Tuesday, 30 August 2016

सरकारले लगाउने डीपीटी खोपको विश्वसनीयतामाथी शंका, खोप लगाएका तीनमा देखियो भ्यागुते !

काठमाडौं । ‘डीपीटी’ को पूरै मात्रा खोप लगाएका तीन बालबालिका भ्यागुते रोग ९डिप्थेरिया० लागेर त्रिवि शिक्षण अस्पताल भर्ना भएपछि मुलुकमा दिइने खोपको विश्वसनीयतामा शंका उत्पन्न भएको छ । मुलुकमा नियमित खोप कार्यक्रमअन्तर्गत भ्यागुते रोग, लहरे खोकी र धनुष्टंकारविरुद्घको डीपीटी खोप जन्मेको ६, १० र १४ साता गरी तीनपटक दिइन्छ । धनुषा तिलही गाविसका ५ वर्षीय मनीष यादव र सुर्खेत मोहिनताराकी ११ वर्षीया सपना ओली तथा ६ वर्षीय भाइ सन्देश ओलीको अस्पतालमा उपचार भइरहेको छ । ओलीकी आमाले यस्तै रोगले गाउँमा अघिल्लो साता एक बच्चाको मृत्यु भइसकेको चिकित्सकहरूलाई बताएकी छन् ।

भ्यागुते रोगले मुटुमा असर गरेपछि सपना हाल आईसीयूमा छिन् । यो रोगले दोस्रो सातातिर बिरामीको मुटुमा असर गर्छ भने तेस्रो साता स्नायुसम्बन्धी समस्या उत्पन्न हुन्छ । यादवको प्रयोगशाला परीक्षणले भ्यागुते रोग प्रमाणित भइसकेको छ भने ‘क्लिनिकली ९लक्षणका आधारमा० भ्यागुते रोग नै रहेको दिदीभाइको प्रयोगशाला प्रतिवेदन बुधबार प्राप्त हुने डा। सिर्जना बस्नेतले जानकारी दिइन् ।

 भ्यागुते रोगका कीटाणुले उत्पन्न गर्ने विषको प्रभाव कम गर्न दिइने ‘एन्टिडिप्थेरिक सिरम’ समेत मुलुकमा नरहेको औंल्याउँदै डा। बस्नेतले तत्काल उपलब्ध गराउन इपिडिमियोलोजी तथा रोग नियन्त्रण महाशाखालाई आग्रह गरेको बताइन् ।  ‘हामीकहाँ भर्ना भएका भ्यागुते रोगका सबै बिरामीले डीपीटी खोप लिएका छन्,’ डा. बस्नेतले भनिन्, ‘यसले मुलुकमा दिइने खोपको गुणस्तरमा शंका उत्पन्न भएको छ ।’

भ्यागुते रोग प्रकरणले मुलुकमा दिने गरिएको डीपीटीको खोपमा गडबडी भएको आशंका बालरोग विशेषज्ञहरूको छ । डा। बस्नेत भन्छिन्, ‘मुलुकमा प्रभावकारी खोप नआइपुगेको हो कि, कोल्ड चेन ९कम तापक्रममा निरन्तर राख्नुपर्ने अवस्था मेन्टेन नगरेको हो भन्नेबारेमा विस्तृत रूपमा अध्ययन गर्नैपर्ने अवस्था आएको छ ।’ मुलुकमा तीनपटक मात्र दिइए पनि अन्तर्राष्ट्रिय मापदण्डअनुसार भ्यागुते रोगको खोप पाँचपटक लगाउनुपर्छ । डा। बस्नेतका अनुसार बालबालिकालाई डीपीटीको खोप ६, १० र १४ साताको उमेरमा मात्र नभई ६ देखि १२ वर्षमा चौथो र १२ वर्षपछि पाँचौं मात्रा खोप लगाउनुपर्नेतर्फ समेत सबैले विचार गर्नुपर्ने अवस्था छ ।
Read more ...

अपराधी नउडाउने भन्दै फर्काइदियो इतिहादले

काठमाडौं । गृह मन्त्रालयले निष्कासन (डिपोर्ट) गर्ने निर्णय गरेको एक पाकिस्तानी नागरिकलाई इतिहाद एयरलाइन्सले बोडिङ पास नदिई फर्काइदिएको छ । निष्कासित यात्रुको उडानबारे अध्यागमन विभागले समयमै समन्वय नगरेको भन्दै इतिहादले ती पाकिस्तानीलाई फर्काइदिएको हो ।

विभागले भने सम्बन्धित एयरलाइन्सको टिकट खरिद गरीसकेको अवस्थामा कुनै यात्रुबारे जानकारी गराउन जरुरी नभएको दाबी गरेको छ । चोरी मुद्दामा जेल सजाय भागेका पाकिस्तानी नागरिक राना गणेशबहादुरलाई विभागको सिफारिसमा गृह मन्त्रालयले एक वर्ष अवधिभर नेपाल आउन नपाउने गरी निष्कासन गर्ने निर्णय गरेको थियो ।
काठमाडौंबाट पाकिस्तानसम्म कुनै एयरलाइन्सको सीधा उडान नभएपछि गणेले काठमाडौंबाट आवुधाबी हुँदै इस्लामाबाद जाने टिकट लिएका थिए ।इतिहाद एयरलाइन्सले आफूमाथि दुव्र्यवहार गरेको भन्दै गणेश अर्को एयरलाइन्सबाट पाकिस्तान जाने तयारीमा छन् ।
Read more ...

