Saturday, 24 September 2016

सोलुखुम्बुमा हेलिकप्टर दुर्घटना, सबै यात्रु सकुशल

काठमाडौं । सोलुखुम्बुको जुभिङमा माउन्टेन एयरको हेलिकप्टर दुर्घटना भएको छ ।

इन्जिन फेल भएपछि आकष्मिक अवतरण गर्ने क्रममा विमान दुर्घटनामा परेको हो । दुर्घटनाबाट हेलिकप्टरको नोजमा क्षति पुगेको छ ।

सोलुखुम्बु प्रहरीले पाइलट र यात्रु सबै सकुशल रहेको जनाएको छ ।माउन्टेन एयरका अनुसार हेलिकप्टर लुक्लाबाट बिरामी लिन जुभिङ गएको थियो । र, काठमाडौं आउने योजना थियो तर, अवतरणका क्रममा केही समस्या देखिएको थियो । अहिले हेलिकप्टर बिरामी लिएर लुक्ला फर्किएको छ ।
Read more ...

हिन्दी सहित सबै राष्ट्रिय भाषा कामकाजी बनाउन मोर्चाको अडान

काठमाडौं । वर्तमान गठबन्धनसँग तीनबुँदे सहमति गरेर सरकारलाई समर्थन गरेको मधेसी मोर्चाले सबै राष्ट्रिय भाषालाई कामकाजी भाषा बनाउन प्रस्ताव गरेको छ । 

प्रधानमन्त्री प्रचण्ड, दुई उपप्रधानमन्त्री विमलेन्द्र निधि र कृष्णबहादुर महरासँग मोर्चाका नेताहरुको भएको पटकपटकको अनौपचारिक छलफलमा मोर्चाले यस्तो सर्त राखेको हो । मोर्चाले प्रदेशअनुसार बोल्ने भाषा फरक हुनसक्ने भन्दै केनै एउटा भाषा लाद्ने नभइ भाषामा राष्ट्र स्वतन्त्र हुनपर्ने तर्कसहित यस्तो सर्त अघि सारेको छ । 

‘हामीले हिन्दीमात्र कामकाजीको भाषा हुनुपर्छ भनेका होइनौं, नेपालमा बोलिने र राष्ट्रिय भाषा घोषणा गरेका सबै भाषा कामकाजी हुनुपर्छ भनेर प्रस्ताव गरेका हो’ छलफलमा सहभागी सद्भावना नेता मनीष सुमनले भने । 
Read more ...

मेस्सी विनै बार्सिलोनाको शानदार जित, गिजोनको पोष्ट पाँच गोल

काठमाडौं । लिओनल मेस्सी विनाको बार्सिलोनाले अन्तिम ९ मिनेटमा तीन गोल गर्दै स्पोर्टिङ गिजोनमाथि सहज जित हात पारेको छ ।

शनिबार भएको खेलमा बार्सिलोनाले नेयमारको दुई गोलका मदतमा १० खेलाडीमा सिमित स्पोर्टिङ गिजोनमाथि ५–० को जित हात पारेको हो ।

गिजोनको घरेलु मैदानमा भएको खेलमा बार्सिलोनाले २९ औं मिनेटमा लुइस स्वरेजको गोलबाट अग्रता लिएको थियो । त्यसको तीन मिनेटपछि नै राफिन्हाले गोल गर्दै अग्रता दोब्बर पारे ।

दोस्रो हाफको ७४ औं मिनेटमा गिजोनका लोराले दोहोरो पहेँलोसँगै रातो कार्ड पाए र घरेलु टोली १० खेलाडीमा सिमित भयो ।

बार्सिलोनाले यसको फाइदा उठायो । ८१ औं मिनेटमा नेयमारले गोल गरे भने ८५ औं मिनेटमा टुरानले खाता खोले । ८८ औं मिनेटमा नेयमारले दोस्रो गोल गरेपछि बार्सिलोना ५–० ले विजयी भएको छ ।
Read more ...

फिलिपिन्समा ६.५ म्याग्नीच्युडको शक्तिशाली भूकम्प गयो, क्षतिको विवरण आउन बाँकी

फिलिपिन्स । फिलिपिन्सको उत्तरी क्षेत्रमा शनिबार शक्तिशाली भूकम्प आएको छ । स्थानीय समयअनुसार बिहान ०६:५३ बजे ६.५ म्याग्नीच्युडको भूकम्प गएको अमेरिकी भूगर्भ अनुसन्धान केन्द्रले पुष्टी गरेको छ ।

भूकम्पबाट बच्न त्यस क्षेत्रमा रहेका मानिसलाई घरबाहिर खुल्ला ठाउँमा बस्न आह्वान गरिएको छ । अहिलेसम्म कुनै क्षति र घाइतेको विवरण आइसकेको छैन ।

यसैगरी रुवान्डामा पनि ४।८ म्याग्नीच्युडको भूकम्प गएको सो भूगर्भ अनुसन्धान केन्द्रले जनाएको छ ।
Read more ...

