Wednesday, 24 February 2016

श्रीमान पनि गुमाएकी गीता राउतलाई जहाज दुर्घटनासंगै एक्ली छोरी रमाले पनि छोडेर गइन


काठमाडौं । आज बिहान पोखराबाट जोमसोम उडेको तारा एयरको जहाज म्याग्दीमा दुर्घटना  भयो । सो जहाजमा दुर्घटना हुँदा चालक दलका ३ सदस्यसहित २३ यात्रुको मृत्यु भएको छ।
 चालक दलमा पाइलट रोशन मानन्धर, को–पाइलट दिकेश नेमकुल र एयर होस्टेज रमा राउत थिए।

 तीन वर्षदेखि तारा एयरमा एयर होस्टेजका रूपमा कार्यरत २६ वर्षे  रमा काठमाडौं कुलेश्वरकी हुन ।

उनकी ५० वर्षीया आमा गीताले आफ्ना श्रीमान वा रमाका बाबुलाई गुमाइसकेकी छन् ।  साथमा रहेकी एउटी छोरी पनि जहाज दुर्घटनासंगै गुमाउनु पर्दा बेहोस भएकी छन् ।

रमाका एक दाजु र एक भाइ पनि  छन्। रमाले आमा गीतलाई जोमसोम जाने खबर सुनाएकी थिइन । आज विहान विमान दुर्घटनाको खबर पाएपछि आमा बेहोस जस्तै बनेर बसेकी छन् ।  रमा गत सोमबार काठमाडौंबाट पोखरा गएकी थिइन्।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us