विदेशबाट मोवाईल ल्याउदै हुनुहुन्छ ? विचार गर्नुस् प्राधिकरणले तपाईको मोबाइल ब्लक गरिदेला

काठमाडौं । अबैध रुपमा आयात गरिएका वा विदेशबाट ल्याइएका मोबाइल फोन नेपाल दूरसञ्चार प्राधिकरणले ब्लक गर्ने भएको छ । प्राधिकरणले आगामी वैशाख १ गतेदेखि आईएमइआई नम्बर नभएका मोबाइल ब्लक गराउने तयारी गरेको हो। प्राधिकरणले तयार पारेको ‘राष्ट्रिय उपकरण पहिचान दर्ता’ (एनइआईआर) को आन्तरिक कार्यविधिमा आधिकारिक आईएमइआई नम्बर नभएका मोबाइल ब्लक गराउने निर्णय गरेको हो।

एनइआईआरको मुख्य उद्देश्य युनिट डिभाइस ट्र्याक एण्ड ब्लक गर्नु, चोरी भएका मोबाइल पत्ता लगाउने, अपराधिक क्रियाकलाप रोक्ने, राष्ट्रिय सुरक्षा, अबैध मोबाइल फोनको बजार कम गर्ने र राजश्व बढाउनु रहेको प्रधिकरणले जनाएको छ।

‘अब आउने वैैशाख १ गतेदेखि यो कार्य सुरु गर्ने मनसाय लिएका थियौँ,’ नेपाल दूरसञ्चार प्राधिकरणका उपनिर्देशक मीनप्रसाद अर्यालले भने, ‘सबै सेवा प्रदायक कम्पनीले यो सेवा सर्पोट नगर्ने भएकाले हामीले हाल अस्थायी अन्तरिम व्यवस्था निर्देशिका बनाएर यो काम लागू गर्ने भएका छौँ। यसलाई हामी चरणबद्ध रुपमा अघि बढाउने तयारीमा छौँ। छ९छ महिनाको एक चरण गर्दै हामीले चरणबद्ध रुपमा यो काम अघि बढाउने तयारी गरेका छौँ।’

यो सेवा संचालन गर्न सबै अपरेटर सिस्टममा इआईआर ९उपकरण पहिचान दर्ता० सुविधा हुनु पर्छ। एनसेल, स्मार्टसेल कम्पनीमा यो इआईआर सुविधा छ। नेपाल टेलिकमका केही उपकरणमा यो सुविधा नभएको र पछि यसलाई अपग्रेड गर्न सकिने अर्यालले बताए।

उनले भने, ‘पहिलो चरण अर्थात पहिलो छ महिनामा नेपालका अपरेटरको सिस्टममा यो सेवा संचालन गर्ने भएका छौँ। इआईआर सुविधाले कुनै पनि फोन नक्कली ९फेक०, क्लोन र नल ९आईएमइआई नै नदेखाउने० मोबाइल फोनको पहिचान गर्छ। कतिपय यस्ता मोबाइल फोन छन् जसको आईएमइआई नम्बर कि त नक्कली छ, की दुईवटा फोनमा एउटै नम्बर छ र कतिपय मोबाइल बिना आईएमइआई नम्बरका छन्।

मोबाइल अपरेटर कम्पनीले यस्ता मोबाइल फोन पहिचान गरी सूची तयार पारेर प्रधिकरणलाई बुझाउनु पर्नेछ। साथै नक्कली वा आईएमइआई नभएका मोबाइल प्रयोगकर्ताहरुलाई अपरेटर कम्पनीबाट सूचना स्वरुप म्यासेज पठाइनेछ।’

‘दोस्रो चरणमा अर्थात् छ पहिनापछि सम्पूर्ण मोबाइल सेवा प्रदायक कम्पनीले पूर्णरुपमा इआईआर सुविधा जडान गर्नुपर्ने छ,’ उनले भने, ‘साथै यही चरणमा आईएमइआई इम्प्लान्टेसन प्रोग्राम पनि हामी सुरु गर्छौ। यस कार्यक्रम अन्तर्गत नक्कली आईएमइआई भएका मोबाइलमा नयाँ सक्कली आईएमइआई राख्ने काम हुनेछ। त्यस्ता मोबाइल प्रयोगकर्ताले केही रकम तिरेर सक्कली आईएमइआई राख्न सक्नेछन्। रकम कति हुन्छ भनेर हाल भन्न सकिदैँन तर थोरै रकममा आईएमइआई राख्न सकिन्छ।’

मोबाइल प्रयोगकर्ताले आईएमईआई नक्कली छ भनी म्यासेज प्राप्त गरिसकेपछि नयाँ आईएमइआई राख्ने प्रक्रिया सुरु गर्नु पर्नेछ। यदि म्यासेज पाएर पनि प्रयोगकर्ताले कुनै चासो नदिएमा, एक निश्चित समयपछि उक्त मोबाइल पूर्णरुपमा ब्लक गरिने प्राधिकरणले जनाएको छ।

वैशाख १ गतेदेखि नेपाल भित्रिने सबै मोबाइल फोनको आईएमइआई नम्बर भन्सार कार्यलय, प्राधिकरण र मोबाइल अपरेटर कम्पनीमा दर्ता गरिने र नेपालमा हाल प्रयोगमा रहेका मोबाइललाई निगरानीमा राखिने पनि प्राधिकरणले जनाएको छ।

Read more ...

श्रीमान विदेश हुदा शहर छिरेकी श्रीमतीको चर्तिकला

काठमाडौं । श्रीमान बिदेशीएपछि श्रीमतीहरु बिभिन्न बहानामा शहर छिर्ने र समाजले नपचाउने गतिबिधिमा संलग्न भएका समाचारहरु हामीले धेरै पटक लेखेकारपढेका छौं ।तर आज हामीले बास्तबिक कथालाइ समेटिएर तयार पाएिको तीजको गीत तपाइहरुलाइए पस्कदैछौं ।उनले अहिलेसम्म र एक दर्जन गीतमा स्वर भरेका छन् भने दुइदर्जन भन्दा बढिमा शब्द तथा संगीत भरेको बताए ।

उनी गायक मात्र होइनन् उनले शब्द लेख्ने संगीत भर्ने तथा केहि गीतहरुमा गजबको अभिनय पनि देखाएका छन् ।खासगरि हास्यब्यङ्य कलाकारिता गरिहरेका उनले आफ्नो भबिश्य गीतसंगीतमै बिताउने बताए । २०७३ सालको तीजलाइ समेटेर उनले बजारमा ल्याएको तिजगीत ‘तेरी स्वास्नी पोइला गइ’भन्ने छ ।

जन्म दिने बाबु आमालाइ बिश्वास नगरेर आफ्नी शहर पुर्याएकी श्रीमतीको कहानी गीतमा छ निरु गुरुङ् र नमराजको आवाजमा सजिएको गीतले यो पटकको तीज तताउने अनुमान गरिएको छ ।श्रीमान् बिदेशिएपछि श्रीमती बजार पुगेको र बजारमा धेरै केटा रोजेर मोजमस्ती गरेर श्रीमान्ले पठाएको धनलाइ फोकटमा खर्च गरेको गीतको सन्देश छ ।

जहानलाइ सम्झेर बिदेशबाट पठाएको पैसाले शहरमा रमाउने उनको आदतले हैरानी बेहोरेको कथामा जोडिएको छ । पैसाको सहि सदुपयोग गरौं,सभ्य नागरिक बनौं भन्दै नमराजले यो गीत बजारमा ल्याएको बताउछन् ।
Read more ...

