Thursday, 3 March 2016

मेसीको ह्याट्रिक, बार्सिलोनाले तोड्यो रियल मड्रिडको रेकर्ड

लियोनेल मेसीले ह्याट्रिक गरेपछि स्पेनिस ला लिगा अन्तरगत रोयो भालेकानोविरुद्धको खेलमा बार्सिलोनाले ५–१ को फराकिलो जित निकालेको छ ।
 रोयो भालेकानोको मैदानमा भएको खेलमा मेसीको ह्याट्रिकसँगै बार्सिलोनाले रियल मड्रिडको ३४ खेलमा अपराजित रहेको २७ वर्ष पुरानो रेकर्ड पनि तोडेको छ ।

बार्सिलोनाले भालेकानोलाई फराकिलो अन्तरले हराउने क्रममा मेसीले २३, ५३ र ७२ औं मिनेटमा ह्याट्रि पुरा गरे
बार्सिलोनालाई जिताउने क्रममा खाता भने खेलको २२ औं मिनेटमा इभान राकिटेकले गोल गरे । अर्को गोल आर्डा टारुनले गरे । भालेकानोका लागि एकमात्र गोल मान्युचोले गरेका थिए ।

यो जितपछि २७ खेलबाट ६९ अंकसहित बार्सिलोना लिगको शीर्ष स्थानमा रहेको छ । उसँगै २७ खेल नै खेलेको एट्लेटिको मड्रिड ६१ अंकसहित लिगको दोस्रो स्थानमा रहेको छ ।

उपाधिको अर्को दाबेदार रियल मड्रिड भने २७ खेलबाटै ५७ अंकसहित लिगको तेस्रो स्थानमा छ । ऊ उपाधि दौडमा बार्सा भन्दा १२ अंकले पछि परेको छ ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us