स्वास्थ्यमन्त्री गगन थापालाई मृत्यु कुरिरहेकी १९ वर्षे युवतीको पत्र

माननीय स्वास्थ्यमन्त्री
गगन थापाज्यू,
नमस्कार ।


जुन दिन मलाई भक्तपुर क्यान्सर अस्पतालले मृत्युको पुर्जा दिएर घरमै मृत्यु कुर्न भन्यो । त्यो दिन, मेरो यो १९ वर्षे कलिलो मन कस्तो भयो होला, हजुरलाई के भनुँ म । तर, म त्यसदिन खुब रोए । नरोएर के गरूँ । मेरो मुटु यति शोकाकुल र छियाँछियाँ भएको थियो कि त्यो कुरा शब्दमा कसरी लेखुँ म । वश, रूनेबाहेक मसँग उपाय थिएन । र, अहिले पनि छैन ।

हरेक मानिसलाई जस्तै ममा बाँच्ने, खेल्ने, रमाउने, घुम्ने अरू के–के रहर थियो । तर, जब हस्पिटलको मौखिक मृत्युको पुर्जी आयो । त्यसपछि म अबको पुगनपुग तीन महिना बाँच्छु अरे । यो कुराले हररात, हरदिन मुटु घोचेकोघोच्यै छ, धेरै म के पो बोल्न सक्छु र रु
माननीय मन्त्री, त्यो दिन वा मेरो मरणको दिन सम्झन्छु । साँच्ची त्यसदिन मेरा सारा आफन्त कसरी रोलान् । कति भक्कानिलान् । म कल्पनै गर्न सक्दिनँ । मुख्य कुरा आफूले खाइनखाई १९ वर्षसम्म हुर्काउने मेरा बाआमा कति रोलान् । उनीहरूलाई सम्झाउने मानिसले के भनेर सम्झाउलान् । म सोचिरहेकी छु ।

थाहा छ, म नेपालको कर्णाली भनिने जुम्ला जिल्लामा जन्मिएँ । हुर्के । जहाँ अनगिन्ती दुस्ख, अभाव छन् । जुन दुस्ख र अभावले मजस्ता नागरिक केही न केही रुपमा पिल्सीरहेका छन् । जस्तो कि, म जब क्यान्सर रोगी भएँ । त्यसपछि आफैंले अनुभव गरेँ, दुर्गम हर नागरिकका लागि कति पीडादायिक भुगोल रहेछ भनेर । अनि जब आफू बाँच्नका लागि हर मानिससँग आलापविलाप गर्न थाले । बुझेँ, मानिसका लागि दुर्गम शत्रु रहेछ भनेर । जेहोस्, मैले अनुभव गरेका कुरा सत्य छन् । र त, त्यही कुराको प्रेरणाले आज तपाईंलाई मेरो मृत्युबारे जानकार गराउन लागिरहेको छु । अनि यो पत्र सकिनसकि लेखिरहेकी छु । कृपया, मलाई माफ गर्नुस् है ।

मैले सानैदेखि तपाईंको बारे सुनेकी थिएँ । तपाईंको बारे पढेको छु । तपाईंजस्ता अरू पनि धेरै मानिस हुँदा हुन् यो देशमा । तर नचिने पनि तपार्इंलाई नजिकको जस्तो लाग्यो । सम्झेँ, तपार्इंले कुरो बुझ्नु हुन्छ मेरो । अनि यो चिठी लेखेको हुँ । खास तपाईंलाई पनि मेरो मृत्युको खबरबारे जानकारी गराएको हुँ यसै पत्रबाट ।

मलाई थाहा छ, म मर्न लागेको छु । सानो उमेरमा म मर्न लागेँ, त्यस कुराले म साह्रै दुस्खी छु । माननीय मन्त्रीज्यू, म पनि यही देशमा जन्मे । हुर्के । जहाँ तपाईं पनि जन्मनु भो र हुर्कनु भो । तर तपाईंलाई एउटा कुरा सोध्न मन छ । तपाईं बिरामी हुँदा वा बिरामी लगेर हस्पिटल जाँदा । हस्पिटलमा कति माया गर्छ रु कति सम्मान गर्छन् रु तपाईंलाई याद होला । अनुभव होला । तर मलाई त त्यस्तो कुराको अनुभवै भएन । यादै भएन । र, त हजुरलाई मेरो मृत्युको जानकारी दिइरहेकी छु ।

खासमा मैले धेरै दुस्ख पाएँ । आपत खेपे । पाएको दुस्ख सम्झिँदा लाग्छ, म यो देशको नागरिक हैन । मैले कति हो कति बेथितिहरू देखेँ । त्यो बेथितिको सिकार म पनि भएँ । र, सम्झेँ बेथितिहरूले मजस्ता अरू पनि दिनदिनै मरिरहेका होलान् । अनि मनमनै सम्झेर तपार्इंलाई जानकारी गराउन मन लाग्यो । चिठी लेखिरहेकी छु ।

