Wednesday, 26 October 2016

हेटौंडाको नापी कार्यालयमा आगलागी : १९ घाइते

हेटौँडा । जिल्ला नापी कार्यालय मकवानपुरमा आगलागी भएको छ । दमकलको सहायतामा जनपथ, सशस्त्र प्रहरी, नेपाली सेना र सर्वसाधारणले  करिब दुई घण्टा लगाएर आगो नियन्त्रणमा लिएको मकवानपुर प्रहरी प्रमुख एसपी मीरा चौधरीले बताइन् । 

आगलागीमा परी कर्मचारी तथा सेवाग्राही गरी १९ जना घाइते भएका छन्। हेटौँडाको कान्तिराजपथस्थित भाडाको घरको दोस्रो तल्लामा रहेको कार्यालयमा आगलागी भएपछि आत्तिएर हाम फाल्ने अधिकांश घाइते भएका छन् । 

केही आगोको धुवामा निसास्सिएर घाइते भएको एसपी चौधरीले बताइन् । घाइतेको स्थानीय अस्पतालमा उपचार भइरहेको छ ।

कार्यालयको तल्लो तलामा रहेको होटलमा रहेको ग्याँस लिक भएर आगलागी भएको हुनसक्ने प्रहरीको अनुमान छ । 

आगलागीका कारण नापी कार्यालयका महत्वपूर्ण कागजातहरु जलेर नष्ट भएको प्रहरीले जनाएको छ । आगलागीबाट भएको क्षतिको विवरण आउँन बाँकी छ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us