Thursday, 6 October 2016

सर्वसाधारणले टिकट नपाएर घर जान नपाउदा ! मन्त्री भने लाखौं खर्चेर हेलिकोप्टरमा बाग्लुङ पुग्ने ?

काठमाडौं । सर्वसाधारणले दसैंमा घर जान टिकट नपाउँदा राज्यको उच्च तहमा रहेका एक मन्त्री भने लाखौं खर्चेर हेलिकोप्टरमा  बाग्लुङ पुगेका छन् । नेपाली कांग्रेसका नेता तथा सहरी विकासमन्त्री अर्जुनरसिंह केसी हेलिकोप्टर चढेर एक कार्यक्रमका निम्ति बाग्लुङ पुगेका हुन ।

बाग्लुङ उद्योग वाणिज्यका संघको कार्यक्रममा भाग लिन भन्दै मन्त्री केसी राज्यको कोषको लाखौं खर्ची हेलिकोप्टर चार्टर गरेर बाग्लुङ पुगेको समाचारमा जनाइएको छ ।

उद्योग वाणिज्य संघ गल्कोट इकाइको एउटा सामान्य कार्यक्रममा भाग लिन मन्त्री केसी हेलिकोप्टर नै चार्टर गरेर बाग्लुङ आएपछि मन्त्रीले मात्र होइन, आयोजकले पनि निकै ठूलो उपलब्धी ठानेको बताइन्छ ।

कार्यक्रम थियो– उबासंघ गल्कोट इकाइको दशैं महोत्सव । केसी सवार हेलिकोप्टर बुधबार दिउँसो साढे १२ बजे गल्कोट बहुमुखी क्याम्पसको चौरमा बसेको थियो ।

हेलिकोप्टरमा सरर आएका मन्त्री केसीले दशैं महोत्सवको उद्घाटन गर्दै बाग्लुङको विकासका लागि आफ्नो योजना सुनाउन थाले । उनले भने–‘गल्कोटलाई स्मार्ट सिटी बनाउने मेरो योजना छ ।’ केसीले यसो भनिरहँदा स्थानीयले सजिलै पत्याएनन् । कार्यक्रममा उपस्थित स्थानीयले ओठ लेप्राए ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us