हुन त, म एक दिन मर्ने नै छु । तर केही समय चाँडै मर्ने भएँ । यसैले म दुखि छु त भन्नै पर्‍यो । हो म दुस्खी छु । अनि म मर्नु पहिले तपार्इंलाई भेटेर केही कुरा गर्न चाहन्छु । खासमा हाम्रो देशमा लापरबाही किन हुन्छ रु बुझेर जान्न चाहन्छु । मर्न चाहन्छु ।

माननीय मन्त्रीज्यु । हुन त, म बाँचेर पनि देशको लागि के गर्न सक्थे होला र १ तर म मर्ने पक्का भएपछि कहीं न कतै देशको हो या आफ्नो खुब माया लागिरहेको छ । किन हो खै १ मैले देखेका बेथितिहरूप्रति मनमा धेरै घृणा छ । लाग्छ, म अब त केही दिनपछि मर्छु पनि होला । तर, मेरो उपचार गर्दा पाएको दुस्ख हजुरलाई सबै भन्न चाहन्छु न कि मजस्ता यो देशका नागरिकले मैले जसरी दुस्ख नपाउन् । पीडा नपाउन् । बेथितिको सिकारले मृत्यु नपाउन् ।

तपाईंलाई मेरा धेरै कुरा भन्नुछ । जुन कुरा चाहेर पनि यस पत्रमा लेख्न सक्दिनँ, भन्न सक्दिनँ । घाउ पनि दुखेर बढिरहेको छ । पीडाले मुटु कापिरहेको छ । म यो भन्दा बढी लेख्न सकिनँ । कृपया सक्नुहुन्छ भने म मर्नु पहिले हजुरसँग सबै कुरा भन्ने समय पाउँ । सक्नुहुन्न भने यो कामचाहिँ गरिदिनुहोला । देशका हर नागरिकलाई मृत्यु दिने बेथितिहरूको अन्त होस् । लापरबाहीले एक वर्षपछि मर्ने नागरिक एक वर्षअघि नमरोस् ।
नमस्कार ।

सन्ध्या शाही, जुम्ला
हाल स् काठमाडौं
Read more ...

‘पानी रोकिएपछि महेन्द्र मञ्जिललाई अप्ठ्यारो’

काठमाडौं ।  खानेपानीको पाइप लाइन काटिएपछि महेन्द्र मञ्जिलका लागि पानी व्यवस्थापन निकै खर्चिलो बन्न पुगेको छ । महसुल नतिरेको भन्दै तत्कालीन मुमाबडामहारानी रत्न शाहको निजी निवास महेन्द्र मञ्जिलमा खानेपानीको आपूर्ति आठ वर्षअघि काटिएको थियो।

खानेपानीको पाइप लाइन पुनः सुचारु गर्न महेन्द्र मञ्जिलमा कार्यरत कर्मचारीले निकै दौडधुप गरे पनि प्रयास सफल हुन सकेको छैन । तत्कालीन मुमाबडामहारानी रत्न, उनका सुसारे तथा सुरक्षाकर्मीका लागि महेन्द्र मञ्जिलमा दैनिक १२ हजार लिटर पानी खपत हुँदै आएको छ ।

खानेपानी पाइप लाइन काटिएकाले तत्कालीन राजा वीरेन्द्रका पालामा किनिएको ट्याङ्करले दैनिक दुईपटक महाङ्कालबाट पानी ओसार्ने गरेको छ ।

रत्न शाहको रेखदेखमा खटिएका दरबारका पूर्वसचिव शम्भुप्रसाद अधिकारीले भने, ‘काठमाडौँ उपत्यका खानेपानी लिमिटेडलाई एक पटकमा ८२० रुपियाँ बुझाउनुपर्छ ।  दुई ट्याङ्कर पानी दैनिक चाहिन्छ।’

‘यसरी पानी ओसार्दा निकै समस्या भएपछि नेपाल सरकारका मुख्य सचिवसम्मलाई गुहार्‍यौँ तर उहाँहरूबाट टाउको नदुखाउनुहोस् भन्ने जवाफ पायौँ”, उनले भने ।

महेन्द्र मञ्जिलका लागि पानी खरिदमा मासिक ५० हजार रुपियाँ खर्च हुँदै आएको छ भने ट्याङ्करको इन्धन र मर्मत खर्च अतिरिक्त लाग्दै आएको छ ।

ट्याङ्कर पुरानो भएकाले बिग्रिएर धेरै दुःख दिने गरेको गुनासो गर्दै उनले डिजेल पनि धेरै खपत हुने गरेको बताए।  तत्कालीन राजा वीरेन्द्र भएकै बेला नारायणहिटी दरबारमा खानेपानीको अभाव भएपछि इनार खन्नुपर्ने वा बोरिङ गर्नुपर्ने विषय त्यहाँका कर्मचारीले उठाएका थिए ।

तर, तत्कालीन राजा वीरेन्द्रले राजपरिवारमा इनार खन्ने चलन नभएको र बोरिङ गर्दा पानीको सतह घट्नसक्ने भएकाले पानी ओसार्नु नै उपयुक्त हुने भन्दै ट्याङ्कर किन्न आदेश दिएका थिए। सोही अनुसार २०५५ सालमा छ हजार लिटर क्षमताको पानी ट्याङ्कर किनिएको थियो।
Read more ...