नेपाली विद्यार्थीले बनाए पानीमाथि कुद्ने साइकल

पथरी । मोरङको हाथिमुडामा रहेको मनमोहन पोलीटेक्नीकल कलेजका विद्यार्थीले पानीमाथि कुद्ने साइकल बनाएका छन्। बाढी आइरहेका बेला उद्धार गर्ने उद्देश्यले मनमोहन टेक्निकल कलेजका मेकानिकल इन्जिनियरिङका विद्यार्थीले पानीमाथि कुद्ने साइकल बनाएका हुन्।

एक विद्यार्थी बर्जित थापाको समूहले सो साइकल बनाएको हो। उनले भने,‘बाढीको बेला उद्धार गर्न सहज बनाउने उद्देश्यले साइकल प्रयोगमा ल्याउन सकिन्छ।’ सो क्याम्पसमा अध्ययन गर्ने विद्यार्थीले प्रत्येक वर्ष बिदा भएर जाने अन्तिम वर्षका विद्यार्थीले प्रोजेक्ट वर्क अन्तर्गत प्रदर्शनी गर्नुपर्ने भएकाले प्रयोगात्मक पढाइको सिलसिलामा सो साइकल बनाएका हुन्।

क्याम्पसका क्याम्पस प्रमुख डा शुभाष पोखरेलका अनुसार सरकारले इन्जिनियरिङ पढ्ने विद्यार्थीलाई प्रोत्साहन गर्न चासो नदेखाउँदा समस्या भएको छ। उनले भने,‘हामीले दक्ष जनशक्ति तयार गरिराखेका छौँ सरकारले लगानी गर्न चासो देखाएको छैन।’ 
Read more ...

प्रधानमन्त्रीले बोलाएको बैठकमा झण्डै हात हालाहालको स्थिति पैदा

काठमाडौं । मधेसी, आदिवासी जनजाति  तथा थारुलगायतका माग सम्बोधन गर्न संविधान संशोधन गर्ने विषयमा सहमति जुटाउन प्रधानमन्त्री पुष्पकमल दाहालले बोलाएको बैठकमा तनाव भएको छ।

प्रधानमन्त्री पुष्पकमल दाहालले संविधान संशोधन, स्थानीय निकाय पुर्नसंरचना आयोग तथा स्थानीय निकायको निर्वाचनका विषयमा छलफल गर्न मंगलबार विहान प्रमुख तीन दलको बैठक बोलाएका थिए। प्रधानमन्त्री निवास बालुवाटारमा बसेको बैठकमा सहमतिको वातावरण सृजना गर्ने भन्दा पनि दलहरुबीच दूरी बढाउने काम भएको छ। बैठकमा प्रमुख प्रतिपक्ष दल एमाले र सत्तारुढ दल कांग्रेसका नेताबीच भनाभन मात्र होइन, झण्डै हात हालाहालको स्थिति पैदा भएको छ।

प्रमुख प्रतिपक्ष दल एमाले र सत्तारुढ दल कांग्रेसका नेताबीच भनाभन मात्र होइन, झण्डै हात हालाहालको स्थिति पैदा भएको छ।

बैठकमा एमाले उपाध्यक्ष भीम रावलले उपप्रधान तथा गृहमन्त्री बिमलेन्द्र निधिको भारत भ्रमणका क्रममा भारतस्थित नेपाली दूतावासले जारी गरेको विज्ञप्तिप्रति आपत्ति जनाएका थिए। रावलले नेपालको संविधान संशोधनका विषयमा भारतीय नेताहरुसँग छलफल हुनु गभ्मीर विषय भएको भन्दै आपत्ति जनाएका थिए।

बैठकमा सहाभागी एक नेताका अनुसार बैठकमा एमाले उपाध्यक्ष भीम रावलले निधिको भारत भ्रमणका बेला नेपाली दूतावासले जारी गरेको विज्ञप्ति आफूसँग रहेको भन्दै सोको विषयमा निधिको ध्यानाकर्षण गराएका थिए। जवाफमा निधिले आफूसँग समन्वय भएरै दूतावासले विज्ञप्ति जारी गरेको बताएका थिए।

दुई नेताबीचको सवाल जवाफ बढ्ँदै जाँदा व्यक्तिगत आक्षेप लगाउनेसम्म कुरा पुगेपछि बैठकमा केहीबेर तनाव भएको सहभागी एक  नेताले जनाए। ‘त्यसलाई तनाव भन्दा पनि राम्रैसँग वहस भएको भन्नु रुचाउँछु,’ ती नेताले भने,‘संविधान संशोधनलगायतका विषयमा उहाँहरुबीच ९राउव र निधि० अलि तातो  बहस भएको हो।’ रावलले नेपालको आन्तरिक मामिलामा भारतीय नेतासँग छलफल गर्नु गम्भीर विषय भएको भन्दै आपत्ति जनाएका थिए।

यसैबीच प्रधानमन्त्री दाहालले बोलाएको बैठकमा दलहरुले आ–आफ्नै दलीय अडान दोहोर्याएका छन।  नेपाली कांग्रेस, नेकपा एमाले र माओवादी केन्द्रले आफ्नो दलको धारणा राखेको कांग्रेस नेता पूर्णबहादुर खड्काले जानकारी दिए। ‘प्रधानमन्त्रीले संधिवान कार्यान्वयन, स्थानीय निकायको निर्वाचन, मधेसका माग तथा स्थानीय निकाय पुर्नसंरचना आयोगका विषयमा सहमति जुटाउन तीन दलको बैठक बोलाउनु भएको हो,’ नेता खड्काले भने,‘ बैठकमा सबै दलका नेताले आफ्नो दलको धारणा राख्नु भयो।  ठोस निर्णय केही भएन।’


