Thursday, 22 October 2015

राष्ट्रपतिलाई मुलपुजारीबाट टीका प्रदान

कात्तिक ५, काठमाडौं । 
राष्ट्रपति रामवरण यादवले राष्ट्रपति भवन शीतल निवासमा आज विहान १०:५५ बजेको शुभसाइतमा हनुमानढोका दसैंघरका मूल पुजारी देवराज अर्याल र पण्डित शङ्करप्रसाद सिग्देलबाट विजया दशमीको टीका लगाउनुभयो । राष्ट्रपतिलाई पुजारीहरूले शास्त्रोक्त विधिपूर्वक अभिषेक गर्दै जमरा र नवदुर्गाको प्रसाद प्रदान गर्नुभयो ।  
साथै, राष्ट्रपतिले पनि आफ्नो परिवारका सदस्यका साथै प्रधानमन्त्री केपी शर्मा ओलीलाई राष्ट्रपति भवन शीतल निवासमा आयोजित समारोहमा टीका र जमरा लगाईदिनुभयो ।  
राष्ट्रपति यादवबाट बिना विभागीय मन्त्री विश्वेन्द्र पासवान, सशस्त्र प्रहरी वलका महानिरीक्षक कोषराज वन्त, प्रहरी महानिरीक्षक उपेन्द्रकान्त अर्याल, गैरआवासीय नेपाली सङ्गठनका अध्यक्ष शेष घलेलगायतले पनि टीका लगाउनुभयो । 
यसैबीच राष्ट्रपति यादवले अपरान्ह साढे एक बजेबाट साँझ ५ बजेसम्म ईच्छुक सर्वसाधारणका लागि शितल निवासमा टीका लगाईदिनुभएको । रासस

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us