Friday, 23 September 2016

यस वर्ष दसैँको टीकाको उत्तम साइत बिहान आठ बजेर ४५ मिनेटमा

काठमाडौं । नेपाल पञ्चांग निर्णायक समितिले यसवर्षको दसैँको टीकाको उत्तम साइत बिहान आठ बजेर ४५ मिनेटमा रहेको जनाएको छ।

बिहान ८ बजेर २५ मिनेटमा देवी विर्सजनको उत्तम साइत र ८ बजेर ४५ मिनेटमा टीकाको उत्तम साइत रहेको नेपाल पञ्चाङ निर्णायक समितिका अध्यक्ष प्राध्यापक रामचन्द्र गौतमले बताए।

उत्तम साइत पौने ९ बजे भनेपनि कोजाग्रत पूर्णिमाको दिनसम्म जतिबेला पनि टीका लगाउन सकिने उनले बताए। अरु ठाउँमा पूर्णिमासम्म टीका लगाइएपनि पश्चिम नेपालको धेरै ठाउँमा भने विजया दशमीको दिन मात्र टीका लगाउने चलन छ।

आउँदो १५ गते घटस्थापना सुरु भई २५ गते विजया दशमी र २९ गते कोजाग्रत पूर्णिमाका दिन यसवर्षको दसैँ सकिनेछ। 
Read more ...

यी हुन् ४३ हजार दुई सय पटक बलात्कार भएकी युवती

एजेन्सी । मानव तस्करीका लागि मेक्सिकोको अपराधिक संगठनहरु विश्वभर फैलिएको एक अध्ययनले देखाएको छ । मेक्सिको सरकारले अपराधिक संगठनलाई तह लगाउन नसक्दा यस्ता अपराधिक घटनाहरु धेरै हुने गरेको छ ।

एउटी युवतीले मेक्सिकोमा आफुमाथि भएको हिंसाबारे बोलेकी छिन् । उनी हुन् कार्ला जासिन्टो । उनलाई लाग्छ उनी ४३ हजार २ सय पटक बलात्कार भएकी छिन् । उनी भनिन ,‘प्रत्येक दिन ३० जना मानिसहरुले ४ वर्षसम्म मलाई बलात्कार गरीरहे।’

उनी १२ वर्षीकी हुदाँ एकजना मानिसले ललाईफकाई वलात्कार गरेको उनले बताए। उनी भन्छिन्,‘एकजना मानिस थियो,जसले मलाई गिफ्ट, पैसा, कारहरु दिनेगथ्र्यो ।’ उसको प्रलोभनमा परी उनी मेक्सिको सहर टलाक्सकलामा उसँगै गइन् । ‘त्यहाँ वेश्वावृतिका लागि काम गर्ने विभिन्न महिलाहरु लगिने ठाउँ रहेछ ।

तीन महिनासम्म उनी उक्त मानवतस्करसँग उक्त ठाउँमा बसिइन् । त्यसपछि उनलाई उक्त व्यक्तिले गुएडालाजारा, मेक्सिकोको ठुलो सहरमा लिएर गएको थियो । त्यसपछि उनीलाई बेश्याबृति गर्न बाध्य बनाइयो । उनी भन्छिन्,‘म विहान १० बजेबाट सुरु गर्थे र मध्येराति सकिन्थ्यो । उनलाई वेश्यावृतिमा लगाउन बाध्य बनाएका ती मानवतस्कर व्यक्तिले नराम्रोसँग कुटपिट गरेको उनले बताइन् । उनको घाटीमा लिपिस्टिको दाग देखेपछि उसले कुट्न सुरु गरेको थियो ।

अन्तर्राष्ट्रिय संस्था माइग्रेसनका अनुसार मेक्सिकोमा प्रत्येक वर्ष २० हजारको संख्यामा मानवतस्करी हुने बताएको छ ।अमेरिकामा पनि प्रत्येक १० जनामा पाँच जना मोस्ट वान्टेड मानव तस्करहरु टेनासिन्गोबाट रहेका छन् । त्यहाँको जनसँख्या ११ हजार रहेको छ । जासिन्टोलाई सन् २००६ मा उद्धार गरिएको थियो । उनको उमेर हाल २३ वर्ष रहेको छ । अब उनी मानव तस्कर विरोधी अभियानमा काम गर्दै आइरहेकी छिन् ।
Read more ...