प्रधानमन्त्रीले मधेसका माग सम्बोधन गर्न संविधान संशोधन गर्नुपर्ने प्रस्ताव गरेका थिए। जवाफमा प्रमुख प्रतिपक्ष एमालेले संविधान किन र केका लागि भन्दै प्रश्न गरेका थियो। एमाले कार्यवहाक अध्यक्ष वामदेव गौतमले संधिवान संशोधनको ठोठ प्रस्ताव ल्याउन आग्रह गरेका थिए। कांग्रेस नेताले भने संविधानको परिधिभित्र रहेर असन्तुष्ट पक्षका माग सम्बोधन गर्न संविधान संशोधन आवश्यक रहेको बताएका थिए।  बैठकमा स्थानीय निकायले निर्धारण गरेको स्थानीय निकायको संख्याका विषयमा कांग्रेसले असन्तुष्टि जनाएको नेता खड्काले जानकारी दिए। एमालेले भने  आयोगले निर्धारण गरेको संख्याप्रति सकारात्मक रहेको जनाएको थियो।
Read more ...

एक सय ४५ वर्षीय वृद्ध भन्छन् : म मर्न चाहन्छु

एजेन्सी । सबै मानिस धेरै बाच्न चाहन्छन् । तर, संसारकै सबैभन्दा वृद्ध व्यक्तिको चाहना भने अलि फरक छ । इन्डोनेसियाका मबा गोथे अहिले १४५ वर्षका भए । उनको जन्म सन् १८७० मा भएको अन्तराष्ट्रिय सञ्चार माध्ययमले जनाएका छन् ।

उनको चाहना भने आम मानिसको भन्दा ठिक विपरित छ । उनले एक टेलिभिजनको तपाईं के चाहनु हुन्छ भन्ने प्रश्नको जवाफमा भनेका छन्, ‘मैले चाहेको मृत्यु हो ।’ सबैभन्दा धेरै बाँचेर विश्व समुदायलाई चकित पारेका गोथेको यो चाहनाले स्वभाविक लाग्छ किनकी उनका १० दाजुभाइ र दिदीबहिनी कोही छैनन् । उनका चार श्रीमती मात्र होइन उनका छोराछोरी समेत सबैको मृत्यु भइसकेको छ ।

उनी नातिनातिनाको शरणमा छन् । उनका नातिनातिना समेत वृद्ध भइसकेकाले उनी आफ्नो चाहना मृत्यु भएको बताउछन् । अन्तराष्ट्रिय सञ्चार माध्ययमले इन्डोनेसियाको सरकारलाई उद्धृत गर्दै लेखे अनुसार गोथेको जन्म सन् १८७० डिसेम्बर ३१ मा भएको हो ।

उनको जन्ममिति पुष्टि भए गोथेले संसारको सबैभन्दा वृद्ध व्यक्तिको रुपमा गिनिज वल्र्ड रेकर्डमा नाम लेखाउने छन् ।

गोथेले लामो समयबाच्नुको कारण धैयता भएको बताएका छन् । उनी भन्छन्, ‘लामो जीवन बाच्नुको रााज भनेको केवल धैर्यता हो ।’ गोथे आँखा देख्न सक्दैनन् भने कान भने राम्ररी सुन्छन् ।

लामो जीवन बाँचेकोमा उनी पीडा पनि पोख्छन् । सन् १९९२ मा आफ्नै चिहान बनाएका थिए । तर, उनले चिहान बनाएको २४ वर्षसम्म समेत उनी जीवित छन् । उनी भन्छन्, ‘मैले सन् १९९२ मा नै चिहान बनाएँ, तर त्यसको २४ वर्षसम्म पनि म जीवितै छु ।’

यी संसारकै सबैभन्दा वृद्ध गोथे पहिलो विश्व युद्धमा ४४ वर्षका थिए भने दोस्रो विश्वयुद्धमा ७० वर्षका वृद्ध थिए ।
Read more ...

हरेक बर्ष २ सन्तान जन्माउने आमिरको उद्घोष !

काठमाडौं । लिउड स्टार आमिर खानले हरेक वर्ष दुई सन्तान जन्माउने उद्घोष गरेका छन् । बर्षौदेखि बलिउडमा जमिरहेका आमिरले दंगाल रिलिजको तयारी हुँदैगर्दा फिल्म उद्योगको लागी हरेक बर्ष दुई राम्रो कलाकार ल्याउने बोलेका हुन् ।
कलाकारिता क्षेत्रमा लाग्न चाहने तथा संभावना बोकेका युवा युवतीलाई सोहि प्रकारको स्थान दिनुपर्ने उद्देश्यसहित हरेक बर्ष दुई कलाकरलाई ट्रेनिङ्ग दिने सोचमा आमिर अनि उनको टिम पुगेको बुझिएको छ ।

त्यसो त आमिरले यसअघि नै रिलिजको आफ्नो फिल्म दंगालुमा समेत दुई नयाँ अनुहारलाई आफ्नै ट्रेनिङ्गपछि अभिनयमा जोडेको बताईएको छ ।

आमिर पछिल्लो फिल्म पिकेु पछि पर्दामा आएका छैनन् । बहु प्रतिच्छित मानिएको उनको फिल्म दंगालुलाई लिएर आमिर फ्यानहरु निकै उत्साहित छन् ।

Read more ...

फेसबुकले फसायो : क्यानडाको पिआरवाला ठानेर विहे गरेको 'ड्राइभर' पर्यो !

