Saturday, 24 October 2015

भारतीय राजदूतले रोक्न खोजे पनि रक्सौल रोकिएका ५० ग्याँस–बुलेटलाई रिरुट गरी ल्याउन स्वीकृति

रक्सौल नाकामा थन्किएका ५० ग्याँस–बुलेटलाई सुनौली नाकाबाट भित्र्याउन प्रक्रिया सुरु कार्तिक ७, गत सेप्टेम्वर २२ यता भारतको रक्सौल नाकामा थन्किएका ग्याँस–बुलेटमध्ये ५० वटालाई मार्ग परिवर्तन गर्दै सुनौली नाकाबाट पठाउन प्रक्रिया सुरु भएको छ ।
नेपाल आयल निगमका कार्यकारी निर्देशक गोपालबहादुर खड्काका अनुसार बिहारको बरौनीस्थित ग्याँस रिफिलिङ सेन्टरबाट मार्ग परिवर्तनको अनुमती अगाडी बढेकाले सोमबारदेखि रक्सौल नाकामा रहेका ग्याँस–बुलेट सुनौली नाकातर्फ लगिने भएको छ । यसरी नाका परिवर्तन गर्दा झण्डै २ सय ५० किलोमिटर लामो दुरी पार गरेर मात्रै ग्याँस–बुलेट नेपाल भित्रिन सक्नेछन् । सम्भवत तिहार अगाडी काठमाडौंको आवश्यकताअनुसार कोटामा ग्याँस आपुर्ती गर्न सकिने आयल निगमका एक अधिकारीले बताए । रक्सौल नाकामा एक महिनायता अड्किएका २ सय ५६ वटा ग्याँस–बुलेटलाई क्रमश नाका परिवर्तन गर्दै लैजान दिल्ली केन्द्रको सरकारले समेत सहजीकरण गरिदिएको ती अधिकारीले बताए ।
 सिमावर्ती नाकाहरुमा सुरु भएको बाधा÷अवरोधका कारण रक्सौल नाकामा थन्किएका ग्याँस–बुलेटलाई नाका परिवर्तन गरेर लैजान फेरि कागजात हेरफेर गर्नुपर्ने भएकाले यो जिम्मेवारीमा बीरगंजस्थित नेपाल आयल निगमका प्रबन्धक अशोक शाहलाई खटाइएको छ ।
पारवहन प्रकृया सहज गराउन निगमका कार्यकारी निर्देशक गोपालबहादुर खड्का र निर्देशक मुकुन्दप्रसाद घिमिरेले मुम्बइस्थित मुख्यालयबाट दिल्ली आएका नेपालसँगको ब्यापारिक मामला हेर्ने एसएस बोससँग भेटवार्ता गरेपछि मार्ग परिवर्तनको सहमती बनेको थियो ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us