मध्यरातमा रेडियो धादिङमा आतंककारी शैलीमा हमला

धादिङ । धादिङ जिल्लाको सदरमुकाम धादिङबेसीबाट प्रसारित रेडियो धादिङ १०६ मेघाहर्जको भवन मध्यरातमा डोजर लगाएर भत्काईएको छ । जिल्ला वन कार्यालयले धादिङले शुक्रबार बिहान ४ बजेर २० मिनेटमा दुई वटा डोजर लगाएर सामुदायिक रेडियो धादिङ १०६ मेघाहर्जको स्टेसन भत्काएको छ ।

स्टेसन भवन, उपकरणसँगै रेडियोमा बसेका चार कर्मचारीले आफ्नो लत्ताकपडा, मोबाइल, ल्यापटप पनि निकाल्न पाएनन् भने डिएफओ इमनाथ पौडेलबाटै उनीहरुमाथि अपशब्द, दुर्व्यवहार भयो । झन्डै एककरोड रुपैयाँ क्षतिसँगै एउटा स्वतन्त्र सञ्चारसंस्थाको अस्तित्व मटियामेट गराउने काममा धादिङको वन कार्यालय लागेपछि यतिखेर धादिङमा यसलाई राजनीतिक इगोको बदला लिइएको भनेर परिभाषित पनि गरिएको छ ।

जिल्ला वन कार्यालय धादिङकले सुरक्षाफौजको साथ लिएर मध्यरातमा रेडियो धादिङको भवनमा डोजर लगाएर भवन भत्काएको हो । जिल्ला वन प्रमुख इमनाथ पौडेलको नेतृत्वमा वन रक्षकहरु र ठूलो संख्यामा पुगेका प्रहरी टोलीले रेडियो भित्र सुतेका पत्रकारहरुलाई दुव्र्यवहार गर्दै लुगा समेत लगाउन नदिई बाहिर निकालेर रेडियोमाथि आक्रमण गरेको हो ।

राती ४ बजे ठूलो संख्यामा प्रहरीसहित दुईवटा डोजर लिई वन अधिकृत रेडियोको भवन पुगेका थिए । जिल्ला वन प्रमुख पौडेल शसस्त्र वन रक्षक सहित रेडियोभित्र प्रवेश गरी सुतिरहेका रेडियोकर्मीहरुलाई कपडा समेत लगाउन नदिई लछारपछार गर्दै बाहिर निकालेर रेडियोमा तोडफोड गर्न सुरु गरेको पिडित पत्रकारहरुले वताएका छन । रेडियो भित्र प्रवेश गरेका पौडेल आफैँले रेडियोकर्मीहरुलाई धम्की दिँदै पत्रकारहरु शंकर श्रेष्ठ, खेमबहादुर चेपाङ, सौगात लम्साल र प्राविधिक रोमबहादुर श्रेष्ठलाई हातपात गर्दै दुरव्यवहार गरेका थिए ।
Read more ...

प्रचण्ड सरकारलाई चीनले सोध्न थाल्यो-पहिलेका सम्झौता के हुन्छ ?

काठमाडौं । चीन सरकारले नेपालको विकासका लागि पूर्ववर्ती सरकारले गरेका सम्झौता कार्यान्वयन हुनुपर्ने विषयमा जोड दिएको पाइएको छ । नेपालका सरकारी टोलीले विभिन्न समयमा गरेको चीन भ्रमणमा गरेका दर्जनौ सम्झौताबारे नेपालले चासो नदेखाएकोमा चीनले दुःख व्यक्त गरेको छ ।

चीनका कार्यबाहक राजदूत हरिश्चनद्र घिमिरेले सरकारका प्रधानमन्त्रीदेखि विभिन्न उच्च तहका नेताको भ्रमणका क्रममा भएका सम्झौता कार्यान्वयन नभएकोमा चीनले चीन्ता व्यक्त गरेको जानकारी दिए ।

‘हरेक पटकको चीन भ्रमणका क्रममा उच्च टोलीसँग भेटघाट गर्दा पुरानो सम्झौता कार्यान्वयन गर्न आग्रह गरेका छन् । त्यस विषयमा सरकारलाई जानकारी गरिएको छ,’ उनले भने ।

हरेक उच्च तहको भ्रमणका क्रममा चीन सरकारले सोध्ने गरेको छ( पहिला गरेको सम्झौताको निरन्तरता केही भयो त रु तातोपानी नाका खुलाउने सम्बन्धमा नेपाल सरकारले चीन सरकारलाई पटकपटक आग्रह गर्ने गरेको जानकारी उनले भने, ‘नेपालको राजश्व संकलन हुने तेस्रो ठूलो नाका बन्द हुँदा नेपाल र चीन दुबैलाई ठूलो घाटा भइरहेको दुबैले बुझेका छन् । तर समस्य जस्ताको तस्तै देखिएको छ ।’

Read more ...