काठमाडौं । नेपालीहरुमा फेसबुकको नशा बेजोडले बढेको छ । सहरमा मात्र होइन, गाउँ गाउँसम्म फेसबुक अकाउन्ट खोल्ने लहर चलेको छ । यही फेसबुकको माध्यमले कतिपयले चिनजान गरेर बिहे गरेका छन् । फेसबुकले नै देशविदेशमा रहेका आफन्त नजिक भएका छन् । यही फेसबुकले कतिपयको जिन्दगी भने बर्बाद समेत हुने गरेको छ । फेसबुकमार्फत् चिनजान भएकी एक युवकसँग बिहे गर्दा गत महिना झापाकी एक युवती बर्बाद भइन् । क्यानडाको पीआरधारी करोडपति ठानेर बिहे गर्दा बस ड्राइभरको फन्दामा परेकी थिइन् । चितवनका महेश पराजुलीले सम्पत्ति खानका लागि त्यस्तो नाटक गरेका थिए । झापाकी युवतीलाई फसाउनुअघि नै अन्य ६ जना युवतीलाई उनले आफू क्यानडाको पीआरवाला भएको भ्रममा पारी बिहे गर्दै पैसा लुट्दै आएका थिए ।

 पराजुलीले झुक्याएर बिहे गरेको भन्दै झापा प्रहरीले पक्राउ गरी उनलाई बलात्कार मुद्दा चलाएपनि उनी अहिले जेल चलान भएका छन् । त्यस्तै घटना बारम्बार भइरहेका छन् । फेसबुकबाट चिनजानकै भरमा धेरैको जिन्दगी बर्बाद भइरहेको छ ।



Read more ...

ओठ गुलाबी बनाउने चाहना छ, यी ९ प्राकृतिक उपाय अपनाउनुस्

 ओंठ मानिसको सुन्दरताको प्रतिरुप हो । विशेषगरी महिलाहरु ओठ सुन्दर बनाउन विभिन्न उपाय अपनाउछन् । लिपिस्टिक, बाम, मोस्चराइजर आदि अनेक प्रकारका साधन लगाउँछन् । ओठलाई सुन्दर बनाउन लगाइएका साधनले  उल्टै कालो बनाइरहेका हुन्छन् । यसले महिलाहरुलाई निराश बनाइरहेको हुन सक्छ । आउनुहोस्, ओठको कालोपन हटाउन प्रयोग गर्न  सकिने प्राकृतिक उपायबारे थाहा पाउनुहोस् :
१) कोको बटर

दुई टेबलचम्चा कोको बटर, आधा चिया चम्चा मधु वाक्स लिनुहोस् । उमालेको पानी एउटा भाडामा वाक्स हालेर पगाल्नुहोस् । यसमा कोको बटर हाल्नुहोस् । यो मिश्रणलाइ चिसो भएपछि ब्रसको मद्दतले ओठमा लगाउनुहोस् । यसले ओठ नरम हुनेछ र कालोपन पनि हट्नेछ ।

२) दूधको तर

ओठको सुख्खापन हटाउँन थोरै तर (मलाई) मा एक चिम्टी बेसार मिसाएर नियमित रुपमा बिस्तारै मालिस गर्नुहोस् । यसले केही दिनमै ओठ मुलायम र गुलाबी भएको पाउनुहुनेछ ।

३) गुलाबको पत्ता

ओठको कालोपन हटाउँन गुलाबको फूलको पत्ता निकै  फाइदाजनक हुन्छ । यसलाई  नियमित प्रयोग गर्नाले ओठ साँच्चिकै गुलाबी र चम्किलो हुनेछ । यसका लागि गुलाबको पत्तालाई पिसेर त्यसमा थोरै ग्लिसिरिन  मिसाउनुहोस् र त्यसको घोल नियमित रुपमा राती सुत्ने समयमा ओठमा लगाउनुहोस् र बिहान धुनुहोस् ।

४) कागती

कागतीले पनि ओठको कालोपन हटाउँछ । यसका लागि निचोरेको कागती बिहान बेलुका आफ्नो ओठमा बिस्तारै रगडेर लगाउनुहोस् ।

५) केसर

काँचो दूधमा केसर मिसाएर पिसी ओठमा लगाउनुहोस् । यसबाट ओठको कालोपन हटी आकर्षक बन्छ ।

६) मह

महको प्रयोगले केही दिनमै ओठ चमकदार र मुलायम हुन्छ ।यसका लागि थोरै महलाई आफ्नो औंलामा लिएर बिस्तारै ओठमा लगाउनुहोस् या महमा थोरै स्वाग मिसाएर ओठमा लगाउनुहोस् । दिनमा दुइपटक यो उपाय अपनाउनाले केही दिनमै असर देखिनेछ ।

७) अण्डा

अण्डा स्वास्थ्यका लागि मात्र होइन, सौन्दर्य बढाउन पनि उपयोगी मानिन्छ । यसको लेप लगाउनाले पनि ओठको चमक बढ्छ ।

८) जैतूनको तेल

यदि ओठ पूरै फुटेको छ र कालोपन पनि आएको छ भने जैतूनको तेल अर्थात् ओलिभ आयलमा भ्यासलिन मिसाएर दिनमा ती चारपटक लगाउनुहोस्, ओठ  चिरिएको निको हुनेछ भने ओठ हल्का गुलाबी पनि हुनेछ ।

९) चुकन्दर

चुकन्दरलाई रगत बनाउने मेसिन पनि भनिन्छ । यो ओठका लागि पनि उत्तिकै उपयोगी मानिन्छ । चुकन्दरलाई काटेर त्यसको टुक्रा ओठमा लगाउनाले ओठ गुलाबी र चमकदार हुनेछ ।
 

Read more ...

फेरि बेचियो कोशीस् भित्र भित्रै थप १३ किलोमिटर क्षेत्रफलसमेत भारतलाई दिएको खुलासा !

इनरुवा । सप्तकोशी नदीको ब्यारेजदेखि राजाबाससम्मको ३० किलोमिटर क्षेत्र भारत सरकारलाई १९९ वर्षकोलागि लिजमा दिने गरी तत्कालिन प्रधानमन्त्री मातृकाप्रसाद कोइरालाले २०१२ सालमा गरेको सम्झौता कालो सम्झौता भनि नेपाली राजनीतिमा एजेण्डा उठिरहेपनि गणतान्त्रिक नेपाल सरकारले भित्र भित्रै थप १३ किलोमिटर क्षेत्रफलसमेत भारतलाई दिएको खुलासा भएको छ ।

सप्तकोशी नदीको सुनसरी महेन्द्रनगर ९ स्थित पुर्वी तटबन्धको निमार्ण र मर्मत सम्भार गर्ने नाममा ४ वर्ष अगाडी गणतान्त्रिक नेपाल सरकारले भारत सरकारकालाई चाईना बाँधको सहित थप १३ किलोमिटर क्षेत्रफल सुम्पेको खुल्न आएको हो ।  ।

