Saturday, 5 March 2016

उत्तर कोरियाका ३१ वटा कार्गो फिलिपिन्सको नियन्त्रणमा

संयुक्त राष्ट्रसंघ तथा युरोपेली युनियनको कडा आर्थिक प्रतिबन्धमा परेको उत्तर कोरियाका ३१ वटा मालबाहक पानी जहाज फिलिपिन्सले नियन्त्रणमा लिएको छ ।

राष्ट्रसंघ सुरक्षा परिषदको गत बुधबारको बैठकले उत्तर कोरियामाथि थप प्रतिबन्ध लगाउने सर्वसम्मतीले पारीत गरे लगत्तै फिलिपिन्स बन्दरगाहमा ती जहाज नियन्त्रणमा लिइएको हो ।

नियन्त्रित जहाज तथा तिनका सञ्चालकलाई राष्ट्रसंघका प्रतिनिधीले निरिक्षण गरेपछि मात्रै मुक्त गरिने फिलिपिन्सको विदेश मन्त्रालयले जनाएको छ ।

उत्तर कोरियाले राष्ट्रसंघको नियम उलंघन गरेकाले बन्दगाहबाट ती जहाज छाड्न नमिल्ने मन्त्रालयको भनाई छ ।

पछिल्लो समय उत्तर कोरियाले परमाणु काम काराहीमा गरेको बृद्धि तथा क्षेपयास्त्रको परिक्षणका कारण अन्तर्राष्ट्रिय समुदायबाट कडा प्रतिबन्ध खेपिरहेको छ । 

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us