Friday, 4 September 2015

बारुलाको विष क्यान्सरको औषधि हुने !

वैज्ञानिकहरुले बारुलाको विषलाई क्यान्सर प्रतिरोधी औषधिको रुपमा प्रयोग गर्न सकिने तथ्य पत्ता लगाएका छन् ।
प्रयोगशालामा गरिएको अनुसन्धान अनुसार बारुलाले चिलेको बेला निस्कने विषले अन्य सद्दे कोषहरुमा क्षति नपूराई क्यान्सर कोषिकाहरुलाई नष्ट गर्न सक्छ ।
युनिभर्सिटी अफ ब्राजिलका शोधकर्ताहरुले ब्राजिलको रैथाने प्रजातिको पोलिबिया पाउलिस्टा जातको बारुलामा अनुसन्धान गरेका थिए ।
शोधबाट प्राप्त नतिजा प्रारम्भिक अवस्थाको रहेको र यो पद्धति मानिसमा सुरक्षित साथ अपनाउन सकिने नसकिने विषयमा थप परीक्षण आवश्यक रहेको बताइएको छ ।
यो बारुलाले चिल्दा एमपी वान नामको विष निकाल्छ । यो विषले मुसामा क्यान्सर कोषिकाहरु नष्ट गरेको पाइएको छ ।
शोधकर्ताहरुका अनुसार यो विषले क्यान्सर कोषिकाको सतहमा असाधारण रुपमा रहेका फ्याट अणुहरुसँग प्रतिक्रिया गर्ने र त्यसपछि कोषहरुमा प्वाल पार्ने गर्दछ । यसरी बनेको प्वालबाट उक्त कोषभित्रका महत्वपूर्ण अणुहरु बाहिर निस्कन्छन् र कोषले राम्रोसँग काम गर्न नपाइ मर्दछ ।
तर स्वस्थ कोषमा भने त्यस्तो अणु कोषभित्रै लुकेर रहने हुनाले विषले कुनै असर पार्दैन । लिड्स विश्वविद्यालयका सह शोधकर्ता डाक्टर पाउल बेलेसका अुनसार कोष झिल्लीको चिल्लोजन्य अणुहरुमामा आक्रमण गराउने यस्तो क्यान्सर थेरापी क्यानसर प्रतिरोधी औषधिमा अहिलेसम्मकै नयाँ वर्ग रहेको बताएका छन् ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us