संविधानसभाबाट संविधान जारी नसकेका तत्कालिन प्रधानमन्त्री डा। बाबुराम भट्टराई नेतृत्वमा रहेको सरकारले २०६८ सालमा एकतर्फी रुपमा अध्ययन नगरी भारत सरकारलाई उक्त बाधको निमार्ण र मर्मत सम्भार गर्ने जिम्मा दिएको हो । नेपाल सरकारका तर्फबाट यस अघि उक्त बाधको सम्पुर्ण जिम्मेवारी जल उत्पन्न प्रकोप नियन्त्रण कार्यालय विराटनगरले गर्दै आएको थियो । सरकारको अनुरोधमा छिमेकी मुलुक चीनले उक्त बाँध निर्माण गरेकाले सुनसरीको महेन्द्रनगर र प्रकाशपुर आसपासमा बाँधलाईलाई चाइना बाँध भन्ने गरिन्छ ।

प्रकाशपुरका सामाजिक अभियन्ता रविन घिमिरेका अनुसार ४ वर्ष अगाडी देखी चाइना बाँधमा भारतीय सरकारले पुर्वी तटबन्धको निर्माण र मर्मत सम्भार गर्ने जिम्मा लिए देखी स्थायी क्याम्प खडा गरि इन्जिनियरको नेतृत्वमा सो क्षेत्रमा आफनो गतिवीधी गरि आएको छ । स्थानीयवासीहरुले चाइना बाँध भन्ने गरेको सो बाँधलाई भारतीय पक्षले नेपाली बाँध नामाकरण गरेको छ । घिमिरे भन्छन,‘भारतीयहरु चीनको नाम पनि सुन्न चाहँदैनन । अहिले उनीहरु नेपाल बाँध नामाकरण गर्दै सो क्षेत्रमा क्याम्प नै खडा गरेर बसिरहेका छन ।’

सुनसरीका सुरक्षानिकायका ४ वटै प्रमुख तथा प्रशासकले तत्काल कोशी नदीको अवस्था , बाँधको वर्तमान स्थिति र भविष्यको सुरक्षाका सवालमा नेपाल सरकारका माथिल्लो निकायलाई कुनै पनि सुचना वा आधिकारीक दस्तावेज तयार गरि पठाउँदा भारतीय प्राविधीक इन्जिनियरहरुको सुचनाको स्रोतमा भर पर्नु पर्ने अवस्था रहेको उच्च सुरक्षा अधिकृतहरु बताउँछन ।

सरकारी प्रतिनिधिका नाममा नेपाल सरकारले भारतीयहरुको सुरक्षाका लागी कोशी टप्पु वन्यजन्तु आरक्ष क्षेत्रमा रहेको हावा महलमा एउटा शसस्त्र प्रहरीको अस्थायी वेस क्याम्प राखेको छ सोही वेस क्याम्पका सशस्त्र प्रहरी वलको युनिटले सामान्य सुचना संकलन गरी राख्ने गरेको छ । हाल भारत सरकारले सुनसरीको महेन्द्रनगर र बराहक्षेत्र गाविस क्षेत्रमा रहेको पुल्ठेगौडा देखी चाइना बाँध सम्मको स्पर नं ९,१०,११,१२,१३ र प्रकाशपुर गाविसको राजाबास देखी २६४० , २६८८ र २७४० आरक्ष सम्म स्थायी क्याम्प खडा गरि बसेको छ । जसमा आवश्यक उपकरण लगायत ढुङ्गा, जाली तयारी अवस्था राखेर भारतीय इन्जिनियर र कामदारहरु उक्त क्याम्पमा बस्ने गर्दछन इनरुवाबाट प्रकाशित वर्णमाला दैनिकमा समाचार छ ।

सुनसरीका एक सुरक्षा अधिकारीका अनुसार कोशी नदीको विषयमा कुनै पनि सूचना लिन नेपाल सरकारले भारतको मात्र भर पर्ने अवस्था रहेको गुनासो गरे । नेपाली सुरक्षाकर्मीले कोशीको तटबन्धमा गाडी कुदाएका भरमा आफुले हेरेर सरकार वा गृहलाई सुचना जाहेर गरिरहेको उनले बताए । नेपाल सरकारले बाँध मर्मत नाममा भारतलाई चाइना बाँध देखी उत्तर चतरा सम्मको भु–भाग जिम्मा लगाए पनि नेपाली प्राविधिक टोलीलाई अनुगमन तथा निरीक्षणको जिम्मा दिएर जनता प्रति जवाफदेही बनाउन सक्ने अवस्था हुदाँ हुदै त्यती नगर्नु नेपालीको दुर्भाग्य भएको एक सुरक्षा अधिकारीले गुनासो गरे ।

कोशी ब्यारेजको विषयमा राणाकालदेखि नै सम्झौताको तयारी भएपनि तत्कालिन चन्द्र शमसेरको सरकारले आफ्नो हित राख्न खोजेपछि हुन नसकेको सम्झौता मातृकप्रसाद कोइराला प्रधानमन्त्री भएपछि भएको थियो । त्यससम्झौतामा १९९ वर्षकोलागि लिजमा दिने सहमति भएको थियो । पछि पञ्चायतकालमा सूर्यबहादुर थापा प्रधानमन्त्री बनेपछि प्रतिविगाह ५ रुपैयाको दरले लिज बुझाउने सम्झौता भएको थियो ।

त्यससम्झौतालाई नेपालको हित विपरितको सम्झौता भन्दै लगातार नेपाली राजनीतिमा एजेण्डा बन्दै आएको छ । तर राष्ट्रहित विपरितका सम्झौता खारेज हुने पर्ने सहितका माग गरेर शसस्त्र यूद्ध थालेका डा। बाबुराम भट्टराई नेतृत्वकै सरकारको पालामा अर्को राष्ट्रघाट पूर्ण सम्झौता गरेर बाँकी भाग पनि भारतको जिम्मा लगाईएको हो ।

Read more ...

