Friday, 16 September 2016

मधेसी मोर्चाले प्रधानमन्त्रीलाई अमेरिका जानबाट रोक्ने

काठमाडौं । भारत भ्रमणबाट फर्किएलगत्तै अमेरिका भ्रमणमा जाने तयारीमा रहनुभएका प्रधानमन्त्री प्रचण्डलाई अमेरिका भ्रमणमा नजान संयुक्त लोकतान्त्रिक मधेसी मोर्चाले दवाव दिने भएको छ ।

असोज २ गत भारत भ्रमणबाट फर्किएलगत्तै मोर्चाले देशभित्रको समस्या समाधान गर्नका लागि अमेरिका भ्रमण स्थगित गर्न दवाव दिने भएको छ ।

भारत भ्रमणअघि नै संविधान संशोधनको प्रक्रिया अगाडि बढाउने आश्वासन दिएका प्रधानमन्त्री प्रचण्डले भारतबाट फर्किएलगत्तै प्रक्रिया अगाडि बढाउने आश्वासन दिएका थिए ।

भारत भ्रमणमा जानु अघिल्लो दिन बुधबार प्रधानमन्त्री प्रचण्डले प्रक्रिया अगाडि बढाउन केही प्राविधिक समस्या रहे पनि भारत भ्रमणबाट फर्किएलगत्तै प्रक्रिया अगाडि बढाउने प्रतिवद्धता जनाएका थिए ।

संविधान संशोधनको प्रक्रिया अगाडि बढाउने प्रतिवद्धताअनुसार अमेरिका भ्रमण स्थगित गर्न मोर्चाले माग गर्ने भएको हो ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us