पशुकल्याण सञ्जाल नेपाल र हुमाने सोसाइटी इन्टरनेशनलले मंगलबार भारतको राजधानी दिल्लीमा आयोजना गरेको पत्रकार सम्मेलनपछि जारी विज्ञप्तिमा समितिले बलि प्रथा रोक्ने निर्णय गरेको उल्लेख गरियो। समिति अध्यक्ष साहको भनाई र उनको विज्ञप्तिलाई आधार मानेर आयोजकले जारी गरेका विज्ञप्तिमा स्पष्टसँग लेखियो, ‘अबदेखि गढिमाई मेलामा बली दिइने छैन। यो प्रथा २०७६ देखि बन्द हुनेछ ।’
दिल्ली पुगेका समितिका सदस्य निर्णय भएको हो भन्छन, बाराको वरियापुरमा भएका समिति अध्यक्ष निर्णय भएकै छैन भन्छन्।
दिल्लीको पत्रकार सम्मेलन आयोजक मध्येको एक पशुकल्याण सञ्जाल नेपालका संस्थापक अध्यक्ष मनोज गौतमका अनुसार समितिका अध्यक्ष साह विशेष कारणले दिल्ली उपस्थित हुन सकेनन्। पत्रकार सम्मेलनमा भाग लिन गढिमाई मन्दिरका मुल पुजारी मंगल चौधरी थारु र समिति सचिव मोतीलाल कुशहवा त्यहाँ पुगेका थिए। नागरिक दैनिकमा खबर छ ।
