Wednesday, 9 March 2016

आइफोनका लागि १८ दिनकी छोरीलाई नै बेचे यिनले

 चीनका एक दम्पत्तीले आइफोन र मोटरसाइकल किन्नका लागि आफ्नो १८ दिनकी छोरीलाई बेचेका छन् ।

चिनियाँ अखबार पिपुल्स डेलीका अनुसार फुजियानका ए डुआन र जिओमेईलाई १८ महिनाको छोरी बेचेको आरोपमा तीन वर्षको जेल सजाय तोकिएको छ ।

डुआन र जिओमेई सन् २०१३ देखि नै आपसमा प्रेम गर्दै आएका थिए । विवाहका लागि उमेर नपुगेका कारण उनीहरुले आफ्नो विवाहसमेत पञ्जीकृत गराएका थिएनन् ।

उनीहरुले सन् २०१४ मा छोरीलाई जन्म दिएका थिए । तर रोजगारको अभावका कारण आर्थिक अवस्था नाजुक भएपछि उनीहरुले छोरीलाई नै बेच्ने निधो गरेका थिए ।

उनीहरुले २३ हजार युआनमा आफ्नी छोरीलाई बेचेको बताइन्छ । उक्त रकमले एउटा आइफोन र मोटरसाइकल गरिद गर्ने योजना बनाइरहँदा उनीहरु पक्राउ परेका थिए । झण्डै दुई वर्ष लामो कानुनी प्रक्रियापछि उनीहरुलाई हालै तीन वर्षको जेल सजाय तोकिएको छ ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us