Sunday, 10 July 2016

बजार अनुगमनलाई निरन्तरता दिदै सरकार , अनुगमन टोली देखेपछि व्यवसायीको भागाभाग

काठमाडौं । फलफुल र मासु पछि अव सरकारले औषधी पसल तिर अनुगमन थालेको छ । सरकारी अनुगमन टोली आइतबार क्षेत्रपाटीमा पुगेपछि सो क्षेत्रका औषधि व्यवसायीमा भागाभाग भएको छ । औषधि व्यवसायीहरुले धमाधम सटर बन्द गरेर हिँडेका छन् ।


आपूर्ति मन्त्रालय, आपूर्ति विभाग, वाणिज्य विभाग, औषधि व्यवस्था विभाग र जिल्ला प्रशासन कार्यालय काठमाडौंको संयुक्त टोलीले आइतबार क्षेत्रपाटी क्षेत्रका औषधि पसलहरुमा अनुगमन गरेको छ ।

 रितेश, इखा लगायत अधिकांश मेडिकल पसल धनीहरु अनुगमन टोलीलाई देख्नेवित्तिकै सटर बन्द गरेर भागेका थिए ।  बन्द गरी अनुगमनमा असहयोग गर्ने पसलहरुमा शिलबन्दी गरेर कारबाही अघि बढाउने अनुगमन टोलीले चेतावनी दिएको छ ।

यसअघि अनुगमन टोलीले बालाजु र टोखा क्षेत्रका तीन वटा औषधि पसलहरुमा शिलबन्दी गरेको थियो ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us