Wednesday, 6 April 2016

झण्डावाला गाडी रोकेर भरियालाई बाटो कटाउने मनकारी उनी मन्त्री…..

त्यसै त राजधानीको अस्तव्यस्त ट्राफिक अवस्था ।  त्यसमा पनि पैदल यात्रु र सामान्य नागरिकहरुका लागि सडकको यात्रा कष्टप्रद नै छ । धेरै समय कुरेका थिए एक जना भरियाले  पुतलीसडकको ब्यस्त बाटो छिचोल्न खोज्दा । सबैलाई हतारो हुने यो सहरमा कस्लाई पो फुर्सद अरुका बारेमा सोच्ने ?
जब झण्डावाला गाडी रोकियो ती भरियाले बाटो पाए ।
सधै जसो  मंगलबार विहान पनि  मानिसहरु आ-आफ्नो कार्यालयसम्म पुग्न हतारोमा हुँदा  सञ्चारमन्त्री शेरधन राई गल्फूटारस्थित आफ्नो निवासबाट सिंहदरबार मन्त्रालय तर्फ  लाग्दै थिए ।
दोहोरीलत्त सवारीले वास्ता नगरेको सडक छेवैको दृश्यमा मन्त्री राईको दृष्टि पुग्यो ।  हुँइकिएको झण्डावाला गाडी एक्कासी बीच सडकमै रोकियो  अनि मन्त्रीको इसारा पाएका भरी  सिलिण्डर ग्यास  बोकेका बृद्ध भरियाले सडक पारे गरे ।
शीर भारीले थिचिएका भरियाले मन्त्रीलाई त देख्न पाएनन् तर हात हल्लाउँदै छचल्किएको उनको खुसी ।
सडकको अधिकार सर्वसाधरण जनतालाई दिलाउन मन्त्री राईको सिको अरु भीभीआइपीहरुले पनि गरे कति सुन्दर देखिन्थ्यो होला देश !

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us