Wednesday, 5 August 2015

ज्ञानेन्द्रले नै सुन्दैंनन् पारसका कुरा, स्रोत भन्छ ‘त्यसैले उनी विग्रिए’

काठमाडौं, २० साउन । जानकारहरूका अनुसार नेपालमा राजनीतिक परिवर्तनसँगै पूर्व युवराज पारस शाह विरक्तिएका हुन् । ०६२/६३ को दोस्रो जनआन्दोलनपछि देशमा गणतन्त्र स्थापना भयो, दुई सय ३० वर्षदेखि शासन गर्दै आएको राजसंस्था अन्त्य भयो । यसलाई पारसले सजिलै ‘डाइजेस्ट’ गर्न सकेका थिएनन् । ‘बदलिएको अवस्थालाई पारसले डाइजेस्ट गर्न सक्नुभएको थिएन तर केही गर्न सक्ने अवस्थामा पनि हुनुहुन्थेन,’ स्रोतहरू भन्छन् । parasआफ्ना पिता तत्कालीन राजा ज्ञानेन्द्र शाहले चालेको १९ माघको कदमपछि भइरहेका घटनाक्रमप्रति पनि पारस सन्तुष्ट थिएनन् ।

पुराना र ‘जनताबाट बहिष्कृत’ व्यक्तिहरूलाई साथ लिएर अगाडि नबढ्न उनले पिता ज्ञानेन्द्रलाई सुझाव दिएको स्रोतहरू बताउँछन् । दोस्रो जनआन्दोलनपछि पनि पूर्ण रूपमा राजसंस्थाको अन्त्य गर्न नहुने उनको अडान थियो । तर, यी सबै कुरामा पूर्व राजा ज्ञानेन्द्रले पारसका कुरा नसुनेको उनी निकट स्रोत बताउँछ । ‘घरबाट समेत आफूलाई सहयोग नरहेको उहाँको गुनासो हुन्थ्यो,’ स्रोत भन्छ । नेपालमा बनेको आफ्नो नकारात्मक छविका कारण पनि पारसमा निराशा उत्पन्न भएको थियो । विरक्तिएकै कारण उनी केहि बर्ष विदेश भासिएको पारस निकट स्रोतहरू बताउँछन् । सुरुमा उनी सिंगापुर गए । उनले परिवारसहित नै उतै बस्ने योजना बनाएका थिए । तर, पछि बैंकक बसाइ सरे । तनावका कारण उनी लागूपदार्थको अम्मली बने जसले उनको स्वास्थ्य पनि खत्तम बनायो । ‘विरक्तिएर नै उहाँमा गाँजाको लत बसेको हो,’ स्रोत भन्छ ।

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us