मनाङ्गे विरुद्ध पछिल्लो पटक महानगरीय प्रहरी परिसर काठमाडौंमा आधा दर्जन उजुरी परेपछि प्रहरीले उनलाई पिछा गरेको थियो । ठमेल क्षेत्रका ब्यापारीलाई आफ्ना केटा प्रयोग गरेर धम्की दिनेगरेको र रकम असुल गर्ने गरेकोबारे उजुरी परेपछि मनाङ्गेलाई पक्राउ गर्न बिहीवार महानगरीय प्रहरी परिसरको विशेष टोली ज्याठा पुगेको थियो ।
प्रहरी स्रोतका अनुसार धम्क्याएर असुल गरेको ५० हजार प्रहरीले उनको साथबाट बरामद गरेको छ ।विहिवार साँझ ठमेलबाट दीपक मनाङ्गे संगठित अपराधको आरोपमा पक्राउ परेका हुन् | प्रहरीको विशेष टोलीले धम्क्याएर असुल गरेको रकम सहित पक्राउ गरेको थियो । मनाङ्गेले ठमेल क्षेत्रलाई केन्द्रविन्दु बनाएर गुण्डागर्दी गर्दै आइरहेका छन् |