Monday, 29 August 2016

उपचारका लागि विदेशमा गरिने खर्चले स्वदेशमै उपचार गर्ने उपकरण किन्न डा. बाबुराम भट्टराईको प्रस्ताव

काठमाडौं । नयाँ शक्ति नेपालका संयोजक तथा पूर्व प्रधानमन्त्री डा बाबुराम भट्टराईले विदेशमा गरिने उपचार खर्चबाट स्वदेशमै उपचारका लागि चाहिने उपकरण किन्न सुझाव दिएका छन्।उपचारका लागि एक वर्षमा विदेशिने रकमले देशमै उपचारका लागि आवश्यक पर्ने उपकरण किन्न सकिने डा भट्टराईले ट्वीटर मार्फत प्रस्ताव गरेका हुन्।

देशमा दक्ष डाक्टर नभएर भन्दा पनि अत्याधुनिक उपकरण नभएर  नेपालबाट उपचारका लागि विदेश जानुपर्ने अवस्था रहेको भन्दै डा भट्टराईले राम्रा उपकरण किन्न सरकार समक्ष प्रस्ताव गरेका हुन्।


Read more ...

सगरमाथा चढेको भनेर ढाँट्ने भारतीय दम्पत्तिलाई नेपालमा १० वर्ष प्रतिबन्ध

काठमाडौं । सगरमाथा आरोहण गरेको झुठो दाबी गर्ने भारतको पुणे सहरका एक प्रहरी दम्पत्तिलाई नेपालमा १० वर्ष प्रतिबन्ध लगाइएको छ । गत मे २३ मा सगरमाथाको सफल आरोहण गरेको भनेर ती दम्पत्तिले दाबी गरे पनि उक्त दाबी झुठो भएको पुष्टि भएको छ ।

पुणे प्रहरीमा कन्सटेबल रहेका ३० वर्षीय दिनेश र तार्केश्वरी राठौरले गत जुन ५ मा पत्रकार सम्मेलनको आयोजना गरेर आफूहरुले सफलतापूर्वक सगरमाथाको आरोहरण गरेको र यसो गर्ने आफूहरु पहिलो भारतीय दम्पत्ति भएको दाबी गरेका थिए । उनीहरु पुणे प्रहरीको शिवाजीनगर प्रहरी हेडक्वाटरमा कार्यरत छन् ।

पुणे प्रहरीका कमिस्नर रश्मी शुक्लाले इन्डियन एक्सप्रेससँग कुरा गर्दै नेपाल सरकारले उनीहरुलाई १० वर्षका लागि नेपाल प्रवेशमा रोक लगाइएको पुष्टि गरेकी छिन् । नेपाली अधिकारीहरुले यसबारेमा पुणे प्रहरीलाई पत्र पठाएको उनले बताएकी छिन् ।

‘नेपाल सरकारले दुई जनाले ढाँटेको भनेर पुष्टि गरेको छ । दुवैले प्रहरीको मात्र नभएर देशकै छवी धुमिल बनाएका छन्,’ उनले भनिन् । उनले दुवै माथि कडा कारवाही गरिने बताइन् ।
इन्डियन एक्सप्रेसका अनुसार उनीहरु पक्राउ नपरे पनि उनीहरुको घटुवा वा बढुवा रोक्का हुन सक्ने बताएका छन् ।

के थियो मामिला ?

दिनेश राठौर र तार्केश्वेरी राठौर दम्पत्तीले २३ मेमा सगरमाथा आरोहण गरेको दाबी गरेको थियो । तर केही सगरमाथा आरोहीहरुले उनीहरुको दाबी झुठो रहेको भन्दै उनीहरु सगरमाथाको चुचुरोमा नपुगेको आरोप लगाएका थिए । राठौर जोडीले सगरमाथाको टुप्पोमा खिचेको भनिएको तस्विर फोटोसपबाट बनाइएको उनीहरुको दाबी थियो ।

यता तार्केश्वरीले आफ्ना श्रीमान्सँग सगरमाथाको चुचुरोमै पुगेको बताएकी थिइन् । २३ मेमा सगरमाथा आरोण गरे पनि राठौरले जून ५ मा पत्रकार सम्मेलन गर्दै सगरमाथा पुग्ने सपना साकार भएको बताएका थिए ।

तर, पुणेका एक आरोही सुरेन्द्र सिल्केले उनीहरुको दाबीमाथि प्रश्न उठाए । उनी उनीहरुले सगरमाथा चढेको मान्न तयार थिएनन् । सुरेन्द्र पनि यस सिजनमा सगरमाथा आरोहण गर्नका लागि आएको भारतीय टोलीका एक सदस्य थिए । उनका अनुसार यो जोडीले आधार शिविरमा खिचेको तस्विरमा छुट्टै कपडा तथा चुचुरोमा खिचेको तस्विरमा छुट्टै कपडा लगाएका थिए ।

Read more ...

भूकम्पपछि चेलिबेटी बेचबिखन बढ्यो, भारतमा दुई लाख नेपाली महिला यौन व्यवसायमा संलग्न

 काठमाडौँ । विसं २०७२ वैशाखको भूकम्पपछि मानव बेचबिखन बढेको एक संस्थाको अध्ययनले देखाएको छ ।चेलिबेटी बेचबिखनविरुद्धको राष्ट्रिय सञ्जाल (एनएनएजिटी)का अनुसार भारतमा मात्र बर्सेनि १३ हजारभन्दा बढी महिला तथा बालबालिकाको बेचबिखन हुने गरेको छ ।

अहिले भारतमा कम्तीमा पनि दुई लाख नेपाली महिला तथा बालिका यौन व्यवसायमा संलग्न रहेको बताइएको छ ।

एनएनएजिटीका अध्यक्ष भारती सिलवाल गिरीले नयाँ दिल्ली, हङकङ, तिब्बतमा धेरै चेलिबेटीको बेचबिखन हुने गरेको बताउँदै भूकम्पको समयमा नेपालमा धेरै चेलिबेटी बेचबिखन भएको उल्लेख गरिन् ।

उनले भनिन्– “भूकम्पपछि महिलालाई रोजगारीको प्रलोभनमा, सहज र राम्रो जीवनयापन हुने लोभ देखाएर बेचबिखनमा पार्ने गरेको देखियो । अहिले यौन व्यवसायका लागि मात्र नभई मानव अङ्ग तस्करीका लागि समेत महिला तथा बालबालिकाको प्रयोग गर्ने गरेको देखिन्छ ।”

