्न चाहेको भन्दै सम्पर्कमा ल्याईदिन मिडियामाझ आग्रह गरेका छन् ।

यतिमात्र होईन अन्य निर्माता निर्देशक समेत आफ्ना आप्ना प्रोजेक्टमा तरकारीवालीुलाई अनुबन्ध गराउने चाहना पोख्दै हिँडेका छन् । त्यसो त कोहि कसैले चर्चा परिचर्चा पाउँदै गर्दा तातो तातो समयमै क्यासु गर्ने अनि सफलताको चाहना राख्नेहरु धेरै हुन्छन् । त्यसैले तरकारीवालीुलाई लिँदै गर्दा त्यो प्रकारको सफलता मिल्छ या मिल्दैन हेर्न बाँकी छ ।
Read more ...

दिल्लीमा शेरबहादुर देउवा के गर्दैछन् ?

काठमाडौं । भारतमा भ्रमणमा रहेका नेपाली कांग्रेसका सभापति शेरबहादुर देउवाले सोमबार उच्चस्तरीय राजनीतिक भेटवार्ता गरिरहेका छन् ।

इण्डिया फाउण्डेशनको कार्यक्रममा भाग लिन शुक्रबार दिल्ली हुँदै गोवा पुगेका उनले सोमबारबाट राजनीतिक भेटवार्ता गर्न लागेका हुन् । सोमबार अबेरसम्म हुन राजनीतिक भेटवार्तामा सभापति देउवाले यसअघि तीन दिनको भारत बसाईम विभिन्न कार्यक्रममा सहभागी भएका छन् ।

पूर्वप्रधानमन्त्री समेत रहेका सभापति देउवाले सोमबार भारतीय प्रधानमन्त्री नरेन्द्र मोदी, भारतीय जनता पार्टीका अध्यक्ष अमित साह, काँग्रेस आईका अध्यक्ष सोनिया गान्धीलगायत शीर्ष नेताहरुसँग उच्चस्तरीय भेटघाट गर्ने कार्यक्रम छ ।

सोमबार अबेरसम्म उच्चस्तरीय भेटवार्ता हुने भएपछि मंगलबार स्वदेश फर्कने तयारीमा रहेका देउवा गोवामा इण्डिया फाउण्डेशनले गरेको कार्यक्रम र जेएनयू विश्वविद्यालयमा आयोजित कार्यक्रममा मुख्य वक्ताका रुपमा सहभागी भएका थिए ।

सो क्रममा उनले नेपालको संविधान उत्कृष्ट रहेको र आवश्यक परेको खण्डमा संशोधन गर्न सकिने बताए । राजनीतिक दलहरुको सहमतिमा संविधान संशोधन गरेर असन्तुष्ट पक्षको माग सम्बोधन गर्न नेपाल सरकार तयार रहेको उनको भनाइ थियो ।


Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us