अन्ततः
प्रधानमन्त्रीको उम्मेदवार हुन लागिपरेका कोइरालाले राज्यसत्ता दुरुपयोग
गर्दै सभासद्को किनबेच सुरु गरेका छन् । शनिबार प्रधानमन्त्रीको
उम्मेदवारीमा मनोनयन भएपछि केपी शर्मा ओली राजनीतिक छलफलमा लागेका छन् भने
अर्का उम्मेदवार कोइराला सभासद् किनबेचमा लागेका छन् ।उनले प्रधानमन्त्रीको उम्मेदवारीसँगै आफ्नो गणित बलियो बनाउन स्वतन्त्र सभासद्लाई प्रभाव पार्ने काम सुरु गरेको छ । शनिबार नै स्वतन्त्र सांसद मेघराज निषादलाई सम्पूर्ण उपचार खर्च राज्यले गरिदिने र थप ५० लाख रुपैयाँ उपलब्ध गराइने वचन कोइरालाले दिएको स्रोतको दाबी छ ।
यसवापत सांसद निषादले प्रधानमन्त्रीको उम्मेदवारमा सुशील कोइरालालाई समर्थन गर्न भनिएको छ । सांसद निषाद किड्नीका बिरामी भएकाले उनको यही कमजोरीलाई टेकेर प्रधानमन्त्रीका अकांक्षी कोइरालाले राज्यसत्ताको दुरुपयोग गरिरहेका छन् ।
लैनचौबाट फोन
स्वतन्त्र सांसदहरुलाई प्रधानमन्त्रीको उम्मेदवारमा कोइरालालाई समर्थन गर्न भारतीय दुतावास लैनचौरबाट फोन जान थालेको छ । स्वतन्त्र सांसद निषादलाई उपचार खर्च र थप ५० लाख रुपैयाँको आस्वासनसहित कोइरालालाई सम्पर्क गर्न र सहयोग गर्न फोन गइसकेको छ । फोनमा कुनै पनि हालतमा एमाले–एमाओवादी कित्तामा नलाग्न सांसदहरुलाई प्रलोभन सुरु भएको छ ।
