Sunday, 21 August 2016

धनकमाउन ६ वर्ष अघि मलेसिया गएका खिमप्रसाद परियार अझै बेपत्ता, सहयोगका लागि परिवारको प्रचण्ड सरकारसँग हारगुहार

रोल्पा । पैसा कमाउन मलेसिया पुगेका रांसीका खिमप्रसाद परियार ६ वर्षदेखि बेपत्ता छन् ।  मलेसियाको आर सेगरी होल्डिङ नामक कम्पनीमा काम गर्ने परियार १३ साउन ०६७ देखि बेपत्ता छन् । 

सो दिन बिहान ७ बजे साइकलबाट ड्युटी हिँडेका परियार फेरि नफर्किएको मलेसियाबाट खबर आएको उनका भाई भूपेन्द्रले बताए । 

कोठाबाट निस्किएको ३० मिनेट नबित्दै परियार चढेको साइकल सडक छेउमै भेटिएको, तर उनलाई नभेटेको भनी एक हप्तापछि घरमा खबर आएको भूपेन्द्रको भनाई छ । 

मलेसिया पुगेको चार वर्ष भइसकेकाले उनी घर आउने तयारीमा थिए । ३६ वर्षीय परियार हराएको ६ वर्ष बितिसक्दा पनि उनको परिवारले आधिकारिक जानकारी पाउन सकेको छैन भनी आजको नयाँ पत्रिकामा समाचार छापिएको छ । 

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us