Sunday, 13 March 2016

एमाओवादी सांसद् ल्हारक्याल लामालाई पाँच दिन थुनामा राख्न अदालतको अनुमति

बैंकको  लकरमा १४ वटा गोली भेटिएपछि पक्राउ परेका एमाओवादी सांसद् ल्हारक्याल लामालाई पाँच दिन थुनामा राख्न अदालतले अनुमति दिएको छ ।

काठमाडौं जिल्ला अदालतले अनुसन्धानका लागि पाँच दिन थुनामा राख्न आइतबार अनुमति दिएको हो ।

अकुत सम्पित आर्जनमा अनुसन्धान गरिरहेका लामाको दरबारमार्गस्थित इन्भेस्टमेन्ट बैंकको लकरमा १४ वटा गोली भेटिएपछि अख्तियारले प्रहरीलाई बुझाएको हो ।


लामालाई महानगरिय प्रहरी परिसर टेकुमा बुझाइएको थियो । उनीमाथि हातहतियार तथा खरखजाना ऐन अन्तर्गत अनुसन्धान सुरु गरिएको परिसर प्रमुख एसएसपी विक्रमसिंह थापाले बताउनुभयो  ।

लामाको अन्य बैंकमा पनि लकर रहेको र ती लकरको समेत अनुसन्धान भइरहेको थापाले बताउनुभयो । 

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us