Friday, 30 October 2015

भारतीय राजदूत रेले राष्ट्रपतिकै अगाडि पदीय मर्यादा नाघे, सुरक्षाकर्मीले बाहिर पठायो

राष्ट्रपति विद्यादेवी भण्डारीले सपथ लिएको दिन विहीबार राष्ट्रपति भवन शीतल निवासमा गज्जबको दृश्य देखियो । एकातिर नेपालमा अघोषित नाकाबन्दी गरी संविधान संशोधन गर्न दबाब दिएरहेको भारतले अर्काेतिर भारतीय अधिकारीहरु आफ्नो पदीय मर्यादा समेत नाघ्न थालेका छन् । हो यस्तै दृश्य देखियो शीतल निवासमा । नवनिर्वाचित राष्ट्रपति भण्डारीको सपथ ग्रहण सकिएपछि निर्वतमान राष्ट्रपति रामवरण यादवको विदाइ कार्यक्रम चलिरहेको थियो । त्यहाँ नेपालस्थित विभिन्न देशका राजदूत पनि उपस्थित थिए । नेपालका लागि भारतीय राजदूत रन्जित रे पनि सहभागी भएका थिए । सुरुमा राष्ट्रपति भण्डारीसामू परिचय गर्दा पनि मर्यादाको ख्याल नगरेका रे ले निवर्तमान राष्ट्रपति यादवको विदाईका लागि शीतल निवासको प्रभास हलमा भएको समारोहमा भित्र पस्न खोज्दा पनि सीमा नाघे । भारतीय राजदूत रे लाई मुल प्रवेशद्धाराबाट बाहिर पठाउँदै सुरक्षाकर्मीहरु भारतीय राजदूत रे लाई मुल प्रवेशद्धाराबाट बाहिर पठाउँदै सुरक्षाकर्मीहरु साँझ भएको यादवको विदाई समारोहमा जानुअघि भवनको मूल प्रवेशद्वारमा रेले नेपालका प्रधानसेनापति राजेन्द्र क्षेत्रीसँग कुराकानी गरेका थिए । त्यसपछि उनी मर्यादाका पुरै सीमा नाघेर मूल प्रवेशद्वारबाटै भित्र पस्न खोजे । तर, त्यहाँ खटिएका नेपाली सेनाका अधिकारीले नै उनलाई रोके । र बाहिर पठाएर अर्को प्रवेशद्धाराबाट भित्र पस्न आग्रह गरे । यसरी नेपालका राष्ट्रपतिको अपमान हुनेगरी भित्र प्रवेश गर्न खोज्ने राजदूत रे लाई नेपाली सुरक्षाकर्मीले उल्टै अपमान गरेका थिए ।source:dainiknepal

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us