बालकको मृत्यु भएको स्वास्थ्य केन्द्रमा बियरका बोतल

चरिकोट । उपचारमा लापरबाहीका कारण बालकको मृत्यु भएको भन्दै विरोध भएको स्वास्थ्य केन्द्रमा बियरको बोतल भेटिएको छ । दोलखाको सदरमुकाम चरीकोटमा संचालनमा रहेको प्रस्तावित चरीकोट अस्पताल भवन भित्रै बियरको बोतल भेटिएको हो । अस्पतालमा बिरामी बालकको मृत्यु भएपछि मृतकका आफन्तले डाक्टर खोज्दा डाक्टरको कक्षमै बियरको बोतल भेटेका हुन् ।

न्याय हेल्थ नामक एक गैरसरकारी संस्थाले सञ्चालन गर्दै आएको प्राथमिक स्वास्थ्य केन्द्रमा उपचार गराइरहेका भीमेश्बर नगरपालिका १० घर भएका नबराज रिजालका साढे दुई बर्षे छोरा महादेव रिजालको शुक्रबार मृत्यु भएको थियो । 

रिजाललाई सामान्य झाडापखला देखिएर स्वास्थ्य केन्द्रमा उपचारमा लगिए पनि डाक्टरको चरम लापरबाहिका कारण बालकको मृत्यु भएको लक्ष्मी रिजालले बताइन् । उनले आफूले पटक–पटक डाक्टरलाई बिरामी जाँच गर्न आग्रह गर्दा पनि वेवास्था गरेको बताइन् ।

बालकको मृत्यु भएपछि अस्पताल क्षेत्र तनावग्रस्त बनेको थियो । आक्रोशीत भिडले डाक्टरको कक्षमै बियरका बोतल, चुरोटका बट्टा र ठुटा भेटेको डाक्टर मृतकका आफुन्त मोहन रिजालले जानकारी दिए ।

बालकको उपचारमा संलग्न डा। सुरेन्द्र खनालले मृतकका आफन्तसँग गल्ती स्वीकार गरेका छन् ।  डा। खनालले बियरका बोतल र चुरोटका सम्बन्धमा भने कुनै प्रतिक्रिया दिएनन् । अस्पताल प्रशासनले भने यस सम्बन्धमा अनुसन्धान गर्ने बताएको छ ।

अस्पतालको गतिविधि छानबिनका लागि जिल्ला प्रशासन कार्यालय दोलखाले पाँच सदस्यीय छानविन समिति गठन गरेको छ । समितिलाई एक सातामा रिपोर्ट बुझाउन समय दिइएको छ ।
सहायक प्रमुख जिल्ला अधिकारीको संयोजकत्वमा बनेको समितिको सदस्यमा डिएसपी रबिन कार्की, जिल्ला स्वास्थ्य कार्यलय दोलखाका प्रमुख राजेन्द्रप्रसाद शाह र जिल्ला अस्पताल जिरीका रोषन खत्री रहेका छन् ।
Read more ...

जहाँ बिवाह भएको तीन दिनसम्म दुलाहा दुलहीलाई शौचालय जान दिइन्न

एजेन्सी । इन्डोनेशियाको एउटा जातीमा अनौठो खालको परम्परा रहेको छ । उनीहरु बिवाह गरेका दुलाहा दुलहीलाई बिवाह पश्चात तीन दिनसम्म शौचालय जान दिँदैनन । इन्डोनेशियाको टिडान्ग जातीमा अहिलेसम्म पनि यो संस्कार व्याप्त रहेको छ । 

यदि विवाह गरेको दुलाहा दुलही तीन दिनभित्रै शौचालय गएमा उनीहरुको सम्वन्ध लामो समय टिक्दैन भन्ने मान्यताले जरो गाडेको छ । साथै यदि दुलाहा दुलहीले शौचालय प्रयोग गरेमा उनीहरुमा अरुको आँखा लाग्ने र उनीहरुको सम्वन्ध समेत लामो समय नटिक्ने जनविश्वास रहिआएको छ ।

त्यसैले उनीहरुले दुलाहा दुलहीलाई यस अवधिमा खानेकुरा समेत कम खुवाएर राख्ने गर्दछन् । 
Read more ...

टिकापुर घटनको पिडितको प्रश्न, गृहमन्त्रीज्यू, पति मैले गुमाएकी छु, छोराछोरी मेरा टुहुरा भएका छन्, मुद्धा तपाईले फिर्ता लिने ?

मधेसी । थारुको आन्दोलन शान्तिपूर्ण भनिएको थियो । सबै नेताले बारम्बार शान्तिपूर्ण भनेका थिए । शान्तिपूर्ण भनिएको आन्दोलनमा सुरक्षाकर्मीलाई लखेटी–लखेटी, भाला, बञ्चरो, खुकुरीले क्षतविक्षत बनाएर हत्या गर्नु राजनीतिक कार्य कदापी हुन सक्दैन । अहिलेका गृहमन्त्री विमलेन्द्र निधिले राजनीतिक घटना भन्नु भएछ । मेरो श्रीमान् नेपाल प्रहरीका निरीक्षक केशव बोहोरालगायतले हामीलाई छाडिदिनुस् भनेर हात उठाइसकेको अवस्थामा समेत पाशविक ढंगले बर्बरतापूर्वक हत्या गरियो । 

