Tuesday, 11 August 2015

बाख्रा पालेर मासिक एक लाख आम्दानी गर्दै बुद्धिप्रसाद

रुपन्देहीका बुद्धिप्रसाद ढकाल बाख्रा पालन गरेर मासिक एक लाख रुपैयाँसम्म आम्दानी गर्छन् । यही आम्दानीले उनी एउटा छोरालाई इञ्जिनियरिङमा मास्टर गराउँदैछन् भने अर्को छोरालाई एमबीए पढाइरहेका छन् ।
उनको ७ जनाको परिवार यही आम्दानीबाट मज्जाले चलिरहेको छ । सरकारी स्वामित्वको नवलपरासी सुनवलस्थित चिनी उद्योगका जागिरे उनी उक्त उद्योग बन्द भएपछि विदेशिनुभन्दा स्वदेशमै केही गरौं भन्ने मनस्थितीका बाख्रा पालन सुरु गरेका थिए ।
‘चिनी उद्योगमा १० वर्ष जागिर गरेँ, पछि बन्द भयो’ ढकालले ‘ बेरोजगार भएपछि रोजगारीका लागि विदेशिनु भन्दा आफ्नै देशमा पसिना बगाए स्वरोजगार बनौं भनेर बाख्रापालन व्यवसाय सुरु गरेको हुँ ।’
लगनशील र मेहनतका साथ काम गरेमा जेमा पनि सफलता मिल्ने उदाहरण बनेका छन् ढकाल । ‘आफ्नै देशमा बसेर मासिक एक लाख रुपैयाँ कमाई हुन्छ भने किन विदेश जाने ? हाम्रो देश नै विदेश हो’ उनले भने ‘रोजगारी खोज्दै विदेशिनुभन्दा स्वदेशमै केही गर्न युवाहरुलाई सुझाव दिन चाहान्छु ।’- अनलाइनखबर

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us