Tuesday, 2 August 2016

एउटा अनौठो मेसिन, जसले पिसाबलाई बनाइदिन्छ खानेपानी

काठमाडौं । यो दुनियामा असम्भव भन्ने कुरा केही छैन । वैज्ञानिकहरुले यस्तो मेसिन बनाएकाछन् जसले मानिसको पिसाबलाई शुद्धिकरण गरेर पिउन लायक पानी बनाइदिन्छ । यो मेसिन सोलारपावरबाट चल्नेछ र विजुली नभएको ठाउँमा पनि काम गर्नेछ ।

साँच्चीकै पानीको अभाव भएको ठाउँमा यात्रा गर्दा यो मेसिन निकै उपयोगी हुनेछ । बेल्जियमको घेन्ट विश्वविद्यालयका शोधकर्ता सेबास्टियन डेरेसेका अनुसार यो मेसिनमा एक विशेष झिल्ली रेको छ जसले सरल प्रक्रियाबाट पिसाबलाई शुद्धिकरण गरी पिउन लायक पानी बनाइदिन्छ । यसले निकै कममात्र उर्जा खपत गर्दछ ।

यो मेसिनको एउटा ट्यांकीमा पिसाब जम्मा हुन्छ जसलाई सौर्यउर्जाबाट चल्ने ब्वाइलरमा उमालिन्छ । उमालिएको पिसाब एउटा विशेष झिल्लीमा छानिन्छ र पिसाबबाट पोटासियम, नाइट्रोजन र फोस्फोरस जस्ता तत्व निकालिन्छ ।

वैज्ञानिकहरुले उक्त विश्वविद्यालयमा आयोजित एक महोत्सवका क्रममा संकलन गरेको पिसाबबाट १० हजार लिटर पिउने पानी तयार गरे । अब उक्त पानीको प्रयोग बियर बनाउन गरिनेछ ।

शोधकर्ताका अनुसार यो मेसिनलाई खेल रंगशाला तथा विमानस्थलहरुमा राख्न सकिएमा निकै फाइदाजनक हुनेछ । साथै सुख्खाग्रस्त तथा सफा पानीको अभाव रहेका विकाशशील देशहरुमा पनि यो मेसिन निकै उपयोगी हुने बताइएको छ । तर आफ्नै पिसाबबाट बनेको पानी पिउन मानिसहरु कत्तिको राजी होलान् रु त्यो चाहीँ हेर्न बाँकी छ ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us