Saturday, 28 November 2015

पुलमुनि सिलिन्डर बम फेला, पुल उडाउने उद्देश्यले राखिएको आशंका


सप्तरी, १३ मङ्सिर । पूर्वपश्चिम राजमार्गअन्र्तगत पोर्ताहा र बरमझियाका बीचमा पर्ने मोहली पुलमुनि अज्ञात समूहले राखेको दुई शक्तिशाली सिलिन्डर बम आज बिहान फेला परेको छ ।
राजमार्गमै पर्ने सो पक्की पुल ध्वस्त पार्ने उद्देश्यले राखिएको सो बमलाई निष्क्रिय पार्न राजविराजस्थित कृष्ण दलगढबाट नेपाली सेनाको बम निष्क्रिय टोली घटनास्थल पठाइएको जिल्ला प्रहरी कर्यालयका प्रहरी नायब उपरीक्षक नारायण चिमरियाले जानकारी दिनुभयो ।
घटनास्थलदेखि ५०० मि नजिकमा सशस्त्र प्रहरी बल दन्तकाली गण रहेको छ । अहिले राजमार्गमा चल्ने यातायात र सर्वसाधारणलाई रोक लगाइएको छ । ग्यासका दुई सिलिन्डरलाई बोरामा राखी मट्टितेल छर्केर २५ मि डोरीमा आगो लगाई पुल भत्काउने उद्देश्यले राखिएको प्रहरीले जनाएको छ । सिलिन्डर बम कसले राखेको भन्ने बारेमा अहिलेसम्म केही खुल्न सकेको छैन । रासस

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us