खुल्ला सिमानाका कारण भारतमा महिला, बालिका बेचबिखनमा बढी पर्ने गरेपनि माइती नेपाललगायतका विभिन्न संस्थाको सक्रियतामा केही कमी आएको उनले बताइन् ।

एनएनएजिटीको सोमबार सम्पन्न दुईदिने चौथो राष्ट्रिय सम्मेलनले सरकारले मानव बेचबिखनसम्बन्धी नयाँ कानुन बनाउनुपर्ने र भएका कानुनको कार्यान्वयनलाई प्रभावकारी बनाउनुपर्ने सुझाव दिएको छ ।

यसैगरी, सम्मेलनले बेचबिखनमा परेका महिलाको उद्धार कार्यलाई प्रभावकारी बनाउनुपर्ने र पीडितलाई न्याय दिलाउनेतर्फ सरकारले छिटोभन्दा छिटो पहल गर्ने संयन्त्र गठन गर्नुपर्ने जनाएको छ ।

यस्तै, नेपालका कति महिला, बालबालिका बेचबिखनमा परेका छन् र कुन कुन मुलुकमा बढी बेचबिखनमा पर्ने गरेका छन् भन्ने यकिन तथ्याङ्क नभएकाले त्यसतर्फ सरकारको ध्यानाकर्षण गराएको छ ।

Read more ...

घर र सवारी भाडा भत्ता बढाउन सांसदको लबिङ

काठमाडौं ।  केपी ओली नेतृत्व सरकारले सांसदको घरभाडा र सवारी भाडा भत्ता बढाउने नीतिगत निर्णय गरे पनि त्यसलाई कार्यान्वयन नगरेको भन्दै सांसदले असन्तुष्टि पोखेका छन्। बजेटको निर्णयअनुसार घरभाडाबापत रकम नपाएपछि राजनीतिक दलका प्रमुख सचेतकले सभामुख ओनसरी घर्तीमगर र कानुनमन्त्री अजयशंकर नायकलाई भेटेर लबिङसमेत सुरु गरेका छन्।

मधेसी जनअधिकार फोरम लोकतान्त्रिकका प्रमुख सचेतक योगेन्द्र चौधरीले समायानुकूल घरभाडा रकम बढाउने निर्णय अघिल्लो सरकारले गरे पनि त्यसलाई कार्यान्वयन नगरिदिएपछि सभामुख र कानुनमन्त्रीसँग पुनः छलफल गर्नुपरेको बताए। ुबजेटमा पनि घर भाडा भत्ता बढाउने भनियो तर त्यो रकम सांसदले पाएनन्, त्यसलाई तत्काल कार्यान्वयन गराउन सामूहिक रूपमै सचेतकबाट सभामुख र कानुनमन्त्रीको ध्यानाकर्षण गराउने काम भएको हो,ु चौधरीले भने, ुआशा छ, त्यसको तत्काल कार्यान्वयन हुनेछ।ु संसद् भवन, बानेश्वरमा सोमबार उक्त ध्यानाकर्षणपछि त्यसबारे तत्काल प्रक्रिया थाल्ने कानुनमन्त्री नायकले प्रतिबद्धता जाहेर गरिसकेका छन्।

०५४ सालमा सांसदको तलबभत्ता १५ हजार हुँदा प्रत्येक सांसदलाई घरभाडा भनेर ६ हजार ५ सय, सवारी यातायात खर्च १ सय ५० र पत्रपत्रिका खरिद ३ सय रुपैयाँको सुविधा दिइएको थियो। २० वर्षसम्म पनि त्यसमा समायानुकूल परिवर्तन नगर्दा सांसद मर्कामा परेको भन्दै पटक–पटक ध्यानाकर्षण गराउँदै आए पनि कार्यान्वयनमा नल्याइएको चौधरीले बताए।

पटक–पटक सांसदको तलबभत्ता बढे पनि उक्त शीर्षकमा रकम नबढेपछि संसद्ले उपसमिति नै बनाएर घरभाडा समायानुकूल बनाउन सिफारिस गरेको निवर्तमान मन्त्री प्रेमबहादुर सिंह सम्झन्छन्। ुएक उपसमितिले घरभाडालगायत ०५४ सालदेखि नबढेको अन्य भत्तालाई समायानुकल बढाउन सुझाव दिएको थियो, त्यसलाई कानुन मन्त्रालय हँुदै अर्थ मन्त्रालय पनि पुर्‍याइयो तर कार्यान्वयन भएन।ु उनका अनुसार समयानुकूल घर भाडालगायत सांसदका सुविधा नबढ्दा मर्कामा पर्दै आएका छन्।

कांग्रेस सचेतक चीनकाजी श्रेष्ठ, एमालेलगायत सबैजसो दलका सचेतकले सिफारिस गरेको प्रतिवेदनमा तलब अनुपातअनुसार घर भाडा भत्ता दिनुपर्ने उल्लेख छ। समितिका अनुसार प्रत्येक सांसदको घरभाडा हालको तलबभत्ताको अनुपातअनुसार कम्तीमा पनि २३ हजार ५ सय तथा सवारी साधान खर्च ९ट्याक्सी भाडा० कम्तीमा पनि १ हजार रुपैयाँ बनाउनुपर्ने प्रतिवेदनमा उल्लेख छ।

सोहीअनुसार नयाँ आर्थिक वर्षको पहिलो महिना अर्थात साउनको तलबभत्तामा समावेश भएर नआएपछि सांसदले कानुनमन्त्री नायकलाई समेत अलग्गै भेटेको सांसद रश्मी ठाकुरले बताइन्। ुअहिले ६ हजार ५ सय प्रत्येक सांसदलाई घरभाडा भनेर दिइँदै आएको छ । 

Read more ...

About

सत्य तथ्य समाचार,मनोरञ्जनात्मक खबरका साथै विश्वमा के घटना घटिरहेको छ संसारलाई एकै पटक र एकै ठाउँबाट हेर्नलाई नयाँ खबरमा प्रकाशित समाचार र विभिन्न भिडियोहरु हेर्नुहोस ।

Like Us