Sunday, 8 November 2015

मदन भण्डारीको जस्तै प्रचण्डको हत्या हुन सक्ने

एमाओवादी अध्यक्ष प्रचण्ड भारतबाट आफू असुरक्षित भएको महसुस गर्न थालेका छन् ।उनले आफू निकटस्थाहरुसंग मदन भण्डारीका उदाहरण दिंदै आफ्नो हत्या हुन सक्ने आशंका व्यक्त गरेका छन् । पछिल्लोपटक भारतले जेनेभामा नेपालमा सल्टिसकेको द्धन्द्धको मुद्दा ब्यूत्याउन खोज्नुलाई पनि प्रचण्डको सो आशंकासँग जोडेर हेरिएको छ ।

 यता मोहन वैद्य र रामबहादुर थापा बादल पनि भारतीय फोल्डमा पुगिसकेको निष्कर्षमा प्रचण्ड पुग्न थालेका छन् । उनले पछिल्लो समय वैद्य र बादलको भूमिकालाई सन्देहास्पद भन्दै उनीहरु भारतको फोल्डमा गइसकेको निष्कर्ष निकालेका हुन् ।

केही वर्ष अघिको धोवीघाट गठबन्धनलाई सम्झिंदै प्रचण्ड निकटहरु त्यो गठबन्धन त्यत्तिकै बनको थिएन भन्ने निष्कर्षमा पुगेका हुन् । ‘धोविघाट त्यसै आवेगमा भएको होइन र अहिले भारतको हस्तक्षेपमा पनि सो पार्टी सुत्नुले त्यही कुरा प्रमाणित भएको छ ।’ प्रचण्ड निकट स्रोतले जनाएको छ।

 किरण, बाबुराम, बादल र विप्लवको बीचमा छिट्टै भारले एकता गराइदिने चिन्ता प्रचण्डले आफ्न निकटसँग गर्ने गरेका छन् । राष्ट्रवादका कभरमा रहेका किरण र बादल अहिले मौन छन् । ढिलो चाँडो यिनीहरु ओली नेतृत्वको विरोध गर्ने नाममा बाबुरामसँगै भारतको खुल्ला एजेण्डामा हिड्ने प्रचण्डको दावी छ । अहिले संसद विघटन गर्नुपर्ने मोहन वैद्यको मागले त्यही संकेत गरेको प्रचण्ड निकट स्रोतले जनाएको छ । आजको साँघु साप्ताहिकमा खबर छ ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us