यस्तो बर्बरतापूर्वक हत्या गर्नेलाई राजनीतिको नाममा छुट दिने हो भने हत्या अभियोगमा जेल बसेकालाई पनि जेलमुक्त गर्नुपर्छ । मान्छे मार्दा पनि यो देशमा कानुन लाग्दैन भने बाँकी अपराधमा हुने सजाय पनि छुट दिनु पर्छ । राजनीतिको नाममा जघन्य अपराध गर्नेहरुलाई छुट दिन कसरी मिल्छ रु यो कहाँको न्याय हो रु

तराईमा आन्दोलन गर्ने कुनै नेताको कोही आफन्त मारिएका छैनन् । उनीहरु कसैले केही गुमाएका पनि छैनन् । गुमाएका हामीले छौं । हाम्रो त परिवार नै उजाड भएको छ । तर पनि हामीले सरकारसँग केही मागेका छैनौं । हामीले मागेको भनेको न्याय हो । जुन नमागि नै सरकारले दिनु पर्ने थियो । तर सरकार त उल्टै अपराधिलाई जोगाउन लागि परेको छ । टीकापुर घटनाका मुख्य अभियुक्तलाई प्रधानमन्त्रीले भेटेका छन् ।

गृहमन्त्री हत्यारालाई छुट दिनुपर्छ भन्दै हिँडेका छन् । त्यो घटनामा न प्रधानमन्त्री, न गृहमन्त्री न मधेसका नेताहरु कसैको कोही परेको छैन । उनीहरुलाई हाम्रो पीडा थाहा पनि छैन । महशुस गर्ने मन पनि छैन । उनीहरु त राजनीतिलाई बद्नाम गरिरहेका छन् । राजनीतिका नाममा अपराधीलाई उन्मुक्ति दिने प्रयास गरिरहेका छन् ।

मैले टीकापुर घटनामा संलग्न भएका मुख्य दोषी रेशमकुमार चौधरी हो । संलग्न भएका अन्यमा लाहुराम चौधरी, लक्ष्मण थारु लगायत छन् । सडक विभागको इञ्जिनियर भएर पनि धनीराम चौधरी खुलेआम हिँडिरहेको छ । धनिराम घटनाको मुख्य योजनाकार हो । घटनामा अन्य पनि संलग्न छन् । यीनीहरुलाई हदैसम्मको सजाय हुनुपर्छ भनेर मैले किटानी जाहेरी दिएकी छु । तर सरकारले आठ जना सुरक्षाकर्मीको हत्या गर्नेविरुद्धको मुद्धा फिर्ता लिने कुरा भइरहेको छ । जाहेरी दिने, अन्यायमा पर्ने हामी हौं । तर सरकारले आफूखुसीले एकलौटी ढंगबाट मुद्धा फिर्ता कसरी गर्दोरहेछ हामी पनि हेरिरहेका छौं ।

घटना भएपछि टीकापुर नै पुगेर छानविन भएको छ । त्यो छानविन आयोगको प्रतिवेदन अहिलेसम्म लुकाइएको छ । प्रतिवेदन सार्वजनिक गर्न पनि हामीले माग गरेका छौं ।

आन्दोलनमा हुलदंगा भयो भने, मान्छेले ढुंगा हानाहान गर्दा, भागदौडमा कुल्चिएर, एकातिर हान्दा अर्कोतिर लाग्दा वा अञ्जानवस भएको घटनालाई राजनीतिक रङ दिन पनि सकिएला । तर जानाजान बबरतापूर्ण ढंगबाट हत्या गर्नेहरुलाई कारबाही हुनुपर्छ भन्ने हाम्रो माग हो ।
Read more ...

Wednesday, 21 September 2016

बम पड्काउने मुख्य योजनाकार खाेज्दै प्रहरीकाे तीन टाेली

आश्विन ५, २०७३- नेपाल प्रहरीको प्रतिआतंकवाद गतिविधीको अनुसन्धान गर्ने विशेष ब्युरो, महानगरीय प्रहरी अपराध महाशाखा र काठमाडौं परिसरको टोली माओवादी कम्युनिस्ट केन्द्रका अध्यक्ष देवेन्द्रसिंह महतको खोजीमा खटिएको २४ घन्टा कटिसक्यो । तर टोली उनीसम्म पुग्न भने सफल भएको छैन ।

राजनीतिक मागको आवरणमा जबर्जस्ती पैसा उठाउन काठमाडौं उपत्यकाका ११ विद्यालयमा बम राखेर आतंक मच्याए पछि प्रहरी महतको खोजीमा कस्सिए पनि उनको सम्पर्कको जालो पहिल्याउन प्रहरीलाई हम्मेहम्मे परेको छ ।

सशस्त्र द्वन्द्वताका माओवादीका बटालियन सहायक कमान्डर रहेका उनी काठमाडौं बाहिर पुगिसकेको सूचना बाहेक थप प्रहरीले खुलाउन नसकेको अनुसन्धानमा संलग्न स्रोतले बतायो ।

