Thursday, 5 November 2015

नेपाल चीनबीच ११ वुँदे सहमतिमा हस्ताक्षर हुँदै

कार्तिक १९, काठमाडौं । नेपाल र चीनबीच विभिन्न नाकाको व्यापारिक मार्गमा सहजता, नेपाली बस्तुमा भन्सार छुट दिने चिनियाँ निर्णयको कार्यान्वय लगायत ११ वँुदे सहमतिमा आज औपचारिक हस्ताक्षर हँुदैछ । दुई मुलुकका भन्सार अधिकारीबीच मंगलबार शुरु २८ औं उच्च स्तरीय बार्तामा तातोपानी र केरुङ नाका बाहेक मुस्ताङ, हुम्लाको यारिङ, संखुवासभाको किमाथाङका, ताप्लेजुङको ओलाङचुङगोला, गोरखाको लार्के, दोलखाको लामाबगर, र मुगु नाकामा ब्यापारिक मार्ग सहज बनाउने सहमति भएको थियो ।

चीनले विभिन्न नेपाली बस्तुलाई भन्सारमा दिदै आएको छुट कार्यान्यन गर्ने विषयमा पनि आज लिखित सहमति हुने बार्ता टोलीका सदस्य एवं भन्सार बिभागका प्रवक्ता सूर्य सेढाँईले जानकारी दिनुभयो । अहिले संचालननमा रहेको रसुवाको केरुङ नाकाको स्तरोन्नती, सडक मर्मत पछि तातोपानी नाकापनि छिट्टै सञ्चालनमा ल्याउने विषयमा पनि सहमति भएको छ । यस्तै रुसुवागढी केरुङनाकालाई अन्तराष्ट्रिय स्तरको बनाउने दुई मुलुकबीच सहमति भएको सेढाँईले बताउनुभयो । राजधानीको एक होटलमा अपरान्ह ५ वजे हुने सहमतिपत्रमा भन्सार विभागका उपमहानिर्देशक तथा नेपाली बार्ताटोली संयोजक दामोदर रेग्मी र ल्हासा भन्सारका उपमहानिर्देशक लोङ चुङ वोईले हस्ताक्षर गर्नुहुनेछ ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us