Tuesday, 22 September 2015

दिपक राज गिरीको मोदीलाई प्रश्न- हामीलाई आवश्यक नभएको दुत किन पठायौ?



भारतले नाकाबन्दी गरे पेट्रोल मात्र नभएर भारतीय फिल्म पनि नेपाल आउन छोड्नु पर्ने माग गरेर चर्चामा रहेका हास्य कलाकार दिपक राज गिरीले भारतले गल्ती गरेको भन्दै अर्को स्टेटस लेखेका छन् ।

भारतीय प्रधानमन्त्रीले नेपालमा वाही वाही पाइरहेको समयमा नेपाललाई चाहिँदै नचाहिएको दुत पठाएर नेपालको आन्तरिक मामलामा हस्तक्षेप गरेपछि उनी बदनाम बनेको दिपकको भनाइ छ ।
नेपाल र भारतको दुरी घटाएर वाही वाही पाएका नरेन्द्र मोदीले भूकम्पको समयमा लगाएको गुन पनि विर्सिने गरी नेपालको आन्तरिक मामिलामा हस्तक्षेप गर्नु ठूलो गल्ती भएको दिपकको तर्क छ ।

उनले भनेका छन् – कुरो त्यॉहा बिग्रीयो जब उनले दूत पठाए….. हामिलाइ आबश्यकतै नभाको चिज पठाए पछि त समस्या हुने नै भो!!!’
दिपकले आफू मोदीको फ्यान भएको तर अहिलेको अबस्था लाइ हेर्दा उनले नेपाल भ्रमणताका गरेको भाषणमा तालि पिटेको मा मलाइ आत्मग्लानि हुन लागेको समेत भनेका छन् ।

हिँजो मात्र उनले भारतले नाकाबन्दी गर्दा पेट्रोल र तेल तथा खाद्यान्न मात्र नभएर भारतीय फिल्मको पनि नाकाबन्दी हुनु पर्ने बताएका थिए ।

स्मरणीय कुरा के छ भने मोदी नेपाल आएको समयमा उनको ब्यङ्ग्य गरेर बनाइएको दिपक राज गिरीको तितो सत्य सिरियल नेपाल टिभीले रोकेको थियो ।नेपाल हेडलाइन्समा खबर छ । 

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us