तत्कालीन नेकपा माओवादी सशस्त्र द्वन्द्व छाडेर शान्तिपूर्ण राजनीतिमा आए लगत्तै २०६२ मा महत हतियारसहित भागेका, अनमिनको परिक्षणमा अयोग्य ठहरिएका माओवादी लडाकुलाई समेटेर पार्टी खोले पनि निर्वाचन आयोगमा दर्ता भने गरेका छैनन् ।
प्रहरी विवरण अनुसार उनले २०६२ बाटै राजनीतिक मागको आवरणमा विष्णु पौडेल, मिन देवकोटा, सुमन श्रेष्ठ, केशव दाहाल लगायतकालाई समेटेर आपराधिक घटना गराउँदै आएका छन् ।

मंगलबारको बम आतंक लगत्तै प्रहरीले सो समुहका शंकर लाखे र  चन्द्रबहादुर तामाङलाई पक्राउ गरेपछी घटनाको मुख्य योजनाकार महत रहेको र उनकै निर्देशनमा यी दुवैले विभिन्न स्कुलमा धम्क्याउँदै बम राखेको खुलेपछि प्रहरी टोली उनको खोजीमा खटिएको हो ।

महत प्रहरीका लागी नौला व्यक्ति भने होइनन् । महानगरीय प्रहरी परिसर काठमाडौंले नै उनलाई  २ वर्ष अगाडि पक्राउ परेर जबर्जस्ती चोरीमा मुद्दा चलाएको थियो । महत र दाहालसहित ४ जना २०७१ असार १ मा यार्चागुम्बा चोरीको घटनामा पक्राउ परेका थिए । त्यसपछि पनि महत सार्वजनिक नै थिए ।

२ महिना अगाडिसम्म उनले सरकारले आफ्नो माग पुरा नगरेको भन्दै काठमाडौंमा सार्वजनिक कार्यक्रमको आयोजना गरेका थिए । २०६९ र २०७१ मा सरकारी वार्ता टोलीसँगको वार्ता र जिल्ला प्रशासन कार्यालय मकवानपुरमा हतियार बुझाउन समेत महत नै संलग्न थिए ।

महानगरीय प्रहरी कार्यालयका प्रमुख एआइजी प्रतापसिंह थापाले मंगलबारको घटनाको मुख्य योजनाकार महत देखिएपछि खोजीका लागि विशेष प्रहरी टोली नै खटाइएको जानकारी दिए ।

पक्राउ परेकालाई संगठित अपराध
काठमाडौं परिसरका प्रमुख एसएसपी विक्रमसिंह थापाले मंगलबार पक्राउ परेका लाखे र तामाङलाई विष्फोटक पदार्थ र संगठित अपराधको अभियोगमा काठमाडौं जिल्ला अदालतबाट म्याद लिएर अनुसन्धान अगाडि बढाएको र महतलाई समेत सोही अभियोगमा खोजी भइरहेको जानकारी दिए ।

घटनामा महतसँगै संलग्न देखिएका अन्यको खोजी र पक्राउलाई उत्तिकै प्राथमिकता दिइएको बताउँदै एसएसपी थापाले भने, ‘प्रहरी खटिएका छन् । केही दिनमै उपलब्धीमुलक नतिजा आउँछ ।
Read more ...

भारत–पाकिस्तान युद्धको खतरा, युद्धको रणनीतिबारे मोदीलाई सेनाको ब्रिफिङ

नयाँ दिल्ली । भारत र पाकिस्तानबीच युद्धको खतरा बढेको छ । परमाणु शक्तिसम्पन्न दुबै मुलुकबीच पछिल्लो समय कश्मिर मुद्दाका बारेमा तनाव बढेको छ ।

भारत प्रशासित कश्मिरको उरीमा भएको आतंकवादी हमलापछि दुई मुलुकबीच तनाव बढेको हो । भारतका प्रधानमन्त्री नरेन्द्र मोदीले उरी हमलाको जवाफमा गरिने कारवाहीको रणनीति बनाउन ‘वार रुम’ मा उच्च सैन्य अधिकारीसँग झण्डै दुईघण्टा छलफल गरेका छन् ।

भारतीय रक्षा मन्त्रालय ‘साउथ ब्लक’स्थित वार रुममा मोदीलाई पाकिस्तानी सैन्य अखडाहरुको नक्सा देखाएर भारतीय सेनाका तर्फबाट गरिने कारवाहीको रुपरेखा चित्रित गरिएको बताइन्छ ।

मोदीले दुई दिनअघि वार रुपमा भारतीय सेनाका उच्च अधिकारीसहित, राष्ट्रिय सुरक्षा सल्लाहकार अजित डोभाल लगायतका अधिकारीहरुको राय र रणनीतिबारे छलफल गरेको बताइएको छ ।

भारत र पाकिस्तान परम्परागत रुपमा ‘शत्रु’ रहँदै आएका छन् । दुबै मुलुकबीच यसअघि पनि युद्ध भइसकेको छ ।

Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us