Thursday, 6 October 2016

भक्तपुरमा सवारी दुर्घटना, नारायणमान बिजुक्छेकी भाइबुहारीको निधन

भक्तपुरमा भएको सवारी दुर्घटनामा एक जनाको मृत्यु भएको छ भने अर्का एक घाइते भएका छन् ।

काठमाडौंबाट भक्तपुरतर्फ जाँदै गरेको बा.४ ख. ३०२० नं.को ट्रिपरले बा.३४ प. ६३१२ नम्बरको मोटरसाइकललाई ठक्कर दिदा ४९ की ईन्दिरा बिजुक्छेको मृत्यु भएको हो  ।

दुर्घटनामा घाइते भएकी उनको नागरिक अस्पतालमा उपचारका क्रममा निधन भएको प्रहरीले जनाएको छ ।

मोटरसाइकल चालक ५५ वर्षका राजामान बिजुक्छे घाईते  छन् । राजामान–इन्दिरा नेपाल मजदुर किसान पार्टीका नारायणमान विजुक्छेका भाइबुहारी हुन् ।

राजामानको खुट्टामा चोट लागेको छ भने उनको नागरिक अस्पतालमै उपचार भइरहेको छ  ।

दुर्घटनापछि चालक भागेका थिए । रामेछाप मन्थली न.पा.-९ घर भई हाल भकुन्डेवेशी काभ्रे बस्ने २५ बर्षीय शिवबहादुर भुजेललार्इ कोटेश्वरमा प्रहरीले नियन्त्रणमा लिएको छ ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us